WAHYU 6

1Sasudah tu, ambo maliyek Anak Domba tu mamacahi sege nan partamu, di antaro katujuah sege tu. Sudah tu, ambo mandanga, salah ci-yek di antaro ka-ampek mukaluak tu bakato, ”Molah!” Bunyi suwaronyo tu nan bak bunyi guruah. 2Mako, am-bo maliyek, sudah tu, nampak sikua kudo putiah. Urang nan maracaknyo mamacikkan sabuwah pilatiang pa-nah, nan kabake inyo dibarikan sabu-wah mangkuto. Inyo kaluwa sabagai urang nan manang, nan payi mara-buik kamanangan. 3Kamudian, Anak Domba tu ma-macahi sege nan kaduwo, sarato am-bo mandanga mukaluak nan kaduwo bakato, ”Molah!” 4Sudah tu, kaluwa pulo sikua kudo nan lain. Kudo tu si-rah bulunyo. Urang nan maracaknyo dibari kuwaso, untuak ma-ilang la-nyokkan ka-adaan damai dari muko bumi, supayo manusia bunuah mam-bunuah. Mako, inyo dibari sabilah pa-dang nan gadang. 5Sudah tu, Anak Domba tu mama-cahi sege nan katigo. Nan ambo man-danga mukaluak nan katigo bakato, ”Molah!” Ambo maliyek, mako nam-paklah sikua kudo itam. Urang nan maracaknyo mamacikkan sabuwah timbangan di tangannyo. 6Nan ambo mandanga sasuatu, nan tadanganyo bakcando suwaro nan ba-imbau da-ri tangah-tangah ka-ampek mukaluak tu. Suwaro tu bakato, ”Saliter gandun nan rancak, sa-arago upah karajo sa-ari, sarato tigo liter gandun corak nan lain, sa-arago upah karajo sa-ari pu-lo. Tapi, janlah dirusakkan batang-ba-tang zaitun, sarato jo parak anggur!” 7Kamudian, Anak Domba tu mama-cahi sege nan ka-ampek. Ambo man-danga mukaluak nan ka-ampek baka-to, ”Molah!” 8Ambo maliyek, sudah tu, nampak sikua kudo nan bulunyo kulabu kuniang. Urang nan mara-caknyo banamo si Mauik. Dari bala-kang, inyo di-iriangkan dakek-dakek dek Alam Mauik. Kakuwasoan tara-dok saparampek bumi ko, disarahkan kabake inyo tu, supayo inyo tu da-pek mambunuah malalui paparang-an, malalui maso musin lapa, malalui bala panyakik, sarato malalui sagalo binatang buweh. 9Sasudah tu, Anak Domba tu mama-cahi sege nan kalimo. Mako, ambo ma-liyek di bawah mezbah, ado jiwa-jiwa urang-urang nan mati dibunuah, dek ka-rano inyo tu bi tuluih mambaritokan pa-san nan dari Allah, malalui pangakuan inyo tu. 10Inyo tu bi mamakiak jo suwa-ro nan kuwaik, ”Oih Tuhan Nan Mahaku-waso, nan suci sarato nan bana! Ka bara lamo lai, baru ka Angkau adieli pandu-duak bumi, sarato pabilo ka Angkau ukun urang-urang tu, dek karano inyo tu lah bi mambunuah kami?” 11Satiyok-tiyok inyo tu dibari sa-alai jubah nan putiah. Sudah tu, inyo tu disuruah balapeh panek agak sabanta, sampai lah langkok bilang-an kanti-kanti sapajuwangan jo inyo tu, sarato jo sudaro-sudaro inyo tu, nan ka di-bunuah bakcando inyo tu pulo. 12Sudah tu, ambo maliyek Anak Dom-ba tu mamacahi sege nan ka-anam. Mako tajadilah gampo nan manakuikkan. Mato-ari manjadi itam bakcando kain itam nan kasa, nan bulan manjadi sirah bakcando darah. 13Nan bintang-bintang bi jatuah dari langik ka bumi, nan bak ibaraik bu-wah puraweh mudo, nan bi rareh dari ba-tangnyo, pado wakatu di-oyak dek angin limbubu. 14Langik ma-ilang nan ibaraik karateh diguluang, baitu pulo kasadonyo gunuang, sarato jo pulau, bi barinsuik dari tampaiknyo. 15Sudah tu, rajo-rajo di du-nia, sarato jo sagalo pamimpin, sarato jo sagalo palimo saradadu, sarato jo urang-urang nan kayo, sarato jo urang-urang nan bakuwaso, sarato jo urang-urang nan lain-nyo, biya budak atau pun urang nan ma-radeka, kasadonyo ka bi ma-andok ma-suak guwo-guwo, sarato di salo-salo batu gunuang. 16Kabake gunuang-gunuang, sarato kabake batu-batu karang tu, inyo tu bi mamakiak, ”Bi runtuahlah manimpo kami! Sawok-ilah kami dari pandangan Baliau nan duduak di ateh kurisi, sarato dari bangih Anak Domba tu! 17Dek kara-no, ari nan manakuikkan lah tibo, kiniko Allah sarato jo Anak Domba, malapehkan bangih-Nyo, mako, indak surang pun ju-wo doh nan ka talok batahan di adok-an Baliau-Baliau tu!”

will be added

X\