MATIUS 10

1Pado suatu ari, Isa Almasih ma-imbau kaduwo baleh urang pangikuik-Nyo, untuak bi bakumpua. Sudah tu, Baliau mambarikan kaba-ke inyo tu, kuwaso untuak mausie roh-roh jahek, sarato untuak mance-gakkan sagalo rupo panyakik, sarato jo sagalo rupo cacaik badan. 2Ikolah namo-namo rasul nan duwo baleh tu: nan partamu, Simon, (nan dinamokan pulo Petrus,) sarato jo karek-annyo Andreas, sudah tu, Yakobus sarato jo karek-annyo Yahya, iyolah, anak-anak Zebedeus. 3Sasudah tu, Filipus sarato jo Bartolomeus, sarato Tomas jo Ma-tius nan tukang mintak pajak, sara-to jo Yakobus anak Alfeus, sarato jo Tadeus; 4Nan duwo urang lai, Simon Patriot, sarato jo Yudas Iskariot nan mangkiyanaik-i Isa Almasih. 5Kaduwo baleh urang rasul tu di-utuih dek Isa Almasih, sasudah tu inyo tu bi mandapek pitunjuak-pitunjuak nan bakcando iko, ”Janlah bi payi ka daerah-daerah urang, nan indak urang Yahudi. Jan pulo bi payi ka kota-ko-ta urang Samaria. 6Tapi, bi payilah kabake urang-urang Israel, nan lah bi tasasek. 7Agiah tawulah kabake inyo tu, baraso Allah sugiro ka ma-marentah sabagai Rajo. 8Cegakkan-lah urang-urang nan sakik; iduikkan-lah baliak urang-urang nan lah mati; cegakkanlah urang-urang nan bapa-nyakik kulik nan manakuikkan, sa-rato usielah roh-roh jahek. Angkau lah bi manarimo kasadonyo tu, jo sa-caro nan indak mambayie. Dek kara-no itu, barikan pulolah jo sacaro nan indak dibayie. 9Jan bi mambawok pi-tih ameh, pitih perak, atau pun pitih timbago. 10Jan pulolah dibawok baka, atau duwo alai pakaian untuak paja-lanan angkau, atau tarompa, atau pun tungkek. Dek karano, urang nan ba-karajo, lah samustinyo dicukuikkan sagalo kaparaluannyo. 11Jikok angkau lah tibo di sabuwah kota, atau di sabuwah kampuang, mako, carilah surang urang, nan lai namuah mambawok tumpang angkau. Tingga-lah jo inyo, sampai angkau barangkek pulo dari tampaik tu. 12Kutiko angkau ka mamasuak-i rumah urang, bacolah Assalamu alaikum warahmathullah.’ 13Jikok urang nan di rumah tu layi niyo manarimo angkau, biyalah salam angkau tu tatauk untuak inyo. Tapi, jikok urang tu indak niyo doh mana-rimo angkau, mako, elolah baliak sa-lam angkau tu. 14Jikok ado rumah, atau kota, nan indak niyo manarimo angkau, atau indak niyo mandanga-kan kecek angkau, mako, barangkek-lah dari tampaik tu, kipehkanlah abu nan bi lakek di tapak kaki angkau. 15Kana-ilah nan Ambo katokan ko! Di Ari Kiyamaik isuak, urang-urang kota Sodom jo Gomora, labiah ringan lai ukunannyo, daripado urang-urang nan ado di kota tu!” 16”Paratikanlah kecek Ambo ko: Ambo ma-utuih angkau, ibaraik ma-nyuruah domba nan indak badayo, ka tangah-tangah anjiang utan nan ga-naih. Angkau musti cadiak bakcando ula, sarato tuluih ati bakcando parapa-ti. 17Bajago-jagolah, dek karano ang-kau ka ditangkok, sarato ka dibawok ka sidang mahkamah. Angkau ka di-ajauk di rumah-rumah ibadaik. 18Ang-kau ka dibawok kabake panguwaso-pa-nguwaso, sarato kabake rajo-rajo, dek karano angkau pangikuik Ambo. Di si-nanlah masonyo dek angkau, untuak ka mancuritokan tantang diri Ambo, kabake inyo tu, sarato kabake urang-urang nan indak ba Tuhan Allah. 19Ta-pi, jikok angkau dibawok untuak ka di-sidangkan, jan cameh tantang apo nan musti angkau katokan, atau baa caro angkau musti mangecek. Dek karano, apo nan musti ka angkau katokan, ka dibaritawu kabake angkau sakutiko tu juwo. 20Dek karano, nan ka mange-cek kutiko tu, indak angkau doh, ta-pi, adolah Roh Bapak nan di sarugo, malalui muluik angkau. 21Isuak ka tajadi, urang ka manya-rahkan dunsanaknyo sandiri, untuak ka dibunuah. Nan bakcando itu ka ta-jadi pulo di antaro si bapak jo anak-nyo. Anak-anak ka bi malawan kabake urang gaeknyo, sarato ka manyarahkan urang gaeknyo tu untuak ka di-bunuah. 