WAHYU 21

1Sudah tu, ambo maliyek la-ngik nan baru, sarato jo bu-mi nan baru. Langik nan partamu, sa-rato jo bumi nan partamu, lah ilang, nan lauik pun lah ilang-lanyok. 2Ma-ko, ambo maliyek kota nan suci tu, iyolah Yerusalem nan baru, nan turun dari sarugo dari Allah. Kota tu lah di-pasiyaukkan, ibaraik surang anak da-ro nan lah diparancak, untuak ka ma-namui marapulai. 3Sudah tu, ambo mandanga suwaro dari kurisi tu, nan bakato jo suwaro nan kuwaik, ”Kini-ko, tampaik tingga Allah adolah sa-mo-samo jo manusia! Baliau ka iduik samo jo manusia, nan manusia tu ka manjadi umaik Baliau. Allah sandi-ri ka barado samo jo inyo tu, sarato manjadi Allah inyo tu. 4Nan Baliau ka ma-apuih sagalo ayie mato, dari mato inyo tu. Nan mauik indak ka ado lai; kasadiahan, ratok jo tangih, atau sa-kik panyakik, indak ka ado pulo lai. Sagalo parkaro nan lamo lah ilang-lanyok.” 5Sudah tu, Baliau nan duduak di ateh kurisi tu bakato, ”Kiniko Waden mambuwek sagalo sasuatu manjadi baru!” Baliau bakato pulo kabake am-bo, ”Tulihkanlah ko, dek karano, sa-galo kato-kato ko bana, sarato dapek dipicayo-i.” 6Sudah tu, Baliau baka-to, ”Lah salasai! Aden-lah nan indak ba-awa, sarato Aden-lah nan indak ba-akie; Aden-lah Tuhan, dari Sajak Samulo sampai Ka Akienyo. Satiyok urang nan auih, ka Den bari minun, jo ayie nan dari mato ayie kahidupan, jo sacaro nan indak mambayie. 7Urang-urang nan manang, ka mandapekkan kasadonyo tu, nan Waden ka manjadi Allah-nyo, nan inyo ka manjadi anak-Den. 8Tapi, urang nan pangacuik, nan pangkiyanaik, nan jahek, nan pambu-nuah, nan cabua, nan tukang-tukang sihie, nan panyambah barhalo, sara-to kasadonyo nan panduto, ka di-am-buangkan masuak lauiktan api nan babalerang, nan banyalo-nyalo, iko-lah kamatian nan kaduwo.” 9Surang di antaro katujuah male-kaik, nan lah sato mamacik katujuah cawan, nan panuah jo katujuah bala bancano nan tarakir tu, datang kaba-ke ambo, sarato jo bakato, ”Kamari-lah! Ambo ka manunjuakkan kaba-ke angkau, Anak Daro, iyolah Anak Daro, dari Marapulai Anak Domba.” 10Mako, Roh Allah manguwasoi am-bo, nan malekaik tu mambawok ambo ka puncak gunuang nan sangaik teng-gi. Inyo manunjuakkan kabake ambo Yerusalem, kota nan suci tu, kota tu turun dari sarugo, dari Allah, 11jo su-marak sarato jo kabasaran Allah. Ko-ta tu bakilauan bakcando batu par-mato, bakcando batu baiduri pandan nan janiah, bakcando kristal. 12Din-diang tembok nan di sakuliliangnyo tenggi gadang, sarato ado duwo baleh buwah pintu kaporonyo, sarato dija-go dek duwo baleh urang malekaik. Di satiyok pintu kaporonyo, tatulih namo-namo kaduwo baleh suku ban-so Israel. 13Ka satiyok arah, ma-adok tigo buwah pintu kaporo, tigo ma-adok arah nan ka Ujuang, tigo ma-adok arah nan ka Baruah, tigo ma-adok arah nan ka Ateh, tigo ma-adok arah nan ka Puhun. 14Dindiang tem-bok kota tu, dibangun di ateh duwo baleh buwah batu sandi. Di batu-batu sandi tu, tatulih namo kaduwo baleh urang rasul Anak Domba tu. 15Malekaik nan mangecek jo ambo tu, mampunyoi tungkek pa-ukua nan dari ameh, untuak ma-ukua kota tu, sarato jo pintu-pintu kaporonyo, sara-to jo dindiang temboknyo. 16Kota tu bantuaknyo basagi ampek --- panjang-nyo samo jo lebanyo. Mako, malekaik tu ma-ukua kota tu, jo tungkek pa-ukuanyo; tanyato panjangnyo 2400 kilo; lebanyo sarato jo tengginyo, sa-mo jo bakcando panjangnyo. 17Ku-tiko malekaik tu ma-ukua dindiang temboknyo, tanyato tenggi dindiang tembok tu, saratuih ampek puluah ampek eto. Ukuaran nan dipakai dek malekaik tu, adolah ukuaran nan di-pakai dek manusia. 18Dindiang tem-bok kota tu, dibuwek dari batu bai-duri pandan, sadangkan nan kotanyo sandiri, dibuwek dari ameh tulen, ja-niah bakcando camin. 19Kasadonyo batu sandi kota tu, di-iyasi jo saga-lo rupo batu parmato. Batu sandi nan partamu, dibuwek dari batu baiduri pandan, nan kaduwo dari batu nilam, nan katigo dari batu yakut, nan ka-ampek dari batu jamrud, 20nan kali-mo, dari batu baiduri sepah, nan ka-anam dari batu dalimo, nan katujuah dari batu ratna cimpako, nan ka sala-pan dari batu piruih, nan kasambilan dari batu topas, nan ka sapuluah da-ri batu krisopras, nan kasabaleh dari batu lazuardi, nan kaduwobaleh da-ri batu kacubuang. 21Kaduwo baleh pintu kaporonyo tu, dibuwek dari du-wo baleh mutiara, satiyok pintu, di-buwek dari ciyek mutiara. Labuah di kota tu, dibuwek dari ameh tulen, ja-niah bakcando camin nan bakilek. 22Ambo indak ado doh manam-pak Baithulmukadis di dalam kota tu, dek karano, Baithulmukadis-nyo iyolah Tuhan sandiri, Allah Nan Ma-hakuwaso, sarato jo Anak Domba tu. 23Kota tu indak paralu doh ditarangi jo matoari, atau jo bulan, dek kara-no, kabasaran Allah nan manarang-inyo, nan Anak Domba tu adolah pa-litonyo. 24Sagalo banso ka bajalan di bawah tarang cahayonyo, nan ra-jo-rajo di muko bumi, ka bi mamba-wok arato-bandonyo ka dalam kota tu. 25Kasadonyo pintu kaporo kota tu, ka tabukak sapanjang ari; indak ka disawokkan doh, dek karano, di sinan tu indak ado lai ari nan malam. 26Ka-basaran, sarato jo arato-bando sagalo banso, ka dibawok ka dalam kota tu. 27Tapi, urang nan mampabuwek sa-galo parkaro nan manjajokkan, atau urang nan panduto --- singkeknyo cu-rito, apo pun nan najih, sabana indak ka dapek doh masuak ka kota tu. Nan ka masuak hanyolah, urang nan na-monyo layi tatulih di Kitauk Kahidu-pan, iyolah kitauk Anak Domba tu.

will be added

X\