WAHYU 1

1Isi kitauk ko adolah, apo nan dinyatokan dek Isa Almasih, tan-tang sagalo kajadian nan ka tajadi. Allah mambaritawukannyo kabake Isa Almasih, supayo Baliau manya-tokannyo kabake pisuruah-pisuruah Allah, apo nan sugiro musti tajadi. Isa Almasih ma-utuih malekaik-Nyo kaba-ke Yahya, pisuruah-Nyo, untuak mam-baritawukan sagalo kajadian tu kaba-ke Yahya. 2Mako, Yahya mancuritokan kasadonyo, apo nan lah inyo liyek tu; sarato bakcando ikolah curitonyo, tan-tang pasan nan dari Allah, nan diku-waikkan dek Isa Almasih malalui pa-ngakuan Baliau. 3Basukocitolah urang nan mambacokan, sarato urang nan mandangakan barito nubuwaik kitauk ko, sarato patuah kabake apo nan tatu-lih di dalamnyo. Dek karano, indak ka lamo lai kasadonyo ko ka tajadi. 4Oih sudaro-sudaro, nan ado di ka-tujuah jamaat, di daerah Asia! Ambo, Yahya, ma-arokkan angkau dibari ba-rakaik, sarato jo tanang santoso nan dari Allah — iyolah Baliau nan ado, nan lah ado, sarato nan ado sataruihnyo — baitu pulo dari katujuah roh, nan ado di adok-an kurisi Allah, 5sarato dari Isa Almasih, sasi nan indak barubah ati. Baliau-lah nan partamu-tamu di-iduikkan baliak dari kamatian, sarato Baliau-lah panguwaso taradok sagalo rajo di muko bumi. Isa Almasih mangasiahi kito, sara-to jo kamatian-Nyo, Baliau lah malapehkan kito dari sagalo doso kito, 6sarato manjadikan kito suatu ban-so nan tasandiri, sabagai imam-imam nan malayani Allah, Bapak Baliau. Isa Almasih tu lah nan basa, sarato nan bakuwaso untuak salamo-lamo-nyo. Amin! 7Liyeklah, Baliau datang dirawok-i dek awan! Kasadonyo urang ka bi ma-liyek Baliau, tamasuak pulo urang-urang nan lah manikam Baliau. Saga-lo banso di muko bumi ka bi maratok dek karano di Baliau. Iyo, lah musti ka bakcando itu! Amin! 8”Aden-lah nan awa, sarato Aden-lah nan akie, ” kecek Tuhan Allah, nan ado, nan lah ado, sarato nan ado sala-mo-lamonyo, Nan Mahakuwaso. 9Ambo Yahya, sudaro angkau nan sanasib jo angkau, dalam kasansa-roan nan di-alami dek satiyok pa-ngikuik Isa Almasih. Kito tabah ma-nangguangkan sansaro sabagai umaik miliak Baliau. Ambo dibuwang ka pu-lau Patmos, dek karano ambo mam-baritokan pasan nan dari Allah, nan dikuwaikkan dek Isa Almasih malalui pangakuan Baliau. 10Pado ari Tuhan, ambo dikuwasoi dek Roh Allah, su-dah tu, ambo mandanga suwaro nan kuwaik nan sakuwaik bunyi tarum-pik nan mangecek di balakang am-bo. 11Suwaro tu bakato, ”Tulihkanlah apo nan angkau liyek, di dalam sabu-wah kitauk, sarato kirinkanlah kitauk tu kabake tujuah jamaat nan di: Efesus, di Smirna, di Pergamus, di Tiati-ra, di Sardis, di Filadelfia, sarato di Laodikia.” 12Ambo ma-engong ka balakang, untuak maliyek siya tu nan mange-cek kabake ambo. Sudah tu, am-bo maliyek tujuah buwah rengkak lampu nan dibuwek dari ameh. 13Di tangah-tangah rengkak-reng-kak lampu tu, tagak surang urang nan kaliyatannyo bakcando manu-sia. Baliau mamakai jubah nan pan-jangnyo sampai di kaki. Di dado Baliau, Baliau mamakai tutuik da-do nan dari ameh. 14Rambuik Ba-liau putiah bakcando bulu domba, nan saputiah kapeh. Mato Baliau banyalo-nyalo bakcando api; 15nan kaki Baliau bakilek, nan bak tim-bago dibaka. Nan suwaro Baliau, nan bak darun ayie gadang tajun. 16Nan tangan suwok Baliau, ma-macikkan tujuah bintang, nan dari muluik Baliau, kaluwa sabilah pa-dang nan tajam, sarato nan bamato duwo. Muko Baliau bacahayo, nan bak matoari di tangah ari badan-tang. 17Kutiko ambo maliyek Ba-liau, ambo tasungkua di adok-an Baliau bakcando urang mati. Ta-pi, Baliau malatakkan tangan suwok Baliau kabake ambo, sambia baka-to, ”Jan takuik! Ambo-lah nan awa, sarato Ambo-lah nan akie. 18Am-bo-lah Nan Iduik! Ambo lah mati, tapi liyeklah, Ambo iduik untuak salamo-lamonyo. Ambo bakuwaso taradok mauik, sarato taradok du-nia urang mati. 19Dek karano itu, tulihkanlah sagalo parkaro nan lah angkau liyek, iyolah, sagalo parka-ro nan ado kiniko, sarato jo sagalo parkaro nan ka tajadi isuak. 20Iko-lah rasiyo dari tujuah bintang, nan angkau liyek di tangan suwok Am-bo, sarato rasiyo dari tujuah reng-kak lampu nan dari ameh tu: Tujuah bintang tu, iyolah, malekaik-male-kaik katujuah jamaat, nan tujuah rengkak lampu tu, adolah katujuah jamaat tu.”

will be added

X\