MATIUS 27

1Subuah-subuah buto, kasado-nyo imam kapalo, sarato jo pa-mimpin Yahudi, lah bi mambuwek ka-putusan, untuak ka mambunuah Isa Almasih. 2Inyo tu lah mampilanggu Isa Almasih, sudah tu inyo bawok, un-tuak disarahkan kabake Pilatus, gu-benur pamarentahan Roma. 3Kutiko Yudas pangkiyanaik tu ma-liyek, baraso Isa Almasih lah dijatuahi ukunan, inyo manyasa. Sudah tu, inyo payi mambaliakkan pitih nan tigo pu-luah pitih perak tu, kabake imam-imam kapalo sarato jo pamimpin-pamimpin Yahudi. 4Inyo bakato, ”Ambo lah bado-so mangkiyanaik-i Urang nan indak ba-salah, sampai Baliau di-ukun mati!” Tapi, urang-urang tu bi manjawauk, ”Apo paralunyo tu di kami? Itu urusan wa-ang sorang!” 5Yudas payi mambaekan pitih tu ka dalam Baithulmukadis, sudah tu inyo payi manggantuang diri. 6Imam-imam kapalo mangamehi pitih tu, sarato jo bakato, ”Pitih ko pitih darah. Manuruik paratuaran ugamo, pitih ko in-dak buliah doh dimasuakkan ka kotak pi-tih pasambahan di Baithulmukadis.” 7Sasu-dah urang-urang tu lah bi supakaik, mako, inyo tu bi mampagunokan pitih tu, untuak pambali tanah, nan dinamokan Tanah Tu-kang Pariyuak. Tanah tu dipagunokan un-tuak pakubuaran urang-urang asiang. 8Itu-lah sabauknyo, mako sampai kiniko tanah tu dinamokan ”Tanah Darah”. 9Dek nan baitu, mako basuwoanlah apo nan lah dikatokan dek Nabi Yeremia, iyolah, ”Urang-urang tu manarimo tigo puluah pi-tih perak, iyolah arago nan disupakaik-i dek banso Israel kaganti bayieran un-tuak dirinyo. 10Nan pitih tu inyo am-biak untuak pambali Tanah Tukang Pariyuak, samo jo bakcando nan lah di-parentahkan dek Tuhan kabake ambo.” 11Di kutiko Isa Almasih mangadauk ka Pilatus, gubenur di nagari tu, ma-ko, Pilatus batanyo, ”Apokoh iyo Angkau rajo urang Yahudi?” Isa Almasih manjawauk, ”Iyo baitu-lah, angkau sandiri nan lah mangato-kannyo.” 12Tapi, kutiko imam-imam kapalo, sarato jo pamimpin-pamimpin Yahudi, mangamukokan banyak tu-duahan kabake Isa Almasih, nan Baliau indak manjawauk sabuwah alah juwo. 13Dek karano itu, mako, Pilatus ba-tanyo kabake Isa Almasih, ”Apokoh in-dak tadanga di Angkau, sagalo nan di-tuduahkan dek urang-urang tu?” 14Tapi, Isa Almasih anok sajo, saing-go gubenur tu tacangang sangaik. 15Di satiyok Ari Rayo Paskah, nan biasonyo gubenur buliah malapehkan surang urang tahanan, manuruik pi-liahan urang nan banyak. 16Pado wakatu itu, ado surang urang ukunan nan lah tamusawua. Namonyo Bara-bas. 17Jadi, kutiko urang nan banyak lah bakumpua, Pilatus batanyo kaba-ke urang nan banyak tu, ”Siya nan katuju dek angku-angku, nan ka am-bo lapehkan untuak angku-angku? Si Isa Barabas, atau Isa, nan dinamokan Almasih?” 18Pilatus bakato baitu, dek karano inyo tawu, baraso panguwa-so-panguwaso urang Yahudi manya-rahkan Isa Almasih kabake inyo, dek karano bingik. 19Di kutiko Pilatus sadang duduak di gaduang pangadielan, bininyo ma-ngirin kaba nan bakcando iko kabake inyo, ”Janlah angkau sato pulo man-cikarauwi, parkaro Urang nan indak basalah tu, dek karano dek Inyo, am-bo mandapek rasiyan nan manakuik-kan tadi malam.” 