MATIUS 23

1Sudah tu, Isa Almasih bakato kabake urang nan banyak, sa-rato kabake pangikuik-pangikuik-Nyo, 2”Guru-guru ugamo, sarato jo urang-urang Farisi, bi mandapek kuwaso un-tuak manapasiekan sagalo paratuaran Musa. 3Dek karano itu, patuahilah, sarato karajokanlah kasadonyo, apo nan inyo parentahkan. Tapi, jan sato pulo mangarajokan apo nan dikarajo-kannyo, dek karano, inyo tu indak bi mangarajokan apo nan inyo ajakan. 4Inyo tu bi manuntuik parkaro-par-karo nan sulik, sarato mambari pa-ratuaran-paratuaran nan barek, tapi, inyo tu indak namuah saketek juwo doh manolong urang, untuak manja-lankannyo. 5Kasadonyo nan inyo ka-rajokan, hanyolah untuak ka dipang-gak-panggakkannyo ka urang. Inyo tu bi sangajo mamakai tali sumba-yang nan leba, sarato jo jumbai ju-bah nan bajelo-jelo! 6Jikok di tam-paik urang baralek, inyo tu bi suko duduak di tampaik nan ta-aromaik, jikok di rumah ibadaik, inyo tu bi su-ko duduak di kurisi nan rancak. 7Inyo tu bi suko bana di aromaik-i urang di tangah pasa, apo lai jikok inyo di-im-bau ’Angku guru'. 8Tapi, nan angkau, janlah namuah di-imbau ’Angku gu-ru’, dek karano, Guru angkau hanyo-lah Surang, kasadonyo angkau adolah bi badunsanak. 9Janlah angkau ma-imbau surang urang di dunie ko sa-bagai ’Bapak’, dek karano Bapak ang-kau hanyolah surang, iyolah Bapak nan di sarugo. 10Janlah angkau na-muah di-imbau ’Pamimpin’, dek karano, Pamimpin angkau hanyolah surang, iyolah Rajo Panyalamaik, nan lah di-janjikan dek Allah. 11Urang nan ta-aromaik di antaro angkau, inyo mus-ti manjadi palayan angkau. 12Urang nan manenggikan diri, inyo ka dika-lanyahkan, baitu pulo, urang nan lai namuah marandahkan diri, inyo ka dimuliekan.” 13”Cilakolah angkau guru-guru uga-mo, sarato jo urang-urang Farisi! Ang-kau adolah urang nan suko ba-icak-icak. Angkau ma-ambek-ambek urang nan ka masuak Karajaan Sarugo. Ang-kau sandiri indak namuah doh ma-suak, ado urang lain nan ka masuak, angkau ambek. 14Cilakolah angkau guru-guru ugamo, sarato jo urang-urang Fari-si: Angkau adolah urang nan suko ba-icak-icak. Angkau bi mangicuahi urang-urang marando, sarato jo ma-ambiak-i rumahnyo, sudah tu, untuak panyawok-i karajo buruak angkau tu, mako angkau bae badowa sapanjang tali baruak. Itulah sabauknyo, mang-ko angkau isuak, ka di-ukun jo ukun-an nan sangaik barek!] 15Cilakolah angkau guru-guru uga-mo, sarato jo urang-urang Farisi! Ang-kau adolah urang nan suko ba-icak-icak! Angkau bi payi jauah-jauah manyubarangi lauiktan, sarato bi pa-yi kian kumari, hanyo untuak manja-dikan surang urang masuak ka uga-mo angkau. Jikok lah masuak urang tu ka ugamo angkau, mako, inyo ang-kau jadikan urang narako, parangai-nyo duwo kali labiah jahek daripado angkau! 16Cilakolah angkau pamimpin-pa-mimpin nan buto! Angkau bi ma-aja-kan nan bakcando iko, ’Jikok ado urang nan basumpah karano dek Baithul-mukadis, mako, urang tu indak ta-kabek doh jo sumpahnyo; tapi, jikok inyo basumpah karano dek ameh nan ado di Baithulmukadis, mako, inyo takabek jo sumpahnyo tu.’ 17Angkau adolah urang pandie nan buto! Nama nan labiah pantiang: amehnyo, atau Baithulmukadis nan manyucikan ameh tu? 18Angkau ado pulo ma-ajakan nan bakcando iko, ’Jikok ado urang basum-pah karano dek mezbah, mako urang tu indak takabek doh jo sumpahnyo; tapi, jikok inyo basumpah karano dek barang, atau pitih nan dipasambah-kan di ateh mezbah tu, mako, urang tu takabek jo sumpahnyo.’ 19Baralah ka butonyo angkau! Nama nan labiah pantiang? Barang nan dipasambahkan, atau mezbah nan manyucikan barang nan dipasambahkan tu? 20Dek kara-no itu, jikok ado urang nan basumpah karano dek mezbah, itu samo jo inyo basumpah karano dek mezbah, sara-to karano dek kasadonyo barang pa-sambahan, nan talatak di ateh mezbah tu. 21Jikok ado urang nan basumpah karano dek Baithulmukadis, itu samo jo inyo basumpah karano dek Baithul-mukadis, sarato karano dek Allah nan di dalamnyo. 