MATIUS 24

1Kutiko Isa Almasih barang-kek dari Baithulmukadis, pa-ngikuik-pangikuik-Nyo bi tibo kaba-ke Baliau, Baliau manunjuak ka arah bangunan Baithulmukadis tu. 2Isa Almasih bakato kabake pangikuik-pa-ngikuik-Nyo, ”Layi koh nampak dek angkau bangunan Baithulmukadis tu? Dangakanlah nan Ambo katokan ko, indak ciyek juwo doh dari batu bangunan tu, nan ka tatauk talatak di tampaiknyo. Kasadonyo ka dirun-tuahkan.” 3Kamudian, Isa Almasih payi ka Bu-kik Zaitun, samantaro Baliau sadang duduak, pangikuik-pangikuik-Nyo bi tibo untuak ka mangecek jo Baliau jo sacaro tasandiri. Inyo tu bi bakato, ”Agiah tawulah kabake kami Ngku, pabilo masonyo ka tajadi sagalo sa-suatu nan Angku katokan tu. Apokoh tando-tandonyo, nan manandokan ka-datangan Angku, sarato jo kasudah-an jaman?” 4Isa Almasih manjawauk, ”Bajago-jagolah, jan sampai angkau bi taki-cuah. 5Dek karano, sambuah urang nan ka datang jo sacaro mamakai na-mo Ambo, inyo tu ka bi mangatokan, ’Ambo-lah Rajo Panyalamaik!’ Sam-buah urang nan ka bi takicuah dek inyo tu. 6Angkau ka bi mandanga urang-urang baparang, sarato jo kaba tan-tang paparangan, tapi, biyapun baitu janlah takuik. Dek karano, kajadian-kajadian tu musti tajadi, tapi, jan di-sangko itu ari kiyamaik nan lah tibo. 7Banso nan iko, ka baparang malawan banso nan lain, karajaan nan iko, ka manyarang karajaan nan lain. Dima-dimanyo ka tajadi musin lapa, sarato jo gampo. 8Kasadonyo tu baru parmuloannyo sajo, ibaraik raso sakik nan dirasokan dek urang padusi nan ka baranak. 9Kamudian, angkau ka bi ditang-kok, sarato disarahkan untuak ka di-ajauk, sarato ka dibunuah. Kasado-nyo urang nan di dunie ko ka jajok jo angkau, dek karano angkau pangi-kuik Ambo. 10Di kutiko itu, sambuah urang nan ka bi marotaik, nan ka ba-kiyanaik, urang ka jajok manjajok-i. 11Sambuah nabi-nabi palasu nan ka bi tibo, sambuah urang nan takicuah dek inyo tu. 12Karajo jahek nan mana-kuikkan, ka manjala kian kumari, ka-banyakan urang, indak lai punyo raso ibo sasamo inyo. 13Tapi, siya nan lai batahan sampai ka akienyo, inyo ka disalamaikkan. 14Baitu pulo, tantang Injil Karajaan Sarugo ko, ka dibarito-kan kabake sadonyo umaik mukaluak nan di muko bumi ko, supayo kasado-nyo urang buliah tawu. Sasudah tu, barulah tibo ari kiyamaik.” 15”Isuak angkau ka bi maliyek, sa-mo jo bakcando nan lah dikatokan dek Nabi Daniel, ado ’Induak Bala.’ inyo ka tagak di tampaik nan suci. (Cataik-tan untuak pambaco: Paratikanlah apo aratinyo!) 16Di kutiko itu, urang nan ado di Yudea tapaso lari ka pagu-nuangan. 17Urang nan sadang di ateh atok paranginan, janlah inyo turun ka bawah ma-ambiak sasuatu ka da-lam rumah. 18Urang nan sadang ado di parak, janlah inyo babaliak pulang untuak ma-ambiak jubahnyo. 19Bara-lah ka manakuikkannyo, maso-maso nan bakcando itu dek padusi-padu-si nan sadang manganduang, sarato dek induak-induak nan sadang punyo anak arek manyusu! 20Badowalah, su-payo jan sampai angkau musti bi lari pado musin ujan, atau di ari Sabat! 21Di maso-maso nan manakuikkan tu, ka tajadi kasuliktan nan sangaik ba-rek, kasuliktan nan alun panah tajadi sajak dunie takambang sampai kini-ko, sarato indak ka tajadi lai sasudah itu. 22Kok santano Allah indak mam-pasingkek wakatunyo; mako, indak ka surang juwo doh urang nan ka sa-lamaik. Tapi, dek karano kasiah-Nyo kabake umaik-Nyo, mako, Allah mam-pasingkek wakatunyo. 23Pado wakatu itu, jikok ado urang nan mangecekkan kabake angkau, ’Li-yeklah kamari, Rajo Panyalamaik tu ado di siko!’ atau inyo tu bi mangato-kan ’Baliau ado di sinan!’ —janlah bi picayo kabake urang tu. 24Dek karano isuak, ka bi datang panyalamaik-pa-nyalamaik palasu, sarato jo nabi-nabi palasu. Inyo ka bi mampabuwek pa-buatan-pabuatan nan luwa biaso, sa-rato jo sagalo ka-ajaiban, untuak ka bi mangicuahi urang, jikok mungkin umaik Allah pun ka dikicuahnyo pu-lo. 25Jadi, ingek-ingeklah! Ambo lah ma-agiah tawu kabake angkau sajak kiniko, sabalun parkaro tu tajadi. 