MATIUS 25

1”Jikok isuak Anak Manusia datang sabagai Tuhan, kuti-ko tu ka-adaannyo bakcando parum-pamoan nan bakcando iko: Sapuluah urang anak gadih pangiriang marapu-lai, satiyok-tiyok inyo mambawok da-ma togok, untuak payi mananti ma-rapulai. 2Limo urang dari anak gadih tu pandie, nan limo urang lai bijaksa-no. 3Kalimo anak gadih nan pandie tu, mambawok dama togok, tapi, in-dak mambawok minyak untuak ka se-rauk. 4Kalimo anak gadih nan bijak-sano, mambawok dama togok, sarato mambawok pulo minyak untuak ka serauk. 5Marapulai tu talambek ti-bonyo, jadi, anak-anak gadih tu lah muloi bi takantuak, sampai sabana talalok. 6Tangah malam, barulah tadanga urang ma-imbaukan, ’Marapulai lah tibo! Bi kamarilah, kito manantinyo!’ 7Kasapuluah anak gadih tu bi jago, inyo tu bi ma-iduikkan dama togok-nyo surang-surang. 8Gadih-gadih nan pandie tu, mamintak kabake gadih-ga-dih nan bijaksano, ’Agiahlah kami mi-nyak kau agak saketek, dek karano da-ma togok kami lah ampia nak pudua.’ 9’Indak bisa doh!’ kecek anak-anak ga-dih nan bijaksano tu, ’baiko kasadonyo kito bi kakurangan minyak. Payi sajolah bali ka lapau.’ 10Mako, bi pa-yilah anak-anak gadih nan pandie tu mambali minyak. Samantaro inyo bi payi ka lapau, marapulai lah tibo. Ka-limo anak gadih nan lah siyauk sadiyo tu, bi masuak samo-samo jo marapu-lai ka tampaik baralek, mako, pintu pun disawokkan urang! 11Indak lamo sasudah tu, gadih-ga-dih nan payi mambali minyak tu bi tibo. Inyo ba-imbau-imbau, ’Angku, Angku, tolong bukakkan pintu, ka-mi ka masuak.’ 12Tapi, marapulai tu manjawauk, ’Aden indak bakatawuan doh jo kalian!’ ” 13Isa Almasih manyudahi curito pa-rumpamoan-Nyo bakcando iko, ”Dek karano itu bajago-jagolah, dek karano angkau indak ka bi tawu, pabilo ari-nyo, atau pabilo jamnyo, Anak Manu-sia ka tibo.” 14”Jikok Anak Manusia datang sa-bagai Tuhan, kutiko itu ka-adaannyo bakcando parumpamoan nan bakcan-do iko. Ado surang laki-laki nak ba-rangkek ka nagari nan jauah. Mako, inyo ma-imbau kasadonyo palayan-nyo, sudah tu, inyo mampicayokan sagalo aratonyo kabake palayannyo tu. 15Inyo mambarikan kabake sati-yok palayannyo tu, sabarapo nan ta-lok dek palayannyo tu untuak manari-mo pitaruah. Kabake nan surang inyo mampitaruahkan sabanyak limo ri-bu pitih ameh. Kabake nan surang lai inyo mampitaruahkan sabanyak du-wo ribu pitih ameh. Kabake nan ka-tigo inyo mampitaruahkan sabanyak saribu pitih ameh. Sudah tu inyo ba-rangkek. 