MATIUS 2

1Isa Almasih dilayiekan di kota Betlehem, di nagari Yudea, pado maso pamarentahan Rajo Herodes. Pado wakatu itu, ado babarapo urang nan santiang alemu bintang, dari na-gari nan arah ka Ujuang, nan bi da-tang ka Yerusalem. 2Inyo tu bi bata-nyo kian kumari, ”Dimanyo Anak tu, nan dilayiekan untuak ka manjadi Ra-jo urang Yahudi? Kami lah manampak bintang-Nyo bacahayo di arah nan ka Ujuang, nan kami kamari ko, untuak ka manyambah Inyo.” 3Kutiko Rajo Herodes mandanga ka-ba nan bakcando itu, inyo takajuik sa-ngaik, baitu pulo kasadonyo urang di Yerusalem. 4Mako, inyo manyuruah kasadonyo imam-imam kapalo, sara-to jo guru-guru ugamo banso Yahudi, untuak bi bakumpua. Sudah tu, inyo batanyo kabake imam-imam, sarato ka guru-guru ugamo tu, ”Dima tam-paik layienyo Rajo nan dijanjikan dek Allah tu?” 5Urang-urang tu bi manjawauk, ”Di kota Betlehem di nagari Yudea. Dek karano, bakcando iko nan lah tatulih di kitauk nabi, 6’Angkau Betlehem, di nagari Yehuda, angkau indak doh kampuang nan di-anggauk ketek, di antaro kota-kota nan gadang di Yehuda. Dek karano, dari angkau ka datang surang pamimpin, nan ka mamimpin umaik-Den Israel.’ ” 7Sasudah mandanga katarangan nan bakcando itu, mako, Herodes mamang-gie jo sacaro ba-anok-anok, urang-urang nan santiang alemu bintang tu, nan datang dari nagari nan arah ka Ujuang. Mako, inyo batanyo kaba-ke urang-urang tu, pabilo bana tapek-nyo bintang tu muloi nampak? 8Sasu-dah tu, inyo manyuruah urang-urang tu ka Betlehem, sarato jo pasan nan bakcando iko, ”Payilah, carilah Anak tu jo sacaro taliti. Nan jikok angkau lah bi manamukan Inyo, agiah-tawulah kabake ambo, supayo ambo buliah payi pulo manyambah Inyo.” 9- 10Sudah tu, bi barangkeklah urang-urang tu. Inyo tu bi manampak pulo baliak, bintang nan lah inyo liyek du-lu tu, di arah nan ka Ujuang. Baralah kagadangnyo ati urang-urang tu, dek maliyek bintang tu! Bintang tu man-dawulu-inyo bajalan, sudah tu, bin-tang tu baranti, tapek bana di ateh tampaik Anak tu barado. 11Inyo tu bi masuak ka dalam rumah tu, sarato bi maliyek Anak tu basarato jo mandeh-Nyo, Maryam. Inyo tu bi sujuik, sara-to jo bi manyambah Anak tu, sudah tu, inyo tu bi mambukak bungkuih barang bawok-annyo, sarato mampa-sambahkannyo kabake Anak tu, ameh, kumayan, sarato jo mur. 12Allah mam-paringekkan urang-urang tu di da-lam rasiyan, supayo inyo tu jan ba-baliak kabake Herodes. Dek karano itu, inyo tu bi babaliak pulang mala-lui jalan nan lain. 13Sasudah urang-urang nan santiang alemu bintang tu bi barangkek, mako, malekaik Tuhan manampakkan diri kabake Yusuf di dalam rasiyan. Ma-lekaik tu bakato, ”Herodes bamuka-suik nak ka mancari Anak ko, untuak ka dibunuahnyo. Dek karano itu, jago-lah, bawoklah Anak ko sarato jo man-deh-Nyo mangunsi ka Mesir. Mana-tauklah di sinan tu, sampai Ambo tibo pulo baliak isuak, ma-agiah tawu ka-bake angkau.” 14Yusuf tasintak, nan pado malam tu juwo, inyo bawoklah Anak tu sa-rato jo Maryam, mangunsi ka Mesir. 15Inyo tu bi manatauk di sinan tu, sampai Herodes mati. Jo caro nan baitu, mako basuwo-anlah, apo nan lah dikatokan dek Tuhan malalui nabi-Nyo, bakcando iko, ”Aden ma-imbau Anak-Den kalu-wa dari Mesir.” 16Kutiko Herodes tawu, baraso inyo lah dikicuah, dek urang-urang nan san-tiang alemu bintang, nan dari nagari nan arah ka Ujuang tu, mako tabiklah siburansangnyo. Mako, inyo mamaren-tahkan, untuak mambunuah kasado-nyo paja ketek laki-laki, nan ba-umua duwo tawun ka bawah di Betlehem, sarato jo di nagari nan sakuliliangnyo. Itu sasuwai jo katarangan nan dida-peknyo, dari urang-urang nan santiang alemu bintang tu, tantang sajak pabi-lo bintang tu muloi nampak. 17Jo caro nan baitu, mako basu-woanlah, apo nan lah dikatokan dek Nabi Yeremia, iyolah, 18”Di Rama tadanga suwaro ratok, kaluah kasah sarato jo tangih. Rahel maratok-i anak-anaknyo, nan inyo indak niyo dibujuak, dek karano anak-anaknyo indak bi ado lai.” 19Sasudah Herodes mati, kutiko itu Yusuf sadang di Mesir juwo lai, surang malekaik Tuhan tibo baliak kabake inyo, manampakkan diri dalam rasi-yan. 20Malekaik tu bakato, ”Urang-urang nan baniyaik ka mambunuah Anak ko, lah bi mati. Dek karano itu, jagolah, bawoklah Anak ko sarato jo mandeh-Nyo, sarato babaliaklah ka Israel.” 21Yusuf tasintak, mako, inyo bawoklah Anak tu sarato jo Maryam, babaliak ka Israel. 22Tapi, kamudian Yusuf mandanga kaba, baraso Arkelaus anak Herodes, lah manggantikan apaknyo, manjadi rajo di nagari Yudea. Dek karano itu, Yusuf takuik payi ka sinan tu. Sasudah inyo mandapek pitunjuak dari Tuhan dalam rasiyan, mako payilah inyo ka daerah Galilea. 23Di sinan tu inyo ma-natauk di kota nan banamo Nazaret. Jo caro nan baitu, mako basuwoanlah, apo nan lah dikatokan dek nabi-nabi tantang Anak tu: ”Inyo ka dina-mokan Urang Nazaret.”

will be added

X\