MATIUS 9

1Isa Almasih nayiak ka ateh parawu, sudah tu Baliau manyubarangi danau, babaliak ka kampuang-Nyo. 2Tibo di sinan tu, urang mambawok kabake Baliau, surang urang lumpuah nan lalok di lapiak. Kutiko Isa Almasih maliyek, dek takah tu bana iman urang-urang tu, mako, Baliau bakato kabake urang nan lumpuah tu, ”Oih anak-Den, tabahkanlah ati angkau! Doso-doso angkau lah di-ampuni.” 3Babarapo urang guru ugamo Yahu-di nan ado di sinan tu, bi bakato da-lam atinyo, ”Urang ko lah samo ko jo ma-ino Allah!” 4Isa Almasih mangatawui, apo nan dipikiekan dek guru-guru ugamo tu, dek karano itu, Baliau bakato, ”Baa mangko pikieran angkau sajahek itu? 5Nama nan labiah mudah: mangato-kan, ’Doso angkau lah di-ampuni’, atau mangatokan, ’Tagaklah, sarato baja-lanlah'? 6Kiniko Ambo ka mampali-yekkan kabake angkau, baraso di ateh dunia ko, Anak Manusia bakuwaso untuak ma-ampuni doso.” Mako, Isa Almasih bakato kabake urang nan lum-puah tu, ”Tagaklah, angkeklah lapiak angkau, sudah tu pulanglah!” 7Urang nan lumpuah tu tagak, sudah tu inyo pulang ka rumahnyo. 8Kuti-ko urang-urang tu bi maliyek kajadi-an tu, mako, inyo tu bi katakuik-an, sarato bi mamuji Allah, dek karano, Allah lah mambarikan kuwaso nan baitu gadang kabake manusia. 9Kamudian, Isa Almasih barangkek dari tampaik tu. Samantaro Baliau sa-dang bajalan, Baliau manampak su-rang tukang mintak pajak, nan bana-mo Matius, sadang duduak di kantua pajaknyo. Isa Almasih bakato kaba-ke inyo, ”Kamarilah, molah turuik-kan Ambo!” Mako, Matius tagak, sarato payi ma-nuruikkan Isa Almasih. 10Kutiko Isa Almasih sadang ma-kan di rumah Matius, mako, banyak pulo tukang-tukang mintak pajak nan bi tibo, sarato jo urang-urang nan di-anggauk indak elok dek masarakaik, bi sato pulo makan samo-samo jo Isa Almasih sarato jo pangikuik-pangi-kuik-Nyo. 11Ado urang-urang Farisi nan bi maliyek kajadian tu. Nan inyo tu bi batanyo kabake pangikuik-pangi-kuik Isa Almasih, ”Baa mangko Guru angkau namuah, makan samo-samo jo tukang mintak pajak, sarato jo urang-urang nan badoso tu?” 12Isa Almasih mandanga, apo nan ditanyokan dek urang-urang tu, sudah tu, Baliau manjawauk, ”Urang nan si-yaik indak mamaralukan tabib doh, tapi, kok urang nan sakik iyo. 13Sali-diak-ilah apo aratinyo, ayaik Alkitauk nan tatulih bakcando iko: ’Nan Den kahandaki iyolah raso ibo, sarato in-dak karoban taranak doh'. Dek ka-rano, Ambo datang indak untuak ka ma-ajak urang, nan lah maraso diri-nyo elok doh, tapi, ka ma-ajak urang nan maraso dirinyo badoso.” 14Sasudah tu, pangikuik-pangikuik Yahya Pambaptis, bi datang kabake Isa Almasih, sarato bi batanyo, ”Ka-mi, sarato jo urang-urang Farisi, bi bapuwaso, tapi, nan pangikuik-pangi-kuik Angku indak, baa tu?” 15Isa Almasih manjawauk, ”Baa pan-dapek angkau? Dapekkoh tamu-tamu di alek kawin ba-ibo ati, jikok mara-pulai sadang ado juwo lai samo-sa-mo jo inyo tu? Tantu indak! Tapi, ka tibo masonyo marapulai tu ka diba-wok dari urang-urang tu. Kutiko itu barulah inyo tu bi bapuwaso. 16Indak ado doh urang manumbok baju nan lah usang, jo kain nan baru. Dek karano, kain panumbok tu ka su-suik, mako, inyo cabiaklah baju tu, ba-tambah lawehlah kuyaknyo. 17Baitu pulo, indak ado doh urang nan mama-suakkan anggur nan baru, ka dalam kampia kulik nan usang. Dek karano kampia tu bisa cabiak, bisa kuyak, ma-ko taseraklah anggur tu. Anggur nan baru, musti dimasuakkan ka kampia kulik nan baru pulo, supayo kaduwo-duwonyo samo-samo tapaliaro.” 