MATIUS 20

1”Parkaro Karajaan Sarugo tu, ka-adaannyo bakcando parum-pamoan nan bakcando iko: Ado su-rang urang nan punyo parak anggur, subuah-subuah inyo payi kaluwa, un-tuak mancari urang nan ka bakarajo di parak anggurnyo. 2Sasudah pare-tongan sasuwai, inyo ka mambayie urang nan ka bakarajo tu, sapitih pe-rak sa-ari, mako, inyo suruahlah urang tu bakarajo di parak anggurnyo. 3Pu-kua sambilan pagi, nan punyo parak tu payi pulo mancari urang, inyo ma-nampak babarapo urang nan indak bapa-adok di pasa. 4Bakatolah inyo kabake urang-urang tu, ’Payilah ang-kau bi bakarajo di parak anggur am-bo. Ambo bari angkau upah nan sa-suwai.’ 5Urang-urang tu pun bi payi. Pukua duwo baleh tangah ari, jo pu-kua tigo sanjo, nan punyo parak tu kaluwa pulo, untuak mancari urang nan ka bakarajo bakcando nan cako. 6Kiro-kiro pukua limo sanjo, inyo ka-luwa pulo, inyo manampak, ado juwo lai urang nan indak bapa-adok. Inyo batanyo kabake urang-urang tu, ’Baa mangko angkau indak bi bakarajo, baa mangko tagak-tagak sajo sa-ari baneneng di siko?' 7Urang-urang tu bi manjawauk, ’Indak ado urang nan ka mambawok kami bakarajo.’ ’Jikok baitu.’ kecek nan punyo parak tu, ’pa-yilah angkau bakarajo di parak ang-gur ambo.’ 8Kutiko arilah sanjo, nan punyo pa-rak tu mangecek kabake manduanyo, Imbaulah urang-urang nan bakarajo tu, bayielah upahnyo surang-surang, muloi dari urang nan masuak paliang kudian, sampai ka urang nan masuak paliang dulu.’ 9Mako, bi tibolah urang-urang nan muloi bakarajo dari pukua limo san-jo. Satiyok urang tu bi manarimo sa-pitih perak. 10Kamudian, bi tibo pulo urang-urang bakarajo nan dibayie sa-jak dari pagi. Inyo manyangko, inyo ka manarimo labiah banyak. Tapi, rupo-nyo inyo dibayie hanyo sapitih perak pulo. 11Di kutiko manarimo pitih tu, inyo bi mambirutok kabake nan punyo parak: 12’Urang-urang nan tibo kudi-an, inyo sajamnyo bakarajo. Sadang-kan kami bakarajo sa-ari panuah, di-lantak dek angek matoari, tapi, angku mambari inyo samo banyak jo kami!’ 13Nan punyo parak anggur tu manja-wauk, kabake salah surang dari urang nan bakarajo tu, ’Oih sanak, ambo in-dak basalah doh kabake angku. Tadi pagi kito lah supakaik, baraso angku namuah manarimo upah sapitih pe-rak untuak bakarajo sa-ari, iyo ndak? 14Nah, apo juwo lai, ambiaklah pitih upah angku tu, pulanglah. Ambo iyo nak mambari upah, sabanyak nan am-bo barikan kabake angku tu, untuak urang nan masuak kudian. 15Apokoh ambo indak buliah, mampabuwek sa-kandak ati ambo, ambo jo arato ambo sorang? Atau angku bingik, dek kara-no ambo bamurah ati?' ” 16Sudah tu, Isa Almasih bakato pu-lo, ”Baitu pulolah urang-urang nan takudian, ka manjadi nan tadawulu, urang-urang nan dawulu, ka manja-di nan takudian.” 