MARKUS 9

1Isa Almasih bakato, ”Katawuilah, di antaro angkau nan di siko ko, ado nan indak ka mati, sabalun inyo maliyek Karajaan Allah lah datang jo sacaro kuwaso!” 2Anam ari kamudian, Isa Almasih mambawok Petrus, sarato Yakobus jo Yahya nan badunsanak, untuak pa-yi ma-asiangkan diri ka sabuwah gu-nuang nan tenggi. Di adok-an urang-urang ko lah, Isa Almasih barubah rono muko-Nyo. 3pakaian-Nyo manja-di putiah bakilauan. Indak surang ju-wo doh urang di ateh dunia ko, nan ka bisa manyasah kain sampai saputiah tu. 4Kamudian, katigo urang pangi-kuik-Nyo tu, manampak Isa Almasih sadang mangecek-ngecek jo Elia, sa-rato jo Musa. 5Mako, Petrus bakato kabake Isa Almasih, ”Ngku Guru, la-mak bana rasonyo kito di siko. Ran-cak lah kami tagakkan tigo buwah kemah di siko: ciyek untuak Angku, ciyek untuak Musa, nan ciyek lai un-tuak Elia.” 6Nan sabananyo, Petrus indak tantu lai apo nan ka disabuik-nyo, dek karano, inyo jo kantinyo nan baduwo lai tu, sadang bi sangaik ka-takuik-an. 7Kamudian, tibolah awan nan mara-wok-i inyo tu, sarato dari dalam awan tu, tadangalah suwaro nan bakato, ”Ikolah Anak-Den, nan Den kasiahi. Iyokanlah apo nan Inyo katokan!” 8Ba-sicapek inyo tu bi mancaliak ka sa-kuliliang inyo, sarato indak surang juwo doh urang nan nampak, nan sa-mo-samo jo inyo tu, salain daripado Isa Almasih sajo. 9Kutiko inyo tu bi turun dari gunuang tu, Isa Almasih sabana mamparingekkan inyo tu, ”Jan dicuritokan kabake siya-siyanyo, apo nan angkau liyek cako, sabalun Anak Manusia di-iduikkan baliak sasudah mati.” 10Inyo tu bi mamacik arek kecek Ba-liau tu, tapi, di antaro inyo tu sandiri, inyo tu muloi bi mampabincangkan, apo nan dimukasuik dek Isa Almasih mangatokan, ”babaliak iduik sasudah mati”. 11Mako, inyo tu bi batanyo ka-bake Baliau, ”Baa mangko guru-guru ugamo bi mangatokan, baraso Elia musti tibo labiah dulu?” 12Isa Almasih manjawauk, ”Iyo, ba-tua tu, Elia tibo labiah dulu, untuak mampasiyaukkan sagalo sasuatu. Ta-pi, baa jo nan lah tatulih tantang diri Anak Manusia? Apo sabauknyo mang-ko di Alkitauk ado tatulih, baraso Inyo ka banyak manangguang sansaro, sa-rato ka di-ino urang? 13Tapi, Ambo bakato kabake angkau: Elia lah tibo, nan urang mampabuwek Elia tu, sa-kandak ati inyo. Itu sasuwai bana, jo apo nan lah tatulih di Alkitauk tan-tang dirinyo.” 14Kutiko Isa Almasih sarato jo katigo urang pangikuik-Nyo, lah bi bakumpua baliak samo-samo jo pangikuik-Nyo nan lain, inyo tu bi manampak urang banyak di sinan tu. Babarapo urang guru ugamo Yahudi, sadang badebaik jo pangikuik-pangikuik Isa Almasih. 15Baitu urang-urang tu bi manampak Isa Almasih, inyo tu bi tacangang, su-dah tu, bi balari-lari payi manyonsong-kan Baliau. 16Isa Almasih batanyo ka-bake pangikuik-pangikuik-Nyo, ”Apo tu nan angkau padebaikkan jo guru-guru ugamo tu?” kecek Isa Almasih kabake pangikuik-Nyo. 17Salah surang di antaro urang nan banyak tu manjawauk, ”Angku Guru, ambo mambawok anak ambo ko ka-bake Angku. Inyo ko bisu dek karano kamasuak-an roh jahek. 