MATIUS 1

1Ikolah cataiktan niniak muyang Isa Almasih, katurunan Daud, ka-turunan Ibrahim. Dari Ibrahim sampai ka Daud, ikolah namo-namo niniak mu-yang Isa Almasih tu: 2- 6(6a) Ibrahim, Ishak, Yakub, Yehuda sarato jo dunsanak-dunsanaknyo, Peres jo Zerah (mandehnyo banamo Tamar), Hezron, Ram, Aminadab, Nahason, Salmon, Boas (mandehnyo adolah Rahab), Obed (mandehnyo adolah Rut), Isai, sudah tu baru Rajo Daud, rajo urang Yahudi. (v 6b)- 11Dari Daud sampai ka maso ban-so Israel dibuwang ka Babel, ikolah na-mo-namo katurunan Daud: Sulaiman, (mandehnyo adolah jando dari urang nan banamo Uria), Rehabeam, Abia, Asa, Yosafat, Yoram, Uzia, Yotam, Ahas, Hizkia, Manasye, Amon, Yosia, Yekhonya sarato jo dunsanak-dunsanaknyo. 12- 16Dari maso banso Israel dibu-wang ka Babel, sampai ka kalayieran Isa Almasih, dicataiklah namo-namo nan di bawah ko: Yekhonya, Sealtiel, Zerubabel, Abihud, Elyakim, Azur, Zadok, Akhim, Eliud, Eleazar, Matan, Yakub, Yusuf, junjuangan Maryam. Dari Maryam itulah layie Isa nan dinamokan Almasih. 17Jadi, dari Ibrahim sampai ka Daud, kasadonyo ado ampek baleh katurun-an. Dari Daud sampai ka maso banso Israel dibuwang ka Babel, ado ampek baleh katurunan. Dari maso banso Israel dibuwang ka Babel sampai ka kalayieran Isa Almasih, ado pulo am-pek baleh katurunan. 18Bakcando ikolah riwayaik tantang kalayieran Isa Almasih. Mandeh-Nyo banamo Maryam, sadang batunangan jo surang laki-laki nan banamo Yusuf. Tapi, sabalun inyo tu bi manikah, tanyato Maryam lah manganduang. Yusuf indak tawu, baraso Maryam manganduang dek karano kuwaso dari Roh Allah. 19Yusuf, tunangan Maryam tu, adolah urang nan saliah. Jadi, inyo bamukasuik nak ka mamu-tuihkan patunangannyo tu, tapi, jo sa-caro ba-anok-anok, supayo Maryam jan mariangik di urang kampuang. 20Samantaro Yusuf mamikie-mikiekan masalah tu, dalam lalok inyo barasi-yan. Dalam rasiyannyo tu, inyo ma-nampak surang malekaik Tuhan, nan bakato kabake inyo, ”Oih Yusuf, ka-turunan Daud, jan takuik manikahi Maryam, dek karano, Anak nan dikan-duangannyo tu, tajadi ateh kuwaso Roh Allah. 21Maryam ka malayiekan surang anak laki-laki. Anak tu musti angkau agiah namo Yesus, (Isa Almasih), dek karano, Inyo-lah nan ka malapehkan umaik-Nyo dari sagalo doso.” 22Kasadonyo tu tajadi bakcando itu, supayo buliah nak basuwoan, apo nan lah dikatokan dek Tuhan malalui nabi-Nyo, iyolah, 23”Surang anak gadih ka manganduang, sarato ka malayiekan surang Anak laki-laki. Anak tu ka di-namokan Imanuel.” (Imanuel adolah bahaso Ibrani, nan aratinyo, ”Allah ado basarato jo kito”.) 24Kutiko Yusuf lah tasintak, inyo mangarajokan apo nan lah dikatokan dek malekaik Tuhan tu. Inyo manika-hi Maryam. 25Tapi, salamo Maryam alun malayiekan anak, nan Yusuf in-dak babawua doh jo Maryam. Lah sa-sudah Anak tu layie, mako, Yusuf ma-agiah namo kabake Anak tu, Yesus (Isa Almasih).

will be added

X\