MARKUS 8

1Indak bara lamo kamudian, ado pulo sakalompok urang banyak tibo bakumpua. Dek karano urang tu indak ado lai nan ka dimakannyo, mako, Isa Almasih ma-imbau pangi-kuik-pangikuik-Nyo, sarato jo baka-to, 2”Ambo maraso ibo kabake urang nan banyak ko. Lah tigo ari inyo tu bi manuruikkan Ambo, nan kiniko indak ado lai nan ka inyo makan. 3Jikok Ambo manyuruah inyo tu bi pulang, jo paruik nan indak barisi, mako, inyo tu ka bi paniang di ta-ngah jalan. Apo lai di antaro inyo tu ado nan datang dari jauah.” 4Pangikuik-pangikuik Isa Almasih bi manjawauk, ”Di tampaik nan tapan-cie ko, dima pulo urang ka bisa man-dapekkan makanan nan cukuik, un-tuak kasadonyo urang ko?” 5Isa Almasih batanyo, ”Layi bara roti nan ado dek angkau?” ”Tujuah buwahnyo Ngku, ” kecek pa-ngikuik-Nyo. 6Mako, Isa Almasih manyuruah urang nan banyak tu bi duduak di ta-nah, sudah tu, Baliau ma-ambiak roti nan tujuah buwah tu, sarato jo basyu-kur kabake Allah. Kamudian, Baliau mambalah-balah roti tu jo tangan-Nyo, sarato mambarikannyo kabake pangikuik-pangikuik-Nyo, untuak ka dibagi-bagikan kabake urang nan ba-nyak tu. Mako, roti tu dibagi-bagi dek pangikuik-pangikuik Baliau. 7Urang-urang tu ado pulo mampunyoi baba-rapo ikua ikan nan ketek-ketek. Isa Almasih mangucauk syukur kabake Allah dek adonyo ikan-ikan tu, sudah tu, Baliau manyuruah pangikuik-pa-ngikuik-Nyo mambagi-bagikan ikan tu. 8- 9Urang-urang tu bi makan sampai ka-nyang — ado kiro-kiro ampek ribu urang banyaknyo, urang nan makan. Kamu-dian, pangikuik-pangikuik Isa Almasih bi mangumpuakan makanan nan bala-biah — ado tujuah katidiang panuah la-biahnyo. Sudah tu, barulah Isa Almasih manyuruah urang-urang tu bi pulang, 10nan Isa Almasih jo pangikuik-Nyo, lansuang nayiak ka parawu, sarato pa-yi manuju ka daerah Dalmanuta. 11Ado babarapo urang Farisi bi da-tang kabake Isa Almasih, sarato muloi badebaik jo Baliau, untuak ka manja-rek Baliau. Inyo tu bi mamintak kaha-ke Isa Almasih, supayo Baliau mampa-buwek mukjizat, sabagai tando baraso Baliau iyo datang dari Allah. 12Isa Almasih mangaluah, sudah tu Baliau manjawauk, ”Baa mangko urang-urang di jaman kiniko, mamin-tak Ambo untuak mampabuwek muk-jizat? Indak! Ambo indak ka mam-barikan tando nan bakcando itu doh kabake urang-urang ko!” 13Sudah tu, Isa Almasih bajalan, maninggakan urang-urang tu, sara-to nayiak ka parawu; kamudian, ba-rangkek ka subarang danau. 14Pangikuik-pangikuik Isa Almasih, bi lupo mambawok roti nan sacukuik-nyo. Ciyeknyo roti nan ado dibawok-nyo dalam parawu. 15Isa Almasih ba-kato kabake inyo tu, ”Ingek-ingeklah taradok ragi urang-urang Farisi, sara-to jo ragi Herodes.” 16Mako, pangikuik-pangikuik Isa Al-masih tu, muloi bi mampabincangkan apo nan dikatokan dek Baliau tu. Inyo tu bi bakato, ”Mangkonyo Angku Gu-ru bakato bakcando itu, dek karano kito indak mampunyoi roti.” 17Isa Almasih tawu, apo nan dipa-kecekkan dek pangikuik-Nyo tu. Dek karano itu Baliau batanyo kabake inyo tu, ”Baa mangko angkau bi mampake-cekkan tantang parkaro roti nan in-dak ado? Apokoh angkau indak tawu, sarato alun juwo lai bi mangarati? Su-lik bana komah di angkau untuak ba-pikie? 18Angkau layi bi bamato baa mangko indak dipakai untuak manca-liak? Angkau layi bi batalingo baa mangko indak dipakai untuak man-danga? Indak takana lai dek angkau, 19limo buwah roti, nan Ambo balah-balah untuak limo ribu urang? Bara buwah katidiang nan panuah, sasu-dah angkau bi mangumpuakan ma-kanan nan balabiah?” ”Duwo baleh katidiang Ngku, ” ke-cek pangikuik-Nyo. 20Isa Almasih batanyo pulo, ”Kuti-ko Ambo mambalah-balah tujuah bu-wah roti, untuak urang nan ampek ri-bu urang, baa, layi takana dek angkau, bara katidiang roti nan balabiah, nan angkau kumpuakan?” ”Tujuah katidiang Ngku, ” kecek pa-ngikuik-Nyo. 21Sudah tu, Isa Almasih bakato pu-lo, ”Baa, alun juwo lai angkau bi ma-ngarati?” 