MATIUS 12

1Ado sakali di ari Sabat, kutiko tu Isa Almasih lalu di satum-pak parak gandun, pangikuik-pangi-kuik Baliau bi ma-ambiak-i gandun, sudah tu dimakannyo, dek karano pa-ruiknyo litak. 2Kutiko urang-urang Farisi bi maliyek kajadian tu, inyo tu bi bakato kabake Isa Almasih, ”Liyek-lah tu! Pangikuik-pangikuik Angkau, bi malangga paratuaran ugamo kito, jo sacaro mampabuwek sasuatu nan ditagah di ari Sabat.” 3Isa Almasih manjawauk, ”Alun ado-koh angkau mambaco di Alkitauk, tan-tang apo nan dipabuwek dek Daud, kutiko inyo sarato jo pangikuik-pangi-kuiknyo, bi maraso litak paruiknyo? 4Inyo masuak ka Baithullah; sudah tu, inyo makan roti nan lah dipasambah-kan kabake Allah. Padohal, manuruik paratuaran ugamo kito, biya inyo, atau pun pangikuik-pangikuiknyo, indak buliah doh mamakan roti tu hanyo imam-imam sajo nan buliah. 5Atau, alun adokoh angkau mambaco, di ki-tauk paratuaran Musa, baraso satiyok ari Sabat, imam-imam nan bi batugeh di Baithullah, bi malangga paratuaran ari Sabat, tapi, indak ado doh inyo di-pasalahkan? 6Paratikanlah apo nan Ambo katokan ko: kiniko di siko, ado nan labiah basa, daripado Baithullah. 7Di Alkitauk ado tatulih: Raso ibolah nan Den kahandaki, indak karoban taranak doh. Kok santano angkau sabana-bana mangarati ayaik Alkitauk tu, tantu angkau indak ka mampasa-lahkan doh, urang nan indak basalah. 8Dek karano, Anak Manusia bakuwa-so taradok ari Sabat.” 9Isa Almasih barangkek dari tam-paik tu, sudah tu, payi ka sabuwah ru-mah ibadaik. 10Di sinan tu, ado surang urang nan tangannyo lah mati sabalah. Babarapo urang nan niyo mancari-ca-ri kasalahan Isa Almasih, bi batanyo kabake Baliau, ”Apokoh buliah man-cegakkan urang di ari Sabat?” 11Isa Almasih manjawauk, ”Kok san-tano ado salah surang di antaro ang-kau, nan punyo sikua domba, nan di ari Sabat, dombanyo tu jatuah ma-suak lubang nan dalam; apokoh nan punyo domba tu indak ka ba-usawo, untuak mangaluwakan dombanyo da-ri dalam lubang? 12Nah, manusia ko labiah ba-arago daripado domba! Ja-di, jikok baitu, tantu layi buliah ma-nolong urang di ari Sabat.” 13Kamudi-an, Isa Almasih bakato kabake urang nan tangannyo mati sabalah tu, ”On-congkanlah tangan angkau.” Urang tu ma-oncongkan tangannyo, mako, cegaklah tangannyo tu, lah sa-mo jo bakcando tangannyo nan saba-lah lai. 14Mako, urang-urang Farisi bi kaluwa dari rumah ibadaik tu, su-dah tu, inyo bi bamupakaik untuak ka mambunuah Isa Almasih. 15Isa Almasih lah tawu, bara-so urang-urang Farisi baniyaik ja-hek kabake Baliau. Dek karano itu, Baliau payi dari tampaik tu, sarato banyak urang nan bi manuruikkan. Mako, Baliau mancegakkan kasadonyo urang nan sakik. 16Tapi, Baliau ma-nagah urang-urang tu ma-agiah tawu, tantang diri Baliau kabake urang la-in. 17Dek nan baitu, mako basuwoan-lah, apo nan lah dikatokan dek Allah malalui Nabi Yesaya, 18”Ikolah utusan-Den, nan Den piliah, Urang nan Den kasiahi, sarato nan manyanangkan ati-Den. Roh-Den, ka Den barikan kabake Inyo, ka-adielan-Den, ka dibaritokan-Nyo kabake sagalo banso. 