MATIUS 21

1Kutiko lah dakek Yerusalem, mako, tibolah urang-urang tu di Betfage di Bukik Zaitun. Di sinan tu, Isa Almasih manyuruah duwo urang pangikuik-Nyo untuak baja-lan labiah dulu. 2”Payilah ka kam-puang nan di adok-an tu, ” kecek Isa Almasih ka pangikuik-Nyo. ”Tibo di sinan, angkau ka manampak sikua kaladai, nan sadang tapauik samo jo anaknyo. Bukaklah pauiktan kaladai tu kaduwonyo, sudah tu bawoklah kamari. 3Jikok ado urang nan bata-nyo, mako, katokanlah nan bakcan-do iko kabake urang tu, ’Tuhan ko nan mamaralukannyo’, mako, urang tu ka bagageh manyuruah mamba-wok kaladai tu.” 4Tajadi nan baitu, mako basuwoan, apo nan lah dikatokan dek nabi, bak-cando nan tatulih di bawah ko, 5”Katokanlah kabake Sion, Rajo angkau sadang datang kabake angkau. Inyo randah ati, Inyo maracak sikua kaladai, sikua kaladai mudo.” 6Mako, payilah kaduwo urang pa-ngikuik Baliau tu, untuak manjapuik kaladai nan dikatokan dek Isa Almasih tu. 7Inyo tu mambawok kaladai tu sa-rato jo anaknyo. Sudah tu, inyo tu bi ma-alehi pungguang kaladai-kaladai tu jo jubahnyo. Kamudian, barulah Isa Almasih maracak kaladai tu. 8Sam-buah urang-urang nan di sinan tu, nan bi mambantangkan jubahnyo di ta-ngah jalan, sadangkan urang-urang nan lain, bi ma-ambiak-i rantiang-ran-tiang kayu, sudah tu, inyo serakkan di tangah jalan. 9Urang-urang nan bajalan di sabalah ka muko, sarato jo nan bajalan di sabalah ka balakang Isa Almasih, bi manyorakkan, ”Samang-kin jombanglah Angkau Anak Daud! Dibarakaik-ilah Baliau nan datang ateh namo Tuhan! Pujilah Allah Nan Ma-hatenggi!” 10Kamudian, kutiko Isa Almasih lah tibo di Yerusalem, mako, eboh-lah urang di kota tu. ”Siya ko Baliau nan tibo ko?” kecek urang nan ba-nyak tu. 11”Baliau ko adolah Nabi Isa Almasih, dari Nazaret di Galilea, ” kecek urang-urang nan ma-iriangkan-Nyo. 12Tibo di kota, Isa Almasih masuak ka Baithulmukadis, Baliau ma-usie ka-sadonyo urang nan bi manggaleh nan ado di sinan tu. Baliau tunggang-baliak-kan meja urang nan tukang tuka-i pitih, baitu pulo, bangku tampaik urang manjuwa buruang parapati. 13Baliau bakato kabake urang nan banyak tu, ”Di Alkitauk ado tatulih, baraso Allah mangatokan, ’Baithulmukadis adolah tampaik badowa.’ Tapi dek angkau ba-jadikan tampaik sarang panyamun!” 14Urang-urang nan buto, sarato jo urang-urang nan lumpuah, bi datang kabake Isa Almasih di Baithulmukadis, Baliau mancegakkan urang-urang tu kasadonyo. 15Tapi, imam-imam kapa-lo, sarato jo guru-guru ugamo Yahudi, bi bangih maliyek sagalo mukjizat nan lah dipabuwek dek Isa Almasih. Inyo tu bi bangih pulo, dek mandangakan paja-paja ketek di Baithulmukadis bi manyorakkan, ”Samangkin jombang-lah Anak Daud!” 16Inyo tu bi bakato pulo kabake Isa Almasih, ”Layi tadanga tu dek Ang-kau, apo nan dikatokan dek urang nan banyak tu?” ”Layi, layi tadanga tu dek Ambo, ” kecek Isa Almasih. ”Alun adokoh ang-kau mambaco ayaik Alkitauk nan bak-cando iko: ’Paja-paja ketek, sarato jo paja nan arek manyusu, lah Angkau aja untuak mangatokan pujian nan samparono'?” 17Kamudian, Isa Almasih maning-gakan urang-urang tu, sarato barang-kek dari kota tu, manuju ka Betania, sarato bamalam di sinan. 