MATIUS 7

1”Janlah ma-adieli urang lain, supayo angkau sandiri indak pulo di-adieli dek Allah. 2Dek karano, baa caro angkau ma-adieli urang lain, bak-cando itu pulolah, Allah ka ma-adie-li angkau. Ukuaran nan angkau pakai untuak pa-ukua urang lain, itu pulo-lah nan ka dipakai dek Allah untuak ka pa-ukua angkau. 3Baa mangko sa-rabuak kayu nan di mato sudaro ang-kau, nampak dek angkau? Sadangkan balok di mato angkau sandiri indak angkau paratikan doh! 4Dima pulo angkau ka bisa bakato ka sudaro ang-kau, ’Kamarilah, buliah nak den ka-luwakan sarabuak kayu nan di mato wa-ang tu.’ sadangkan di mato angkau sandiri ado balok tabulintang? 5Oih urang munapiak! Kaluwakanlah du-lu balok nan di mato angkau sandi-ri, sudah tu barulah mato angkau tu tarang untuak mancaliak, sarato bi-sa mangaluwakan sarabuak kayu nan di mato sudaro angkau tu. 6Janlah dibarikan barang nan su-ci kabake anjiang, supayo anjiang tu jan babaliak manggigik angkau. Sa-rato jan pulolah mambarikan mutiara kabake babi, supayo mutiara tu indak dilanyau-lanyau dek babi tu.” 7”Mintaklah, mako angkau ka mana-rimo. Carilah, mako angkau ka man-dapek. Tokoklah pintu, mako pintu ka dibukakkan untuak angkau. 8Dek ka-rano, siya urang nan mamintak, inyo ka manarimo; siya urang nan mancari, inyo ka mandapek; sarato siya urang nan manokok pintu, mako, pintu ka dibukakkan untuak inyo. 9Di antaro angkau, adokoh angkau nan mamba-rikan batu ka anak angkau, jikok inyo mamintak roti? 10Atau nan mamba-rikan ula, jikok inyo mamintak ikan? 11Biyapun angkau urang jahek, tapi, angkau layi tawu juwo mambarikan nan elok kabake anak-anak angkau. Apo lai Bapak angkau nan di sarugo! Baliau labiah lai dari itu, Baliau ka mambarikan nan baiak kabake urang-urang nan mamintak kabake Baliau. 12Pabuweklah kabake urang lain, bakcando apo nan katuju dek angkau, nan ka dipabuwek urang kabake ang-kau. Itulah nan sabana intinyo saga-lo paratuaran Musa sarato jo ajaran nabi-nabi.” 13”Masuaklah malalui pintu nan sampik, dek karano, pintu nan ka na-rako lapang, labuah nan manuju ka narako laweh, sarato sambuah urang nan malalu-inyo. 14Tapi, sampiklah pintu nan ka sarugo, sarato suliklah jalan nan mambawok urang kabake iduik nan kaka. Sarato hanyo saketek urang nan lai manamukannyo.” 15”Ingek-ingeklah taradok nabi-na-bi palasu. Inyo tu bi datang kabake angkau icak-icak bakcando domba, ta-pi, inyo tu sabananyo, adolah anjiang utan nan buweh. 16Angkau dapek ma-ngatawuinyo, dari maliyek asie kara-jonyo. Samak baluka, indak ka mung-kin doh ma-asiekan buwah anggur, nan samak baduri, indak ka mungkin doh ma-asiekan buwah ara. 17Dari ba-tang nan rancak, didapek buwah nan elok, nan dari batang nan buruak, di-dapek buwah nan buruak. 18Batang nan rancak, indak ka mungkin doh ma-asiekan buwah nan buruak, baitu pulo, batang nan buruak, indak ka mungkin doh ma-asiekan buwah nan rancak. 19Satiyok batang nan indak ma-asiekan buwah nan rancak, ka di-tabang, sudah tu dibaka. 20Baitu pu-lo tantang nabi-nabi palasu. Angkau dapek mangatawuinyo, dari maliyek asie karajo inyo tu.” 21”Indak kasadonyo urang nan ma-imbau Ambo, ’Tuhan, Tuhan.’ nan ka masuak dalam Karajaan Sarugo, ta-pi hanyolah urang-urang nan layi bi mangarajokan kahandak Bapak Am-bo nan di sarugo. 22Isuak di Ari Ki-yamaik, sambuah urang nan ka bi ba-kato kabake Ambo, ’Tuhan, Tuhan, indakkoh jo ateh namo Angkau, kami lah bi manyampaikan barito nan da-ri Allah? Sarato indakkoh, jo kuwaso namo Tuhan pulo, kami lah bi ma-usie roh-roh jahek, sarato banyak pu-lo mampabuwek mukjizat?' 23Tapi, di kutiko itu Ambo ka manjawauk, Alun ado lai Ambo bakatawuan jo kalian! Bakiroklah kalian dari siko, kalian nan suko mampabuwek kara-jo nan jahek!’ ” 24”Jadi, satiyok urang nan layi bi ma-iyokan kato-kato Ambo ko, sarato layi bi mamatuahinyo, mako, urang tu samo jo bakcando urang nan arih bijaksano, nan lah managakkan ru-mahnyo di ateh batu. 25Pado kuti-ko ari ujan, nan ayie gadang tibo, sa-rato angin limbuhu ma-oyak rumah tu, nan rumah tu indak ka baa-baa, dek karano rumah tu ditagakkan di ateh batu. 26Tapi, satiyok urang nan lah man-danga kato-kato Ambo ko, tapi, inyo indak mamatuah-inyo, mako, urang tu samo jo urang nan pandie, nan lah managakkan rumahnyo di ateh kasiek. 27Pado kutiko ari ujan, nan ayie ga-dang tibo, sarato angin limbubu ma-oyak rumah tu, mako, runtuahlah ru-mah tu. Sarato bareklah rusaknyo!” 28Akienyo salasailah Isa Almasih mambari pangajaran, mako urang-urang nan ado di sinan tu bi tacangang sangaik, dek mandangakan pangajaran Baliau. 29Dek karano, caro Baliau ma-aja tu manganduang kuwaso, indak sa-mo doh jo guru-guru ugamo Yahudi.

will be added

X\