FILEMON 1

1Sudaro Filemon nan kami kasiahi, nan manjadi kanti dalam kami bakarajo! Ambo, Paulus, surang urang tahanan dek karano di Isa Almasih, samo-samo jo sudaro kito Timotius, mambuwek surek ko kabake angkau, 2sarato kabake jamaat nan bi bakum-pua di rumah angkau; sarato kabake sudari kito, Apfia sarato jo kanti sa-pajuwangan kito, Arkhipus. 3Kami ma-arokkan, mudah-mudah-an Allah Bapak kito, sarato jo Tuhan Isa Almasih, mambari barakaik, sara-to jo tanang santoso kabake angkau kasadonyo. 4Satiyok kali ambo badowa, am-bo manyabuik namo angkau, sarato jo basyukur kabake Allah. 5Dek kara-no ambo mandanga, baraso angkau sa-bana-bana ba-iman kabake Tuhan Isa Almasih, sarato mangasiahi kasadonyo umaik Allah. 6Ambo badowa, mudah-mudahan ubuangan kito basudaro sa-bagai urang-urang nan ba-iman, ka ma-asiekan pangaratian nan labiah dalam, taradok sagalo barakaik nan kito mi-liak-i, dek karano basatu jo Isa Almasih. 7Oih sudaro Filemon, kasiah angkau ta-radok kasadonyo umaik Allah, mambu-wek ambo basukocito, sarato mamba-ri sumangaik kabake ambo! Kasadonyo umaik Allah, lah bi basukocito dek kara-no di angkau. 8Dek karano itu, sabagai surang sudaro nan sa-iman, ambo bisa sajo mamarentahkan angkau, untuak mampabuwek apo nan musti ang-kau pabuwek. 9Tapi, dek karano am-bo mangasiahi angkau, mako, ambo hanyo mamintak sajo. Ambo ko su-rang urang tuwo, nan kiniko sadang ditahan di dalam pinjaro dek kara-no di Isa Almasih. 10Ambo, Paulus, mangamukokan suatu pintak kabake angkau, tantang parkaro diri Onesi-mus, nan adolah anak dek ambo di dalam Isa Almasih. Dek karano, di dalam pinjaro ko ambo lah manjadi bapak rohani dek inyo. 11Dulu, inyo indak baguno doh dek angkau, tapi nan kiniko inyo baguno, indak doh untuak angkau sajo, tapi, untuak am-bo baguno pulo. 12Kiniko, urang nan ambo kasiahi tu, ambo kirin baliak kabake ang-kau. 13Sabananyo, ambo niyo mana-han inyo samo-samo jo ambo, untuak ka pangganti angkau, supayo inyo bi-sa manolong ambo, salamo ambo di-tahan dalam pinjaro ko, dek karano mambaritokan Injil nan dari Allah. 14Tapi, ambo indak namuah doh mampabuwek sasuatu, jikok angkau alun satuju. Ambo labiah suko, jikok angkau mampabuweknyo jo karilah-an ati sandiri; ambo indak namuah doh mamaso angkau. 15Mungkin, Onesimus tapisah da-ri angkau untuak samantaro wakatu, supayo angkau bisa mandapekkan inyo baliak untuak salamo-lamonyo. 16Kiniko, inyo indak doh hanyo su-rang pisuruah dek angkau; inyo la-biah lai dari itu. Inyo adolah sasamo urang Kristen nan sangaik dikasiahi. Inyo baguno sangaik dek ambo, apo lai dek angkau! Tantu inyo sangaik baguno, biya sabagai pisuruah, atau pun sabagai surang sudaro di dalam Tuhan! 17Dek karano itu, sabauk angkau ma-anggauk ambo ko kanti sasamo urang Kristen, mako, tarimolah baliak Onesimus, samo jo bakcando angkau manarimo ambo. 18Jikok inyo basa-lah, atau ba-utang kabake angkau, bi-yalah ambo nan manangguang kasa-donyo tu. 19Dek karano itu, eloklah ambo tulihkan bana di siko: Ambo, Paulus, nan ka mambayie kasado-nyo. (Tantu indak paralu doh ambo ma-ingekkan, baraso angkau sandi-ri pun ba-utang kabake ambo, iyo-lah iduik angkau nan baru sabagai urang Kristen.) 20Sabauk dek itu, ka-rano dek Tuhan, cubolah tolong am-bo, sukocitokanlah ati ambo sabagai sudaro di dalam Isa Almasih. 21Ambo mambuwek surek ko, dek karano yakin, baraso angkau ka mampalakukan apo nan ambo pintak. Malahan ambo tawu, ang-kau ka mampalakukan labiah lai dari itu. 22Samantaro itu, basadiyo pulolah mambari tumpangan un-tuak ambo di rumah angkau, dek karano, ambo ma-arokkan Allah mampalakukan dowa sudaro-suda-ro kasadonyo, sarato mambawok ambo babaliak kabake angkau. 23Epafras, nan samo-samo jo am-bo dalam pinjaro dek karano di Isa Almasih, bakirin salam untuak ang-kau. 24Tarimo pulolah salam dari kanti-kanti ambo: Markus, Aristar-khus, Demas, sarato jo Lukas. 25Mudah-mudahan, Tuhan Isa Al-masih mambarakaik-i angkau kasa-donyo. Salam aromaik dari kami, Paulus

will be added

X\