MATIUS 5

1Kutiko Isa Almasih maliyek urang nan banyak tu, mako, Baliau man-daki ka ateh bukik. Sasudah Baliau lah duduak, pangikuik-pangikuik-Nyo bi tibo kabake Baliau, 2mako, mulo-ilah Baliau ma-aja urang nan banyak tu: 3”Basukocitolah, urang nan maraso indak badayo, sarato nan bagantuang sapanuahnyo kabake Tuhan; dek karano, inyo tu lah nan punyo Karajaan Sarugo! 4Basukocitolah, urang nan kiniko ba-ibo ati; dek karano, Allah lah nan ka mambujuak inyo tu! 5Basukocitolah, urang nan randah ati; dek karano, kabake inyo tu lah, Allah ka mambarikan sagalo sasuatu nan lah dijanjikan! 6Basukocitolah, urang nan layi niyo taruih, nak mampabuwek nan katuju dek Allah; dek karano, Allah ka mampalakukan sagalo kandaknyo! 7Basukocitolah, urang nan layi pa-ibo kabake urang lain; dek karano, Allah ka mangasiahi pulo, urang nan pa-ibo tu! 8Basukocitolah, urang nan layi barasiah atinyo; dek karano, inyo tu ka basuwo bana jo Allah! 9Basukocitolah, urang nan mambawok damai sasamo manusia; dek karano, Allah ka ma-akui inyo tu, sabagai anak-anak Baliau! 10Basukocitolah, urang nan manangguangkan aniayo, dek karano mampabuwek nan katuju dek Allah; dek karano, inyo tu lah nan punyo Karajaan Sarugo! 11Basukocitolah, jikok angkau bi di-cacek, di-aniayo, sarato dipitanah ka-rano dek Ambo. 12Dek karano, nabi-nabi nan iduik sabalun angkau pun, lah di-aniayo bakcando itu pulo. Ba-sukocitolah, sarato bi bagadang atilah, dek karano, gadanglah pahalo di sa-rugo, nan disadiyokan dek Tuhan un-tuak angkau.” 13”Angkau adolah garam dunia. Jikok garam lah manjadi amba, layi mungkinkoh di-asinkan baliak? In-dak ka ado doh gunonyo lai, salain ka dicampakkan, sarato ka dilanyau-lanyau urang. 14Angkau adolah tarang dunia. Kota nan talatak di ateh bukik, in-dak mungkin doh indak ka nampak. 15Indak ado doh urang nan sasudah ma-iduik-i lampu, kamudian, inyo songkok jo embe. Nan biasonyo lah musti inyo latakkan di ateh rengkak-nyo, supayo nak manarangi satiyok urang nan di ateh rumah. 16Baitu pu-lo, tarang nan ado di angkau tu, musti bacahayo andaknyo di adok-an urang, supayo inyo tu bi maliyek sagalo ka-rajo angkau nan elok, mako, inyo tu ka bi mamuliekan Bapak angkau nan di sarugo.” 17”Janlah angkau bi manyangko, ba-raso Ambo datang untuak ka mamba-takan paratuaran Kitauk Taurat, atau ajaran Kitauk nabi-nabi. Ambo datang indak untuak ka mambatakannyo doh, tapi, untuak ka manunjuakkan ara-ti nan sabananyo. 18Kana-ilah apo nan Ambo katokan ko! Salamo layi ado juwo lai langik jo bumi, agak ci-yek uruih, atau pun ciyek titiak nan paliang kicik, di dalam paratuaran Kitauk Taurat tu, indak ka dibatakan doh, sabalun kasadonyo pangajaran paratuaran tu bi tajadi! 19Dek kara-no itu, siapo pun juwo nan malang-ga salah ciyek dari sagalo parentah Kitauk Taurat tu, biyapun nan paliang ketek, sarato ma-ajakannyo bakcando itu kabake urang lain, mako, inyo ka mandapek tampaik nan paliang ran-dah di dalam Karajaan Sarugo. Baitu pulo sabaliaknyo, siya urang nan layi mangarajokan sagalo parentah Kitauk Taurat tu, sarato layi ma-ajakannyo pulo kabake urang lain nan bakcando itu, mako, inyo ka mandapek tampaik nan mulie di dalam Karajaan Sarugo. 20Dek karano itu, kana-ilah apo nan Ambo katokan ko: Angkau indak ka mungkin doh masuak Karajaan Saru-go, jikok caro ba-ugamo angkau indak labiah elok, daripado caro ba-ugamo guru-guru ugamo Yahudi, atau urang-urang Farisi!” 21”Angkau kan bi tawu, baraso di niniak muyang kito lah ado aja-ran nan bakcando iko: Jan mambu-nuah, siya urang nan mambunuah, inyo musti ka di-ukun. 22Tapi, kini-ko Ambo bakato kabake angkau, siya urang nan bangih kabake urang lain, mako, inyo musti ka di-ukun. Sarato siya urang nan mancacek urang lain, mako, inyo ka disidangkan di adok-an Mahkamah Ugamo. Baitu pulo, si-ya nan mangatokan ’Pandie.’ kabake urang lain, mako, inyo patuik di-am-buangkan masuak api narako. 23Dek karano itu, jikok ado salah surang di antaro angkau, nan sadang mampa-sambahkan karobannyo kabake Allah, samantaro itu takana dek inyo, ba-raso ado urang nan sakik ati kabake inyo, 24mako, andaklah inyo tingga-kan dulu karoban pasambahannyo tu di adok-an mezbah, sudah tu, payilah mintak maoh kabake urang tu. Ka-mudian, barulah inyo babaliak, un-tuak mampasambahkan karobannyo tu kabake Allah. 