18Samantaro Isa Almasih sadang ma-ngecek, jo pangikuik-pangikuik Yahya Pambaptis, mako, tibolah surang pa-mimpin rumah ibadaik. Inyo basilu-tuik di adok-an Isa Almasih, sarato jo bakato, ”Anak ambo nan padusi, ba-ru maningga sabanta ko. Tapi, bamu-rah atilah Angku datang, untuak ma-nyintuah anak ambo tu, supayo iduik inyo baliak.” 19Isa Almasih lansuang tagak, baitu pulo pangikuik-pangikuik-Nyo, sarato bi payi manuruikkan urang tu. 20- 21Di tangah jalan, basuwolah jo surang padusi, nan lah duwo baleh tawun lamonyo sakik pandarahan, nan ba-ubuangan jo haidnyo. Inyo tibo dari balakang mandakek-i Isa Almasih. Manuruik agak-agak di ati-nyo, ”Asa dapek den manyintuah ju-bah Baliau, nan panyakik den ce-gak.” Mako, inyo awailah ujuang jubah Isa Almasih. 22Kutiko tu Isa Almasih ma-engong, sarato mancaliak kabake padusi tu, sudah tu Baliau bakato kabake inyo, ”Oih anak-Den, ta-bahkanlah ati angkau! Dek kara-no angkau layi picayo kabake Ambo, itu mangkonyo angkau cegak!” Pa-do kutiko tu juwo, urang padusi tu cegak. 23Indak lamo sasudah itu, Isa Almasih sampai di rumah pamimpin rumah ibadaik tu. Kutiko Baliau maliyek pamain-pamain musik ka-matian, sarato banyak urang nan bi ma-iruak, 24mako, Baliau ba-kato kabake urang nan banyak tu, ”Bi kaluwalah angkau kasadonyo! Anak ko indak mati bagai ko doh; inyo hanyo talalok.” Urang-urang tu bi mampagalak-kan Isa Almasih. 25Sasudah urang-urang tu bi kaluwa, mako, Isa Al-masih masuak ka biliak anak tu, sarato mamacik tangannyo. Mako tasintaklah anak tu. 26Pacahlah ka-ba tantang apo nan tajadi dikaci-yek-annyo daerah tu. 27Isa Almasih barangkek dari tam-paik tu, sarato di tangah jalan, ado duwo urang buto nan manuruikkan Baliau. Inyo tu bi ba-imbau, ”Oih Anak Daud, ibo-ilah kami ko!” 28Kutiko Isa Almasih masuak ka sa-buwah rumah, kaduwo urang buto tu bi datang kabake Baliau. Isa Almasih batanyo kabake inyo tu, ”Apo angkau layi bi picayo, baraso Ambo bisa man-cegakkan angkau?” Inyo tu bi manjawauk, ”Picayo Ngku!” 29Mako, Isa Almasih ma-awai ma-to urang nan buto tu sambia bakato, ”Dek karano angkau layi bi picayo, ma-ko tajadilah apo nan angkau pintak.” 30Mako, urang nan buto tu, lah bisa bi maliyek. Tapi, Isa Almasih mampa-ringekkan bana, supayo inyo tu jan bi mancuritokan kajadian tu kabake si-ya-siyanyo. 31Tapi, inyo tu bi payi kian ku-mari, sarato bi mancuritokan tan-tang Isa Almasih, ka kaciyek-annyo daerah tu. 32Kutiko kaduwo urang tu lah bi payi, mako, ado surang urang bisu, nan dikuwasoi dek roh jahek, di-bawok kabake Isa Almasih. 33Isa Almasih ma-usie roh jahek tu, nan sakutiko tu juwo, urang nan bisu tu bisa mangecek baliak. Urang nan banyak tu bi tacangang, sarato bi bakato, ”Alun ado lai kami mali-yek kajadian nan bakcando iko di Israel!” 34Tapi, urang-urang Farisi bi ba-kato, ”Induak angkang roh-roh ja-hek, nan lah mambari Inyo kuwa-so, untuak ma-usie roh-roh jahek tu.” 35Bakcando itulah Isa Almasih payi bakuliliang, dari kota nan iko, ka kota nan lain, dari kampuang nan iko, ka kampuang nan lain. Baliau ma-aja di rumah-rumah ibadaik, sarato mam-baritokan Injil Karajaan Sarugo. Sa-rato mancegakkan urang-urang nan ma-idokkan sagalo rupo panyakik, sa-rato nan cacaik badan. 36Kutiko Isa Almasih maliyek urang nan banyak tu, Baliau maraso ibo kabake urang-urang tu, dek karano, urang tu lah bi ka-ilangan aka, sarato indak bi bada-yo lai, lah ibaraik domba nan indak bagubalokan. 37Mako, Isa Almasih bakato kabake pangikuik-pangikuik-Nyo, ”Tuwaian banyak, tapi, urang nan ka manuwai saketek. 38Dek ka-rano itu, mintaklah kabake urang nan punyo parak, supayo inyo mandatang-kan, urang-urang nan ka manuwai asie paraknyo.”

will be added

X\