WAHYU 22

1Malekaik tu manunjuakkan pulo kabake ambo, batang ayie nan ayienyo mambari kahidu-pan. Batang ayie tu janiah bakilok-an, janiah nan sajaniah-janiahnyo, nan ma-ilie dari kurisi Allah, sarato dari kurisi Anak Domba. 2Di tangah-tangah jalan di kota tu, iyolah, di subalah-manyubalah batang ayie tu, ado batang-batang kayu kahidupan, nan babuwah duwo baleh kali dalam satawun, iyolah sakali sabulan. Daun-nyo dipagunokan untuak mancegakkan sagalo banso. 3Di dalam kota tu, indak ado ciyek juwo doh sasuatu nan kanai kutuak Allah. Kurisi Allah, sarato jo kurisi Anak Domba, ka talatak di dalam kota tu. Pisuruah-pisuruah Baliau ka ba-iba-daik kabake Baliau, 4sarato ka bi maliyek roman muko Baliau. Namo Baliau, ka ditulihkan di kaniang pisu-ruah-pisuruah Baliau tu. 5Inyo tu in-dak lai ka mamaralukan lampu, atau cahayo matoari, dek karano, ari nan malam indak ka ado lai, sarato Tuhan Allah sandiri, nan ka manarangi inyo tu. Mako, inyo tu ka bi mamarentah sabagai rajo, untuak salamo-lamo-nyo. 6Sudah tu, malekaik tu bakato ka-bake ambo, ”Sagalo kato-kato ko ba-na, sarato dapek dipicayo-i. Tuhan Allah nan mambarikan Roh-Nyo ka-bake nabi-nabi, nan lah ma-utuih ma-lekaik-Nyo, untuak ma-agiah tawu ka-bake pisuruah-pisuruah-Nyo, apo nan musti sacapeknyo ka tajadi.” 7Isa Almasih bakato, ”Paratikan-lah ko! Ambo ka datang sacapeknyo. Basukocitolah urang nan layi mama-tuahi kato-kato nubuwaik dalam ki-tauk ko!” 8Ambo, Yahya, lah mandanga, sa-rato lah maliyek kasadonyo tu. Sa-sudah ambo salasai mandanga, sara-to jo maliyeknyo, ambo tasungkua di adok-an malekaik, nan lah manun-juakkan kasadonyo tu kabake ambo, nan ambo bamukasuik nak ka ma-nyambah inyo, 9tapi, inyo bakato ka-bake ambo, ”Jan! Jan disambah pulo ambo! Sambahlah Allah! Dek kara-no, ambo ko hanyo pisuruah, samo jo angkau, sarato samo jo bakcando sudaro-sudaro angkau nan nabi-nabi, sarato jo kasadonyo urang nan layi mamatuahi, sagalo pasan-pasan nan di dalam kitauk ko!” 10Sudah tu, inyo bakato pulo, ”Janlah dirasiyokan, sa-galo kato-kato nubuwaik nan di da-lam kitauk ko, dek karano, lah dakek wakatunyo, kasadonyo tu ka tajadi. 11Urang nan jahek, biyalah taruih ba-buwek jahek; urang nan najih, biya-lah taruih manajihkan dirinyo; urang nan layi ma-ikuik-i ka-inginan Allah, biyalah taruih ma-ikuik-i ka-inginan Allah, baitu pulo, urang nan iduik sa-ngajo untuak Allah, biyalah inyo ta-ruih iduik sangajo untuak Allah.” 12Isa Almasih bakato, ”Paratikanlah ko! Indak lamo lai Ambo ka datang, sambia mambawok pahalo, untuak ka pambaleh kabake satiyok urang, sasu-wai manuruik apo nan lah inyo pabu-wek. 13Ambo-lah nan indak ba-awa, sarato nan indak ba-akie; Ambo-lah Tuhan dari sajak Samulo, sampai ka Akienyo.” 14Basukocitolah urang nan manya-sah jubahnyo sampai barasiah, sa-inggo inyo tu ba-hak, mamakan bu-wah dari batang kayu kahidupan, sarato ba-hak masuak ka dalam kota tu, malalui pintu kaporonyo. 15Tapi, urang-urang nan mampabuwek saga-lo parkaro nan buruak, nan mampa-gunokan alemu sihie, urang-urang nan mampabuwek sagalo pabuatan nan cabua, nan mambunuah urang, nan manyambah barhalo, sarato jo urang-urang nan baduto, biya jo ka-to-kato, atau pun jo pabuatan, kasa-donyo urang tu, tampaiknyo di luwa kota tu. 16”Ambo, Isa Almasih, lah mangi-rin malekaik Ambo kabake angkau, supayo inyo ma-agiah tawu sagalo parkaro ko, untuak kaparaluan ja-maat-jamaat. Ambo ko katurunan Daud; Ambo-lah Bintang Nan Da-ri Ujuang, nan tarang tu.” 17Roh Allah, sarato jo Anak Daro bi bakato, ”Molah!” Satiyok urang nan mandanga ko, musti pulo baka-to, ”Molah!” Siya nan auih, andak-lah inyo datang! Sarato siya nan ma-inginkan, andaklah inyo ma-ambiak ayie nan mambari kahidupan tu, jo sacaro nan indak mambayie. 18Kabake satiyok urang nan man-danga, kato-kato nubuwaik di da-lam kitauk ko, ambo, Yahya, mam-paringekkan bakcando iko: jikok ado urang nan manukuak manambahkan sasuatu, di kato-kato nubuwaik ko, mako, Allah ka manambahkan ukun-an urang tu, jo sagalo bala bancano nan lah tatulih di dalam kitauk ko. 19Nan jikok ado urang nan mangu-rangi sasuatu, dari kato-kato nubu-waik ko, mako, Allah ka mangurangi pulo, bagian inyo nan lah tatulih di dalam kitauk ko --- iyolah, bagian dari batang kayu kahidupan, sarato jo ba-gian dari kota nan suci tu. 20Baliau nan manyampaikan ka-sadonyo barito ko, bakato, ”Ba-tua, Ambo ka datang sacapeknyo!” Amin! Oih Tuhan Isa Almasih, datang-lah! 21Mudah-mudahan, Tuhan Isa Alma-sih mambarikan barakaik Baliau, kaba-ke sadonyo umaik Allah!

will be added

X\