MATIUS 18

1Di kutiko itu, pangikuik-pangi-kuik Isa Almasih bi datang ka-bake Baliau, sarato bi batanyo, ”Siya urang nan di-anggauk paliang taka-muko, di antaro umaik Allah?” 2Mako, Isa Almasih ma-imbau su-rang anak ketek, Baliau manyuruah anak tu tagak di adok-an pangikuik-Nyo. 3Sudah tu, Isa Almasih bakato, ”Picayolah! Jikok angkau layi baru-bah, sainggo ati angkau bakcando ati anak-anak ketek, barulah angkau da-pek masuak Karajaan Sarugo. 4Urang nan layi namuah marandahkan diri-nyo, sainggo samo jo anak ketek ko, mako, inyolah urang nan di-anggauk paliang takamuko di dalam Karajaan Sarugo. 5Baitu pulo, urang nan layi na-muah manarimo anak ketek nan bak-cando iko, dek karano di Ambo, ba-arati inyo lah manarimo Ambo.” 6”Siya nan manyabaukkan, dek ka-rano dek inyo salah surang dari urang-urang nan ketek ko, indak picayo lai kabake Ambo, mako, labiah elok lai di urang tu, jikok batu panggiliangan dika-bekkan di mariahnyo, sudah tu inyo di-oncekkan masuak lauik basa. 7Baralah ka cilakonyo dunia ko, karano dek ulah-nyo nan manyabaukkan urang bi ba-doso. Batua, parkaro-parkaro nan bak-cando itu ka tatauk ado, tapi, cilakolah urang nan mampabuweknyo! 8Jikok tangan angkau, atau kaki ang-kau nan manjadi panyabauk angkau ba-buwek doso, mako, kuduanglah tangan atau kaki angkau tu, campakkanlah ka-sadonyo. Labiah elok angkau iduik in-dak batangan sabalah, atau indak ba-kaki sabalah, asakan iduik angkau tu layi manyanangkan ati Allah. Daripado angkau batangan, atau bakaki langkok di-ambuangkan masuak api narako. 9Jikok mato angkau nan manyabauk-kan angkau badoso, mako, cukialah incek mato angkau tu, campakkanlah. Labiah elok angkau bamato celek, asa-kan layi iduik manyanangkan ati Allah, daripado bamato langkok di-ambuang-kan masuak api narako.” 10”Ingek-ingeklah! Jan sampai ma-ino salah surang dari urang-urang nan ketek ko. Dek karano, kana-ilah, bara-so ado malekaiknyo satiyok wakatu di adok-an Bapak Ambo di sarugo. 11Dek karano, Anak Manusia da-tang ka dunie ko, untuak manyala-maikkan urang nan sasek!] 12Baa manuruik pandapek angkau? Kok santano ado surang urang nan punyo saratuih ikua domba, kamudian ado sikua dombanyo tu nan ilang, apo nan ka dipabuwek dek urang nan pu-nyo domba tu? Tantu inyo ka maning-gakan dombanyo nan sambilan puluah sambilan tu di ateh bukik, sudah tu inyo payi untuak mancari dombanyo nan ilang tu. 13Jikok dombanyo nan ilang tu lah basuwo baliak mako, pi-cayolah jo kecek Ambo ko inyo la-biah bagadang ati jo dombanyo nan sikua tu, dek karano lah basuwo ba-liak, daripado jo dombanyo nan sambi-lan puluah sambilan nan indak ilang. 14Baitu pulo, Bapak angkau nan di sa-rugo, Baliau indak niyo doh, jikok ado salah surang dari urang-urang nan ba-ru ba-iman kabake Ambo ko, disem-ba baliak dek ubilih.” 15”Kok ado di antaro sudaro angkau, nan bakasalahan kabake angkau, ma-ko, payilah untuak manamuinyo, kato-kanlah jo sacaro elok tantang kasalah-annyo tu. Pabuweklah nan bakcando itu, jo sacaro ba-anok-anok antaro ang-kau baduwo jo inyo sajo. Jikok inyo la-yi manarimo nasiyaik angkau, mako, barasillah angkau mandapekkan suda-ro angkau tu baliak. 