17Kutiko Isa Almasih sadang manuju ka Yerusalem, di tangah jalan, Baliau ma-imbau kaduwo baleh urang pangi-kuik-Nyo, untuak bakumpua, manyi-siah dari urang nan banyak. Baliau bakato ka pangikuik-Nyo tu, 18”Da-ngakanlah apo nan Ambo katokan ko! Kito kiniko sadang manuju ka Yerusa-lem. Tibo di sinan, Anak Manusia ka disarahkan kabake imam-imam kapa-lo, sarato ka guru-guru ugamo. Sudah tu, Inyo ka di ukun mati, 19kamudian, Inyo disarahkan kabake urang-urang nan indak urang Yahudi. Urang-urang tu ka mampamain-mainkan Inyo, ka ma-ajauk Inyo, sarato jo ka manyalib-kan Inyo. Tapi, di ari nan katigo, Inyo ka di iduikkan baliak.” 20Kamudian, urang rumah Zebede-us, sarato jo anak-anaknyo bagai, bi tibo manamui Isa Almasih. Di adok-an Isa Almasih inyo sujuik, untuak mamintak sasuatu. 21Isa Almasih batanyo, ”Apo kini-ko nan ka amai mintak.” Urang gaek tu manjawauk, ”Ambo ko niyo, kok dapek isuak, jikok Angkau lah manjadi Rajo, anak ambo nan baduwo ko, surang duduak di sabalah kida, nan surang lai di sabalah suwok Angkau.” 22Isa Almasih bakato, ”Angkau ko indak bi tantu doh ko, apo nan bi ba-mintak, asa banamo ka bamintak sa-jo, layi ka lanteh angan maminun isi cawan sansaro, nan musti ka Ambo minun?” ”Layi, ” jawauk inyo tu. 23Isa Almasih bakato, ”Batua, ang-kau ka minun juwo dari cawan sansa-ro Ambo tu. Tapi, tantang siya nan ka duduak di sabalah kida, atau nan ka duduak di sabalah suwok Ambo, in-dak Ambo doh tu nan manantukan. Kaduwo tampaik tu adolah untuak urang-urang nan lah ditantukan dek Bapak Ambo.” 24Kutiko ka sapuluah pangikuik nan lain, bi mandanga kajadian tu, inyo tu bi bangih kabake urang nan baduwo badunsanak tu. 25Dek karano itu, Isa Almasih ma-imbau kasadonyo pangi-kuik-Nyo, sarato bakato, ”Angkau kan layi bi tawu, baraso pamimpin-pamim-pin banso nan indak ba Tuhan Allah, bi ma-ajauk rakyaiknyo. Baitu pulo, pa-gawai-pagawai nagari tu bi manakan rakyaik. 26Tapi, nan angkau indak bu-liah doh baitu. Malah musti sabaliak-nyo, urang nan niyo nak manjadi urang nan takamuko di antaro angkau, inyo musti manjadi palayan angkau. 27Urang nan niyo nak takamuko di antaro angkau, inyo musti namuah andaknyo manjadi pisuruah angkau. 28Samo jo bakcando Anak Manusia, baitu pulo; Inyo datang indak untuak dilayani doh, tapi, untuak malayani, sa-rato jo manyarahkan nyawo-Nyo, un-tuak pambayie doso umaik manusia.” 29Kutiko inyo tu bi barangkek dari Yerikho, sambuah urang nan bi payi manuruikkan Isa Almasih. 30Ado du-wo urang buto nan sadang duduak di tapi jalan. Kutiko inyo mandanga, ba-raso nan lalu tu adolah Isa Almasih, mako, inyo bi ba-imbau, ”Oih Anak Daud, ibo-ilah kami!” 31Urang banyak nan ado di sinan tu, bi mambangih-inyo, manyuruah inyo supayo anok. Tapi, malahan inyo ba-imbau labiah kareh lai, daripado nan cako, ”Oih Angku, Anak Daud, ibo-ilah kami!” 32Dek mandangakan urang nan ba-imbau tu, mako, Isa Almasih baranti bajalan, sarato ma-imbau inyo tu. Isa Almasih batanyo, ”Apo nan bamintak kabake Ambo, nan ka Ambo pabuwek untuak angkau?” 33Inyo tu bi manjawauk, ”Angku, kok dapek, kami niyo mato kami ko bisa untuak maliyek!” 34Isa Almasih maraso ibo kabake inyo tu, mako, Baliau ma-awai ma-to urang tu. Sakutiko tu juwo, mato urang nan buto tu, bisa untuak mali-yek. Mako, inyo tu bi payi pulo ma-nuruikkan Isa Almasih.

will be added

X\