WAHYU 15

1Kamudian, ambo maliyek sa-suatu nan ajaib di langik, sa-rato nan luwa biaso manakuikkan-nyo. Ado tujuah malekaik, sarato jo tujuah bala bancano nan tarakir. Iko-lah nan tarakir kalinyo Allah mala-pehkan bangih-Nyo. 2Sasudah tu, ambo maliyek sasu-atu, nan kaliyatannyo bakcando la-uiktan camin, nan bacampua jo api. Ambo maliyek pulo, urang-urang nan lah manang taradok binatang, sara-to jo patuangnyo, sarato nan lah ma-nang pulo, taradok urang nan namo-nyo ditando-i jo angko. Urang-urang nan manang tu, bi tagak di tapi lauik-tan camin, sambia bi mamacikkan ku-capi nan dibarikan dek Allah kabake inyo tu. 3Nan inyo tu bi mandendang-kan dendangan Musa, pisuruah Allah, sarato jo dendangan Anak Domba. Bakcando ikolah dendangannyo, ”Oih Tuhan, Allah nan Mahakuwaso, baralah ka luwa biasonyo, sarato baralah ka-ajaibnyo, sagalo pabuatan Angkau! Rajo sagalo banso, baralah ka adienyo, sarato baralah ka bana nyo, sagalo tindakan Angkau! 4Oih Tuhan, siyakoh nan indak ka takuik kabake Angkau? Siyakoh urang nan indak ka namuah mangabakan kabasaran Angkau? Angkau sajolah nan suci. Sagalo banso ka bi datang manyambah Angkau, dek karano, sagalo tindakan Angkau nan adie, lah diliyek dek kasadonyo urang.” 5Sasudah tu, ambo maliyek Baithul-mukadis nan di sarugo, tabukak, nan Kemah Tuhan ado di dalamnyo. 6Su-dah tu, katujuah malekaik, sarato jo katujuah bala bancano tu, kaluwa da-ri Baithulmukadis. Pakaian inyo tu dari kain lenan nan barasiah, sara-to nan bakilauan. Nan inyo tu bi ma-makai tutuik dado nan dibuwek da-ri ameh. 7Kamudian, salah ciyek dari ka-ampek mukaluak tu, mambarikan kabake katujuah malekaik tu, tujuah buwah cawan nan dari ameh, nan panuah barisi jo kabangihan Allah, Allah nan iduik salamo-lamonyo. 8Mako, Baithulmukadis tu panuah jo asok dari kabasaran Allah, sarato jo kuwaso Allah. Sarato salamo katu-juah bala bancano nan dibawok dek katujuah malekaik tu, alun baranti, mako, indak surang juwo doh urang nan dapek masuak ka dalam Baithul-mukadis.

will be added

X\