18Subuah-subuah bisuak arinyo, da-lam pajalanan babaliak ka kota, Isa Almasih maraso litak paruik-Nyo. 19Baliau manampak sabatang kayu ara di tapi jalan. Baliau mandakek ka ba-tang kayu tu, indak ciyek juwo doh bu-wahnyo nan nampak dek Baliau, sala-in daripado daunnyo sajo. Isa Almasih bakato ka batang kayu tu, ”Angkau ko indak ka babuwah lai untuak salamonyo!” Mako, lansuang layualah batang kayu ara tu. 20Di kutiko pangikuik-pangikuik Isa Almasih maliyek kajadian tu, inyo tu bi sangaik tacangang. Inyo tu bi ba-kato, ”Baa mangko batang kayu ara tu, bisa lansuang mati ka sabatang-annyo?” 21”Nan sabananyo bana, ” kecek Isa Almasih, ”jikok angkau layi bi pica-yo, sarato indak ragu-ragu, angkau dapek pulo mampabuwek, bakcando apo nan lah Ambo pabuwek ka batang kayu ara ko. Indak itu sajo doh, malah angkau ka dapek pulo bakato kabake bukik ko, ’Baranjaklah, pindahlah ka dalam lauik'; mako, apo nan angkau parentahkan tu, ka tajadi. 22Apo sa-jo nan angkau mintak di dalam dowa, mako, angkau ka mandapekkannyo, asakan angkau layi picayo.” 23Kamudian, Isa Almasih babaliak ka Baithulmukadis, Baliau masuak ka dalam untuak ma-aja. Di kutiko Baliau sadang ma-aja, ado babarapo urang imam-imam kapalo, sarato jo pamim-pin-pamimpin urang Yahudi, bi tibo kabake Baliau sarato bi batanyo, ”Jo kuwaso apo Angkau mampabuwek sa-galo sasuatu? Siya nan mambarikan kuwaso tu kabake Angkau?” 24Isa Almasih manjawauk, ”Ambo iyo ka batanyo pulo kabake angku-angku. Jikok angku-angku layi man-jawauk, mako, Ambo ka mangatokan pulo kabake angku-angku, jo kuwa-so siya Ambo mampabuwek sagalo sasuatu, nan lah Ambo pabuwek. 25Jo kuwaso dari siya Yahya mampa-mandikan urang? Jo kuwaso dari Allah, atau jo kuwaso dari manusia?” Sudah tu, imam-imam kapalo, sa-rato jo pamimpin-pamimpin Yahudi tu, muloi bi barundiang sasamo inyo, ”Jikok kito katokan, ’Jo kuwaso da-ri Allah.’ mako, si Isa ka bakato ka-bake kito bakcando iko, ’Jikok baitu, baa mangko angku-angku indak bi namuah picayo kabake Yahya?' 26Tapi, jikok kito katokan, ’Jo kuwaso dari ma-nusia.’ takuik kito di urang banyak, bangih inyo baiko ka awak, dek ka-rano, kasadonyo urang ma-anggauk Yahya adolah nabi.” 27Akienyo urang-urang tu bi manjawauk, ”Indak tantu doh di kami.” Sudah tu, Isa Almasih bakato kabake inyo tu, ”Jikok baitu, Ambo iyo indak ka mangatokan pulo doh ka angku-ang-ku, jo kuwaso siya Ambo mampabu-wek sagalo sasuatu.” 28Isa Almasih bakato ”Kiniko baa pandapek angkau, tantang parumpa-moan nan ka Ambo curitokan ko? Ado-lah surang bapak nan punyo duwo urang anak laki-laki. Si bapak cako bakato ka anaknyo nan tuwo, ’Yuang, payilah kiniko bakarajo ka parak ang-gur.’ 29’Indak, ambo indak ka payi doh.’ kecek anaknyo tu. Tapi, kamu-dian tibolah pangana di anaknyo tu, mako, payi juwolah inyo ka parak ang-gur tu. 30Kamudian, payi pulolah si bapak cako ka anaknyo nan ketek, untuak manyuruah anaknyo tu payi ka parak. ’Jadih pak.’ kecek anaknyo tu. Tapi, nan anak ko indak mangga-rik doh. 31Jadi, di antaro paja nan baduwo ko, namanyo nan lai patuah ka bapaknyo?” ”Tantu anak nan tuwo, ” kecek imam-imam kapalo, sarato jo pamimpin-pa-mimpin Yahudi tu. Mako, Isa Almasih bakato kabake urang-urang tu, ”Picayolah jo kecek Ambo ko: Tukang-tukang mintak pa-jak, sarato jo padusi-padusi jahek, ka labiah dulu masuak Karajaan Sarugo daripado angku-angku. 