FILIPI 2

1Angkau bi kuwaik, dek karano angkau basatu jo Isa Almasih. Nan angkau bi tahibur dek karano Isa Al-masih mangasiahi angkau! Angkau di-bimbiang dek Roh Allah, nan angkau samo-samo mangasiahi, sarato samo-samo maraso ibo di antaro angkau. 2Dek karano itu, cubolah angkau sa-bana-bana manyanangkan ati ambo jo sagalo parkaro nan bakcando iko: Iduiklah sa-ati jo kasiah nan samo, jo pikieran nan samo, sarato jo tujuan nan samo pulo. 3Janlah mangarajokan sasuatu, dek karano hanyo kaparalu-an diri sorang, atau untuak maneng-gikan diri. Sabaliaknyo, andaklah sati-yok-tiyok angkau jo sacaro randah ati, ma-anggauk urang lain labiah elok da-ri diri sandiri. 4Paratikanlah kapara-luan urang lain; jan hanyo kaparaluan diri sandiri. 5Andaklah angkau dalam iduik angkau basamo, mampunyoi pi-kieran, sarato jo parasaan, bakcando nan ado dalam Isa Almasih: 6Pado hakekaiknyo Baliau samo jo Allah, tapi, Baliau indak maraso baraso ka-adaan Baliau nan Ilahi tu, musti Baliau patahankan. 7Tapi sabaliaknyo, Baliau malapehkan kasadonyo tu, sudah tu, manjadi samo jo bakcando surang pisuruah. Baliau manjadi samo jo bakcando manusia, sarato manjalani iduik bakcando manusia. 8Baliau marandahkan diri, sarato iduik jo sacaro patuah kabake Allah sampai mati — iyolah mati di kayu salib. 9Dek karano itulah, Allah ma-angkek Baliau satenggi-tengginyo, sarato mambarikan kabake Baliau, kakuwasoan nan labiah gadang daripado sagalo kakuwasoan nan lain. 10Mako, untuak ma-aromaik-i Isa Almasih, kasadonyo mukaluak nan di sarugo, sarato jo nan di bumi, sarato jo nan di bawah bumi, ka bi manyambah Baliau. 11Inyo tu kasadonyo ka bi mangaku, baraso Isa Almasih-lah Tuhan; jo caro nan baitu Allah Bapak dimuliekan. 12Dek karano itu, sudaro-suda-ro nan ambo kasiahi, nan bakcan-do angkau nan tatauk patuah kabake ambo, pado wakatu ambo barado di tangah-tangah angkau, mako, labiah-labiah lai kiniko pado wakatu kito bajauahan, andaklah angkau tatauk patuah kabake ambo. Angkau lah di-salamaikkan dek Allah, jadi tatauk-lah ba-usawo, supayo tanang santoso angkau tu manjadi samparono. Kara-jokanlah itu jo sacaro aromaik, sara-to jo patuah kabake Allah, 13dek ka-rano, Allah sandiri nan bakarajo di dalam diri angkau, untuak mambu-wek angkau rilah, sarato bisa manya-nangkan ati Allah. 14Karajokanlah sagalo sasuatu jo sacaro indak bi manggarutok, sarato indak bi batangka. 15- 16Jo caro nan baitu angkau ka mampaliyekkan, ba-raso angkau adolah anak-anak Allah nan indak bacacek, nan iduik jo saca-ro tuluih, sarato jo nan bana, di ta-ngah-tangah urang nan jahek, sarato nan badoso. Nan pado wakatu ang-kau manyampaikan kabake inyo tu, barito nan mambari iduik nan saba-na iduik, andaklah angkau manjadi ibaraik cahayo dek inyo tu, nan baca-hayo manarangi dunia. Jikok angkau iduik bakcando itu, isuak ado ala-san dek ambo untuak maraso bang-ga tantang diri angkau, pado wakatu Isa Almasih tibo isuak. Itulah tan-donyo baraso pajuwangan ambo layi ado aratinyo, sarato usawo ambo ado asienyo. 17Mungkin ambo ka dibunuah, nan darah ambo ka manjadi bakcando ka-roban curahan, di ateh apo nan ang-kau pasambahkan kabake Allah, sa-bagai tando baraso angkau ba-iman kabake Baliau. Jikok iyo musti bak-cando itu, ambo basyukur taradok parkaro itu, sarato sato basukocito jo angkau. 18Baitu pulo andaknyo, ang-kau pun maraso suko, sarato sato ba-sukocito samo-samo jo ambo. 19Ambo picayo, baraso jo partolong-an Tuhan Isa Almasih, ambo sacapek-nyo dapek ma-utuih Timotius kabake angkau, supayo ambo dapek tahibur dek barito tantang diri angkau. 20Ha-nyo Timotius sajolah urang nan saji-wa jo ambo, nan layi sabana-bana ma-mikiekan kaparaluan angkau. 21Nan lainnyo hanyo ma-uruih kaparaluan dirinyo sandiri, indak doh ma-uruih kaparaluan Isa Almasih. 22Angkau sandiri lah bi maliyek buktinyo, bara-so Timotius adolah urang nan baguno. Inyo lah bakarajo kareh samo-samo jo ambo, untuak mambaritokan Injil nan dari Allah. Kami baduwo lah bakcan-do anak jo apak. 23Dek karano itu, sasudah ambo mangatawui, baa ka-sudahannyo parkaro ambo ko isuak, mako, sacapeknyo ambo ka ma-utuih inyo kabake angkau. 24Ambo picayo, baraso jo partolongan Tuhan, indak ka lamo lai ambo sandiri pun ka ma-ngunjuangi angkau pulo. 25Tantang sudaro kito Epafroditus, nan angkau utuih untuak mamban-tu ambo, ambo maraso paralu untuak manyuruah inyo babaliak kabake ang-kau. Inyo lah mangawani ambo, dalam bakarajo sarato jo pajuwangan ambo. 26Inyo taragak sangaik jo angkau ka-sadonyo, nan inyo rasah, dek karano angkau lah bi mandanga kaba, baraso inyo sakik. 27Iyo, batua inyo sakik, lah ampia ka maningga. Tapi, Allah maraso ibo kabake inyo; sarato indak doh hanyo kabake inyo sajo, tapi, ka-bake ambo iyo pulo, supayo ati am-bo jan samakin ta-ibo. 28Itu sabauk-nyo samakin kuwaik pulo ka-inginan ambo, untuak manyuruah inyo baba-liak kabake angkau, supayo angkau bi basukocito baliak, jikok angkau lah bi basuwo jo inyo, nan ati ambo pun manjadi tanang pulo. 29Jadi, tarimo-lah inyo jo sagalo sanang ati, sabagai surang sudaro nan sa-iman. Aragowi-lah kasadonyo urang nan bakcando inyo. 30Dek untuak kaparaluan kara-jo Isa Almasih, inyo ampia sajo mati; inyo manyabuang angoknyo, dek ka-rano untuak nak manolong ambo ateh namo angkau.

will be added

X\