MATIUS 26

1Kutiko Isa Almasih lah sala-sai ma-ajakan sagalo parkaro tu, mako, Baliau bakato kabake pangi-kuik-pangikuik-Nyo, 2”Angkau kan layi bi tawu, baraso duwo ari lai Ari Rayo Paskah, Anak Manusia ka disa-rahkan untuak ka disalibkan!” 3Pado kutiko itu, imam-imam ka-palo, sarato jo pamimpin-pamimpin Yahudi sadang bi bakumpua di istano Imam Basa Kayafas. 4Inyo tu sadang bi barundiang, baa caronyo untuak ka manangkok Isa Almasih, jo sacaro ba-anok-anok, sarato ka mambunuah Baliau. 5Inyo tu bi bakato, ”Tapi, janlah mukasuik kito tu di-ujuikkan di ku-tiko Ari Rayo, baiko eboh urang, timbua kalibuik di antaro urang banyak.” 6Kutiko Isa Almasih sadang di Be-tania, di rumah Simon nan dulu ba-panyakik kulik nan manakuikkan, 7ado surang padusi nan datang ka-bake Isa Almasih. Inyo mambawok sa-buwah boto pualam, nan barisi minyak arun nan sangaik maha. Di kutiko Isa Almasih sadang duduak makan, padu-si tu manuwangkan minyak arun tu ka ateh kapalo Isa Almasih. 8Pangi-kuik-pangikuik Isa Almasih nan mali-yek kajadian tu, bi bangih. Inyo tu bi bakato, ”Apo gunonyo minyak arun tu dibuwang-buwang?” 9”Minyak arun tu bisa dijuwa jo arago nan sangaik ma-ha, nan pitihnyo buliah dibarikan ka-bake urang-urang nan bansaik!” 10Isa Almasih tawu, apo nan dipikie-kan dek pangikuik-Nyo tu, mako, Baliau bakato, ”Baa mangko angkau bi mambu-wek seso urang padusi ko? Inyo manga-rajokan sasuatu nan elok, sarato nan ta-puji untuak Ambo. 11Urang nan bansaik, ka salamonyo ado di antaro angkau, ta-pi, nan Ambo ko indak kasalamonyo doh jo angkau. 12Jo sacaro inyo manuwang-kan minyak arun ka badan Ambo tu, itu aratinyo adolah, inyo lah muloi mampa-siyaukkan untuak pangubuaran Ambo. 13Picayolah! Dima-dimanyo di dunia ko, dima sajo Injil dari Allah dibaritokan, mako, apo nan lah dipabuwek dek urang padusi ko ka tatauk dicuritokan juwo, untuak ka mangana-ngana inyo.” 14Ado salah surang dari kaduwo ba-leh pangikuik Isa Almasih, nan bana-mo Yudas Iskariot, inyo payi kabake imam-imam kapalo. 15Inyo bakato kabake imam-imam tu, ”Apo nan ka angku-angku barikan untuak ambo, ji-kok ambo dapek manyarahkan Isa Al-masih kabake angku-angku?” Mako, imam-imam kapalo tu, bi ma-etong ti-go puluah buwah pitih perak, sudah tu inyo agiahkan kabake Yudas Iskariot. 16Muloi dari sajak itu, Yudas taruih mancari kutiko nan tapek, untuak ka mangkiyanaik-i Isa Almasih. 17Di ari nan partamu, di Ari Rayo Roti Indak Baragi, pangikuik-pangi-kuik Isa Almasih datang kabake Baliau. Inyo tu bi batanyo, ”Dima nan katuju dek Angku, kami manyadiyokan ma-kanan Paskah untuak Angku?” 18Isa Almasih manjawauk, ”Payi-lah kabake surang urang di kota, ka-tokan kabake inyo, ’Angku Guru ma-ngatokan, baraso lah tibo ko masonyo untuak Ambo; Ambo bamukasuik nak ka marayokan Paskah di rumah ang-kau samo-samo jo pangikuik-pangi-kuik Ambo.’ ” 19Pangikuik-pangikuik Isa Almasih mangarajokan, apo nan disuruahkan dek Isa Almasih kabake inyo tu. Inyo tu bi payi manyadiyokan makanan Paskah tu. 20Baru ari lah malam, Isa Alma-sih sarato jo kaduwo baleh urang pangikuik-Nyo, bi duduak makan. 