MATIUS 14

1Pado maso itu, Herodes, pa-nguwaso di nagari Galilea, mandanga kaba tantang Isa Almasih. 2Herodes bakato kabake anak buwah-nyo. ”Iko lah jaleh Yahya Pambaptis ko nan lah iduik baliak! ltu sabauknyo mangko Inyo mampunyoi kuwaso un-tuak mampabuwek mukjizat.” 3Dek karano, sabalun itu Herodes lah manyuruah manangkok, sarato jo mangabek Yahya Pambaptis tu, sarato mamasuakkannyo ka pinjaro. Mang-konyo Herodes batindak bakcando itu, dek karano parkaro Herodias, nan ado-lah bini dari dunsanaknyo sandiri nan banamo Filipus. 4Dek karano, dulu panah Yahya bakato kabake Herodes bakcando iko, ”Sabananyo, indak bu-liah doh angkau mampabini Herodi-as!” 5Sajak dari itu, Herodes lah ba-mukasuik nak ka mambunuah Yahya, tapi, inyo takuik kabake urang nan ba-nyak, dek karano, urang-urang tu ma-anggauk Yahya adolah nabi. 6Di kutiko Herodes mamparalekkan ari kalayierannyo, anak Herodias nan padusi, tagak manari di adok-an si alek nan tibo. Sangaik sanangnyo ati Hero-des mancaliak tari nan dibawokkannyo, 7sainggo Herodes bajanji kabake anak tu, sarato jo basumpah, baraso, apo sajo nan dimintaknyo, musti ka dipalakukan. 8Dek karano di-asuang dek man-dehnyo, anak gadih tu bakato, ”Ambo niyo kapalo Yahya Pambaptis, dibari-kan kabake ambo kiniko juwo di ateh talam!” 9Mandanga pintak anak tu, sangaik sadiahnyo ati Herodes. Tapi, dek ka-rano inyo lah tadorong basumpah di adok-an si alek, mako, inyo tapaso ma-marentahkan, supayo kandak anak tu dipalakukan. 10Inyo manyuruah urang payi ka pinjaro, untuak ma-mancuang kapalo Yahya. 11Kamudi-an, kapalo Yahya tu dibawok masuak di ateh talam, dibarikan kabake anak gadih tu. Anak tu mambawoknyo pu-lo kabake mandehnyo. 12Sasudah tu, pangikuik-pangikuik Yahya bi tibo manjapuik mayik Yahya, untuak ka dikubuakan. Sudah tu, inyo tu bi pa-yi ma-agiah tawu kajadian tu kabake Isa Almasih. 13Kutiko Isa Almasih mandanga ka-jadian tu, Baliau nayiak ka parawu, ba-rangkek dari tampaik tu, Baliau payi ka suatu tampaik nan langang. Tapi, ku-tiko urang-urang bi tawu, baraso Baliau lah barangkek, urang-urang tu bi ba-rangkek pulo maninggakan nagarinyo, payi untuak mangaja-i Isa Almasih malalui jalan darek. 14Di kutiko Isa Almasih turun dari parawu, Baliau ma-nampak urang banyak, Baliau maraso ibo kabake urang-urang tu. Sudah tu, Baliau cegakkanlah urang nan sakik, di antaro urang nan banyak tu. 15Di patang arinyo, pangikuik-pa-ngikuik Isa Almasih bi tibo, sarato bi bakato kabake Baliau, ”Ari lah san-jo, tampaik ko tapancie. Labiah elok Angku suruah urang-urang ko payi dari siko, buliah inyo tu dapek mam-bali nan ka dimakan di kampuang-kampuang ko.” 16Isa Almasih bakato, ”Indak usah inyo tu bi payi dari siko, angkau sajolah nan ka ma-agiah makan inyo tu.” 17Pangikuik Isa Almasih bi bakato, ”Roti limo buwah, sarato jo ikan duwo ikua, itunyo nan ado di kami!” 18”Bawoklah roti jo ikan tu kama-ri, ” kecek Isa Almasih. 