WAHYU 13

1Kamudian, ambo maliyek si-kua binatang nan kaluwa dari dalam lauik. Inyo mampunyoi sapu-luah buwah tanduak, sarato jo tujuah buwah kapalo. Di satiyok tanduak-nyo, ado sabuwah mangkuto, sarato di satiyok kapalonyo, tatulih sabuwah namo nan ma-ino taradok Allah. 2Bi-natang nan ambo liyek tu, bantuak-nyo bakcando arimau kumbang, nan kakinyo bakcando kaki biruwang, nan muncuangnyo bakcando mun-cuang singo. Sudah tu, nago tu mam-barikan kakuatan inyo sandiri kabake binatang tu, baitu pulo kurisinyo, sa-rato jo kakuwasoannyo nan gadang. 3Salah ciyek di antaro katujuah kapa-lo dari binatang tu, kaliyatannyo bak-cando luko nan sangaik parah, tapi, luko tu lah cegak. Kaciyek-annyo bu-mi, bi ma-ikuik-i binatang tu jo para-saan nan ma-erankan. 4Urang-urang tu bi manyambah nago tu, dek kara-no, nago tu lah mambarikan kaku-wasoannyo kabake binatang tu. Nan urang-urang tu bi manyambah bina-tang tu pulo. Inyo tu bi bakato, ”In-dak ado doh nan samo jo binatang ko! Indak ado doh nan ka talok baparang malawan inyo!” 5Binatang tu dipabuliahkan mangu-caukkan sagalo parkaro nan sangaik angkuah, sarato nan ma-ino Allah. Inyo dibuliahkan mamarentah sala-mo ampek puluah duwo bulan. 6Ma-ko, muloilah inyo ma-ino Allah, sa-rato ma-ino namo Allah. Baitu pulo, tampaik kadiaman Allah, sarato jo ka-sadonyo nan tingga di sarugo pun, di-inonyo pulo. 7Inyo dibuliahkan pulo malawan umaik Allah, sarato jo ma-ngalahkannyo. Baitu pulo, kakuwaso-an taradok sagalo suku, sagalo kara-jaan, sagalo bahaso, sarato jo sagalo banso, dibarikan kabake inyo. 8Bina-tang tu, ka disambah dek kasadonyo urang nan iduik di muko bumi, nan indak manyambah, hanyolah urang-urang nan namonyo lah tacataik, sa-jak sabalun dunia dijadikan, di dalam Kitauk Kahidupan miliak Anak Dom-ba nan lah didabiah. 9Dek karano itu, jikok angkau la-yi bi mandanga, dangalah barito ko: 10”Urang nan lah ditantukan untuak ka ditawan, lah musti ka ditawan. Urang nan lah ditantukan untuak ka dibunuah jo padang, lah musti ka di-bunuah jo padang. Itulah sabauknyo, nan umaik Allah musti bi tabah, sara-to indak bi barubah ati.” 11Sudah tu, ambo maliyek sikua bi-natang lain, nan kaluwa dari dalam bumi. Inyo mampunyoi duwo buwah tanduak, bakcando tanduak anak domba. Suwaronyo, bakcando suwa-ro nago. 12Di adok-an binatang nan partamu tu, inyo mampagunokan ka-kuwasoan nan gadang, nan inyo da-pekkan dari binatang tu pulo. Kaci-yek-annyo bumi, sarato jo kasadonyo nan tingga di muko bumi, dipaso-nyo manyambah binatang nan parta-mu tu, nan luko parahnyo lah cegak. 13Binatang nan kaduwo tu, mambu-wek sagalo ka-ajaiban nan luwa bi-aso. Di adok-an kasadonyo urang, inyo mambuwek api turun dari langik ka bumi. 14Kasadonyo urang nan iduik di muko bumi, dikicuahnyo jo sagalo ka-ajaiban nan buliah dipabuweknyo di adok-an binatang nan partamu tu. Ka-sadonyo urang-urang tu, disuruahnyo mambuwek sabuwah patuang, untuak ma-aromaik-i binatang nan lah dilukoi dek padang, tapi tatauk juwo iduik. 15Binatang nan kaduwo tu, dibuliah-kan mambari nyawo kabake patuang tu, sainggo patuang tu dapek mange-cek, sarato jo mambunuah kasadonyo urang nan indak namuah manyambah inyo. 16Kasadonyo urang, gadang jo ketek, kayo jo bansaik, budak sarato jo urang maradeka, dipaso dek binatang tu, untuak manarimo tando di tangan suwok, satiyok urang-urang tu, atau di kaniang inyo tu. 17Indak surang juwo doh urang nan dapek mambali, atau manjuwa sasuatu, jikok inyo indak mampunyoi tando tu, iyolah namo bi-natang tu sandiri, atau angko nan ma-nyatokan namonyo tu. 18Kutiko itu paralu ado kabijaksa-noan. Urang nan bijaksano, dapek ma-etong arati dari angko binatang tu, dek karano, angko tu adolah namo surang manusia. Angkonyo iyolah 666 .

will be added

X\