MATIUS 22

1Isa Almasih mangecek pulo ba-liak kabake urang nan banyak, jo sacaro mamakai kato-kato parum-pamoan, 2Baliau bakato, ”Parkaro Ka-rajaan Sarugo, ka-adaannyo bakcan-do parumpamoan nan bakcando iko: Ado surang rajo ma-adokan alek kawin untuak anaknyo nan laki-laki. 3Rajo tu manyuruah palayan-palayannyo, untuak payi manjapuik urang-urang nan dipanggie ka alek tu. Tapi, urang-urang nan dipanggie tu indak bi tibo. 4Kamudian, rajo tu manyuruah pulo palayan-palayannyo nan lain. Rajo tu bakato kabake palayannyo: ’Bari-tawukanlah kabake urang-urang nan dipanggie tu: Baraso jamba alek lah segeh. Jawi, sarato jo anak bantiang nan rancak-rancak, nan ado di am-bo, lah badabiah. Kasadonyo lah se-geh. Bi tibolah ka alek kawin!’ 5Tapi, urang-urang nan dipanggie tu indak bi ma-acuahkannyo. Inyo tu bi payi juwo ka tampaik karajonyo surang-surang nan surang payi ka parak-nyo, nan ciyek lai payi ka tampaik usawonyo; 6sabagian nan lain bi payi manangkok palayan rajo, palayan tu ditanganinyo, sasudah tu dibunuah-nyo. 7Kutiko rajo mandanga kajadian tu, inyo sabana bangih. Inyo kirin sa-radadu untuak nan ka mambunuah, urang-urang nan mambunuah tu, sa-rato untuak nan ka mambaka nagari urang tu. 8Sasudah tu, inyo ma-imbau palayan-palayannyo. Rajo tu bakato, ’Alek kawin lah salasai, tapi, si-alek nan tibo, adolah urang-urang nan in-dak sapatuiknyo tibo, itu nan bi tibo. 9Kiniko bi payilah kalian ka labuah gadang, bawoklah urang sabanyak-ba-nyaknyo ka alek kawin ko.’ 10Mako, bi payilah palayan-palayan tu. Inyo tu bi payi ka labuah gadang, inyo kumpua-kanlah, kasadonyo urang nan bi ba-suwo dek inyo di sinan tu, biya urang elok atau pun urang jahek. Mako, pa-nuahlah ruwangan tampaik baralek tu dek si-alek nan tibo. 11Kamudian, rajo tu masuak ka tam-paik baralek, untuak maliyek-liyek si-alek nan tibo. Inyo manampak ado surang urang di alek tu, nan indak ma-makai baju baralek. 12Rajo batanyo kabake urang tu, ’Sanak, baa caronyo angkau dapek masuak kamari, sadang-kan, baju angkau indak baju urang ba-ralek doh?'Urang tu indak dapek ma-ngatokan sabuwah alah juwo. 13Dek karano itu, rajo manyuruah palayan-palayannyo untuak manangkok urang tu, ’Kabeklah kaki, sarato jo tangan urang ko, sudah tu, ambuangkan inyo kaluwa ka tampaik nan kalam baka-piciak. Di sinanlah inyo ka maratok, dek manangguangkan sansaro.’ ” 14Sudah tu, Isa Almasih manyudahi curito parumpamoan tu bakcando iko, ”Sambuah urang nan dipanggie, tapi, hanyo saketek nan tapiliah.” 15Kamudian, urang-urang Farisi payi barundiang sasamo inyo, untuak man-cari aka, baa caronyo supayo dapek untuak manjarek Isa Almasih jo kato-kato nan mambalik. 16Mako, urang-urang Farisi tu ma-utuih pangikuik-nyo kabake Isa Almasih, samo-samo jo babarapo urang anggota golongan Herodes bagai. Urang-urang tu bi ba-kato kabake Isa Almasih, ”Angku Guru, kami tawu baraso Angku adolah urang nan luruih ati. Angku ma-aja jo sacaro taruih tarang, tantang apo nan katuju dek Allah, nan musti dipabuwek dek manusia, Angku pun indak mam-padulikan pandapek siya-siyanyo. Dek karano Angku indak niyo tapangaruah dek urang lain. 17Dek karano itu, cu-bolah Angku tarangkan kabake kami: Manuruik paratuaran ugamo kito, la-yikoh buliah kito mambayie pajak ka-bake Kaisar, atau indak?” 18Isa Almasih tawu mukasuik jahek urang-urang tu, dek karano itu, Baliau manjawauk, ”Oih, angku-angku urang munapiak! Baa mangko angku-angku bamukasuik nak ka manjarek Ambo? 19Cubolah paliyekkan kabake Ambo, pitih nan angku-angku pakai untuak pambayie pajak tu!” Mako, urang-urang tu mambarikan pitih perak ciyek kabake Isa Almasih. 