19Kamudian, Baliau manyuruah urang nan banyak tu bi duduak di ateh rumpuik. Baliau ma-ambiak roti nan limo buwah, sa-rato jo ikan nan duwo ikua tu, sudah tu, Baliau maningadah ka langik sa-rato basyukur kabake Allah. Sasudah tu, Baliau mambalah-balah roti tu jo tangan-Nyo, sarato mambarikannyo kabake pangikuik-pangikuik-Nyo, un-tuak ka dibagi-bagikan kabake urang nan banyak. 20Urang-urang tu bi ma-kan sampai kanyang kasadonyo. Sa-sudah tu, pangikuik-pangikuik Isa Almasih mangumpuakan makanan nan balabiah; ado duwo baleh kati-diang panuah labiahnyo. 21Urang nan bi makan di kutiko itu, ado kiro-kiro limo ribu urang banyaknyo, alun ta-masuak lai tu urang padusi sarato jo paja-paja ketek. 22Sasudah tu, Isa Almasih manyu-ruah pangikuik-pangikuik-Nyo, na-yiak ka ateh parawu, supayo buliah labiah dulu barangkek manyubarangi danau, samantaro urang nan banyak tu, Baliau suruah bi pulang. 23Sasu-dah urang nan banyak tu bi bajalan, Isa Almasih mandaki ka sabuwah bu-kik untuak badowa. Sampai ari lah malam, Isa Almasih di sinan juwo lai badowa surang-Nyo. 24Samantaro itu, parawu nan ditompangi dek pangi-kuik-pangikuik Isa Almasih cako, lah jauah, lah tibo di tangah-tangah da-nau. Parawu tu lah ta-ampeh-ampeh di-oyak ombak, dek karano, angin ba-lawanan arah jo parawu tu. 25Antaro pukua tigo jo pukua anam subuah, Isa Almasih tibo, jo bajalan kaki di ateh ayie kabake pangikuik-pangikuik-Nyo. 26Kutiko pangikuik-pangikuik-Nyo, bi maliyek Baliau bajalan di ateh ayie, mako, pangikuik-Nyo tu bi takajuik sa-ngaik, sarato bi mamakiak ”Antu!” 27Tapi, Isa Almasih lansuang man-jawauk, ”Tananglah! Ambo ko, Isa Almasih. Angkau jan bi takuik!” 28Sudah tu, Petrus bakato, ”Jikok Angkau, iyo sabana Isa Almasih, su-ruahlah ambo datang kian bajalan ka-ki di ateh ayie.” 29”Kamarilah, ” kecek Isa Almasih. Mako, turunlah Petrus dari parawu, inyo bajalan di ateh ayie datang ka-bake Isa Almasih. 30Tapi, kutiko Petrus marasokan ribuik nan kuwaik di da-nau tu, tabik takuiknyo, inyo muloi ka-ram sambia mamakiak. ”Oih Tuhan, tolonglah ambo!” 31Isa Almasih capek ma-oncongkan tangan-Nyo manyemba Petrus, sara-to jo bakato, ”Petrus, Petrus, angkau kurang picayo. Baa mangko angkau ragu-ragu kabake Ambo?” 32Mako, nayiaklah kaduwo-duwo-nyo ka ateh parawu, nan ribuik pun lah tanang. 33Kasadonyo pangikuik Isa Almasih bi sujuik manyambah. Pangi-kuik-Nyo tu bi bakato, ”Tuhan, Angkau iyo sabana-bana Anak Allah!” 34Di kutiko rombongan Isa Almasih tu lah tibo di subarang danau, inyo tu bi manapi di Genesaret. 35Kutiko urang-urang nan di sinan tu bi ma-liyek, baraso nan tibo tu adolah Isa Almasih, mako, inyo tu bi malewakan kaba tu kasadonyo daerah di sakuli-liang kota tu. Kasadonyo urang nan sakik dibawok kabake Isa Almasih. 36Urang-urang tu sabana bi mamin-tak kabake Baliau, kok dapek inyo tu dibuliahkan untuak manyintuah jubah Baliau, biyapun hanyo ujuangnyo sa-jo. Mako, kasadonyo nan lai sato ma-nyintuah jubah Baliau, cegaklah pa-nyakik nyo.

will be added

X\