WAHYU 5

1Kamudian, ambo maliyek sabuwah guluangan kitauk di tangan Baliau nan duduak di kurisi tu. Kitauk tu panuah jo tulisan di baliak batim-banyo, sarato bapatikan jo tujuah bu-wah sege. 2Sudah tu, ambo maliyek surang malekaik nan gagah, nan ba-kato jo suwaro nan kuwaik, ”Siya nan patuik mambukak sege-sege ko, sara-to mambukak kitauk ko?” 3Tapi, bi-ya di sarugo, atau pun di bumi, atau di bawah bumi pun, indak ado surang pun juwo doh urang nan bisa mambu-kak kitauk tu, sarato maliyek ka da-lamnyo. 4Mako, ambo manangih ta-sadu-sadu, dek karano, indak surang pun juwo doh nan patuik mambukak kitauk tu, sarato maliyek ka dalam-nyo. 5Sudah tu, salah surang di an-taro pamimpin-pamimpin tu, bakato kabake ambo, ”Jan manangih! Liyek-lah! Singo dari suku banso Yehuda, katurunan Daud nan mulie, lah ma-nang. Baliau nan bisa mambukak tujuah buwah sege, sarato nan bisa mambukak kitauk tu.” 6Kamudian, ambo maliyek sikua Anak Domba, tagak di tangah-tangah kurisi tu, di kuliliangi dek ka-ampek mukaluak, sarato dek kasado-nyo pamimpin tu. Anak Domba tu, kaliyatannyo bakcando lah sudah ba-dabiah. Inyo mampunyoi tujuah tan-duak, sarato jo tujuah mato: iyolah, tujuah Roh nan dari Allah, nan lah di-utuih ka kaciyek-annyo dunia ko. 7Kamudian, Anak Domba tu bajalan ka muko, untuak ma-ambiak guluang-an kitauk, dari tangan suwok Baliau nan duduak di ateh kurisi. 8Saman-taro Anak Domba tu ma-ambiak gu-luangan kitauk tu, mako, bi tasung-kualah ka-ampek mukaluak, sarato jo kaduwo puluah ampek pamim-pin tu di adok-an Baliau. Satiyok-ti-yok inyo tu, bi mamacikkan kucapi, sarato jo mangkuak ameh nan barisi kumayan, iyolah, dowa-dowa umaik Allah. 9Inyo tu bi mandendangkan sa-buwah lagu nan baru: ”Angkau patuik maambiak kitauk tu, sarato patuik mamacahi sege-segenyo. Dek karano, Angkau lah dibunuah, sarato jo kamatian Angkau tu, manusia dari sagalo suku, dari sagalo bahaso, dari sagalo karajaan, sarato dari sagalo banso, lah Angkau bali untuak Allah. 10Angkau lah manjadikan inyo tu suatu banso nan sangajo untuak imam-imam, supayo inyo tu bi malayani Allah kito, sarato bi mamarentah di muko bumi.” 11Kamudian, ambo maliyek pulo baliak, sarato mandanga suwaro ma-lekaik nan baribu-ribu, sarato nan ba-juta-juta banyaknyo. Inyo tu bi tagak manguliliangi kurisi, sarato jo ka-ampek mukaluak, sarato jo pamimpin-pamimpin tu. 12Nan inyo tu bi baden-dang jo suwaro nan kuwaik, ”Anak Domba nan lah didabiah tu, patuik untuak manarimo kuwaso, sarato jo kakayoan, sarato jo kabijaksanoan, sarato jo kakuatan; Baliau patuik di-aromaik-i, dibasakan, sarato jo dipuji-puji!” 13Sudah tu, ambo mandanga sagalo mukaluak nan di langik, nan di bumi, nan di bawah bumi, sarato jo nan di dalam lauik ---- singkek curito, kasado-nyo umaik mukaluak nan di sakalian alam nangko ---- bi mandendangkan, ”Baliau nan duduak di ateh kurisi, sarato jo Anak Domba tu, adolah nan tapuji, sarato nan ta-aromaik, sarato nan basa, sarato nan bakuwaso untuak salamo-lamonyo ! ” 14Mako, ka-ampek mukaluak tu bi manjawauk, ”Amin!” Nan pamimpin-pamimpin tu pun bi tasungkua, sarato bi manyambah.

will be added

X\