21Samantaro inyo tu sadang bi ma-kan, Isa Almasih bakato, ”Dangakan-lah kecek Ambo ko: salah surang di antaro angkau ko, ado nan ka mang-kiyanaik-i Ambo.” 22Baru bi mandanga kecek Isa Alma-sih tu, sangaik bi sadiahnyo ati pangi-kuik-pangikuik Baliau. Sudah tu, inyo tu balega-lega bi batanyo kabake Isa Almasih, ”Kan indak ambo doh, nan Angku mukasuikkan Ngku?” 23Isa Almasih manjawauk, ”Urang nan samo-samo jo Ambo marandam-kan roti masuak mangkuak, inyo lah nan ka mangkiyanaik-i Ambo. 24Batua Anak Manusia ka mati bakcando nan lah tasurek di Alkitauk. Tapi, cilako-lah urang nan mangkiyanaik-i Anak Manusia! Labiah elok lai di urang tu jikok inyo indak dilayiekan ka dunie ko!” 25Sudah tu, Yudas, si pangkiyanaik tu bakato, ”Kan indak ambo doh nan Angku Guru mukasuikkan?” Isa Almasih manjawauk, ”Iyo baitu-lah, angkau lah mangatokannyo!” 26Kutiko inyo tu sadang bi makan, mako, Isa Almasih ma-ambiak roti, su-dah tu Baliau mangucaukkan syukur. Kamudian, Baliau mambalah-balah ro-ti tu jo tangan-Nyo, sudah tu, Baliau barikan kabake pangikuik-pangikuik-Nyo sambia bakato, ”Ambiaklah ko, makanlah; ikolah tubuah Ambo.” 27Sasudah tu Baliau ma-ambiak cawan anggur, sarato basyukur ka-bake Allah. Kamudian, Baliau mam-barikan cawan tu kabake pangikuik-pangikuik-Nyo, sambia bakato, ”Bi minunlah, angkau kasadonyo. 28Dek karano, ikolah darah Ambo nan man-sahkan pajanjian Allah -- darah nan dicurahkan untuak urang nan ba-nyak, untuak pambayie doso-doso-nyo. 29Picayolah kabake Ambo: Am-bo indak lai ka maminun anggur ko, sampai tibo masonyo isuak, Ambo maminun anggur nan baru samo-samo jo angkau di Karajaan Bapak Ambo.” 30Kamudian, inyo tu bi manden-dangkan lagu pujian. Sasudah tu, inyo tu bi payi ka Bukik Zaitun. 31Sudah tu, Isa Almasih bakato ka-bake pangikuik-pangikuik-Nyo, ”Di malam ko juwo kasadonyo angkau ka bi lari payi maninggakan Ambo; dek karano di Alkitauk lah ado tatulih: Allah mangatokan, ’Aden ka mambu-nuah tukang gubalo tu, mako, domba-domba gubaloannyo ka bakecai-kecai.’ 32Tapi, sasudah Ambo di-iduikkan ba-liak, Ambo ka payi mandawului ang-kau ka Galilea.” 33Petrus bakato kabake Isa Alma-sih, ”Biyapun kasadonyo urang ko bi maninggakan Angkau, nan ambo in-dak!” 34Isa Almasih bakato kabake inyo, ”Kana-ilah apo nan Ambo katokan ko, malam ko juwo, sabalun ayam baku-kuak, angkau sampai tigo kali ma-engkari Ambo.” 35Petrus manjawauk, ”Biyapun am-bo ka mati samo-samo jo Angku, nan ambo indak ka mangatokan doh, ba-raso ambo indak tawu jo Angku!” Kasadonyo pangikuik Isa Almasih nan lain, bi mangatokan bakcando itu pulo. 36Sasudah tu, Isa Almasih sarato jo pangikuik-pangikuik-Nyo, bi payi ka sa-buwah tampaik nan banamo Getsema-ni. Tibo di sinan, Baliau bakato kabake pangikuik-pangikuik-Nyo, ”Duduaklah di siko samantaro Ambo payi badowa.” 37Isa Almasih ma-ajak Petrus, sarato jo kaduwo urang anak Zebedeus payi sa-mo-samo jo Baliau. Baliau muloi mara-so sadiah, sarato jo rasah. 38Baliau ba-kato kabake pangikuik-pangikuik-Nyo, ”Ati Ambo sangaik sadiahnyo, rasonyo bakcando urang nan ka mati. Bi tagaklah angkau di siko, satolah bajago-jago samo joAmbo.” 39Kamudian, Isa Almasih payi agak jauah saketek, Baliau tasungkua ka ta-nah, sarato jo badowa, ”Oih Bapak, jikok buliah, jauahkanlah dari Ambo sansaro, nan musti ka Ambo tang-guangkan ko. Tapi, janlah manuruik kahandak Ambo, malainkan manuruik kahandak Bapak lah andaknyo.” 