18Jikok roh jahek tu manyarang inyo, badannyo di ampeh-ampehkannyo ka tanah, mun-cuangnyo babuyieh, garamannyo ba-dariak-dariak, nan badannyo kajang kaciyek-annyo. Ambo mamintak tolong kabake pangikuik-pangikuik Angku, untuak ma-usie roh jahek tu, tapi, indak talok doh dek pangikuik Angku tu ma-usienyo.” 19Mako, Isa Almasih bakato kaba-ke pangikuik-Nyo tu, ”Iyo indak baka-ilieran doh angkau! Angkau iyo saba-na-bana urang nan indak ba-iman. Sampai pabilokoh Ambo ko musti ting-ga samo-samo jo angkau, sarato ba-saba taradok angkau? Bawoklah paja tu kamari!” 20Inyo tu pun mambawok paja tu ka adok-an Isa Almasih. Baitu roh jahek tu maliyek Isa Almasih, mako, roh jahek tu mambuwek ba-dan paja tu kajang-kajang, sainggo pa-ja tu jatuah baguliang-guliang di ta-nah. Muncuangnyo babuyieh. 21Mako, Isa Almasih batanyo ka apak paja tu, ”Lah bara lamo inyo nan bakcando iko?” ”Sajak dari inyo ketek!” kecek apak-nyo. 22”Lah acok bana roh jahek tu nak ka mambunuah inyo, jo sacaro manjatuahkan inyo masuak api, atau masuak ayie. Tapi, jikok Angku la-yi dapek manolong, bamurah atilah Angku untuak manolong, sarato ma-iboi kami!” 23Isa Almasih manjawauk, ”Angkau bakato: Jikok Angku layi dapek ma-nolong. Sagalo sasuatunyo bisa, asa-kan urang tu layi picayo!” 24Lansuang apak paja tu bakato, ”Tuhan, ambo layi picayo, tapi, iman ambo lamah. Tolonglah ambo, supa-yo ambo batambah picayo!” 25Kutiko Isa Almasih maliyek urang nan banyak tu lah muloi bi ba-uruang, Baliau mamarentahkan roh jahek tu, sambia bakato, ”Oih roh pakak jo roh bisu, Den parentahkan angkau kalu-wa dari paja ko, sarato jan angkau cu-bo-cubo untuak babaliak!” 26Roh jahek tu mamakiak, sudah tu, mambuwek badan paja tu kajang-kajang, kamudian, barulah inyo kalu-wa dari paja tu. Paja tu lah bakcan-do mayik, sainggo kasadonyo urang bi mangatokan, ”Inyo lah mati!” 27Isa Almasih mamacikkan tangan paja tu, sambia manolong manjagokannyo. Ma-ko, jagolah paja tu. 28Kutiko Isa Almasih lah tibo di ru-mah, pangikuik-Nyo bi tibo kabake Baliau jo sacaro tasandiri, sambia ba-tanyo, ”Apo sabauknyo, mangko ka-mi indak bisa ma-usie roh jahek tu Ngku?” 29Isa Almasih manjawauk, ”Roh ja-hek nan bakcando itu, indak bisa doh di-usie jo caro apo pun juwo, salain daripado jo badowa.” 30Isa Almasih sarato jo pangikuik-Nyo barangkek dari tampaik tu, sarato manaruihkan pajalanan malalui Ga-lilea. Isa Almasih indak niyo doh, ji-kok ado urang nan tawu, dima Baliau barado, 31dek karano, Baliau sadang ma-aja pangikuik-pangikuik-Nyo. Isa Almasih bakato, ”Anak Manusia ka disarahkan kabake kuwaso manusia, nan Inyo ka dibunuah, tapi, di ari nan katigo Inyo ka iduik baliak!” 32Tapi, pangikuik-pangikuik Baliau, indak bi mangarati doh tantang apo nan di-ajakan dek Isa Almasih, tapi, inyo tu bi takuik batanyo kabake Ba-liau. 33Inyo tu lah bi sampai di Kaper-naum. Kutiko lah tibo di rumah, Isa Almasih batanyo kabake pangikuik-Nyo, ”Apo tu cako nan angkau pade-baikkan di tangah jalan?” 