MATIUS 8

1Isa Almasih turun dari bukik, sarato banyak urang nan manuruik-kan Baliau. 2Pado kutiko itu tibolah su-rang urang nan bapanyakik kulik nan manakuikkan. Urang tu basilutuik di adok-an Isa Almasih, sarato jo bakato, ”Angku, jikok Angku namuah, Angku bisa mancegakkan ambo.” 3Mako, Isa Almasih ma-awai urang nan sakik tu sambia bakato, ”Ambo la-yi namuah. Cegaklah panyakik ang-kau!” Sakutiko tu juwo, ilang lanyok-lah panyakik urang tu. 4Sudah tu, Isa Almasih bakato kabake urang tu, ”Ka-na-ilah apo nan Ambo katokan ko! Jan dicuritokan kabake siya-siyanyo, sa-galo apo nan lah tajadi ko. Tapi, pa-yilah kabake imam, sarato mintaklah pangakuan dari inyo, baraso, angkau iyo lah cegak. Sasudah tu pasambah-kanlah karoban, bakcando nan dipa-rentahkan dek Musa, sabagai tando kabake urang nan banyak, baraso ang-kau iyo sabana-bana lah cegak!” 5Kutiko Isa Almasih masuak ka Ka-pernaum, mako, datanglah surang kumandan saradadu Roma, untuak ma-namui Baliau, sarato mamintak tolong kabake Baliau. 6Kumandan saradadu tu bakato, ”Angku, pisuruah ambo sa-dang sakik di rumah. Inyo lah talatak lumpuah di tampaik tidua, sarato san-saro sangaik nampaknyo.” 7Isa Almasih bakato, ”Biyalah, Ambo payi ka sinan untuak ka mancegak-kan inyo.” 8Kumandan saradadu tu manjawauk, ”Jan lai Angku payi kasinan. Rasonyo, ambo ko urang nan indak patuik doh untuak manjamu Angku di rumah am-bo. Angku katokan sajolah agak sa-patah kato. Mako, pisuruah ambo tu lah musti cegak. 9Dek karano, ambo pun musti tunduak kabake parentah urang nan di ateh ambo. Nan di ba-wah ambo, ado pulo saradadu-sarada-du, nan musti bi tunduak kabake pa-rentah ambo. Jikok ambo manyuruah surang saradadu, ’Payilah ka sinan!’ mako, inyo pun payi. Ambo bakato pu-lo kabake nan lain, ’Kamarilah!’ ma-ko, inyo pun datang; nan jikok ambo mamarentahkan pisuruah ambo, ’Ka-rajokanlah iko!’ mako, inyo pun ma-ngarajokannyo.” 10Kutiko Isa Almasih mandanga, apo nan dikatokan dek kumandan sarada-du tu, mako, Baliau tacangang sangaik Sudah tu, Baliau bakato kabake urang-urang nan bi manuruikkan Baliau, ”In-dak tangguang-tangguang doh iman-nyo urang ko. Sabanyak ko lah urang Israel, alun ado lai Ambo manamu-kan urang nan ba-iman bakcando iko! 11Sungguah! Sambuah urang nan ka bi tibo, dari nagari nan arah ka Ujuang, sarato dari nagari nan arah ka Puhun, untuak bi basukocito samo-samo jo Ibrahim, jo Ishak, sarato jo Yakub di dalam Karajaan Sarugo. 12Padohal, urang-urang nan samus-tinyo manjadi umaik Allah, ka di-am-buangkan kaluwa ka tampaik nan ka-lam. Di sinan inyo tu ka bi maratok, sarato ka manangguangkan ajauk nan padiah.” 13Sudah tu, Isa Almasih ba-kato kabake kumandan saradadu tu, ”Pulanglah, apo nan angkau picayo-i tu, itu nan ka tajadi.” Nan kutiko tu juwo, pisuruahnyo tu lansuang cegak. 14Isa Almasih payi ka rumah Petrus. Tibo di sinan, Baliau manampak min-tuwo Petrus nan padusi, sadang da-mam, lalok di tampaik tidua. 15Mako, Isa Almasih ma-awai tangan mintuwo Petrus tu, inyo lansuang cegak. Inyo jago, sarato malayani Isa Almasih. 16Kutiko ari lah muloi sanjo, urang bi mambawok-i kabake Isa Almasih, urang-urang nan bi kamasuak-an roh jahek. Nan jo sapatah kato sajo, Isa Almasih ma-usie roh-roh jahek tu, sara-to mancegakkan pulo kasadonyo urang nan sakik. 