WAHYU 20

1Sasudah tu, ambo maliyek su-rang malekaik turun dari sa-rugo. Di tangannyo, inyo mamacikkan kunci jurang mauik, sarato jo sabu-wah pilanggu nan gadang. 2Sudah tu, inyo manangkok nago tu, si ula tuwo, iyolah Ubilih atau Setan tu sara-to mampilanggu-inyo untuak salamo saribu tawun. 3Kamudian, malekaik tu ma-ambuangkan nago tu masuak jurang mauik, sudah tu, jurang tu di-kuncinyo, sarato jo disegenyo, supa-yo nago tu indak dapek lai mangicuah sagalo banso, sabalun abih maso nan saribu tawun tu. Sasudah tu, inyo musti dilapehkan untuak wakatu nan indak barapo lamo. 4Sudah tu, ambo maliyek babarapo buwah kurisi, sarato jo urang-urang nan bi duduak di kurisi tu, inyo tu di-bari kuwaso untuak ma-adieli. Ambo maliyek pulo, jiwa-jiwa urang-urang nan lah dipancuang kapalonyo, dek karano, inyo tu lah bi mambari pa-ngakuan tantang Isa Almasih, sara-to bi mambaritokan pasan nan dari Allah. Urang-urang tu indak sato doh manyambah binatang, atau pun pa-tuangnyo. Inyo tu pun indak panah doh manarimo tando binatang tu di kaniangnyo, atau pun di tangannyo. Mako, inyo tu bi iduik baliak, sarato mamarentah sabagai rajo, samo-samo jo Isa Almasih salamo saribu tawun. 5Ikolah bagian nan partamu, urang-urang nan mati di-iduikkan baliak. (Tapi, urang-urang mati nan lainnyo, indak di-iduikkan doh baliak, salamo maso nan saribu tawun tu.) 6Basuko-citolah urang-urang nan lai sato di iduikkan baliak, di bagian nan parta-mu tu. Inyo tu patuik manjadi miliak Allah. Kamatian di bagian nan kadu-wo, indak bakuwaso doh taradok inyo tu. Inyo tu ka bi manjadi imam-imam nan malayani Allah, sarato imam-imam nan malayani Isa Almasih; nan inyo tu ka bi mamarentah samo-samo jo Baliau, salamo saribu tawun. 7Sasudah abih maso nan saribu tawun tu, mako, Ubilih ka dilapeh-kan dari kuruangannyo, 8nan inyo ka payi mangicuahi sagalo banso di ka-ampek pinjuru bumi, iyolah Gog, sarato jo Magog. Ubilih mangumpua-kan banso-banso tu untuak ka bapa-rang, suatu bilangan nan indak ka ta-etong, ibaraik sabanyak kasiak di lauik. 9Mako, inyo tu pun ka bi base-rak di kaciyek-annyo muko bumi, su-dah tu, inyo tu ka mangapuang pa-kemahan umaik Allah, sarato jo kota nan dikasiahi dek Allah. Tapi, api tu-run dari langik, sarato mambinasokan inyo tu. 10Kamudian Ubilih nan ma-ngicuahi inyo tu, dibaekan masuak la-uiktan api nan babalerang. Di sinan tu lah tampaiknyo binatang, nan na-bi palasu tu dibuwang talabiah dulu. Inyo tu ka bi di-ajauk siang jo malam, untuak salamo-lamonyo. 11Sasudah tu, ambo maliyek sabu-wah kurisi putiah nan gadang, sarato jo Baliau nan duduak di atehnyo. La-ngik jo bumi ilang-lanyok dari adok-an Baliau, sainggo indak kaliyatan lai. 12Nan ambo maliyek urang-urang mati, gadang ketek, bi tagak di adok-an kurisi tu. Mako, dibukaklah saga-lo kitauk-kitauk. Sudah tu, sabuwah kitauk nan lain dibukak pulo, iyolah Kitauk Kahidupan. Kamudian, ukunan dijatuahkan taradok urang mati, sabandiang jo pabuatan inyo tu, ma-nuruik nan tacataik di dalam kitauk-kitauk tu. 13Sudah tu, lauik manyarahkan urang-urang mati, nan ado di dalam-nyo. Mauik, sarato jo Alam Mauik pun, manyarahkan urang-urang mati nan ado dek inyo. Kasadonyo urang-urang mati tu, dijatuahi ukunan nan sabandiang jo pabuatan inyo tu. 14Kamudian, Mauik sarato jo Alam Mauik, dibaekan masuak lauiktan api. (Lauiktan api ko, adolah kama-tian bagian nan kaduwo.) 15Urang-urang nan indak tatulih namonyo di Kitauk Kahidupan, dibuwang masuak lauiktan api.

will be added

X\