MARKUS 7

1Sakalompok urang Farisi, sarato jo babarapo urang guru uga-mo Yahudi dari Yerusalem, bi datang kabake Isa Almasih. 2Inyo tu bi ma-nampak babarapo urang pangikuik Isa Almasih, bi makan jo tangan nan indak barasiah manuruik ugamo, pangikuik Baliau tu, indak mambasuah tangannyo labiah dulu manuruik pa-ratuaran ugamo. 3Urang-urang Farisi, sarato jo ka-sadonyo urang Yahudi, sangaik bi pa-tuahnyo ma-ikuik-i adaik istiadaik ni-niak muyangnyo. Inyo tu indak ka bi makan doh, jikok inyo tu alun mam-basuah tangan manuruik caro-caro nan lah ditantukan. 4Apo nan inyo bali di pasa, alun ka inyo makan lai, jikok alun dibasuah talabiah dulu. Sa-rato sambuah lai atuaran-atuaran nan lain dari niniak muyangnyo, nan inyo pacik arek; umpamonyo atuaran mam-basuah cawan, mambasuah mangkuak, sarato jo mambasuah pakakeh-paka-keh timbago. 5Dek karano itu, urang-urang Fa-risi, sarato jo guru-guru ugamo tu, bi batanyo kabake Isa Almasih, ”Baa mangko pangikuik-pangikuik Angkau tu, indak bi mambasuahi tangan ma-nuruik atuaran sabalun makan? Apo sabauknyo mangko inyo tu indak bi namuah, manuruikkan adaik istiadaik niniak muyang kito?” 6Isa Almasih manjawauk, ”Angkau urang munapiak! Tapek bana apo nan lah dinubuwaikkan dek Yesaya tan-tang diri angkau, iyolah, ’Allah bakato bakcando iko, Urang-urang tu manyambah Den, hanyo jo kato-katonyo sajo, tapi nan atinyo, jauah dari Den. 7Subawo inyo tu bi manyambah Den, dek karano, paratuaran manusia nan inyo ajakan, sa-olah-olah bakcando itu paratuaran-Den!’ 8Parentah-parentah Allah angkau cayahkan, atuaran-atuaran manusia, angkau pacik arek-arek.” 9Sudah tu, Isa Almasih bakato pulo, ”Angkau sabana santiang ma-ilakkan parentah Allah, supayo dapek mampatahankan, ajaran angkau sandiri. 10Musa lah mambari parentah nan bakcando iko, ’Aromaik-ilah apak sa-rato jo mandeh angkau.’ sarato, ’Kok ado urang nan mangato-ngatoi apak-nyo, atau mandehnyo, mako, inyo mus-ti di ukun mati.’ 11Tapi, angkau ma-ajakan nan bakcando iko: Jikok ado urang nan bakato kabake urang ga-eknyo, ’Apo nan samustinyo nan ka ambo barikan ka untuak apak, sarato jo ka untuak biyai, lah ambo pasam-bahkan kabake Allah.’ 12mako, ang-kau malapehkan urang tu, dari tang-guang jawauknyo, untuak mambalo urang gaeknyo. 13Jadi, ajaran angkau sandiri, itu nan angkau ajakan kabake urang nan banyak, angkau lah man-dutokan kato-kato Allah. Sambuah lai atuaran-atuaran lain nan bakcan-do itu, nan angkau pabuwek.” 14Sudah tu, Isa Almasih ma-imbau pulo baliak urang nan banyak tu, sara-to bakato kabake inyo tu, ”Dangakan-lah apo nan Ambo katokan ko, supayo angkau buliah bi mangarati! 15Indak nan dari luwa nan masuak ka tubuah doh, nan manajihkan urang. Tapi, saba-liaknyo, apo nan kaluwa dari tubuah, itulah nan manjadikan urang banajih. 16Jadi, kok angkau layi bi batalingo, dangakanlah kecek Ambo ko.]" 17Isa Almasih barangkek maning-gakan urang nan banyak tu, sarato masuak ka dalam rumah, pangikuik-pangikuik-Nyo bi batanyo kabake Ba-liau, apo mukasuiknyo parumpamoan tu. 18Mako, Isa Almasih bakato kaba-ke inyo tu, ”Apokoh angkau alun ju-wo lai bi mangarati? Apokoh angkau indak bisa bi mangarati, baraso nan masuak ka tubuah urang, indak bisa doh manajihkannyo? 