40Sasudah tu, Isa Almasih babaliak kabake pangikuik-Nyo nan batigo cako, sarato didapek-i Baliau, inyo tu sadang bi talalok. Baliau bakato kabake Petrus, ”Dek angkau nan batigo ko, indak talok doh bajago-jago agak sa-jam samo-sa-mo joAmbo? 41Bajago-jagolah, sarato bi badowalah, supayo angkau jan ma-ngalami cobaan. Batua roh angkau na-muah mangarajokan apo nan baiak, ta-pi, dek angkau indak talok, dek karano, tabiyaik manusia tu lamah ” 42Sakali lai Isa Almasih payi badowa, Baliau bakato, ”Oih Bapak, jikok sansaro ko musti Ambo tangguangkan juwo, sa-inggo indak dapek doh dijauahkan, biya-lah nan sasuwai jo kahandak Bapak nan tajadi.” 43Sasudah tu, Isa Almasih baba-liak pulo kabake pangikuik-Nyo, Baliau dapek-i, inyo tu sadang bi lalok pulo, dek karano inyo tu sabana bi mangantuak 44Sakali lai Isa Almasih payi maning-gakan pangikuik-Nyo, nan katigo kali-nyo Baliau badowa, nan dowa-Nyo bak-cando nan cako juwo. 45Sasudah tu, Baliau babaliak pulo ka pangikuik-Nyo, sarato jo bakato, ”Bi lalok juwo lai ang-kau? Caliaklah, lah tibo ko wakatunyo Anak Manusia ka disarahkan kabake kuwaso urang-urang badoso. 46Jagolah, molah kito payi. Liyeklah! Urang nan mangkiyanaik-i Ambo lah tibo!” 47Samantaro Isa Almasih sadang ma-ngecek juwo lai, mako, Yudas, nan adolah salah surang dari pangikuik Baliau nan duwo baleh tu, tibo. Samo-samo jo inyo, tibo pulo urang banyak nan mam-bawok padang jo palakak. Inyo tu bi disuruah dek imam-imam kapalo, sa-rato dek pamimpin-pamimpin Yahudi. 48Si pangkiyanaik tu lah ma-agiah tawu kabake urang-urang tu, tando nan bak-cando iko, ”Nama urang nan ambo ibu, itulah Urangnyo. Tangkoklah Inyo!” 49Sato tibo di tampaik tu, Yudas lan-suang ka adok-an Isa Almasih sam-bia bakato, ”Assalamu alaikum, Ang-ku Guru!” Sudah tu lansuang inyo ibu Isa Almasih. 50Isa Almasih manjawauk, ”Oih sa-nak, untuak apo sanak datang kama-ri?” Kamudian, urang nan banyak tu taruih juwo bi mandakek, sarato lan-suang manangkok Isa Almasih. 51Salah surang dari pangikuik Isa Almasih nan ado di sinan tu, nan samo-samo jo Ba-liau, manyentakkan padangnyo, sudah tu, inyo rambah pisuruah imam basa tu, sampai putuih talingonyo. 52Isa Almasih bakato ka pangikuik-Nyo tu, ”Masuakkanlah baliak padang ang-kau tu ka saruangnyo, dek karano, satiyok urang nan suko mampaguno-kan padang, mako, inyo ka dibunuah pulo dek padang. 53Angkau sangko, Ambo ko indak dapek mintak tolong ka Bapak Ambo? Jikok Ambo mintak, Baliau ka basugiro untuak mangirin-kan saradadu malekaik, labiah dari duwo baleh pasukan banyaknyo. 54Tapi, jikok baitu, mako indak basu-woan doh, apo nan lah dinubuwaik-kan dek Alkitauk, baraso iyo musti ta-jadi nan bakcando iko?” 55Sudah tu, Isa Almasih bakato ka-bake urang nan banyak tu, ”Apokoh Ambo ko urang jahek, mangko angkau bi tibo mambawok padang jo palakak, untuak ka manangkok Ambo? Tiyok ari Ambo ma-aja di Baithullah, tapi, ang-kau indak bi manangkok Ambo doh! 56Tapi, iyo lah baitu samustinyo, supayo basuwoan, apo nan lah disurek-kan dek nabi-nabi di Alkitauk.” Sasudah tu, kasadonyo pangikuik Isa Almasih, bi tabang ambua lari ma-ninggakan Baliau. 