16Tapi, jikok inyo indak namuah manarimo nasiyaik ang-kau, mako, bawoklah surang, atau du-wo urang lai sudaro nan lain. Dek ka-rano, dalam Alkitauk ado tatulih nan bakcando iko, ’Sakurang-kurangnyo ado duwo, atau tigo urang sasi nan di-paralukan, untuak manyatokan surang urang nan tatuduah basalah.’ 17Jikok inyo indak namuah juwo ma-narimo nasiyaik urang-urang tu, ma-ko baritawukanlah parkaro itu kaba-ke sidang jamaat. Akienyo, jikok inyo indak namuah pulo manarimo nasi-yaik sidang jamaat, mako, anggauk-lah inyo tu samo jo urang tukang min-tak pajak, atau urang nan indak ba Tuhan Allah.” 18”Katawuilah: Apo nan angkau ta-gah di dunie ko, itupun batagah pulo di sarugo. Baitu pulo, apo nan angkau buliahkan di dunie ko, itupun dibu-liahkan pulo di sarugo. 19Katawui pulolah: Jikok di antaro angkau kutiko di dunie ko, ado duwo urang nan supakaik sa-ati mandowa-kan tantang sasuatu, mako, dowanyo tu ka dipalakukan dek Bapak Ambo nan di sarugo. 20Dek karano, dima ado duwo, atau tigo urang nan bakumpua, dek karano di Ambo, mako, Ambo pun ado samo-samo jo inyo tu.” 21Kamudian, Petrus tibo kabake Isa Almasih untuak batanyo, ”Tuhan, ji-kok sudaro ambo mambuwek kasa-lahan kabake ambo, sampai bara ka-likoh, ambo musti mamaohkannyo? Apokoh sampai tujuah kali?” 22Isa Almasih manjawauk, ”Indak, indak sampai tujuah kali doh, tapi, sampai tujuah puluah kali tujuah. 23Dek karano, parkaro Karajaan Sa-rugo, ka-adaannyo bakcando nan Ambo ibaraikkan ko: Ado surang rajo bamu-kasuik nak manyalasaikan utang pi-utang jo budak-budaknyo. 24Kutiko rajo tu muloi mamareso, mako, diba-woklah ka adok-annyo surang budak nan ba-utang bajuta-juta, 25rasonyo indak ka mungkin lai budak tu da-pek ka mambayie utangnyo. Mako, rajo tu mamarentahkan, supayo bu-dak tu jo anak bininyo, sarato jo saga-lo arato bandonyo, dijuwa untuak ka pambayie utangnyo. 26Budak tu su-juik di adok-an rajo tu, sambia mam-bana, ’Tuanku, basaba atilah tuanku taradok ambo. Ambo layi baniyaik ka mambayie utang tu kasadonyo.’ 27Rajo tu ibo maliyek budaknyo tu, sainggo inyo abihkan sajo kasadonyo utang budak tu. 28Kutiko budak tu ka kaluwa, ba-soboklah inyo jo kantinyo, surang bu-dak pulo, nan ba-utang pulo kabake inyo, tapi, indak bara ribu doh. Ma-ko, inyo tangkok, sarato inyo cakiak mariah kantinyo tu, sambia bakato, ’Bayielah utang wa-ang kasadonyo!’ 29Kantinyo tu sujuik di adok-annyo sambia mambana, ’Sabalah dulu sa-nak, sadonyo utang ka ambo bayie!’ 30Tapi, budak tu indak namuah. Malah inyo masuakkan kantinyo tu ka pinja-ro, sampai kantinyo tu bisa mambayie utang. 31Sadiah ati budak-budak nan lain kutiko maliyek kajadian tu, mako, inyo agiah tawulah rajo tantang kaja-dian tu. 32Mako, di-imbaulah budak nan jahek tu dek rajo, sambia bakato, ’Oih budak nan indak tawu di untuang! Kasadonyo utang wa-ang lah den abih-kan, dek karano wa-ang lah mamba-na kabake den. 33Indak koh wa-ang patuik pulo maraso ibo kabake kanti wa-ang, bakcando den nan lah mara-so ibo kabake wa-ang?' 34Rajo tu sa-bana bangih. Mako, budak nan jahek tu dipuruakkannyo masuak pinjaro, sampai inyo dapek mambayie utang-nyo kasadonyo.” 35Isa Almasih manyudahi panga-jaran-Nyo jo kato-kato nan bakcan-do iko, ”Baitu pulolah Bapak Ambo nan di sarugo, Baliau ka mampabu-wek nan bakcando itu pulo, kabake satiyok angkau, jikok angkau indak namuah mamaohkan sudaro angkau jo ati nan bara siah.”

will be added

X\