32Dek karano, kadatangan Yahya Pambaptis, adolah untuak manunjuakkan ka angku-ang-ku, baa caronyo iduik nan katuju dek Tuhan, tapi nan angku-angku indak na-muah picayo ka pangajarannyo; nan tukang-tukang mintak pajak, sarato jo padusi-padusi jahek picayo kabake inyo. Tapi, biyapun angku-angku lah bi maliyek sagalo sasuatu nan Ambo pabuwek, nan angku-angku indak bi namuah juwo doh mambukakkan pi-kieran angku-angku, sarato indak na-muah picayo kabake Tuhan.” 33Isa Almasih bakato pulo, ”Danga-kanlah ciyek lai parumpamoan nan ka Ambo curitokan ko. Ado surang tuan tanah, nan mananami satumpak pa-rak anggur. Inyo mambuwek paga di sakuliliang parak tu, sarato mangga-li lubang untuak tampaik marameh buwah anggur, kamudian, mambu-wek gulang-gulang untuak tampaik urang manjago, sudah tu, inyo pasa-duwokanlah parak tu kabake urang, sudah tu inyo bajalan payi marantau. 34Kutiko lah tibo musin ka ma-am-biak buwah anggur, tuan tanah tu ma-nyuruah anak buwahnyo payi kaba-ke urang-urang nan bakarajo di parak tu, untuak mamintak nan bagiannyo. 35Tapi, urang-urang nan bakarajo di parak tu, manangani anak buwah tu-an tanah tu: Nan surang ditanganinyo, nan lain dibunuahnyo, nan ciyek lai dipatucakkannyo jo batu. 36Tuan ta-nah tu manyuruah pulo anak buwah-nyo nan lain, labiah banyak daripado nan partamu disuruahnyo. Tapi, urang-urang nan bakarajo di parak tu, mam-pabuwek pulo, bakcando nan lah inyo pabuwek, kabake anak buwah nan partamu disuruah cako. 37Akienyo tuan tanah tu manyuruah anak kanduangnyo sandiri, untuak payi kaba-ke urang-urang nan bakarajo tu. Ma-nuruik pikierannyo, ’Lah musti anak ambo ko ka di-aromaik-i dek urang-urang nan di parak tu'. 38Tapi, kuti-ko urang-urang nan bakarajo di pa-rak tu bi maliyek, anak tuan tanah tu nan tibo, mako, inyo tu bi mange-cek sasamo inyo, ’Nah, ikonyo suwa-rihnyo. Molah kito bunuah paja ko, buliah kito mandapek arato pusako-nyo!’ 39Mako, anak tu ditangkoknyo, di-ambuangkannyo kaluwa, sudah tu dibunuahnyo.” 40Isa Almasih batanyo, ”Nah, jikok nan punyo parak anggur tu babaliak dari marantau, apo kiro-kiro nan ka inyo pabuwek, kabake urang-urang nan bakarajo di paraknyo tu?” 41Urang-urang tu bi manjawauk, ”Lah musti inyo ka mambunuahi urang-urang nan jahek tu, sudah tu, inyo ka mampasewokan paraknyo ka-bake urang lain, nan lai namuah ma-ngaluwakan, bagian asie tanah tu ka-bake inyo, tapek dikutikonyo.” 42Mako, Isa Almasih bakato kaba-ke urang-urang tu, ”Alun adokoh ang-ku-angku mambaco, apo nan tatulih di Alkitauk? ’Batu nan indak tapakai dek urang tukang, lah manjadi batu nan paliang pantiang. Ikolah karajo Tuhan; baralah karancaknyo!’ ” 43Isa Almasih bakato, ”Dek karano itu, kana-i banalah apo nan Ambo ka-tokan ko, sagalo hak untuak masuak Karajaan Sarugo, ka dicabuik dari ang-ku-angku, sudah tu di barikan kabake satu banso, nan ka manjalankan saga-lo parentah Allah. [ 44Urang nan ja-tuah ka ateh batu tu, lah jaleh ka ra-muak; urang nan di-ampok dek batu tu, ka lumek manjadi abu.]" 45Kutiko imam-imam kapalo, sarato jo urang-urang Farisi, bi mandangakan kasadonyo parumpamoan nan dicuri-tokan dek Isa Almasih, mako, inyo tu bi tawu, baraso Isa Almasih mambi-carokan tantang diri inyo tu. 46Jadi, inyo tu bi ba-usawo nak ka manang-kok Isa Almasih. Tapi, inyo tu bi tabik takuik di urang banyak, dek karano, urang nan banyak tu ma-anggauk Isa Almasih adola h surang nabi.

will be added

X\