WAHYU 4

1Sasudah tu, ambo mandapek pangliyatan pulo baliak. Ambo maliyek sabuwah pintu tabukak di sarugo. Kamudian, tadanga pulo ba-liak suwaro, nan pado mulonyo lah mangecek kabake ambo bakcando bu-nyi tarumpik. Suwaro tu bakato, ”Ka-marilah, nayiak lah ka siko. Ambo ka manunjuakkan kabake angkau apo nan ka tajadi isuak.” 2Lansuang am-bo dikuwasoi dek Roh Allah. Sudah tu, ambo maliyek ado sabuwah ku-risi di sarugo, sarato ado Baliau nan duduak di kurisi tu. 3Muko Baliau tu bacahayo, bakcando paramato baidu-ri pandan, sarato jo paramato dalimo. Ado mangindo nan bacolok rono zam-rud, nan malingka di kurisi tu. 4Dalam bantuak lingkaran, di sa-kuliliang kurisi tu, ado pulo duwo puluah ampek buwah kurisi nan la-in. Di sinan tu, duduak duwo puluah ampek urang pamimpin nan bapa-kaian putiah, sarato mamakai mang-kuto nan dari ameh. 5Dari kurisi tu, tapanca cahayo kilek, sarato kaluwa bunyi guruah nan manggaga. Nan di adok-an kurisi tu, ado tujuah buwah suluah nan banyalo; itulah katujuah Roh Allah. 6Ado pulo di adok-an ku-risi tu, sasuatu nan kaliyatannyo bak-cando lauiktan camin, janiah nan sa-janiah-janiahnyo. Di sakuliliang kurisi tu, di satiyok sampiangnyo, ado ampek mukaluak, nan bagian ka muko, sarato jo nan bagian ka balakangnyo, panuah jo mato. 7Mukaluak nan partamu, kali-yatan bakcando singo. Nan kaduwo, bakcando jawi jantan. Nan katigo, mampunyoi muko bakcando muko manusia. Nan ka-ampek, kaliyatan bakcando buruang garudo nan sadang tabang. 8Ka-ampek mukaluak tu, sati-yok-tiyok inyo, mampunyoi anam bu-wah sayok, nan di sakuliliangnyo, sa-rato jo nan di sabalah ka dalamnyo, panuah jo mato. Siang malam, muka-luak-mukaluak tu, indak anti-antinyo mandendangkan pujian, ”Suci, suci, sucilah Tuhan, Allah Nan Mahakuwaso; nan ado, nan lah ado, sarato nan ado salamo-lamonyo.” 9Ka-ampek mukaluak tu, bi man-dendangkan lagu-lagu pujian, sara-to jo aromaik, sarato jo syukur, ka-bake Baliau nan duduak di kurisi tu, iyolah, Baliau nan iduik untuak sala-mo-lamonyo. Nan pado wakatu mu-kaluak-mukaluak tu bi badendang, 10mako, kaduwo puluah ampek pamimpin tu, bi tasungkua di adok-an Baliau nan duduak di kurisi tu, sara-to bi manyambah Baliau nan iduik salamo-lamonyo. Kamudian, inyo tu bi mambaekan mangkuto inyo tu ka adok-an kurisi tu, sarato bi bakato, 11”Oih Tuhan, oih Allah kami! Angkau sajolah nan patuik manarimo pujian, sarato jo aromaik, sarato jo kuwaso. Dek karano, Angkau-lah nan manjadikan sagalo sasuatu, sarato dek kahandak Angkau pulo, sagalo sasuatu tu lah bi ado, sarato lah dijadikan.”

will be added

X\