WAHYU 11

1Sasudah tu, ambo dibari sakarek kayu, nan ampia sarupo jo sabuwah tungkek pa-ukua, sudah tu, ambo diparentahkan, ”Payilah ukua Baithullah, sarato jo mezbah. Etonglah bara banyak urang nan ba-ibadaik di dalamnyo. 2Tapi, janlah di-ukua ala-man nan di sabalah luwa Baithullah tu, dek karano, bagian nan itu lah disarah-kan kabake urang-urang nan indak ta-wu jo Tuhan. Urang-urang tu ka mala-nyau-lanyau kota nan suci tu, salamo ampek puluah duwo bulan. 3Ambo ka ma-utuih duwo urang sasi Ambo, nan mamakai pakaian tando basadiah ati, nan inyo tu ka bi mangabakan barito nan dari Allah, salamo 1260 ari.” 4Duwo sasi tu, adolah duwo batang zaitun, sarato jo duwo buwah rengkak lampu, nan talatak di adok-an Tuhan sakalian alam. 5Jikok urang mancubo mampabuwek sasuatu nan indak elok taradok inyo tu, mako, da-ri muluik inyo tu kaluwalah api nan ka mambinasokan musuah-musuah inyo tu. Jo caro nan baitu, kasado-nyo urang nan andak ka ma-aniayo inyo tu, ka bi mati. 6Inyo tu mam-punyoi kuwaso untuak manutuik la-ngik, supayo ujan indak turun, sala-mo inyo tu bi mangabakan barito nan dari Allah. Inyo tu mampunyoi kuwa-so pulo taradok kasadonyo mato ayie, untuak ma-ubah ayie manjadi darah. Nan inyo tu mampunyoi kuwaso pu-lo, untuak manimpokan ka muko bu-mi sagalo rupo bala bancano, pabilo sajo nan katuju dek inyo tu. 7Sasudah inyo tu salasai mangaba-kan barito inyo tu, mako, binatang nan kaluwa dari jurang mauik, ka malawan inyo tu. Binatang tu ka mangalahkan inyo, sarato ka mambunuah inyo tu. 8Nan mayik inyo tu, ka tagalimpang di labuah di kota gadang, di tampaik Tuhan inyo tu disalibkan. Namo kiya-san kota tu, iyolah Sodom, atau Mesir. 9Urang-urang dari kasadonyo karaja-an, dari sagalo suku, dari sagalo baha-so, sarato dari sagalo banso, ka bi mali-yek mayik inyo tu salamo tigo satangah ari, sarato indak mambuliahkan mayik-mayik tu di kubuakan. 10panduduak bumi ka bi bagadang ati dek kamatian kaduwo urang sasi tu. Inyo tu ka bi ma-rayokannyo, sarato ka kirin bakirin adi-yah, dek karano di kaduwo urang nabi tu, lah banyak mandatangkan ajauk ka-bake sadonyo urang nan di muko bumi. 11Sasudah tigo satangah ari, datanglah angok untuak iduik dari Allah, sara-to masuak baliak ka dalam diri kadu-wo urang nabi tu. Inyo tu pun bi tagak baliak, sainggo kasadonyo urang nan bi maliyek inyo tu, bi mati katakuikan. 12Kamudian, kaduwo urang nabi tu, mandanga suwaro nan kuwaik, nan ma-imbau inyo tu dari sarugo, ”Nayiak-lah kamari!” Mako, di adok-an urang-urang nan bi mamusuahi-nyo tu, inyo tu pun bi nayiak ka sarugo, disalu-buangi dek awan. 13Mako, pado wa-katu itu, tajadilah gampo nan sangaik manakuikkan. Saparsapuluah bagian dari kota tu cayie, sarato tujuah ribu urang bi mati dek karano di gampo tu. Urang-urang nan lainnyo, bi mati kata-kuik-an, mako, inyo tu bi mamuji kaba-saran Allah nan di sarugo. 14Cilako nan kaduwo lah talampau. Tapi, liyeklah! Cilako nan katigo, sa-banta lai ka datang ma-iriang. 15Sudah tu, malekaik nan katujuah ma-ambuih tarumpiknyo, mako, ta-dangalah suwaro-suwaro nan sangaik kuwaik di sarugo, nan bakato, ”Kaku-wasoan untuak mamarentahi dunia, kiniko talatak di tangan Tuhan kito, sarato Rajo Panyalamaik nan dijanji-kan-Nyo. Baliau ka mamarentah un-tuak salamo-lamonyo!” 16Mako, ka-duwo puluah ampek pamimpin nan bi duduak di kurisi di adok-an Allah, bi tasungkua, sarato bi manyambah Allah. 17Inyo tu bi bakato, ”Tuhan, Allah nan Mahakuwaso, nan ado, sarato nan lah ado! Kami basyukur kabake Angkau, dek karano Angkau lah mamakai kuwaso Angkau nan kuwaik, sarato lah muloi mamarentah! 18Urang-urang nan indak tawu jo Tuhan, bi bangih, dek karano, lah tibo wakatunyo Angkau malapehkan bangih Angkau, sarato lah tibo pulo masonyo Angkau ka ma-adieli urang-urang nan mati. Kiniko lah wakatunyo, untuak mambari pahalo kabake pisuruah-pisuruah Angkau, nabi-nabi, sarato kabake sadonyo umaik Angkau, iyolah, kasadonyo urang nan bi ba-ibadaik kabake Angkau, nan gadang, atau pun nan ketek. Kiniko lah wakatunyo, untuak mambinasokan urang-urang nan mambinasokan bumi!” 19Mako, tabukaklah Baithullah nan di sarugo, sarato kaliyatanlah Peti Pa-janjian nan di dalamnyo. Kamudian, tajadilah kilek nan sabuang manya-buang, sarato jo suwaro guruah nan manggamuruah, sarato jo nan mang-gaga, sarato jo gampo, sarato jo ujan es nan labek.

will be added

X\