MATIUS 4

1Kamudian, Isa Almasih dibawok dek Roh Allah ka padang pasie, untuak dicubo-i dek ubilih. 2Salamo ampek puluah ari ampek puluah ma-lam, Isa Almasih indak makan. Ma-ko, litaklah paruik Baliau. 3Tibolah Ubilih sarato jo bakato, ”Angkau kan Anak Allah, iyo ndak? Suruahlah ba-tu nan ado ko manjadi roti.” 4Isa Almasih manjawauk, ”Di Alkitauk ado tatulih: Manusia indak ka dapek doh iduik, jikok hanyo dari roti sajo, tapi, inyo mamaralukan pu-lo, satiyok kato-kato nan kaluwa da-ri muluik Allah.” 5Sasudah tu, Ubilih mambawok Isa Almasih ka Yerusalem, ka kota su-ci, sarato manampaikkan Baliau di bubuangan atok Baithullah. 6Mako, Ubilih bakato kabake Baliau, ”Ang-kau kan Anak Allah, iyo ndak? Jikok baitu, cubolah tajun ka bawah, dek karano di Alkitauk ado tatulih nan bakcando iko, Allah ka mamarentahkan malekaik-malekaik-Nyo, untuak nan ka malinduangi Angkau, malekaik tu ka bi manyambuik Angkau jo tangannyo, supayo kaki Angkau jan ta-antuak ka batu.’ ” 7Isa Almasih manjawauk, ”Tapi, di Alkitauk ado pulo tatulih nan bak-cando iko, ’Janlah angkau mancubo-i Tuhan Allah angkau.’ ” 8Kamudian, Ubilih mambawok Isa Almasih, ka ateh gunuang nan sangaik tenggi, sarato mampaliyekkan kaba-ke Baliau, kasadonyo karajaan nan di muko bumi, sarato jo sagalo arato bandonyo. 9Sudah tu, Ubilih bakato kabake Isa Almasih, ”Kasadonyo ko ka den barikan kabake Angkau, jikok Angkau layi namuah sujuik manyam-bah kabake den.” 10Isa Almasih manjawauk, ”Oih Tu-kang Umbuak! Bakirok wa-ang dari si-ko! Di Alkitauk ado tatulih: Sambahlah Tuhan, Allah angkau, sarato kabake Baliau sajolah angkau ba-ibadaik!” 11Akienyo Ubilih barangkek ma-ninggakan Isa Almasih, sarato bi ti-bolah malekaik-malekaik malayani Baliau. 12Kutiko Isa Almasih mandanga ka-ba, baraso Yahya lah dimasuakkan ka pinjaro, mako, Baliau ma-inda ka Galilea. 13Baliau barangkek dari Nazaret, sudah tu manatauk di Kapernaum, di tapi Danau Galilea, di daerah Zebu-lon jo Naftali. 14Dek karano Isa Almasih mampa-buwek nan bakcando itu, mako, ba-suwoanlah apo nan lah dikatokan dek Nabi Yesaya: 15”Tanah Zebulon jo tanah Naftali, di jalan nan ka danau, di subarang Sungai Yordan, Galilea adolah tanah banso-banso asiang! 16Banso nan iduik di nan kalam, lah bi manampak tarang nan gumilang! Untuak urang nan tingga di nagari nan disongkok mauik, lah tabik cahayo tarang!” 17Sajak dari wakatu itu, mako mu-lo-ilah Isa Almasih mambaritokan, ”Bi batobaiklah dari doso-doso ang-kau, dek karano, Allah sugiro ka ma-marentah sabagai Rajo!” 18Kutiko Isa Almasih sadang baja-lan di tapi Danau Galilea, Baliau ma-nampak duwo urang tukang pukek, iyolah Simon, (nan dinamoi pulo si Petrus,) sarato jo adiaknyo, Andreas. Inyo tu bi sadang manjalo ikan di da-nau tu. 19Isa Almasih bakato kabake inyo tu, ”Kamarilah, molah payi jo Ambo. Ambo ka ma-aja angkau, supayo pan-dai manjalo urang.” 20Mako, inyo tu bi maninggakan jalonyo, sudah tu, lansuang bi payi manuruikkan Isa Almasih. 21Isa Almasih taruih juwo bajalan, mako, nampak pulolah dek Baliau, urang baduwo badunsanak, iyolah, Yakobus sarato jo Yahya, anak-anak Zebedeus. Inyo tu, samo-samo sadang mampaelok-i jalo jo apaknyo di dalam parawu. Isa Almasih ma-ajak inyo tu pulo, 22nan inyo tu lansuang bi ma-ninggakan parawunyo, sarato jo apak-nyo, mako, inyo tu bi payi manuruik-kan Isa Almasih. 23Isa Almasih bakuliliang di kasa-donyo nagari di Galilea, sarato ma-aja di rumah-rumah ibadaik. Baliau mam-baritokan Injil, sarato jo mangabakan, baraso Allah ka mamarentah sabagai Rajo. Urang-urang nan sakik, sarato jo urang-urang nan bacacaik, Baliau cegakkan. 24Lah pacah kaba tantang diri Isa Almasih di kasadonyo nagari di Siria, sainggo sambuah urang nan bi tibo kabake Baliau. Urang-urang tu, bi mambawok-i urang nan bi ma-idok-kan sagalo rupo panyakik, sarato jo urang nan sansaro. Urang-urang nan kamasuak-an roh jahek, urang nan di-sawan, sarato jo urang nan lumpuah, kasadonyo tu dicegakkan dek Isa Almasih. 25Sambuah sangaik urang nan bi payi manuruikkan Isa Almasih di wakatu itu. Ado nan datang dari Galilea, ado nan dari Sapuluah Ko-to, dari Yerusalem, dari Yudea, sara-to ado pulo nan dari nagari di suba-rang Sungai Yordan.

will be added

X\