16Palayan nan manarimo limo ribu pitih ameh, inyo bagageh payi untuak manggaleh, mako bala-bolah galehnyo tu sabanyak limo ribu pitih ameh pulo. 17Baitu pulo palayan nan manarimo duwo ribu pitih ameh, galehnyo balabo sabanyak duwo ribu pulo. 18Tapi, palayan nan manarimo saribu pitih ameh, inyo payi mangga-li lubang, untuak pangubuakan pitih induak samangnyo tu. 19Lah lamo sasudah tu, induak sa-mangnyo tu pulang, inyo muloi mam-buwek paretongan jo palayan-palayan-nyo tu. 20Palayan nan manarimo limo ribu pitih ameh tu, inyo tibo, sambia mamulangkan pitih sabanyak sapu-luah ribu. Inyo bakato, ’Angku!Angku lah mampicayokan pitih kabake am-bo sabanyak limo ribu pitih ameh. Ca-lieklah ko di angku, ambo lah balabo pulo sabanyak limo ribu pulo.’ 21In-duak samangnyo tu bakato.’Santiang wa-ang! Wa-ang adolah palayan nan elok, sarato nan indak barubah ati. Wa-ang dapek dipicayo-i jo parkaro-parkaro nan saketek, ambo ka mam-picayokan kabake wa-ang tangguang jawauk nan labiah gadang. Masuaklah kamari, turuikkanlah ambo, molah ki-to payi untuak basanang-sanang!’ 22Sudah tu, palayan nan manari-mo pitih duwo ribu pitih ameh, tibo pulo, inyo bakato, ’Angku, angku lah mampicayokan pitih kabake ambo sa-banyak duwo ribu pitih ameh. Caliek-lah ko di angku, ambo lah manda-pek labo sabanyak duwo ribu pulo.’ 23Induak samangnyo tu bakato, ’San-tiang wa-ang! Wa-ang adolah palayan nan elok, sarato nan indak barubah ati. Dek karano wa-ang dapek dipica-yo-i jo parkaro-parkaro nan saketek, mako, ambo ka mampicayokan tang-guang jawauk nan labiah gadang ka-bake wa-ang. Masuaklah kamari, sa-tolah basanang-sanang samo-samo jo ambo!’ 24Kamudian, palayan nan manarimo saribu pitih ameh tibo pu-lo, inyo bakato, ’Angku, ambo tawu, baraso angku adolah urang nan sampilik kariang. Angku ma-ambiak bu-wah di tampaik angku nan indak sa-to mananam, angku nak ma-ambiak asie di tampaik angku nan indak ado manyerakkan baniah. 25Ambo takuik jo angku, dek karano itu, mangkonyo ambo payi mangubuakan pitih ang-ku tu di dalam tanah. Tarimolah ba-liak, ikonyo pitih angku.’ 26Induak samangnyo tu bakato, ’Wa-ang ado-lah palayan nan indak baka-ilieran, sarato nan pamaleh! Indakkoh wa-ang lah tawu, baraso waden ma-am-biak buwah, di parak nan waden in-dak sato mananam, sarato ma-ambiak asie, di parak nan waden indak panah manyerakkan baniah? 27Jikok baitu, samustinyo wa-ang tu mamasuakkan pitih ambo tu, ka lumbuang pitih na-gari, supayo kutiko ambo pulang, am-bo bisa manarimo baliak pitih ambo tu, sarato jo bungonyo. 28Dek karano itu, ambiaklah pitih tu dari inyo, su-dah tu, barikanlah kabake urang nan mampunyoi sapuluah ribu pitih ameh cako. 29Dek karano, kabake urang nan lah mampunyoi banyak, kabake inyo ka dibarikan nan labiah banyak lai, sampai aratonyo balabiah-labiah. Tapi, bagi urang nan indak mampu-nyoi, nan ado saketek dek inyo tu, ka di-ambiak baliak. 30Palayan nan in-dak paguno tu, ambuangkanlah inyo kaluwa ka tampaik nan kalam. Di si-nan inyo ka manangih dek manang-guang sansaro!’ ” 31”Isuak, di kutiko Anak Manusia datang sabagai Rajo, Inyo ka di-iriang-kan dek kasadonyo malekaik-Nyo, nan Inyo ka duduak di ateh kurisi karajaan-Nyo nan mulie. 