20Tapi, imam-imam kapalo, sarato jo pamimpin-pamim-pin Yahudi tu, taruih juwo ma-asuang urang nan banyak tu, untuak mamin-tak kabake Pilatus, supayo Barabas-lah nan ka dilapehkan, Isa Almasih di-ukun mati. 21Sudah tu, gubenur tu batanyo pulo kabake urang nan ba-nyak tu, ”Dari urang nan baduwo tu, siya nan katuju dek angku-angku nan ka ambo lapehkan?” Inyo tu bi manjawauk, ”Si Barabas lah ” 22”Jikok baitu, apo nan ka ambo pabuwek taradok Isa, nan dinamo-kan Almasih?” tanyo Pilatus kabake urang nan banyak tu. Inyo tu bi manjawauk, ”Salibkan sa-jolah Inyo!” 23Tapi, Pilatus batanyo, ”Karajo ja-hek apo nan lah Inyo pabuwek?” Mako, urang-urang tu bi ma-ariak, labiah kareh daripado nan cako, ”Sa-libkan sajolah Inyo!” 24Akienyo Pilatus manyadari, bara-so, indak sabuwah alah juwo lai nan bisa inyo pabuwek. Jikok indak di-palakukan kandak urang-urang tu, mungkin sajo inyo tu bisa bi mambarontak. Mako, di-ambiaklah ayie dek Pilatus, di adok-an urang nan banyak tu, inyo basuah tangannyo, sambia ba-kato, ”Ambo indak sato doh batang-guang jawauk jo kamatian Urang ko! Itu urusan kalian!” 25Kasadonyo urang nan banyak tu bi manjawauk, ”Jadih, biyalah kami, sarato jo anak-anak kami, nan ka manangguang ukunan dek karano kamatian Inyo!” 26Sudah tu, Pilatus malapehkan Ba-rabas, untuak mampalakukan kandak urang-urang tu, sarato manyuruah urang untuak mancambuik-i Isa Almasih; sarato manyarahkan-Nyo untuak ka disalibkan 27Kamudian, saradadu-saradadu Pilatus, mambawok Isa Almasih masuak ka istano gubenur, kasadonyo pasukan bakumpua di sakuliliang Isa Almasih. 28Inyo tu bi mam-bukak baju Isa Almasih, sudah tu, inyo ka-nakkan jubah kulabu bungo taruang kaba-ke Baliau. 29Inyo tu mambuwek sabuwah mangkuto dari rantiang-rantiang ka-yu nan baduri, sarato inyo kanakkan ka kapalo Isa Almasih. Kamudian, inyo tu mambarikan sabuwah tungkek ka ta-ngan suwok Baliau, sudah tu, inyo tu bi basilutuik di adok-an Baliau, sara-to bi mancimeehkan. Inyo tu bi bakato, ”Daulaik Rajo Urang Yahudi!” 30Inyo tu bi maliyua-i Isa Almasih, sudah tu, inyo ambiak tungkek nan inyo barikan cako, untuak palakak kapalo Baliau. 31Lah pu-weh mampamain-mainkan Baliau, inyo bukak baliak, jubah nan inyo kanakkan cako, sudah tu, inyo kanakkan baliak ju-bah Baliau. Kamudian, barulah Baliau dibawok kaluwa untuak ka disalibkan 32Di tangah jalan, urang-urang tu basuwo jo surang urang nan banamo Simon dari Kirene. Inyo paso Simon untuak mamikua salib Isa Almasih. 33Kamudian, sampailah urang-urang tu di sabuwah tampaik nan banamo Golgota, nan aratinyo adolah ”Tam-paik Tangkurak”. 34Tibo di sinan, inyo barikan anggur nan bacampua jo am-padu kabake Isa Almasih. Sasudah Isa Almasih mangicok anggur tu, Baliau indak niyo lai maminunnyo. 35Indak lamo sasudah tu, urang-urang tu manyalibkan Isa Almasih, sarato mambagi-bagi pakaian Baliau jo sacaro ba-undi. 36Sasudah tu, inyo tu bi duduak di sinan tu untuak man-jago-i Isa Almasih. 37Di ateh kapalo Isa Almasih tu, inyo pasang tulisan, tan-tang tuduahan kabake Baliau, iyolah: ”Ikolah Isa, Rajo Urang Yahudi”. 38Nan samo-samo jo Isa Almasih tu, ado pu-lo duwo urang panyamun nan disalib-kan; surang di sabalah suwok, nan su-rang lai di sabalah kida Baliau. 39Urang-urang nan bi lalu di sinan tu, bi manggeleng-gelengkan kapalo, sarato bi ma-ino Isa Almasih. 40Inyo tu bi ba-kato, ”Wa-ang urangnyo, nan ka marun-tuahkan Baithullah, sudah tu ka mam-bangunnyo baliak dalam tigo ari! Jikok iyo Wa-ang Anak Allah, turunlah dari salib tu, salamaikkanlah diri Wa-ang!” 41Baitu pulo imam-imam kapalo, sarato jo guru-guru ugamo, sarato jo pamimpin-pamimpin Yahudi, bi man-cimeehkan Isa Almasih. Urang-urang tu bi bakato, 42”Inyo mangatokan ka manyalamaikkan urang, padohal, di-ri-Nyo sandiri indak bisa doh Inyo sa-lamaikkan! Jikok iyo Inyo rajo Israel, eloklah kiniko Inyo turun dari salib tu, sudah tu barulah kami namuah pica-yo kabake Inyo. 43Inyo picayo kabake Allah, Inyo mangatokan baraso Inyo adolah Anak Allah. Nah, molah samo-samo kito liyek, apo iyo namuah Allah manyalamaikkan Inyo kiniko.” 