WAHYU 14

1Kamudian, ambo maliyek, mako nampak Anak Domba tu tagak di ateh Bukik Sion. Samo-samo jo Baliau, ado 144 . 000 urang, nan di satiyok kaniang inyo surang-surang, tatulih namo Baliau, sarato jo namo Bapak Baliau. 2Sudah tu, ambo mandanga suwaro mandarun dari la-ngik, bakcando bunyi ayie gadang ta-jun, sarato bakcando gamuruah gu-ruah nan manakuikkan. Suwaro tu tadanga bakcando suwaro musik, da-ri urang-urang nan bamain kucapi, nan sadang bi mamainkan kucapinyo. 3Di adok-an kurisi, sarato di adok-an ka-ampek mukaluak, sarato jo saga-lo pamimpin nan di sakuliliang kuri-si tu, urang nan 144 . 000 urang tu, bi mandendangkan suatu lagu nan ba-ru. Lagu tu, indak dapek doh dipa-raja-i dek siapo pun juwo, salain dek 144 . 000 urang nan lah ditabuih dari bumi tu. 4Inyo tu adolah urang-urang nan tatauk barasiah, ibaraik paja ga-dih, dek karano indak ma-adokan ubuangan jo urang padusi. Inyo tu bi ma-ikuik-i Anak Domba tu ka ma-no sajo Baliau payi. Dari antaro ka-sadonyo umaik manusia, inyo tu lah nan lah ditabuih sabagai pasambah-an nan partamu kabake Allah, sarato kabake Anak Domba. 5Inyo tu indak panah doh bi baduto; sarato indak ado saketek juwo doh cacek di diri inyo tu. 6Sudah tu, ambo maliyek surang malekaik lain, nan tabang tenggi di langik. Malekaik tu mambawok bari-to tantang Injil nan kaka, untuak ka disampaikan kabake umaik manusia di muko bumi, iyolah kabake saga-lo banso, sagalo suku, sagalo bahaso, sarato jo sagalo karajaan. 7Malekaik tu bakato jo suwaro nan kuwaik, ”Ta-kuiklah kabake Allah, sarato pujilah kabasaran Baliau! Dek karano lah tibo wakatunyo, Allah ka ma-adieli manu-sia. Sambahlah Baliau nan manjadi-kan langik, bumi, lauik, sarato jo ka-sadonyo mato ayie!” 8Malekaik nan kaduwo, tibo ma-iriang malekaik nan partamu, sambia bakato jo suwaro nan kuwaik, ”Lah jatuah! Kota Babel nan gadang lah ja-tuah! Inyo lah mambuwek sagalo ban-so bi mabuak jo ayie anggur iyolah anggur dari napasu cabuanyo!” 9Surang malekaik nan katigo, ti-bo ma-iriang malekaik nan baduwo cako, sambia bakato jo suwaro nan kuwaik, ”Urang nan manyambah bi-natang tu, sarato jo patuangnyo, sa-rato nan mampunyoi tando binatang tu, di kaniangnyo, atau di tangan-nyo, 10mako, urang tu ka maminun ayie anggur Allah, iyolah anggur ka-bangihan Baliau, nan lah Baliau tu-wangkan masuak tampaiknyo, pa-nuah, saketek nan indak bakurangi! Kasadonyo urang tu ka di-ajauk di dalam api nan babalerang, di adok-an malekaik-malekaik suci, sarato di adok-an Anak Domba tu. 11Asok da-ri api nan mambaka urang-urang tu, ka manggabubu taruih manaruih un-tuak salamo-lamonyo. Siang malam indak ado anti-antinyo, urang-urang tu ka di-ajauk taruih, iyolah urang-urang nan manyambah binatang tu, sarato jo patuangnyo, iyolah kasado-nyo urang nan mampunyoi tando na-mo binatang tu.” 12Dalam parkaro iko, umaik Allah nan patuah kabake sagalo parentah Allah, sarato nan indak barubah ati kabake Isa Almasih, paralu tatauk ta-bah. 13Sudah tu, ambo mandanga suwa-ro nan bakato dari sarugo, ”Tulihkanlah ko: Muloi kiniko, basukocitolah urang-urang nan mati samantaro ma-layani Tuhan!” Roh Allah manjawauk, ”Batua! Inyo tu indak lai ka bakarajo kareh, dek karano, asie palayanan inyo tu, ka ta-tauk manyaratoi inyo tu.” 14Kamudian, ambo maliyek, mako nampaklah suatu awan nan putiah. Di ateh awan tu, duduak surang Urang, nan kaliyatannyo bakcando Manusia. Di kapalo-Nyo ado sabuwah mangku-to ameh, nan di tangan-Nyo ado sa-buwah sabik nan tajam. 15Kamudian, surang malekaik nan lain kaluwa da-ri Baithullah. Jo suwaro nan kuwaik, inyo bakato kabake Baliau nan du-duak di ateh awan tu, ”Ayunkanlah sabik Angkau tu, sarato tuwailah ki-niko lai, dek karano lah tibo wakatu-nyo untuak manuwai; bumi lah pa-tuik untuak dituwai!” 16Sudah tu, Baliau nan duduak di ateh awan tu ma-ayunkan sabik-Nyo ka bumi, ma-ko, bumi pun dituwai. 17Kamudian, ambo maliyek su-rang lai malekaik nan lain, nan ka-luwa dari Baithullah di sarugo. Inyo pun mambawok sabuwah sabik nan tajam. 18Sasudah tu, surang malekaik nan lain, nan bakuwaso taradok api, datang dari mezbah. Jo suwaro nan kuwaik, inyo bakato kabake malekaik nan mamacikkan sabik nan tajam tu, ”Ayunkanlah sabik angkau tu, sara-to kareklah kasadonyo buwah batang anggur nan di muko bumi, dek kara-no buwahnyo lah bi masak!” 19Ma-ko, malekaik tu ma-ayunkan sabiknyo ka muko bumi, sarato manyabik kasa-donyo buwah anggur dari batangnyo, sudah tu, inyo baekan masuak tam-paik paramehan anggur kabangihan Allah, nan manggalagak. 20Kasado-nyo buwah anggur tu dirameh di lu-wa kota, sarato ma-ilielah darah nan bak batang ayie, dari tampaik para-mehan anggur tu, nan ma-ilie sajauah tigo ratuih kilo, nan dalamnyo labiah dari satenggi tagak.

will be added

X\