MATIUS 16

1Ado babarapo urang Farisi, sa-rato jo urang Saduki bi datang kabake Isa Almasih, nak ka manja-rek Baliau jo kato-kato. Inyo tu bi ma-mintak, supayo Baliau mampabuwek mukjizat, untuak manandokan bara-so Baliau iyo datang dari Allah. 2Isa Almasih manjawauk, [”Jikok mato-ari bamulo nak ka tabanam, kutiko tu cahayo langik sirah nampaknyo, ma-ko, angkau bi mangatokan, ’Alamaik udaro ka elok.’ 3Nan jikok di pagi ari langik agak galok, sarato agak mo-rok nampaknyo, mako, angkau ka bi mangatokan, ’Ari iko mungkin ari ka ujan.’ Nah, angkau dapek manakok-nakok ka-adaan udaro, hanyo jo sa-caro maliyek ka-adaan langik, tapi, baa mangko tando-tando jaman, in-dak dapek angkau takok!”] 4”Baralah ka jaheknyo, sarato baralah ka dura-konyo urang-urang di jaman kiniko. Angkau bi mamintak supayo Ambo mampabuwek mukjizat. Indak ciyek juwo doh mukjizat nan ka dipaliyekkan kabake angkau, salain daripado mukjizat Nabi Yunus.” Sasudah bakato bakcando itu, Isa Almasih bajalan maninggakan urang-urang tu. 5Kutiko pangikuik-pangikuik Isa Almasih sampai di subarang danau, barulah bi takana dek inyo tu, baraso inyo tu bi lupo mambawok roti. 6Isa Almasih bakato kabake pangikuik-pa-ngikuik-Nyo tu, ”Ingek-ingeklah ang-kau taradok ragi urang Farisi, sarato jo ragi urang Saduki.” 7Dek mandanga kecek Isa Almasih nan baitu, pangikuik-pangikuik-Nyo bi bakato sasamo inyo, ”Mangkonyo Angku Guru bakato bakcando itu, dek karano kito indak mambawok roti.” 8Isa Almasih mangatawui apo nan dipakecekkan dek pangikuik-Nyo tu. Dek karano itu Baliau bakato, ”Baa mangko angkau bi mampamasalahkan tantang roti nan indak ado? Sabana-nyo angkau kurang bi picayo! 9Alun bi mangarati juwo lai angkau? Apo-koh indak bi takana lai dek angkau, limo buwah roti nan Ambo balah-ba-lah, untuak mambari makan urang sabanyak limo ribu urang? Bara kati-diang roti nan balabiah kutiko angkau kumpuakan? 10Baa, lai takana pulo dek angkau, tujuah buwah roti untuak urang nan ampek ribu tu? Bara kati-diang makanan nan balabiah kutiko angkau kumpuakan? 11Baa mangko angkau indak bi mangarati, Ambo in-dak mampakatokan parkaro roti doh jo angkau? Tapi, ingek-ingeklah tara-dok ragi urang Farisi, sarato jo ragi urang Saduki!” 12Akienyo pangikuik-pangikuik Isa Almasih tu bi mangarati, baraso Isa Almasih manyuruah pangikuik-Nyo ba-ingek-ingek, indak taradok ragi nan di-pakai untuak pambuwek roti doh, tapi, ba-ingek-ingek taradok ka pangajaran urang Farisi, jo urang Saduki. 13Isa Almasih payi ka daerah da-kek kota Kaisarea Filipi. Tibo di sinan, Baliau batanyo kabake pangikuik-pa-ngikuik-Nyo, ”Manuruik pandapek urang, Anak Manusia tu siya?” 14Pangikuik-pangikuik-Nyo bi man-jawauk, ”Ado nan mangatokan Yahya Pambaptis. Ado pulo nan mangatokan Elia. Nan lain bi mangatokan Yeremia, atau salah surang dari nabi.” 15”Tapi, manuruik pandapek ang-kau, Ambo ko siya?” tanyo Isa Almasih kabake pangikuik-Nyo. 16Simon Petrus manjawauk, ”Ang-ku adolah Rajo Panyalamaik, Anak Allah Nan Kaka.” 17”Baruntuang bana angkau, oih Si-mon anak Yona!” kecek Isa Almasih. ”Dek karano, indak manusia doh tu, nan ma-agiah tawu parkaro tu kabake ang-kau, tapi, adolah Bapak Ambo nan di sa-rugo. 18Dek karano itu, katawuilah, ba-raso angkau adolah Petrus, batu nan kuwaik. Di ateh batu ikolah Ambo ka managakkan gareja Ambo, nan indak bisa dikalahkan; biya dek mauik saka-lipun! 19Ambo ka mambarikan kabake angkau anak kunci Karajaan Sarugo. Apo nan angkau tagah di muko bumi, itupun ditagah pulo di sarugo. Baitu pulo, apo nan angkau suruahkan di muko bumi, itupun disuruahkan pulo di sarugo.” 20Sasudah tu, Isa Almasih mampa-ringekkan kabake pangikuik-pangi-kuik-Nyo, supayo jan mancuritokan ka siya-siyanyo, baraso Baliau ado-lah Rajo Panyalamaik. 21Muloi dari sajak itu, Isa Almasih mangecek bataruih tarang kabake pa-ngikuik-pangikuik-Nyo, baraso Baliau musti payi ka Yerusalem, sarato ba-nyak ka manangguangkan ajauk san-saro, dari pamimpin-pamimpin, dari imam-imam, sarato jo dari guru-gu-ru ugamo Yahudi. Baliau ka dibunuah, tapi, di ari nan katigo, Baliau ka iduik baliak, kaluwa dari kubua. 22Dek mandanga kecek Isa Almasih tu, Petrus mambawok Baliau bagan-jua, sarato mamparingekkan Baliau, Petrus bakato, ”Mudah-mudahan Allah manjauahkan parkaro nan bakcan-do tu! Jan sampai tajadi di diri Ang-kau Tuhan!” 23Isa Almasih ma-engong, sarato bakato kabake Petrus, ”Payilah dari siko, oih Tukang dayo! Angkau ma-ambek-ambek karajo Ambo. Pikieran angkau tu pikieran manusia; indak pi-kieran Allah!” 24Kamudian, Isa Almasih bakato ka pangikuik-pangikuik-Nyo, ”Urang nan niyo nak ka manuruikkan Ambo, inyo musti maninggakan kaparaluan diri-nyo sandiri, inyo musti mamikua salib-nyo, sarato indak barubah ati ma-ikuik-i Ambo. 25Dek karano, urang nan nak ka mampatahankan nyawonyo, mako, inyo ka ka-ilangan nyawonyo tu. Tapi, urang nan mangarobankan nyawonyo, dek karano untuak Ambo, mako, inyo ka mandapek iduik nan kaka. 26Apo gunonyo dek urang, jikok inyo manda-pekkan kasadonyo arato dunia ko, tapi, inyo ka-ilangan nyawonyo? Dapekkoh nyawo diganti jo barang sasuatu? 27Indak ka lamo lai, Anak Manusia ka datang jo kuwaso Bapak-Nyo, sarato jo malekaik-malekaik-Nyo. Di kuti-ko itu, Inyo ka mambari upah kabake satiyok urang, sasuwai jo karajonyo su-rang-surang. 28Katawuilah! Di anta-ro angkau nan di siko, ado nan indak ka mati, sabalun inyo maliyek Anak Manusia datang sabagai Ra jo.”

will be added

X\