22Angkau ka dibanci-i dek kasadonyo urang, dek karano angkau manjadi pangikuik Ambo. Tapi, urang nan lai batahan sampai ka akienyo, ka disalamaikkan. 23Jikok angkau di-ani-ayo di suatu kota, mako larilah ka ko-ta nan lain. Ambo agiah tawu kabake angkau: Sabalun angkau salasai ma-ngunjuangi kasadonyo kota-kota Israel, nan Anak Manusia lah datang. 24Murik indak labiah doh dari guru-nyo, atau, pisuruah indak labiah doh dari induak samangnyo. 25Cukuiklah jikok surang murik manjadi bakcando gurunyo, atau, jikok surang pisuruah manjadi bakcando induak samangnyo. Jikok kapalo rumah tanggo dinamo-kan Beelzebul, apo lai urang nan sa-isi rumahnyo. Inyo tu ka dibari namo nan labiah buruak lai dari itu!” 26”Janlah takuik kabake manusia. Indak ado doh nan ta-andok, nan in-dak ka dipanampakkan, sarato indak ado doh nan dirasiyokan, nan indak ka tabukak. 27Apo nan Ambo katokan kabake angkau di tampaik nan kalam, mustilah angkau katokan di tampaik nan tarang, di siang ari. Baitu pulo, apo nan dibisiakkan di talingo ang-kau, mako, angkau musti manyorak-kannyo di tampaik nan rami! 28Jan-lah takuik kabake urang-urang nan bisa mambunuah tubuah, tapi, indak bakuwaso doh mambunuah jiwa. Ta-kuiklah kabake Allah, nan bakuwaso mambinasokan tubuah, atau pun jiwa di dalam narako. 29Duwo ikua buruang pipik, dapek dibali jo pitih sarimih. Biyapun baitu, indak sikua juwo doh nan jatuah ka tanah, jikok indak sa-ijin Allah, Bapak angkau. 30Rambuik nan di kapalo angkau tu pun, lah baetong tu kasadonyo. 31Dek karano itu, janlah takuik! Angkau labiah ba-ara-go daripado buruang pipik tu!” 32”Siya nan lai mangaku di adok-an urang banyak, baraso inyo adolah pangikuik Ambo, mako, Ambo pun ka ma-akuinyo pulo isuak, di adok-an Allah Bapak Ambo nan di sarugo. 33Tapi, siya nan indak mangaku di adok-an urang banyak, baraso inyo adolah pangikuik Ambo, mako, Ambo pun indak ka ma-akuinyo pulo doh isuak, di adok-an Allah Bapak Ambo di sarugo.” 34”Janlah manyangko baraso Ambo mambawok padamaian ka dunia ko. Ambo indak mambawok padamaian doh, tapi sangketo. 35Kadatangan Am-bo, ka jadi panyabauk, anak laki-laki ka malawan ka apaknyo, anak padu-si ka malawan ka mandehnyo, baitu pulo, minantu nan padusi, ka mala-wan ka mintuwonyo nan padusi pu-lo. 36Jadi, nan ka manjadi musuah gadang, adolah urang-urang nan sa-isi rumahnyo. 37Urang nan mangasiahi apaknyo, atau mandehnyo, labiah daripado ma-ngasiahi Ambo, mako, inyo indak pa-tuik doh manjadi pangikuik Ambo. Baitu pulo, urang nan mangasiahi anaknyo nan laki-laki, atau anaknyo nan padusi, labiah daripado manga-siahi Ambo, indak patuik pulo doh jadi pangikuik ambo. 38Urang nan indak namuah mamikua salibnyo, sarato in-dak manuruikkan Ambo, indak patuik doh manjadi pangikuik Ambo. 39Urang nan mampatahankan nyawonyo, ma-ko, inyo ka ka-ilangan nyawonyo, tapi, urang nan ka-ilangan nyawonyo, dek karano di Ambo, mako, inyo ka man-dapekkan iduiknyo nan sajati.” 40”Urang nan layi manarimo ang-kau, ba-arati inyo manarimo Ambo. Baitu pulo, urang nan layi manari-mo Ambo, ba-arati inyo manarimo Baliau, nan ma-utuih Ambo. 41Siya urang nan manarimo nabi, dek kara-no nan dilayani tu adolah nabi, mako, inyo ka manarimo pahalo sabagai na-bi. Baitu pulo, siya urang nan lai ma-layani urang baiak, dek karano nan dilayani tu urang baiak, mako, inyo ka manarimo pahalo sabagai urang baiak. 42Siya nan mambari minun, kabake salah surang dari pangikuik Ambo nan paliang hino, biyapun ha-nyo sacangkie ayie dingin, picayolah, inyo ka manarimo pahalonyo!”

will be added

X\