19Inyo indak ka batangka, atau ma-ariak, urang indak ka mandanga suwaro-Nyo, di labuah gadang. 20Buluah nan takulai, indak ka diceteh-Nyo, palito nan lindok, indak ka dipudua-i-Nyo. Inyo ka bajuwang, sampai tagak ka-adielan; 21sagalo banso, ka bi ba-arok kabake Inyo.” 22Kamudian, dibawoklah kabake Isa Almasih, surang urang buto, sara-to nan bisu, dek karano dikuwasoi dek roh jahek. Isa Almasih mancegakkan urang tu, sainggo urang tu bisa ma-ngecek, sarato jo maliyek. 23Kasado-nyo urang bi tacangang, sarato bi ba-kato, ”Mungkin koh Baliau ko Anak Daud, nan lah dijanjikan tu?” 24Kutiko urang-urang Farisi bi man-dangakan kecek-kecek nan baitu, inyo tu bi manjawauk, ”Inyo ko, hanyo bisa ma-usie roh jahek jo kuwaso Beelzebul, induak-angkang roh-roh jahek tu, lah mambari kuwaso kabake Inyo.” 25Isa Almasih mangatawui pikie-ran urang-urang Farisi tu. Jadi, Ba-liau bakato kabake inyo tu, ”Jikok dalam suatu karajaan, masarakaik-nyo indak saiyo sakato, ado kalompok-kalompok nan balawan, mako, karajaan tu indak ka batahan la-mo. Sabuwah kota, atau ciyek ru-mah tanggo, nan urangnyo indak sa-mupakaik, nan surang balawan jo nan lain, itu lah alamaik ka cayie. 26Baitu pulo, dalam karajaan Ubilih; jikok nan ciyek kalompok ma-usie kalompok nan lain, mako, karajaan Ubilih tu lah tapacah-pacah, sarato alamaik lah ka runtuah. 27Angkau bi mangatokan, baraso Ambo ma-usie roh jahek jo kuwaso Beelzebul. Jikok baitu, jo kuwaso siya pangi-kuik-pangikuik angkau ma-usie roh jahek. Pangikuik-pangikuik angkau tu sandiri, nan lah manyatokan, ba-raso angkau tu nan salah! 28Tapi, nan Ambo ma-usie roh jahek jo ku-waso Roh Allah. Itu ba-arati, bara-so Allah lah muloi mamarentah di tangah-tangah angkau. 29Dima pulo urang ka dapek ma-suak ka rumah urang bagak, un-tuak ka marampok aratonyo, jikok inyo indak mangabek urang bagak tu labiah dulu? Sasudah tu, baru inyo dapek ma-ambiak arato urang bagak tu. 30Urang nan indak bapiyak ka-bake Ambo, ba-arati inyo malawan Ambo. Urang nan indak mambantu Ambo, ba-arati inyo marusak karajo Ambo! 31Dek karano itu, katawu-ilah, jikok ado urang nan mampa-buwek doso, sarato mangatokan ka-to-kato nan ma-ino, urang tu dapek di-ampuni! Tapi, jikok inyo ma-ino Roh Allah, mako, urang tu indak dapek doh di-ampuni! 32Jikok ado urang nan mangatokan sasuatu nan malawan Anak Manusia, mako, inyo dapek di-ampuni, tapi, jikok inyo ma-ino Roh Allah, mako, inyo in-dak dapek doh di-ampuni, biya di dunia atau pun di akiraik!” 33”Untuak mandapekkan buwah nan rancak, batangnyo musti rancak. Jikok batangnyo indak rancak, mako, buwahnyo pun indak ka rancak. Ran-cak, atau buruaknyo suatu tinaman, kito dapek maliyek dari buwahnyo. 34Angkau adolah urang jahek, dek karano angkau urang jahek, dima ka mungkin angkau dapek mangatokan parkaro-parkaro nan baiak? Apo nan dikatokan dek muluik, itu barasa da-ri ati! 35Urang nan baiak mangato-kan parkaro-parkaro nan baiak, dek karano inyo panuah jo kabaiakkan. Baitu pulo sabaliaknyo, urang nan ja-hek mangatokan parkaro-parkaro nan buruak, dek karano atinyo panuah jo sagalo nan buruak. 