17Dek sagalo sasuatu nan lah dipabuwek dek Isa Almasih tu, mako, basuwoanlah apo nan lah dikatokan dek Nabi Yesaya, iyolah, ”Inyo nan ma-nangguang kasansaroan kito, sarato nan mancegakkan panyakik kito.” 18Sabana sambuah urang nan di sa-kuliliang Isa Almasih. Kutiko Baliau maliyek urang nan banyak tu, mako, Baliau manyuruah pangikuik-pangi-kuik-Nyo manyubarangi danau. 19Sudah tu, ado surang guru ugamo datang ka-bake Baliau, sarato jo bakato, ”Ang-ku Guru, ambo namuah manuruikkan Angku kama-kamanyo!” 20Isa Almasih manjawauk, ”Anjiang utan ado punyo lubang, nan buruang ado punyo sarang, tapi, Anak Manu-sia indak punyo tampaik untuak ma-lalokkan badan-Nyo.” 21Sudah tu, ado pulo surang pangi-kuik Baliau nan lain bakato, ”Angku, ijinkanlah ambo pulang dulu, untuak mangubuakan apak ambo.” 22Tapi, Isa Almasih manjawauk, ”Tu-ruikkanlah Ambo, sarato padiyakan-lah urang mati, mangubuakan urang-urangnyo nan mati.” 23Isa Almasih nayiak ka parawu, sa-rato jo pangikuik-pangikuik-Nyo ba-gai. 24Indak disangko-sangko, tibolah angin limbubu nan sangaik kancang, malando danau tu, sainggo parawu tu di-oyak ombak. Kutiko tu Isa Almasih sadang lalok. 25Mako, pangikuik-pa-ngikuik-Nyo payi kabake Baliau, sa-rato manjagokan Baliau. ”Angku, ja-golah Ngku! Tolonglah Ngku! Cilako kito Ngku!” kecek pangikuik-pangi-kuik-Nyo tu. 26Isa Almasih bakato, ”Baa mangko angkau bi tabik takuik? Angkau ku-rang bi picayo kabake Ambo!” Kamu-dian, Isa Almasih tagak, sarato mam-bantak angin limbubu, sarato jo danau tu. Mako, danau tu pun manjadi ta-nang, satanang-tanangnyo. 27Pangikuik-pangikuik Isa Almasih bi tacangang. Inyo tu bi bakato, ”Si-yakoh Baliau ko nan sabananyo, sa-inggo limbubu, sarato jo ombak pun bi patuah kabake Baliau!” 28Isa Almasih sampai di subarang danau, di daerah Gadara. Di sinan tu, ado urang duwo urang nan kamasuak-an roh jahek, datang kabake Baliau. Urang nan baduwo tu ganaih sangaik, sainggo indak surang juwo doh urang nan barani lalu di sinan tu. 29Inyo tu bi kaluwa dari guwo-guwo kubuaran, sarato bi ma-ariak-ariak, ”Anak Allah, ka Angkau pangakan kami ko? Apokoh Angkau lah nak ka ma-ajauk kami, bi-yapun alun di wakatunyo?” 30Indak barajauah dari tampaik tu, ado babi nan sangaik banyak, nan sa-dang bi mancari makan. 31Roh-roh ja-hek tu mambana kabake Isa Almasih, ”Jikok Angkau nak ka manyuruah ka-mi kaluwa, suruahlah kami masuak ka dalam babi nan banyak tu.” 32”Bakiroklah wa-ang dari siko!” ke-cek Isa Almasih. Mako, roh-roh jahek tu bi kaluwa dari urang nan baduwo tu, sudah tu, bi masuak ka babi-babi nan banyak tu. Kasadonyo babi tu bi tabang ambua, sarato bi tajun dari ta-pi tabiang, bi masuak ka danau, abih karam kasadonyo. 33Nan tukang-tukang gubalo babi tu, bi lari ka kota, sarato bi mancuri-tokan sagalo kajadian tu, sarato man-curitokan pulo, apo nan lah tajadi jo kaduwo urang nan kamasuak-an roh jahek tu. 34Mako, kasadonyo urang nan di kota tu, bi payi manamui Isa Almasih. Kutiko inyo tu bi maliyek Isa Almasih, inyo tu bi sabana mam-bana, supayo Baliau barangkek dari daerah inyo tu.

will be added

X\