32Sagalo banso ka di-kumpuakan di adok-an-Nyo. Sudah tu, Inyo ka mampasisiahkan banso-banso tu, manjadi duwo kalompok, samo jo bakcando tukang gubalo, nan mampasisiahkan antaro domba jo kam-biang. 33Urang-urang nan layi ma-ngarajokan nan katuju dek Allah, ka dilatakkan-Nyo di sabalah suwok-Nyo, nan sabagian lai di sabalah kida-Nyo. 34Kamudian, Rajo tu ka bakato kaba-ke urang-urang nan di sabalah suwok-Nyo, ’Bi kamarilah, angkau nan diba-rakaik-i dek Bapak Ambo. Masuaklah ka dalam Karajaan nan lah disadiyo-kan untuak angkau, sajak bamulo du-nie dijadikan. 35Dek karano, di kutiko paruik Ambo litak, angkau ma-agiah Ambo makan, di kutiko Ambo auih, angkau ma-agiah Ambo minun. Di ku-tiko Ambo manjadi urang asiang, ang-kau mambawok tompang Ambo di ru-mah angkau. 36Kutiko Ambo indak bakain, angkau ma-agiah Ambo pa-kaian. Ambo sakik, angkau nan mam-balo Ambo. Ambo dalam pinjaro, ang-kau nan bi tibo maliyek Ambo.’ 37Urang-urang nan banyak tu bi ba-kato, ’Tuhan, pabilo kami ado maliyek Tuhan baparuik litak, sudah tu kami ma-agiah Tuhan makan, atau Tuhan auih kami ma-agiah Tuhan minun? 38Pabilo kami ado maliyek Tuhan sa-bagai urang asiang, sudah tu kami mambawok Tuhan ka rumah kami? Pabilo pulo Tuhan nan indak bakain, sudah tu kami ma-agiah Tuhan pa-kaian? 39Pabilo pulo kami ado mali-yek Tuhan sakik, atau pun dipinjaro-kan, sudah tu kami bi payi maliyek Tuhan?' 40Mako, Rajo tu ka manja-wauk, ’Katawuilah: kutiko angkau mampabuwek nan bakcando itu, ka-bake salah surang dari sudaro-suda-ro Ambo, nan paliang hino, itu samo aratinyo jo angkau lah mampabuwek kabake diri Ambo!’ 41Sasudah tu, Rajo tu ka bakato pu-lo kabake urang-urang nan di sabalah kida-Nyo, ’Bakiroklah dari siko, oih urang nan takutuak! Masuaklah ka dalam narako nan kaka, nan lah disa-diyokan untuak ubilih, sarato jo malekaik-malekaiknyo! 42Dek karano, di kutiko paruik Ambo litak, kalian in-dak ado doh ma-agiah Ambo makan; di kutiko Ambo auih, kalian indak ado doh ma-agiah Ambo minun. 43Kutiko Ambo jadi urang asiang, kalian indak niyo doh mambawok Ambo ka rumah kalian. Ambo sadang mularaik, indak babaju, kalian indak niyo doh ma-agiah Ambo baju. Ambo sadang sakik, atau sadang di pinjaro, kalian indak niyo doh mambalo Ambo.’ 44Mako, urang-urang tu ka bi bakato kabake Rajo tu, ’Tuhan, pabilo koh kami maliyek Tuhan baparuik litak, atau auih, atau sabagai urang asiang, atau mularaik indak babaju, atau sakik, atau di pin-jaro, pabilokoh kami nan indak mam-paratikan Tuhan?' 45Rajo tu ka man-jawauk, ’Katawuilah: di kutiko kalian indak bi namuah mamparatikan, sa-lah surang dari sudaro Ambo nan pa-liang hino, itu samo aratinyo, baraso kalian indak bi namuah mamparati-kan Ambo.’ 46Mako urang-urang tu ka di ukun, jo ukunan nan indak ba-kasudahan, sadangkan urang-urang nan patuah mangarajokan nan katu-ju dek Allah, mako, inyo ka manari-mo idu ik sajati nan kaka.”

will be added

X\