25Kok santano ado urang nan ma-ngadukan angkau ka pangadielan, mako, eloklah badamai jo urang tu samantaro ado wakatu, sabalun sam-pai di pangadielan. Jikok indak, tan-tu urang tu ka manyarahkan angkau kabake hakim, nan hakim ka manya-rahkan angkau kabake pagawai. Su-dah tu, pagawai nan ka mamasuak-kan angkau ka pinjaro. 26Kana-ilah apo nan Ambo katokan ko: Lah ja-leh angkau indak ka bisa doh kalu-wa dari pinjaro tu, jikok sagalo dan-do alun angkau bayie lunaih.” 27”Angkau lah bi tawu, baraso ado ajaran nan bakcando iko: Jan baji-na. 28Tapi, kiniko Ambo bakato kaba-ke angkau: siya nan mancaliak padu-si, jo pancaliak-an nan banapasu, ma-ko, urang tu lah bajina tu jo padusi tu di dalam atinyo. 29Jikok mato angkau nan suwok nan manyabaukkan ang-kau badoso, mako, cukielah incek ma-to angkau tu, sarato campakkanlah! Labiah elok angkau indak bamato sa-balah, daripado batubuah langkok di-ambuangkan masuak narako. 30Jikok tangan angkau nan suwok nan ma-nyabaukkan angkau badoso, mako, kuduanglah tangan angkau tu, sara-to campakkanlah! Labiah elok bata-ngan pontong sabalah, daripado batu-buah langkok di-ambuangkan masuak narako.” 31”Ado pulo ajaran nan bakcando iko: satiyok urang nan mancaraikan bininyo, mako, inyo musti ma-agiah surek carai kabake bininyo tu. 32Tapi, kiniko Ambo bakato kabake angkau: siya urang nan mancaraikan bininyo, padohal bininyo tu indak ado doh ba-jina, sarato manyabaukkan bininyo tu bajina, jikok jandonyo tu balaki jo urang lain. Sarato siya nan mampa-bini padusi nan lah dicaraikan tu, sa-mo pulo tu jo bajina.” 33”Angkau lah bi tawu, baraso di niniak muyang kito ado ajaran nan bakcando iko: jan mungkie janji. Apo nan lah angkau janjikan jo sumpah di adok-an Allah, musti angkau tapek-i. 34Tapi, kiniko Ambo bakato kabake angkau: nan angkau, sabana-bana in-dak buliah doh basumpah, biya kara-no dek langik, sabauk langik adolah tampaik kurisi Allah, 35atau pun ka-rano dek bumi, sabauk bumi adolah tumpuan kaki Baliau, atau pun kara-no dek Yerusalem, sabauk Yerusalem adolah kota Rajo Nan Basa. 36Jan pu-lolah basumpah karano dek kapalo angkau, sabauk agak sa-alai rambuik angkau tu, angkau indak bakuwaso doh mamutiahkan, atau ma-itamkan-nyo. 37Jikok iyo, katokan ’Iyo’, jikok indak, katokan ’Indak' labiah dari itu, datangnyo dari Ubilih.” 38”Angkau lah bi tawu, baraso ado pu-lo ajaran nan bakcando iko: mato digan-ti jo mato, gigi diganti jo gigi. 39Tapi, ki-niko Ambo bakato kabake angkau: jan mambaleh dandam taradok urang nan babuwek jahek kabake angkau. Malah sabaliaknyo, jikok ado urang nan ma-nampa pipi angkau nan suwok, mako, pa-diyakan pulolah inyo manampa pipi ang-kau nan kida. 40Nan jikok ado urang nan mangadukan angkau kabake hakim, dek karano inyo nak ma-inginkan baju ang-kau, mako, barikanlah jubah angkau ba-gai untuak inyo. 41Jikok ado surang pa-nguwaso, nan mamaso angkau mamikua barangnyo sajauah jarak sakilo, mako, bawoklah barangnyo tu sajauah jarak du-wo kilo. 42Jikok ado urang nan mamin-tak sasuatu kabake angkau, mako, bari-kanlah apo nan inyo mintak tu. Sarato jan pulolah manulak, jikok urang nak ka manyalang sasuatu kabake angkau.” 43”Angkau lah bi tawu, baraso ado pulo ajaran nan bakcando iko: ibo-ilah kanti-kanti angkau, sarato banci-ilah urang-urang nan mamusuahi angkau. 44Tapi, kiniko Ambo bakato kabake angkau: kasiahilah urang-urang nan mamusuahi angkau, sarato badowa-lah untuak urang-urang nan ma-ani-ayo angkau, 45supayo angkau bi man-jadi anak-anak Bapak angkau nan di sarugo. Dek karano, Allah manabikkan matoari-Nyo untuak urang nan elok, sarato jo untuak urang nan jahek. Ba-liau manurunkan ujan, untuak urang nan babuwek baiak, sarato jo untuak urang nan babuwek jahek. 46Dek ka-rano, jikok angkau hanyo bi manga-siahi, urang nan mangasiahi angkau sajo, mako, untuak apo gunonyo Allah musti mambaleh pabuatan angkau tu? Indakkoh tukang-tukang mintak pa-jak bi mampabuwek nan bakcando itu pulo? 47Nan jikok angkau mam-bari salam, hanyo kabake kanti-kan-ti angkau sajo, apo kalabiahan ang-kau dari urang lain? Urang-urang nan indak tawu jo Allah pun, mampabu-wek nan bakcando itu! 48Bapak ang-kau nan di sarugo, sabana samparono ibo kabake sadonyo urang. Nan ang-kau pun musti baitu pulo.”

will be added

X\