44Panyamun nan samo-samo disa-libkan jo Isa Almasih, sato pulo ma-ino Baliau bakcando itu. 45Di tangah ari, ado salamo tigo jam, kasadonyo nagari ko manjadi ka-lam. 46Pukua tigo sanjo, Isa Almasih ma-makiak jo suwaro nan kuwaik, ”Eli, Eli, lama sabakhtani?” nan aratinyo adolah, ”Oih Allah Ambo, oih Allah Ambo, baa mangko batinggakan Ambo?” 47Babarapo urang nan ado di si-nan bi mandangakan pakiak Baliau tu, urang tu bi bakato, ”Dangakan-lah Inyo ma-imbau Elia!” 48Salah su-rang dari urang-urang tu, bagageh pa-yi ma-ambiak bungo karang, sudah tu inyo randamkan ka dalam anggur masam. Kamudian, inyo cucuakkan bungo karang tu di ujuang pangalan, sudah tu, inyo oncongkan ka bibia Isa Almasih. 49Tapi, urang-urang nan lain bi ba-kato, ”Tunggu dulu, cubo kito liyek, apo iyo tibo Elia untuak manyalamaik-kan Inyo!” 50Kamudian, Isa Almasih mama-kiak pulo jo suwaro nan kuwaik, su-dah tu, Baliau ma-ambuihkan angok nan pangabisan. 51Tabie nan tagantuang di dalam Baithulmukadis cabiak, tabalah du-wo dari ateh sampai ka bawah. Bumi manggaga, gunuang-gunuang batu bi rangkah. 52Kubuaran-kubuaran bi ta-bukak, sambuah umaik Allah nan lah bi mati, di-iduikkan baliak. 53Inyo tu bi kaluwa dari kubuaran-kubuaran, sasudah Isa Almasih iduik baliak da-ri kamatian. Inyo tu bi masuak ka ko-ta Yerusalem, sambuah urang nan bi manampak inyo tu. 54Kapalo pasukan, sarato jo sarada-du-saradadu, nan sadang bi manjago kubuaran Isa Almasih tu, bi mati ka-takuik-an, kutiko mandanga gampo sarato jo maliyek kajadian tu. Inyo tu bi bakato, ”Iyo, sabananyo lah, Baliau ko Anak Allah!” 55Di tampaik tu ado pulo urang-urang padusi nan sadang mancaliak dari jauah. Inyo tu lah sajak dari Ga-lilea manuruikkan Isa Almasih, nan bamukasuik nak ka manolong Baliau. 56Di antaronyo iyolah, Maryam Mag-dalena, Maryam mandeh Yakobus sa-rato jo Yusuf, sarato jo urang rumah Zebedeus. 57Malam tu tibolah surang urang kayo dari Arimatea, nan banamo Yu-suf. Inyo adolah pangikuik Isa Alma-sih pulo. 58Inyo payi kabake Pilatus untuak mamintak mayik Isa Almasih, untuak ka dikubuakan. Sudah tu, Pi-latus mamarentahkan supayo mayik tu disarahkan kabake inyo. 59Mako, payilah inyo manjapuik mayik tu, su-dah tu inyo kapani jo kain lenan nan baru. 60Sudah tu, inyo antakan ma-yik Isa Almasih tu, ka kubuaran nan punyo inyo sandiri, nan lah inyo bu-wek di dalam sabuwah bukik batu. Kamudian, inyo latakkan batu gadang untuak panutuik pintu kubuaran tu, sudah tu inyo payi. 61Maryam Mag-dalena, sarato jo Maryam nan surang lai, inyo tu bi duduak di sinan ma-adok-i kubuaran tu. 62Bisuak arinyo, di ari Sabat, imam-imam kapalo, sarato jo urang-urang Farisi, bi payi samo-samo mangadauk kabake Pilatus, 63inyo tu bi bakato, ”Angku, ado ciyek nan takana dek kami, samaso si Pangicuah tu iduik, Inyo ado mangecekkan, ’Sasudah tigo ari Ambo ka iduik baliak, kaluwa dari ku-bua.’ 64Dek karano itu, eloklah ang-ku suruah urang untuak manjago ku-buaran tu sampai di ari nan katigo, supayo pangikuik-pangikuik-Nyo in-dak dapek ma-ambiak mayik tu, jan sampai pangikuik-Nyo tu bi mange-cekkan kabake urang nan banyak, ba-raso si Isa tu lah iduik baliak sasu-dah mati. Kaba duto nan tarakir ko, labiah buruak lai akibaiknyo daripa-do nan partamu.” 65Pilatus bakato kabake urang-urang tu, ”Angku-angku kan layi punyo sara-dadu pangawal, suruah jago areklah kubuaran tu, dek saradadu tu.” 66Sudah tu, inyo tu bi payi ka ku-buaran, inyo sege batu panutuik ku-buaran tu, inyo suruah urang untuak manjagonyo, supayo jan ado urang n an manggaduah kubuaran tu.

will be added

X\