WAHYU 2

1”Kabake malekaik jamaat di Efesus, tulihkanlah bakcando iko: Ikolah pasan dari Baliau, nan ma-macik katujuah bintang di tangan suwok Baliau, sarato nan bajalan di antaro katujuah rengkak lampu nan dari ameh tu. 2Ambo tawu, apo nan angkau pabuwek: Angkau bi bakarajo kareh, nan angkau bi tabah sangaik. Ambo tawu, baraso angkau indak mambari ati kabake urang nan jahek. Baitu pulo, urang-urang nan mangaku dirinyo rasul, padohal indak, lah angkau uji, sa-rato kadapatan dek angkau, bara-so inyo tu panduto. 3Angkau bi sa-ba, nan angkau lah bi sansaro dek karano di Ambo, nan angkau indak putuih aso. 4Tapi, ikolah nan indak katuju dek Ambo tantang parkaro angkau: Angkau indak lai manga-siahi Ambo bakcando nan samulo. 5Dek karano itu, kana-ilah, baralah ka dalamnyo tampaik angkau jatuah! Batobaiklah dari doso-doso angkau, sarato pabuweklah apo nan angkau pabuwek nan bak samulo. Jikok in-dak, mako, Ambo ka datang kabake angkau, sarato ka ma-ambiak reng-kak lampu angkau tu dari tampaik-nyo. 6Tapi, ado sasuatu nan elok di angkau, iyolah: Angkau mamban-ci-i apo nan dipabuwek dek pangi-kuik-pangikuik Nikolaus, nan Ambo pun jajok pulo. 7Siya nan lai dapek mandanga, an-daklah mamparatikan, apo nan dika-tokan dek Roh Allah kabake jamaat-jamaat! Urang-urang nan manang, ka Ambo ijinkan mamakan buwah batang kayu kahidupan, nan tumbuah di Ta-man Firdaus Allah.” 8”Kabake malekaik jamaat di Smir-na, tulihkanlah bakcando iko: Iko-lah pasan dari Baliau nan indak ba-awa, sarato nan indak ba-akie nan lah mati, sarato nan lah iduik baliak. 9Ambo tawu sagalo kasusahan ang-kau; Ambo tawu angkau bansaik — tapi, nan sabananyo angkau kayo! Ambo tawu, sagalo pitanah nan ditu-duahkan taradok angkau, dek urang-urang nan mangaku dirinyo Yahudi, padohal indak; inyo tu adolah umaik Ubilih! 10Janlah takuik taradok ka-sansaroan, nan indak ka lamo lai mus-ti angkau alami. Ingek-ingeklah, Ubi-lih ka mamasuakkan sabagian dari angkau masuak pinjaro, untuak man-cubo-i angkau. Angkau ka sansaro sa-lamo sapuluah ari. Andaklah angkau indak barubah ati kabake Ambo sam-pai mati, mako, Ambo ka mambari-kan kabake angkau iduik sajati nan kaka, sabagai adiyah kamanangan. 11Siya nan lai dapek mandanga, an-daklah mamparatikan apo nan dika-tokan dek Roh Allah, kabake jama-at-jamaat! Urang-urang nan manang, indak ka manangguangkan sansaro saketek alah juwo doh, dek kamatian nan ka-duwo.” 12”Kabake malekaik jamaat di Per-gamus, tulihkanlah bakcando iko: Ikolah pasan dari Baliau nan ma-macikkan padang tajam, nan bama-to duwo. 13Ambo tawu dima angkau tingga, iyolah di tampaik Ubilih ba-kuwaso. Angkau indak barubah ati kabake Ambo. Malahan kutiko Anti-pas, sasi Ambo nan tuluih ati tu, di-bunuah di adok-an angkau di sarang Ubilih, nan angkau indak ma-engka-ri doh, baraso angkau ba-iman kaba-ke Ambo. 14Tapi, biyapun baitu, ado babarapo parkaro tantang angkau, nan indak katuju dek Ambo: Ado sa-bagian urang di antaro angkau, nan bi ma-ikuik-i apo nan di-ajakan dek Bi-leam. Bileam ma-aja Balak, baa caro manjarumuihkan umaik Israel ka da-lam doso; jo sacaro mambujuak inyo tu mamakan makanan, nan lah di-pasambahkan kabake barhalo, sara-to mangarajokan sagalo parkaro nan cabua. 