MATIUS 3

1Pado wakatu itu, datanglah Yahya Pambaptis di padang pasie di Yudea, sarato muloi bakatubah. 2Inyo bakato, ”Bi batobaiklah dari doso-do-so angkau, dek karano, Allah sugiro ka mamarentah sabagai Rajo!” 3Yahya ko lah, urang nan dimuka-suikkan dek Nabi Yesaya, dalam kato-katonyo nan bakcando iko sa-isuak, ”Ado urang ba-imbau-imbau di padang pasie, ’Sadiyokanlah jalan untuak Tuhan; datakanlah jalan untuak Baliau.’ ” 4Yahya mamakai jubah dari bulu unto. Ikek pinggangnyo dari kulik, nan makanannyo bilalang, sarato jo manisan labah. 5Sambuah urang dari Yerusalem, sarato jo dari sagalo naga-ri di Yudea, sarato jo dari daerah-da-erah nan di sakuliliang Sungai Yordan, bi tibo kabake Yahya. 6Urang-urang tu bi ma-akui doso-dosonyo, sudah tu, Yahya mampamandikan inyo tu di Sungai Yordan. 7Banyak pulo urang-urang Farisi, sarato jo urang-urang Saduki, nan bi datang kabake Yahya, untuak min-tak dipamandikan. Tapi, kutiko Yah-ya maliyek urang tu bi tibo, inyo ba-kato kabake urang-urang tu, ”Angkau ko adolah urang-urang nan pasiak! Si-ya nan mangatokan, baraso angkau dapek bi ta-inda dari ukunan Allah nan ka tibo isuak? 8Panampakkan-lah jo pabuatan angkau, baraso ang-kau iyo lah bi batobaik dari doso-do-so angkau. 9Jan disangko angkau ka bi dapek lapeh dari ukunan, dek ka-rano angkau bi mangatokan, Ibrahim adolah niniak muyang kami. Kana-ilah nan ambo katokan ko, dari batu nan ado ko, Allah dapek mambuwek katurunan untuak Ibrahim! 10Kapak lah tasadiyo, untuak ka panabang ba-tang kayu sampai ka urek-ureknyo. Satiyok batang kayu nan indak ma-asiekan buwah nan elok, ka ditabang, sarato ka di-ambuangkan masuak api. 11Ambo mampamandikan angkau jo ayie, sabagai tando baraso angkau lah bi batobaik dari doso-doso angkau, tapi, Baliau nan datang kudian dari ambo, ka mampamandikan angkau jo Roh Allah, sarato jo api. Baliau la-biah basa daripado ambo. Untuak ka tukang bawok tarompa-Nyo sajo, am-bo ko urang nan indak patuik doh. 12Di tangan Baliau lah tasadiyo tam-piyan, untuak ka panampi sagalo gan-dun-Nyo sampai tareh. Gandun nan lah tareh, ka Baliau kumpuakan ma-suak lumbuang, tapi, nama nan da-dak ka Baliau baka masuak api, api nan indak ka pudua-pudua.” 13Pado wakatu itu, Isa Almasih ba-rangkek dari Galilea manuju Sungai Yordan. Tibo di sinan, Baliau payi ma-namui Yahya, sarato mintak dipaman-dikan. 14Tapi, Yahya mancubo manu-lak pintak Baliau tu. Yahya bakato, ”Sabananyo, ambolah nan samusti-nyo Angku pamandikan. Kiniko ma-lah tabaliak, Angku nan tibo kabake ambo mintak dipamandikan.” 15Tapi, Isa Almasih manjawauk, ”Bi-yalah kito pabuwek bakcando nan Am-bo pintak tu. Dek karano, jo caro nan baitulah kito mangarajokan kasado-nyo kahandak Allah.” Akienyo, tapa-so juwolah Yahya mampamandikan Isa Almasih. 16Sasudah dipamandikan, Isa Almasih sacapeknyo kaluwa dari batang ayie tu. Indak disangko-sangko langik ta-bukak, nan Isa Almasih manampak Roh Allah turun bakcando buruang parapati kabake Baliau. 17Kamudian, tadanga suwaro Allah nan bakato, ”Ikolah Anak-Den nan Den kasiahi. Inyo manyanangkan ati-Den.”

will be added

X\