26Jikok ado urang nan mangatokan kabake angkau, ’Liyeklah ka padang gurun, Baliau ado di sinan!’ —janlah angkau bi namuah payi. Atau jikok urang tu mangatokan, ’Liyeklah kama-ri, Baliau maandok di siko di dalam biliak!’ —janlah bi picayo. 27Dek kara-no, kadatangan Anak Manusia tu, samo jo bakcando cahayo kilek nan maman-ca, dari arah nan di Ujuang, sarato ba-cahayo sampai arah nan ka Puhun. 28Dima ado bangkai, di sinan ado pulo buruang pamakan bangkai.” 29”Indak lamo sasudah kasusahan di maso itu, matoari ka manjadi galok, nan bulan indak lai ka bacahayo. Bintang-bintang ka bi jatuah dari la-ngik, panguwaso-panguwaso langik ra-yo ka kalibuik. 30Sasudah tu, ka nam-pak di ateh langik tando kadatangan Anak Manusia. Di kutiko itulah kasa-donyo urang di ateh dunia ko, ka bi manangih. Inyo tu ka bi manampak Anak Manusia datang di ateh awan, jo kuwaso sarato jo kamuliyaan nan gumilang. 31Tarumpik gadang ka di-ambuih, nan Anak Manusia ka ma-nyuruah malekai-malekaik-Nyo un-tuak mangumpuakan umaik-Nyo, dari ka ampek pinjuru bumi, dari ujuang langik ka ujuang langik.” 32”Ambiak padomanlah kayu ara. Jikok rantiang-rantiangnyo lah liyuak ma-ijau, sarato muloi bi batuneh, ma-ko, angkau ka bi tawu, baraso musin paneh lah ka dakek. 33Baitu pulo, ji-kok angkau lah bi maliyek sagalo par-karo tu bi tajadi, mako, angkau mus-ti ka bi tawu pulo, baraso wakatunyo lah sangaik dakek. 34Katawuilah! Ba-raso sagalo parkaro tu ka tajadi, saba-lun urang-urang nan iduik kiniko bi mati kasadonyo. 35Langik jo bumi ka ilang lanyok, tapi, kato-kato Ambo ka tatauk kaka salamo-lamonyo.” 36”Indak ado doh nan tawu, pabi-lo arinyo, sarato pabilo jamnyo, male-kaik-malekaik di sarugo indak tawu, Anak Allah pun indak, hanyo Bapak sajolah nan tawu. 37Isuak di kutiko kadatangan Anak Manusia, ka-adaan-nyo samo jo bakcando di jaman Nuh sa-isuak. 38Di kutiko sabalun ayie ga-dang tibo, urang bi makan jo minun, sarato bi banikah kawin. Baitulah taruih manaruih sampai di ari Nuh ma-suak ka dalam kapa. 39Di kutiko ayie gadang tu ma-ondoh urang-urang tu kasadonyo, barulah inyo tu bi takana di bana, apo nan sadang tajadi. Baitu pulolah ka-adaannyo isuak, di kutiko kadatangan Anak Manusia. 40Di kuti-ko itu, jikok ado duwo urang nan sa-dang bakarajo di parak: Nan surang ka dibawok, nan surang lai ditingga-kan. 41Jikok ado duwo urang padu-si nan sadang manggiliang gandun: Nan surang ka dibawok, nan surang lai ditinggakan. 42Dek karano itu ba-jago-jagolah, dek karano angkau in-dak ka bi tawu doh, pabilo masonyo Tuhan angkau ka datang. 43Kana-ilah apo nan Ambo katokan ko! Kok saki-ronyo urang nan punyo rumah tawu, pukua bara urang maliang ka tibo di malam ari, tantu inyo indak ka lalok doh, supayo urang maliang tu jan sam-pai masuak ka rumahnyo. 44Dek ka-rano itu, angkau musti pulo bi baja-go-jago. Dek karano kadatangan Anak Manusia tu, di kutiko nan indak ang-kau sangko-sangko.” 45Isa Almasih bakato pulo baliak, ”Dek karano itu, nan namanyo palayan nan indak barubah ati, sarato nan bi-jaksano? Mako inyolah nan ka di-ang-kek dek induak samangnyo, manjadi kapalo dari palayan-palayan nan lain, supayo inyo mambari makan palayan-palayan tu pado wakatunyo. 46Baralah ka sanangnyo ati palayan tu, di kuti-ko induak samangnyo tibo, inyo dida-pek-i dek induak samangnyo sadang mangarajokan tugehnyo. 47Picayolah, induak samangnyo tu ka mampicayo-kan sagalo aratonyo kabake palayan nan tuluih tu. 48Tapi, jikok palayan tu, palayan nan pancaliah, mako inyo ka bakato di dalam atinyo, 49’Lamo lai ko induak samang den mangko ka tibo.’ mako muloilah inyo manangani palayan-palayan nan lain, sarato ma-kan minun jo urang-urang pamabuak. 50Kamudian, induak samangnyo tu ti-bo, di ari, sarato di wakatu nan indak disangko-sangko. 51Mako, palayan tu ka ditangani sajadi-jadinyo dek induak samangnyo, sudah tu, di-ambuangkan ka tampaik urang-urang munapiak. Di sinan inyo tu ka bi manangih, dek manang guangkan sansaro.”

will be added

X\