15Jo caro nan baitu pulo, ado di antaro angkau, urang-urang nan bapacik kabake ajaran pangikuik-pa-ngikuik Nikolaus. 16Dek karano itu, batobaiklah dari sagalo doso angkau! Jikok indak, sabanta lai Ambo ka da-tang kabake angkau, sarato ka mama-rangi urang-urang tu, jo padang nan ado di muluik Ambo. 17Siya nan lai dapek mandanga, an-daklah mamparatikan, apo nan dika-tokan dek Roh Allah, kabake jama-at-jamaat! Urang-urang nan manang, ka Ambo ijinkan makan manna nan ta-andok, nan satiyok-tiyok inyo ka bi manari-mo dari Ambo, sabuwah batu putiah. Di batu tu, tatulih suatu namo nan baru, nan indak dikatawui dek siapo pun juwo, salain dek urang nan ma-narimonyo.” 18”Kabake malekaik jamaat di Tia-tira, tulihkanlah bakcando iko: Ikolah pasan dari Anak Allah, nan mato-Nyo manyalo-nyalo bakcando api, nan kaki-Nyo bakilek nan bak timbago dibaka. 19Ambo tawu ka-sadonyo apo nan angkau pabuwek — Ambo tawu, angkau mangasiahi sa-samo angkau, angkau indak barubah ati, angkau bakarajo, nan angkau ta-bah manangguangkan sansaro. Ambo tawu, kiniko angkau bakarajo labiah banyak daripado nan taralah. 20Ta-pi, iko nan indak katuju dek Ambo tantang parkaro angkau: Angkau ma-agiah ati kabake Izebel, padusi nan mangaku dirinyo suruahan Allah tu. Lah sambuah pisuruah-pisuruah Am-bo nan inyo kicuah, sarato inyo aja babuwek nan cabua, sarato mamakan makanan, nan lah dipasambahkan ka-bake barhalo. 21Alah Ambo barikan kabake inyo, wakatu untuak bato-baik dari doso-dosonyo, tapi, inyo in-dak niyo baranti mampabuwek saga-lo parkaro nan cabua tu. 22Liyeklah! Ambo ka ma-ampehkan inyo sampai sakik di tampaik tidua. Di sinan tu, inyo sarato jo urang-urang nan bajina jo inyo, ka bi manangguangkan san-saro nan barek sangaik. Kasadonyo tu ka Ambo ujuikkan kiniko tapi, indak doh jikok urang-urang tu layi bi baranti, mampabuwek sagalo par-karo nan jahek samo-samo jo inyo. 23Pangikuik-pangikuiknyo ka Ambo cabuik pulo angoknyo, supayo kasa-donyo jamaat bi manyadari, baraso Ambo-lah Baliau nan mangatawui, apo nan ado di ati, atau nan di pikie-ran manusia. Ambo ka mambalehkan kabake angkau surang-surang, saban-diang jo apo nan angkau pabuwek. 24Tapi, angkau nan lain-lainnyo di Tiatira, indak bi ma-ikuik-i ajaran nan jahek tu, sarato indak bi mampa-raja-i alemu-alemu Ubilih. Ambo ba-kato, baraso Ambo indak ka manam-bahkan kabake angkau, baban nan mambarekkan. 25Tapi, sampai pado wakatu Ambo datang isuak, andak-lah angkau tatauk bi ma-ikuik-i, apo nan lah angkau miliak-i. 26- 27Urang-urang nan manang, sarato nan layi ta-ruih mampabuwek nan Ambo inginkan sampai ka akienyo, ka Ambo bari kuwaso, nan samo jo bakcando kuwa-so nan Ambo tarimo dari Bapak Am-bo. Inyo tu ka bi manarimo kakuwa-soan dari Ambo, untuak mamarentahi banso-banso jo tungkek basi, sarato ka marusak binasokan banso-banso tu, bakcando mamacahi pariyuak ta-nah. 28Inyo tu ka bi manarimo Bin-tang Nan Dari Ujuang dari Ambo. 29Siya nan layi dapek mandanga, andaklah mamparatikan, apo nan di-katokan dek Roh Allah kabake jama-at-jamaat!”

will be added

X\