WAHYU 3

1”Kabake malekaik jamaat di Sardis, tulihkanlah nan bakcando iko: Ikolah pasan dari Baliau nan mampunyoi katujuah Roh nan dari Allah, sarato jo katujuah bintang tu. Ambo tawu, apo nan angkau pabu-wek. Angkau dikatokan iduik, pado-hal angkau mati! 2Dek karano itu, ja-golah, sarato pakuwaiklah, apo nan layi ado juwo lai di angkau, sabalun itu mati kasadonyo. Dek karano Am-bo dapati, baraso apo nan angkau pa-buwek, alun ciyek juwo lai nan sam-parono di adok-an Allah. 3Dek karano itu, kana-ilah baliak, apo nan lah di-ajakan kabake angkau dulu, sarato apo nan lah angkau danga. Jalankan-lah itu, sarato bi batobaiklah dari sa-galo doso angkau. Jikok angkau indak jago, Ambo ka datang kabake angkau, ibaraik urang maliang datang; nan angkau indak ka bi tawu doh, pabilo wakatunyo Ambo ka datang. 4Tapi, di antaro angkau nan di Sardis, layi ado juwo lai urang nan bi manjago, supa-yo pakaian inyo tatauk barasiah. Inyo tu ka bajalan samo-samo jo Ambo, jo mamakai pakaian putiah, dek kara-no, inyo tu patuik untuak itu. 5Kaba-ke urang-urang nan manang, ka dikanakkan jubah nan putiah. Namo inyo tu, indak ka Ambo apuih doh dari Ki-tauk Kahidupan. Di adok-an Bapak Ambo, sarato jo malekaik-malekaik Baliau, Ambo ka mangaku, baraso urang-urang tu adolah miliak Ambo. 6Siya nan layi dapek mandanga, an-daklah bi mamparatikan, apo nan di-katokan dek Roh Allah kabake jama-at-jamaat!” 7”Kabake malekaik jamaat di Fi-ladelfia, tulihkanlah nan bakcando iko: Ikolah pasan dari Baliau nan suci, sarato nan bana. Baliau-lah nan ma-macik kunci nan dimiliak-i dek Daud; jikok Baliau nan mambukak, indak surang pun juwo doh nan ka dapek manutuiknyo, sarato jikok Baliau nan manutuik, indak surang pun ju-wo doh nan ka dapek mambukaknyo. 8Ambo tawu, apo nan angkau pabu-wek. Ambo tawu, baraso angkau in-dak sabarapo kuwaik; angkau lah bi ma-ikuik-i ajaran Ambo, sarato indak barubah ati kabake Ambo. Untuak angkau lah Ambo bukakkan sabuwah pintu, nan indak dapek disawok dek siapo pun juwo. 9Liyeklah: Urang-urang nan manjadi umaik Ubilih tu, adolah urang-urang panduto, nan ma-ngaku dirinyo Yahudi, padohal indak, nan inyo tu ka Ambo buwek supayo bi datang sujuik di adok-an angkau. Nan inyo tu ka bi tawu, baraso Am-bo mangasiahi angkau. 10Dek kara-no angkau lah bi ma-ikuik-i parentah Ambo, supayo basitakun, mako, Am-bo pun ka malinduangi angkau dari maso-maso nan sulik, nan ka manim-po dunia ko kaciyek-annyo. Maso nan sulik tu ka tajadi, untuak ka pancu-bo-i kasadonyo umaik mukaluak nan di muko bumi. 11Ambo ka sacapek-nyo datang! Jago-ilah elok-elok apo nan lah angkau miliak-i, supayo jan ado surang pun juwo, nan ka marang-guikkan adiyah kamanangan angkau. 12Urang nan manang, ka Ambo jadi-kan sabagai tunggak di dalam Baithul-mukadis Allah Ambo, nan inyo ka ma-natauk di sinan tu salamo-lamonyo. Namo Allah Ambo, sarato jo namo kota Allah Ambo-- iyolah Yerusalem baru, nan ka turun dari sarugo, dari Allah Ambo-- ka Ambo surekkan di diri urang tu. Baitu pulo, namo Am-bo nan baru, ka Ambo surekkan pu-lo di diri inyo. 13Siya nan layi dapek mandanga, andaklah mamparatikan, apo nan di-katokan dek Roh Allah kabake jama-at-jamaat!” 14”Kabake malekaik jamaat di Lao-dikia, tulihkanlah nan bakcando iko: Ikolah pasan dari Baliau Nan Banamo Amin, Sasi nan indak baru-bah ati, sarato nan bana, tampaik asa sagalo sasuatu nan dijadikan dek Allah. 15Ambo tawu, apo nan angkau pabuwek; Ambo tawu, angkau indak dingin, sarato indak pulo angek. Ba-ralah ka eloknyo, jikok angkau saba-na dingin, atau sabana angek! 16Tapi, nan angkau angek-angek kuku; angek indak, dingin pun indak. Itu sabauk-nyo, mangko angkau ka Ambo mutah-kan kaluwa dari dalam muluik Ambo. 17Angkau bi bakato, ’Kami bi kayo, sarato bakacukuik-an; kami indak ka-kurangan sabuwah alah juwo.’ Tapi, nan angkau indak bi tawu, baralah ka mularaik angkau, sarato baralah ka manyadiahkannyo ka-adaan angkau! Angkau bansaik, buto, sarato batilan-jang. 18Dek karano itu, Ambo manasi-yaik-i angkau, supayo angkau bi mam-bali ameh dari Ambo, iyolah ameh nan tulen, supayo angkau bi manjadi kayo. Bali pulolah pakaian putiah dari Ambo, supayo angkau bapakaian, sarato untuak panyawok-i ka-adaan angkau nan batilanjang, sarato nan mamalu-kan. Sarato bali pulolah ubek, untuak nan ka dibaruikkan di mato angkau, supayo mato angkau dapek maliyek. 19Urang-urang nan Ambo kasiahi, inyo tu lah nan ka Ambo paringekkan, sarato nan ka Ambo cambuik. Dek ka-rano itu, andaklah angkau bi basuma-ngaik, sarato bi batobaiklah dari sa-galo doso angkau. 20Liyeklah! Ambo tagak di muko pintu sambia manokok. Jikok ado urang nan mandanga suwa-ro Ambo, sarato nan mambukakkan pintu, nan Ambo ka masuak manamu-inyo; nan Ambo ka makan samo-samo jo inyo, nan inyo makan samo-samo jo Ambo. 21Urang-urang nan manang, ka Ambo duduakkan di kurisi Ambo, samo-samo jo Ambo, samo jo bakcan-do Ambo sandiri pun lah manang, nan kiniko Ambo lah duduak samo-samo jo Bapak Ambo, di kurisi Baliau. 22Siya nan layi dapek mandanga, andaklah bi mamparatikan, apo nan dikatokan dek Roh Allah kabake ja-maat-jamaat!”

will be added

X\