36Dek karano itu, ingek-ingeklah: isuak di Ari Kiyamaik, satiyok urang musti batangguangjawauk, jo satiyok kato-kato nan indak bapayidah, nan lah dikatokannyo. 37Dek karano, ka-to-kato angkau sandirilah nan ka dipa-kai, untuak ka manantukan, apo ang-kau iyo basalah atau indak.” 38Kamudian, ado babarapo urang guru ugamo Yahudi, sarato jo urang-urang Farisi bi bakato kabake Isa Almasih, ”Angku Guru, kami niyo ma-liyek Angku mampabuwek suatu muk-jizat.” 39Isa Almasih bakato, ”Baralah ka jaheknyo, sarato baralah ka durako-nyo urang-urang di jaman kiniko! Ja-di, angkau mintak Ambo mampabu-wek suatu mukjizat? Indak ciyek juwo doh mukjizat nan ka dipaliyekkan ka-bake angkau, salain daripado mukjizat Nabi Yunus. 40Yunus, tigo ari tigo malam di dalam paruik ikan gadang. Baitu pulo Anak Manusia, ka tigo ari tigo malam pulo di dalam paruik bu-mi. 41Isuak di Ari Kiyamaik, pandu-duak Niniwe ka bi iduik baliak, samo-samo jo urang-urang nan di jaman kiniko, mako, inyolah nan ka manja-di hakim urang-urang ko. Dek kara-no, urang Niniwe tu layi bi batobaik dari sagalo dosonyo, kutiko inyo tu bi mandanga katubah Yunus. Tapi, kiniko di siko ado nan labiah basa daripado Yunus! 42Di Ari Kiyamaik isuak, ratu dari nagari nan arah ka Baruah, ka iduik baliak samo-samo jo urang-urang nan iduik di jaman kiniko, mako, inyolah nan ka manja-di hakim urang-urang ko. Dek kara-no, untuak nak mandangakan panga-jaran Sulaiman nan bijaksano, ratu tu lah manampuah jalan nan sangaik ja-uah dari ujuang bumi. Tapi, di siko kiniko ado nan labiah basa daripado Sulaiman!” 43”Jikok roh jahek lah kaluwa da-ri diri surang urang, mako, inyo ka payi bakuliliang ka tampaik-tampaik nan kariang, untuak mancari tam-paik balapeh panek, tapi, indak ado doh dapek tampaik nan dicarinyo tu. 44Dek karano itu, inyo bakato, ’Ran-cak den babaliak ka rumah tampaik tingga den dulu.’ Kutiko inyo tibo di sinan, rumah tu indak bapa-uni, ba-rasiah, sarato lah taratur. 45Sudah tu, inyo payi kaluwa, sarato mambawok pulo tujuah roh nan lain, nan labiah jahek dari inyo. Kamudian, inyo tu bi masuak ka dalam diri urang tu, sudah tu, bi manatauk di sinan tu. Akienyo ka-adaan urang tu labiah buruak, dari nan samulo. Itu pulo-lah nan ka tajadi di urang-urang ja-hek nan di jaman kiniko.” 46Samantaro Isa Almasih sadang ma-ngecek jo urang nan banyak tu, mako, tibolah mandeh, sarato jo dunsanak-dunsanak Baliau. Inyo tu bi tagak di luwa, sambia ba-usawo untuak bisa mangecek jo Baliau. 47Salah surang dari urang nan banyak tu, bakato ka-bake Isa Almasih, ”Angku, urang gaek, sarato jo dunsanak-dunsanak Angku, sadang manantikan di luwa. Inyo tu nak ka bi mangecek jo Angku.” 48Mako, Isa Almasih bakato, ”Siya-nyo urang gaek Ambo? Siyanyo dun-sanak-dunsanak Ambo?” 49Sudah tu, Baliau manunjuak kabake pangikuik-pangikuik-Nyo, sarato bakato, ”Ikolah mandeh Ambo, sarato ikolah dunsa-nak-dunsanak Ambo. 50Urang nan la-yi bi mangarajokan kahandak Bapak Ambo nan di sarugo, mako, inyo tu lah dunsanak Ambo nan laki-laki, inyo-lah dunsanak Ambo nan padusi, sara-to inyo pulolah mandeh Ambo.”

will be added

X\