34Inyo tu indak bi manjawauk, dek karano, cako di tangah jalan inyo tu bi batangka, tantang parkaro siya nan di-anggauk paliang takamuko. 35Isa Almasih duduak, sudah tu, Baliau ma-imbau kaduwo baleh urang pangikuik-Nyo. Mako, Baliau bakato kabake pa-ngikuik-Nyo tu, ”Urang nan niyo nak manjadi urang nan takamuko, mako, inyo musti namuah manjadi urang nan takabalakang, sarato musti manjadi pa-layan kasadonyo urang.” 36Kamudi-an, Isa Almasih ma-imbau surang pa-ja ketek, sudah tu Baliau suruah paja tu tagak, di adok-an kasadonyo pangi-kuik-Nyo tu. Isa Almasih mamaguik paja tu, sambia bakato ka pangikuik-pangikuik-Nyo, 37”Urang nan mana-rimo surang paja ketek nan bakcan-do iko, dek karano di Ambo, mako, inyo lah samo tu jo manarimo Ambo. Urang nan layi manarimo Ambo, ba-arati inyo indak manarimo Ambo sajo doh tu, tapi, inyo lah manarimo pulo, Baliau nan ma-utuih Ambo.” 38Sudah tu, Yahya bakato kabake Isa Almasih, ”Ngku Guru, kami ado manam-pak urang, inyo ma-usie setan ateh namo Angku. Dek karano inyo indak tamasuak kuleka kito, mako, kami tagah inyo.” 39Tapi, Isa Almasih bakato, ”Jan dita-gah pulo inyo lai, dek karano, indak su-rang juwo doh urang, nan ka bisa mam-pabuwek mukjizat ateh namo Ambo, jikok dalam pado itu, inyo sato pulo mamburuak-buruakkan Ambo. 40Dek karano, urang nan indak malawan ki-to, ba-arati inyo bapiyak kabake kito. 41Kana-ilah nan Ambo katokan ko! Ji-kok ado urang nan ma-agiah angkau mi-nun, dek karano angkau pangikuik Rajo Panyalamaik, mako, urang tu lah musti ka manarimo upahnyo.” 42”Siya nan manyabaukkan salah su-rang dari anak-anak ketek ko, sampai indak picayo lai kabake Ambo, mako, labiah elok lai batu panggiliangan, di-kabekkan di mariahnyo, sudah tu inyo di-ambuangkan masuak lauik. 43Jikok tangan angkau nan manyabaukkan ang-kau badoso, mako, kuduanglah tangan angkau tu! Labiah elok lai angkau iduik indak batangan sabalah, asakan layi tatauk mampabuwek nan katuju dek Allah, daripado angkau batubuah lang-kok, dimasuakkan ka narako, nan api-nyo iduik salamo-lamonyo. 44Di sinan-lah api nan indak namuah pudua, sarato ulek nan indak namuah mati.] 45Jikok kaki angkau nan manyabaukkan angkau badoso, mako, kuduanglah kaki ang-kau tu. Labiah elok lai angkau iduik in-dak bakaki sabalah, asakan layi tatauk mampabuwek nan katuju dek Allah, da-ripado angkau batubuah langkok di-am-buangkan masuak narako. 46Di sinan-lah api nan indak namuah pudua, sarato ulek nan indak namuah mati.] 47Jikok mato angkau nan manyabaukkan ang-kau badoso, mako, cukialah incek mato angkau tu! Labiah elok lai angkau bama-to celek masuak Karajaan Allah, daripa-do angkau bamato langkok di-ambuang-kan masuak narako. 48Di sinanlah api nan indak namuah pudua, sarato ulek nan indak namuah mati. 49Satiyok urang ka dibarasiahkan jo api, samo jo bakcando karoban di-sucikan jo garam. 50Garam, jikok inyo layi asin, ado-lah sasuatu nan sangaik paguno, tapi, jikok inyo lah manjadi amba, mungkin-koh inyo di-asinkan baliak? Jadi, iduik angkau tu bakcando garam andaknyo -- mako, iduiklah saiyo sakato.”

will be added

X\