22Isa Almasih sarato jo pangikuik-Nyo, sampai di Betsaida. Tibo di sinan tu, ado urang mambawok surang urang buto kabake Baliau, sarato bi mamin-tak, kok dapek Isa Almasih ma-awai urang nan buto tu, untuak dicegak-kan. 23Mako, Isa Almasih mamacik-kan tangan urang nan buto tu, sarato mambimbiang inyo bajalan kaluwa ko-ta. Kamudian, Isa Almasih maliyua-i mato urang nan buto tu. Baliau mala-takkan tangan-Nyo di mato urang tu, sambia batanyo, ”Baa, kiniko lah bisa-koh angkau maliyek sasuatu?” 24Urang tu maliyek arah ka muko, sudah tu inyo bakato, ”Alah! Ambo lah manampak urang bajalan-jalan; tapi urang tu bakcando batang kayu nampaknyo.” 25Isa Almasih malatakkan tangan-Nyo pulo baliak di mato urang tu. Nan kiniko, urang tu sabana-bana ba-usawo supayo matonyo bisa untuak maliyek. Mako, cegaklah matonyo, sarato lah bisa maliyek satarang-tarangnyo sa-galo sasuatu. 26Sudah tu, Isa Almasih bakato kabake urang tu, ”Pulanglah, tapi, jan babaliak pulo ka kota nan cako.” 27Isa Almasih sarato jo pangikuik-Nyo bi payi ka kampuang-kampuang nan di sakuliliang Kaisarea Filipi. Di tangah jalan, Isa Almasih batanyo ka pangikuik-Nyo tu, ”Manuruik kecek-kecek urang, siya koh Ambo ko?” 28Pangikuik-Nyo tu bi manjawauk, ”Ado urang nan bi mangatokan: Yahya Pambaptis; ado pulo nan mangatokan Elia, nan lain ado pulo nan mangato-kan: salah surang dari nabi.” 29Isa Almasih batanyo, ”Tapi, ma-nuruik pandapek angkau sandiri, Ambo ko siya?” Petrus manjawauk, ”Angkau adolah Rajo Panyalamaik!” 30Sudah tu, Isa Almasih mampari-ngekkan pangikuik-Nyo tu, supayo jan bi mancuritokan kabake siya-siyanyo, tantang diri Baliau. 31Sasudah tu, Isa Almasih muloi ma-aja pangikuik-pangikuik-Nyo, nan baraso Anak Manusia lah musti ka banyak manangguang sansaro, Inyo ka dilawan dek pamimpin-pamim-pin, dek imam-imam kapalo, sarato dek guru-guru ugamo. Inyo ka dibu-nuah, tapi, di ari nan katigo, Inyo ka di-iduikkan baliak. 32Jo sacaro nan sajaleh-jalehnyo, Isa Almasih mancuritokan parkaro tu kabake pangi-kuik-Nyo. Mako, Petrus ma-elokan Isa Almasih baganjua ka sampiang, untuak mamparingekkan Baliau. 33Tapi, Isa Almasih ma-engong, sarato maliyek kabake pangikuik-pangikuik-Nyo nan lain, sudah tu, mamparingekkan Petrus, ”Oih Tu-kang Dayo! Payilah dari siko! Pikie-ran angkau tu pikieran manusia; in-dak doh pikieran Allah!” 34Kamudian, Isa Almasih ma-im-bau urang banyak nan ado di sinan tu, sarato jo pangikuik-pangikuik-Nyo bagai. Mako, Baliau bakato ka-bake urang-urang tu, ”Urang nan niyo nak ka manuruikkan Ambo, inyo musti maninggakan sagalo kaparaluan dirinyo sandiri, sara-to mamikua salibnyo, sarato taruih juwo manuruikkan Ambo. 35Dek karano, urang nan nak ka mam-patahankan nyawonyo, inyo ka ka-ilangan nyawonyo. Tapi, urang nan mangarobankan nyawonyo un-tuak Ambo, sarato untuak Injil nan dari Allah, ba-arati inyo manya-lamaikkan nyawonyo. 36Apo un-tuangnyo dek urang, biyapun kaci-yek-annyo dunia ko manjadi miliak inyo, tapi, inyo ka-ilangan nyawonyo? 37Dapekkoh nyawo tu dituka jo ba-rang sasuatu? 38Jikok ado surang pangikuik Ambo, nan malu inyo ma-akui Ambo, sarato jo pangajaran Ambo, di ja-man urang durako nan jahek ko, mako, isuak Anak Manusia ka ma-lu pulo ma-akui urang tu, kutiko Inyo tibo isuak jo kuwaso Bapak-Nyo, di-iriangkan dek malekaik-ma-lekaik nan suci.”

will be added

X\