20Isa Almasih batanyo kabake inyo tu, ”Gambar siya ko, sarato namo si-ya ko nan ado di pitih ko?” 21Inyo tu bi manjawauk ”Gambar kaisar, sarato jo namo kaisar.” Mako, Isa Almasih bakato kabake inyo tu, ”Jikok baitu, barikanlah kaba-ke kaisar, apo nan manjadi hak kaisar, baitu pulo, barikanlah kabake Allah, apo nan manjadi miliak Allah.” 22Kutiko inyo tu bi mandangakan katarangan Isa Almasih, inyo tu bi ta-rangah. Mako, bi payilah urang-urang tu maninggakan Baliau. 23Di ari tu juwo, ado babarapo urang, urang Saduki nan bi tibo kaba-ke Isa Almasih. Inyo tu adolah golong-an urang nan bi bapandapek, baraso urang nan mati, indak ka di-iduikkan doh baliak. 24Inyo tu bi bakato, ”Ang-ku Guru, Musa ado ma-ajakan panga-jaran nan bakcando iko: Umpamonyo, jikok ado surang laki-laki nan mati, ta-pi, inyo indak punyo anak, mako, ka-rek-annyo musti mampabini jandonyo tu, supayo buliah mambari katurunan, untuak urang nan lah mati tu. 25Pa-nah tajadi dulu, ado tujuah urang la-ki-laki nan badunsanak tingga di siko. Nan paliang tuwo babini, alun tala-kik lai baranak, inyolah mati. Mako, adiaknyo manyiliahkan lapiak ka jan-donyo tu. 26Adiaknyo tu mati pulo sa-balun punyo anak. Kajadian nan bak-cando itu, tajadi pulo di adiaknyo nan katigo, baitu pulo sampai ka adiaknyo nan katujuah. 27Akienyo, nan padusi tu pun maningga pulo. 28Jadi isuak, di kutiko tibo masonyo urang-urang nan mati di-iduikkan baliak, manja-di bini siya urang padusi tu? Dek ka-rano, katujuah-tujuahnyo, laki-laki tu lah bi mampabini inyo.” 29Isa Almasih manjawauk, ”Ang-kau iyo lah sabana bi kaliru, dek ka-rano angkau indak bi mangarati isi Alkitauk, baitu pulo tantang kuwaso Allah. 30Isuak, jikok urang-urang nan mati lah di-iduikkan baliak, mako, inyo tu indak ka bi kawin lai, tapi, inyo tu ka bi iduik bakcando malekaik di sarugo. 31Alun adokoh angkau bi mambaco, apo nan dikatokan dek Allah, tantang urang-urang mati nan di-iduikkan baliak? Allah lah mangatokan, 32’Aden-lah Allah Ib-rahim, Allah Ishak, Allah Yakub.’ Allah tu, indak Allah urang mati doh. Tapi, adolah Allah urang nan iduik!” 33Kutiko urang nan banyak tu man-danga katarangan Isa Almasih, mako, inyo tu bi tacangang sangaik. 34Di kutiko urang-urang Farisi bi mandanga, baraso Isa Almasih lah mambuwek urang-urang Saduki indak dapek mangecek, mako, inyo tu bi ba-kumpua. 35Salah surang dari inyo tu, adolah guru ugamo, inyo mancubo pu-lo nak manjarek Isa Almasih jo sabu-wah tanyo. 36Inyo bakato, ”Angku Gu-ru. Apo parentah nan tarutamu sakali di dalam paratuaran ugamo?” 37Isa Almasih manjawauk, ”Kasiah-ilah Tuhan Allah angkau, jo sapanuah ati, sarato jo sapanuah jiwa, sarato jo sapanuah aka pikieran angkau. 38Itu-lah parentah nan tarutamu, sarato nan paliang paralu! 39Parentah nan kadu-wo, nan samo jo nan partamu: Kasiah-ilah sasamo manusia, bakcando ang-kau mangasiahi diri angkau sandiri. 40Kasadonyo paratuaran ugamo nan di-ajakan dek Musa, sarato jo panga-jaran nabi-nabi, takumpua dalam pa-rentah nan duwo ko.” 41Samantaro urang-urang Farisi tu, sadang bi bakumpua juwo lai di sinan tu, Isa Almasih batanyo kabake inyo tu, 42”Baa pandapek angkau tantang Rajo Panyalamaik? Katurunan siya-koh Inyo tu?” Urang-urang tu bi manjawauk, ”Ka-turunan Daud.” 43”Jikok baitu, ” kecek Isa Almasih, ”baa mangko Roh Allah mambisiak-kan ka dalam ati Daud untuak ma-ngatokan, baraso Rajo Panyalamaik adolah ’Tuhan'? Dek karano, sa-isuak Daud lah mangatokan, 44’Tuhan bakato kabake Tuhan ambo: duduaklah di sabalah suwok-Den, sampai musuah-musuah Angkau Den buwek tunduak kabake Angkau.’ 45Jadi, jikok Daud lah mangatokan, baraso Rajo Panyalamaik tu adolah ’Tuhan’, dima pulo ka mungkin Inyo katurunan Daud?” 46Indak surang juwo doh nan da-pek manjawauk tanyo Isa Almasih. Sajak di ari tu, indak ado lai nan ta-lok mananyokan sagalo sasuatu ka-bake Baliau.

will be added

X\