WAHYU 17

1Sasudah tu, salah surang da-ri katujuah malekaik nan ma-macikkan tujuah buwah cawan tu, datang kabake ambo sarato jo baka-to, ”Kamarilah, ambo ka manunjuak-kan kabake angkau, baa ukunan nan ka ditarimo, dek padusi panjuwa di-ri nan pajina tu, iyolah, kota nan ga-dang tu, nan dibangun di dakek ba-tang-batang ayie. 2Rajo-rajo di muko bumi, bi babuwek nan cabua jo inyo, baitu pulo, urang-urang nan ma-uni bumi, bi mabuak, dek karano mami-nun ayie anggur karajo cabuanyo.” 3Sudah tu, Roh Allah manguwa-soi ambo, sarato malekaik tu mam-bawok ambo ka padang gurun. Di si-nan tu ambo maliyek surang padusi, duduak di ateh sikua binatang nan bulunyo sirah tuwo, sarato nan pa-nuah batulihi jo namo-namo inoan taradok Allah. Binatang tu mampu-nyoi tujuah buwah kapalo, sarato jo sapuluah buwah tanduak. 4Padusi tu, mamakai baju nan bacolok rono kula-bu bungo taruang, sarato jo sirah tu-wo, sarato di-iyasi jo sagalo pariya-san ameh, jo sagalo parmato, sarato jo mutiara. Di tangannyo, inyo ma-macikkan sabuwah mangkuak ameh, nan panuah barisi jo sagalo parkaro nan sangaik kumuah, nan lato, asie dari karajo cabuanyo. 5Di kaniang-nyo, tatulih suatu namo nan mampu-nyoi arati nan rasiyo. Namo tu iyolah ”Babel Nan Gadang, induak dari sa-galo padusi panjuwa diri, sarato in-duak dari sagalo urang nan kurang aja di muko bumi.” 6Sudah tu, am-bo maliyek, baraso padusi tu mabuak jo darah umaik Allah, sarato jo da-rah urang-urang nan dibunuah, dek karano indak barubah ati kabake Isa Almasih. Kutiko ambo maliyek padusi tu, ambo manjadi tacangang-cangang. 7Sudah tu, malekaik tu bakato kaba-ke ambo, ”Baa mangko angkau taca-ngang-cangang? Eloklah ambo agiah tawu kabake angkau rasiyo padusi tu, sarato jo rasiyo binatang nan di-racaknyo, iyolah binatang nan mam-punyoi tujuah buwah kapalo, sarato jo sapuluah buwah tanduak. 8Bina-tang tu dulu panah iduik, tapi, kini-ko indak iduik lai. Inyo sabanta lai ka kaluwa dari jurang mauik, sarato ka payi manuju kabinasoan. Urang-urang nan iduik di muko bumi, nan namonyo indak tacataik dalam Kitauk Kahidupan, sajak dari sabalun dunia dijadikan, ka bi tacangang jikok ma-liyek binatang tu. Dek karano, bina-tang tu dulu panah iduik. Nan kiniko inyo indak iduik lai, tapi, inyo ka da-tang baliak. 9Dalam parkaro iko, paralu ado ka-bijaksanoan, sarato jo pangaratian. Tujuah buwah kapalo tu, iyolah tu-juah buwah bukik; iyolah bukik-bu-kik tampaik padusi tu duduak. Nan tujuah buwah kapalo tu pulo, adolah tujuah urang rajo: 10Limo dari rajo-rajo tu, lah bi jatuah, nan surang la-yi mamarentah juwo lai, sarato nan surang lai alun tibo. Jikok inyo tibo isuak, inyo musti mamarentah hanyo sabanta sajo. 11Sarato binatang nan dulu panah iduik, tapi, kiniko indak iduik lai, adolah rajo nan kasalapan. Inyo adolah salah surang dari katu-juah rajo tu juwo, nan kiniko sadang payi manuju kabinasoan. 12Sapuluah buwah tanduak nan angkau liyek tu, iyolah, sapuluah urang rajo nan alun muloi mamaren-tah. Tapi, inyo tu ka dibari kuwaso untuak mamarentah sabagai rajo, sa-mo-samo jo binatang tu salamo sa-jam. 13Kasapuluah urang rajo ko, kasadonyo mampunyoi tujuan nan sa-mo; inyo tu kasadonyo ka manyarah-kan kakuatan, sarato jo kakuwasoan inyo tu kabake binatang tu. 14Inyo tu ka bi baparang malawan Anak Dom-ba tu. Tapi, Anak Domba tu, sarato jo sagalo pangikuik-Nyo nan tuluih, nan lah dipanggie-Nyo, sarato nan lah dipiliah-Nyo tu, ka bi mangalah-kan rajo-rajo tu, dek karano, Baliau-lah Tuhan sagalo tuan, sarato Rajo sa-galo rajo-rajo.” 15Malekaik tu bakato pulo, ”Ayie nan angkau liyek tu, tampaik padusi panjuwa diri tu duduak, iyolah saga-lo banso, sagalo rakyaik, sagalo kara-jaan, sarato jo sagalo bahaso. 16Sa-puluah buwah tanduak nan angkau liyek, sarato jo binatang tu, ka mam-banci-i padusi panjuwa diri tu. Inyo tu ka bi marabuik sagalo sasuatu nan dimiliak-i dek padusi tu, sarato ka mambuwek padusi tu batilanjang. Inyo tu ka bi mamakan dagiang padu-si tu, sarato mambinasokannyo jo api. 17Dek karano, Allah lah manggarak-kan ati inyo tu, untuak ka manjalan-kan rancana Allah. Allah mambuwek inyo tu supakaik, untuak manyarah-kan kakuwasoan inyo tu kabake bi-natang tu, supayo binatang tu ma-marentah, sampai tajadi apo nan lah dikatokan dek Allah. 18Padusi nan angkau liyek tu, iyo-lah kota gadang, nan mamarentahi sagalo rajo di muko bumi.”

will be added

X\