22Jikok ado urang nan basumpah karano dek sarugo, itu sa-mo jo inyo basumpah karano dek ku-risi Tuhan, sarato karano dek Allah nan duduak di ateh kurisi tu. 23Cila-kolah angkau guru-guru ugamo, sa-rato jo urang-urang Farisi! Angkau adolah urang nan suko ba-icak-icak. Rampah-rampah, umpamonyo sila-siah, adaih manih, sarato jo jintan, angkau kaluwakan saparsapuluahnyo untuak Tuhan. Padohal parkaro-par-karo nan paliang paralu, dalam saga-lo paratuaran ugamo, umpamonyo: Ka-adielan, raso ibo, sarato jo indak barubah ati, indak angkau acuahkan doh. Padohal, itulah nan samustinyo angkau karajokan, tapi, jan pulo malalaikan parentah-parentah nan lain-nyo. 24Angkau adolah pamimpin-pa-mimpin nan buto! Rangik dalam ayie minun angkau, angkau kaluwakan, ta-pi, unto angkau lulua! 25Cilakolah angkau guru-guru uga-mo, sarato jo urang-urang Farisi! Ang-kau adolah urang nan suko ba-icak-icak! Mangkuak jo piriang, angkau basuah nan sabalah kaluwanyo, pado-hal nan sabalah ka dalamnyo, sangaik kumuahnyo, dek barang-barang nan angkau padapek, jo basikareh dek ka-rano cangok. 26Oih urang Farisi buto! Basuahlah dulu sampai barasiah nan sabalah ka dalamnyo, mangkuak sara-to jo piriang angkau tu, supayo nan di-luwanyo buliah nak barasiah pulo! 27Cilakolah angkau guru-guru uga-mo, sarato jo urang-urang Farisi! Ang-kau adolah urang nan suko ba-icak-icak! Angkau ibaraik pusaro nan di caik putiah; di luwa tampaknyo ran-cak, tapi di dalamnyo panuah jo tulang sarato jo sagalo nan busuak. 28Baitu pulo angkau. Dicaliak di luwa angkau elok nampak di urang; tapi, di dalam diri angkau panuah jo nan palasu, sa-rato jo doso.” 29”Cilakolah angkau guru-guru ugamo, sarato jo urang-urang Fari-si! Angkau adolah urang nan suko ba-icak-icak! Angkau mambuwek pu-saro nan rancak-rancak, untuak na-bi-nabi, sarato ma-iyasi tugu-tugu paringektan dari urang-urang nan iduiknyo elok. 30Angkau bi manga-tokan pulo, ’Santano kami iduik di jaman niniak muyang kami sa-isuak, kami indak ka namuah doh sato sa-mo jo inyo tu, mambunuah nabi-na-bi.’ 31Jadi, angkau lah bi mangaku sandiri, baraso angkau adolah ka-turunan urang-urang nan mambu-nuah nabi-nabi! 32Dek karano baitu, mako taruihkanlah, salasaikan ba-nalah doso nan lah dimuloi dek ni-niak muyang angkau tu! 33Angkau urang jahek, sarato katurunan urang jahek! Dima pulo kamungkin angkau dapek manyalamaikkan badan dari ukunan api narako? 34Dangakanlah kecek Ambo ko elok-elok: Ambo ka manyuruah nabi-nabi, urang-urang bijaksano, sarato jo guru-guru kaba-ke angkau; sabagian dari inyo tu ka angkau bunuah, nan sabagian lai ka angkau salibkan. Ado pulo nan ka angkau ajauk di dalam rumah-ru-mah ibadaik, sarato ka angkau ka-ja dari kota nan iko, sarato ka kota nan lain. 35Dek karano itu angkau ka di-ukun, dek ulah karajo angkau, nan mambunuahi kasadonyo urang nan indak basalah muloi dari pam-bunuahan Habel nan indak basalah, sampai ka pambunuahan Zakharia anak Berekia, nan angkau bunuah di antaro Baithulmukadis jo mezbah. 36Picayolah: akibaik dari kasadonyo tu ka ditangguangkan dek urang-urang nan iduik di jaman kiniko!” 37”Yerusalem, Yerusalem! Nabi-nabi angkau bunuah. Pisuruah-pi-suruah Allah angkau pungkangi jo batu sampai mati. Alah bara kali Ambo nak marangkuah panduduak angkau, ibaraik induak ayam, nan nak marawok-i anak-anaknyo di ba-wah sayoknyo, tapi, angkau indak bi namuah! 38Dek karano itu, Allah indak lai ka samo-samo jo angkau. 39Katawuilah: Muloi dari sajak ki-niko, angkau indak lai ka maliyek Ambo, sampai tibo masonyo isuak, angkau ka bi bakato, ’Dibarakaik-ilah Baliau nan datang ateh namo Tuhan.’ ”

will be added

X\