19Dek karano, apo nan masuak tu, indak malalui ati doh, tapi, malalui paruik, sudah tu ka-luwa baliak.” Jo kato-kato nan baitu, ba-arati Isa Almasih manyatokan, ba-raso kasadonyo makanan ala. 20Sudah tu, Isa Almasih bakato pulo, ”Apo nan kaluwa dari muluik urang, itulah nan mangumuahkan inyo. 21Dek karano, datangnyo dari dalam, iyolah, dari dalam ati timbua pangana-panga-na jahek, nan manyabaukkan urang mampabuwek nan cabul, mancilok, mambunuah, 22bajina, mangicuah, mampitanah, sarato jo mangarajokan sagalo sasuatu nan jahek, manjadi ca-ngok, indak bataratik, pambingik, uju, sarato sulik di-aja. 23Kasadonyo nan jahek tu timbuanyo dari dalam, itulah nan manyabaukkan urang banajih.” 24Kamudian, Isa Almasih barangkek dari tampaik tu, sarato payi ka daerah dakek kota Tirus. Baliau masuak ka sa-buwah rumah, nan Baliau indak niyo doh, jikok ado urang tawu baraso Ba-liau ado di sinan tu. Tapi, Baliau indak bisa doh ma-andok-andokkan badan. 25Ado surang urang padusi, anaknyo nan padusi kamasuak-an roh jahek, inyo mandanga kaba tantang Isa Almasih. Inyo datang kabake Isa Almasih, sa-rato sujuik di adok-an Baliau, 26sambia mambana, kok dapek Isa Almasih na-muah ma-usie roh jahek tu dari diri anaknyo. Padusi tu indak urang Ya-hudi doh, inyo layie di daerah Fenisia di Siria. 27Isa Almasih bakato kabake inyo, ”Anak-anak nan musti di-agiah makan labiah dulu. Indak elok doh ma-ambiak makanan anak-anak, untuak dibarikan kabake anjiang.” 28”Ndeh Ngku, ” kecek urang padusi tu, ”anjiang-anjiang nan di bawah me-ja, makanannyo adolah siso-siso nan dijatuahkan dek anak-anak!” 29Mako, Isa Almasih bakato kabake inyo, ”Dek karano jawauk angkau bakcando itu, kiniko pulanglah; roh jahek tu lah kaluwa dari diri anak angkau!” 30Urang padusi tu pulang ka rumah-nyo. Tibo di rumah, inyo dapek-i anak-nyo sadang lalok di tampaik tidua, nan roh jahek tu lah sabana-bana kaluwa dari diri anaknyo. 31Kamudian, Isa Almasih barangkek dari daerah Tirus, sarato manaruihkan pajalanan-Nyo malalui Sidon ka danau Galilea. Baliau mamiliah jalan malalui daerah Sapuluah Koto. 32Tibo di sinan, ado urang mambawok surang urang bisu nan pakak kabake Baliau. Urang-urang tu bi mamintak kabake Isa Almasih, kok dapek Baliau namuah malatakkan ta-ngan Baliau ka badan urang nan bisu tu. 33Isa Almasih mambawok urang bisu tu, baganjua agak jauah dari urang nan ba-nyak, sudah tu, Baliau mamasuakkan ja-ri-Nyo, ka dalam kaduwo balah talingo urang nan bisu tu. Sudah tu, Isa Almasih maliyua, sarato ma-awai lidah urang tu. 34Sasudah tu, Isa Almasih maningadah ka langik, Baliau ma-angok agak kareh sambia bakato kabake urang tu, ”Efata, ” nan aratinyo adolah, ”Tabukaklah!” 35Mako tabukaklah sumbek talingo urang tu, lidahnyo lapeh dari apo nan mangabek, urang tu muloi lanca mange-cek. 36Mako, Isa Almasih managah ka-sadonyo urang tu, supayo jan mancuri-tokan kajadian tu ka siya-siyanyo. Tapi, samakin ditagah, malah urang tu sama-kin manewak-newakkannyo. 37Kasado-nyo urang nan mandanga tantang kaja-dian tu, bi tacangang sangaik. Inyo tu bi bakato, ”Baliau manjadikan sagalo-galo-nyo elok! Malahan, Baliau mambuwek urang pakak bisa mandanga, nan urang bisu bisa mangecek!”

will be added

X\