WAHYU 10

1Sudah tu, ambo maliyek su-rang malekaik lain nan ku-waik, nan turun dari sarugo. Inyo disalubuangi dek awan, sarato dek sabuwah mangindo, nan malingka di kapalonyo. Mukonyo bacahayo bak-cando matoari, nan kakinyo bakcan-do tunggak api. 2Di tangannyo, ado sabuwah guluangan kitauk ketek, nan tabukak. Kakinyo nan suwok bajajak di lauik, nan kakinyo nan kida bajajak di darek. 3Sudah tu, inyo ma-ariak jo suwaro nan kuwaik, bakcando singo marauang. Sasudah malekaik tu ma-ariak, katujuah guruah bi manjawauk jo suwaro nan manggamuruah. 4Sa-sudah katujuah guruah tu salasai ba-suwaro, ambo niyo nak ka mancataik-nyo, tapi, ambo mandanga suwaro dari sarugo bakato, ”Rasiyokanlah, apo nan dikatokan dek katujuah gu-ruah tu; jan dicataik pulo!” 5Kamudian, malekaik nan ambo li-yek bajajak di lauik sarato jo di da-rek tu, ma-angkek tangan suwoknyo ka langik. 6Inyo basumpah karano dek namo Allah nan iduik salamo-la-monyo, nan manjadikan langik, bumi jo lauik, sarato jo sagalo sasuatu nan ado di dalamnyo. Malekaik tu baka-to, ”Wakatunyo indak lai ka dipalam-bek! 7Tapi, jikok malekaik nan katu-juah ma-ambuih tarumpiknyo, mako, Allah ka ma-ujuikkan rancana rasiyo Baliau, bakcando nan lah Baliau bari-tokan kabake pisuruah-pisuruah-Nyo, iyolah kasadonyo nabi-nabi.” 8Kamudian, suwaro nan lah ambo danga da-ri sarugo tu, mangecek pulo baliak ka-bake ambo. Baliau bakato, ”Payilah ambiak, guluangan kitauk nan tabu-kak di tangan malekaik nan bajajak di lauik, sarato nan bajajak di darek tu.” 9Mako, ambo pun payi kabake ma-lekaik tu, sarato mamintak, supayo inyo mambarikan guluangan kitauk tu kabake ambo. Inyo bakato, ”Am-biaklah, sarato makanlah ko. Inyo ka mambuwek paruik angkau taraso payik, tapi, di dalam muluik angkau inyo manih bakcando tangguli.” 10Mako, ambo ma-ambiak guluang-an kitauk tu dari tangan malekaik tu, sudah tu, ambo makan. Di dalam mu-luik rasonyo bakcando tangguli, tapi, sasudah ambo lulua, tibo di dalam pa-ruik manjadi payik. 11Kamudian, am-bo diparentahkan, ”Lewakanlah saka-li lai barito nan dari Allah, tantang sagalo banso, sagalo karajaan, sagalo bahaso, sarato tantang sagalo rajo.”

will be added

X\