57Urang-urang nan manangkok Isa Almasih tu, mambawok Baliau ka ru-mah Imam Basa Kayafas. Guru-guru ugamo, sarato jo pamimpin-pamim-pin Yahudi, lah bi bakumpua di sinan tu. 58Petrus payi manuruikkan Isa Almasih dari jauah, sampai ka alaman rumah imam basa. Petrus masuak ka alaman rumah tu, inyo sato pulo du-duak samo jo pangawal-pangawal. Inyo nak niyo tawu kasadonyo, baa akienyo kajadian tu. 59Imam-imam kapalo, sa-rato jo kasadonyo Mahkamah Ugamo, lah ba-usawo mancari sasi-sasi pala-su, supayo inyo dapek manjatuahkan ukunan mati kabake Isa Almasih. 60Ta-pi, indak ciyek juwo doh bukti nan ta-suwo, baraso Isa Almasih basalah, bi-yapun lah sambuah sasi panduto nan bi tibo. Akienyo, ado duwo urang nan tagak ka muko. 61Inyo tu bi bakato, ”Urang ko ado mangatokan, ’Ambo bi-sa maruntuahkan Baithullah, sudah tu dalam maso tigo ari, Ambo bisa mam-bangunnyo baliak.’ ” 62Mandangakan nan baitu, imam basa lansuang tagak, sambia bakato kabake Isa Almasih, ”Apokoh Angkau indak manulak, tuduahan nan dibaban-kan kabake Angkau tu?” 63Tapi, Isa Almasih anok sajo. Sakali lai imam ba-sa tu batanyo kabake Baliau, ”Karano dek Allah nan Mahakuwaso, katokan-lah kabake kami, apokoh iyo Angkau Rajo Panyalamaik, Anak Allah?” 64Isa Almasih manjawauk, ”Iyo baitulah, bakcando nan angkau ka-tokan tu. Tapi, picayolah: muloi dari sajak kiniko, angkau ka bi maliyek Anak Manusia duduak, di sabalah su-wok Allah Nan Mahakuwaso, isuak ka tibo baliak, di ateh awan nan di langik!” 65Mako, imam basa tu mancabiak-cabiak bajunyo, sambia bakato, ”Inyo ko lah mampasando-sandokan kabasa-ran Allah! Indak paralu lai di kito sasi. Kasadonyo angkau lah bi mandanga-kan sandiri, kato-kato-Nyo nan mam-pasando-sandokan kabasaran Allah. 66Kiniko baa lai pandapek kalian?” Urang-urang tu bi manjawauk, ”Inyo lah basalah, sarato musti di ukun ma-ti.” 67Sudah tu, urang-urang tu bi mali-yua-i muko Isa Almasih, sarato mana-ngani Baliau. Ado pulo nan manampa muko Baliau, 68sambia bakato, ”Cu-bolah takok, katokanlah kabake kami, oih Rajo Panyalamaik! Siya ko urang nan manampa Wa-ang ko?” 69Petrus sadang duduak di luwa, di alaman. Salah surang palayan nan padusi tibo, inyo bakato kabake Petrus, ”Indak koh angkau ko tama-suak urang nan samo-samo jo si Isa urang Galilea tu?” 70Tapi, Petrus indak mangaku di adok-an kasadonyo urang tu. Inyo ba-kato, ”Ambo indak mangarati, apo nan angkau mukasuikkan, ” 71sudah tu, inyo payi ka pintu alaman. Ado pulo surang palayan padusi nan lain, ma-nampak Petrus pulo, inyo bakato ka-bake urang-urang nan ado di sinan tu, ”Urang ko cako, tamasuak pulo ko, sa-mo-samo jo si Isa dari Nazaret tu.” 72Petrus indak pulo mangaku, inyo basumpah-sumpah. Inyo baka-to, ”Sungguah, ambo indak bakatawu-an doh jo Urang tu!” 73Indak lamo sasudah tu, urang-urang nan bi tagak di sinan tu, datang kabake Petrus, sambia bakato, ”Lah ja-leh, angkau iyo salah surang dari pa-ngikuik Urang Nazaret tu. Kami tawu, dari caro angkau mangecek.” 74Mandangakan nan baitu, Petrus muloi basumpah-sumpah, sarato jo ba-kato, ”Ambo indak bakatawuan doh jo Urang tu!” Sakutiko tu juwo, ayam pun baku-kuak. 75Barulah takana dek Petrus, baraso Isa Almasih lah mangatokan ka inyo, ”Sabalun ayam bakukuak, angkau lah tigo kali ma-engkari Ambo.” Sudah tu Petrus payi kaluwa, inyo bantai ma-nangih, iyo sabana ibo atinyo.

will be added

X\