MARKUS 6

1Dari tampaik tu, Isa Almasih pu-lang manuju kampuang-Nyo, samo-samo jo pangikuik-Nyo bagai. 2Di ari Sabat, Baliau ma-aja di rumah iba-daik. Banyak urang nan ado di sinan tu. Kutiko urang-urang tu mandanga tantang pangajaran Isa Almasih, inyo tu bi tacangang sangaik. Inyo tu bi ba-kato sasamo inyo, ”Dari ma Inyo ko mandapekkan sagalo pangatawuan tu? Pangatawuan apokoh nan ado di Inyo ko? Baa caronyo, kok Inyo bisa mam-pabuwek mukjizat? 3Indak koh Inyo ko tukang kayu, anak Maryam, Inyo ko kan badunsanak jo Yakobus, jo Yoses, jo Yudas sarato jo Simon? Iyo, dunsa-nak-dunsanak-Nyo nan padusi pun bi tingga di siko pulo.” Dek karano itu, urang-urang tu indak bi namuah ma-narimo kadatangan Baliau. 4Mako, Isa Almasih bakato kabake urang-urang tu, ”Nan biasonyo, nabi tu di aromaik-i dima-dimanyo, sala-in daripado di kampuangnyo, atau di antaro sanak sudaronyo atau di ta-ngah kaluarganyo.” 5Di tampaik tu, indak ciyek juwo doh Isa Almasih mampabuwek muk-jizat, salain daripado mancegakkan babarapo urang nan sakik, jo sacaro malatakkan tangan Baliau ka badan urang nan sakik tu. 6Baliau eran, baa mangko urang-urang tu indak bi na-muah picayo. Kamudian, Isa Almasih payi ka kampuang-kampuang nan ado di sa-kuliliang tu, sambia ma-aja. 7Baliau ma-imbau kaduwo baleh urang pangi-kuik-Nyo, sudah tu, ma-utuih inyo tu payi baduwo-baduwo, sarato mamba-ri kuwaso kabake inyo tu, untuak ma-usie roh-roh jahek. 8Baliau mambari pitunjuak nan bakcando iko kabake inyo tu, ”Janlah angkau mambawok sabuwah alah juwo dalam pajalanan, salain daripado tungkek. Jan mam-bawok nan ka dimakan, atau kam-pia sidakah, atau pun pitih. 9Pakailah tarompa, tapi, jan mambawok baju duwo alai.” 10Baliau bakato pulo, ”Jikok angkau masuak ka sabuwah rumah, tinggalah di rumah tu, sampai angkau barangkek pulo dari kota tu. 11Tapi, jikok angkau tibo di suatu tampaik, nan urang-urang di sinan tu indak bi namuah manarimo angkau, sarato in-dak namuah ma-iyokan kecek angkau, mako, barangkeklah dari tampaik tu. Sarato kipehkanlah abu nan lakek di tapak kaki angkau, sabagai paringek-tan kabake urang-urang tu!” 12Mako, bi barangkeklah kaduwo baleh urang pangikuik Isa Almasih tu. Inyo tu bi payi mangabakan barito nan dari Allah, baraso, umaik manu-sia musti bi batobaik dari sagalo do-so-dosonyo. 13Pangikuik-pangikuik Isa Almasih tu, banyak ma-usie roh-roh jahek, mambaruikkan minyak zaitun ka urang nan sakik, sarato jo mance-gakkannyo. 14Kaba barito tantang sagalo kaja-dian tu, sampai juwo kabake Rajo He-rodes, dek karano, namo Isa Almasih lah tamusawua dima-dimanyo. Ado urang nan mangatokan, baraso ”Yahya Pambaptis nan lah iduik baliak! Itu-lah sabauknyo, mangko Baliau punyo kuwaso untuak mampabuwek sagalo mukjizat tu.” 15Tapi, urang-urang nan lain bi ma-ngatokan, ”Baliau tu adolah Elia.” Ado pulo urang nan mangatokan, ”Baliau tu adolah nabi, samo jo bak-cando salah surang nabi di jaman sa-isuak.” 16Kutiko Herodes mandanga nan baitu, inyo bakato, ”Iko lah jaleh Yahya Pambaptis ko, dulu, kapalonyo lah den suruah pancuang dek urang. Kiniko, inyo ko nan lah iduik baliak!” 17Dek karano sabalun itu, Herodes lah manyuruah urang untuak manangkok Yahya, sarato mamasuakkannyo ka pinjaro. Mangkonyo Herodes batin-dak bakcando itu, dek karano parkaro si Herodias, bini karek-annyo Filipus, nan lah dipabini dek Herodes, 18nan tantang parkaro itu, Yahya lah acok kali mamparingekkan Herodes, bak-cando iko, ”Sabananyo, indak buliah doh angkau mampabini, bini karek-an angkau tu!” 19Itulah sabauknyo, mangko Herodi-as sabana mandandam kabake Yahya, sarato niyo nak ka mambunuah Yah-ya, tapi, inyo indak dapek jalan un-tuak ma-ujuikkan mukasuiknyo tu, dek karano di-alang-alangi dek He-rodes. 20Sabauk Herodes lah manyu-ruah urang untuak manjago kasala-maiktan Yahya di pinjaro, dek karano inyo takuik kabake Yahya. Inyo tawu, baraso Yahya adolah urang baiak nan di-utuih dek Allah. Itu taraso bana dek Herodes, jikok Yahya mangecek, inyo suko juwo mandangakan, biya-pun inyo rasah sangaik dek kato-ka-to Yahya tu. 21Akienyo, dapek juwolah wakatu nan tapek dek Herodias, di kutiko ari ulang tawun Herodes. Kutiko itu He-rodes ma-adokan alek, untuak kasado-nyo pagawai tenggi di karajaan, sara-to jo kumandan-kumandan, sarato jo pamuko-pamuko masarakaik Galilea. 22Di kutiko alek tu, anak gadih Hero-dias tagak manari, tariannyo tu saba-na manyanangkan ati Herodes, sarato manyanangkan ati tamu-tamunyo pu-lo. Mako, Herodes bakato kabake anak gadih tu, ”Apo nan katuju dek angkau, mintak sajolah. Apo sajo nan ka ang-kau mintak, ka den barikan!” 23Mako, Herodes bajanji kabake anak gadih tu, sarato jo basumpah. Herodes bakato, ”Apo sajo nan ka angkau mintak, ka den barikan, biyapun, sapaduwo dari kara-jaan den ko, jikok angkau niyo!” 24Mako, payilah anak gadih tu ka-luwa, untuak batanyo ka mandehnyo, ”Biyai, apo nan elok nan ka ambo min-tak?” Mandehnyo manjawauk, ”Mintaklah kapalo si Yahya Pambaptis.” 25Anak gadih tu bagageh babaliak ka Herodes, sarato bakato, ”Ambo ni-yo mamintak kapalo Yahya Pambap-tis, dibarikan kabake ambo kiniko ju-wo di ateh talam!” 26Mandanga pintak anak gadih tu, sangaik sadiahnyo ati Herodes. Tapi, inyo indak dapek lai manulak pintak tu, dek karano, inyo lah basumpah di adok-an tamu-tamunyo. 27Inyo lan-suang mamarentahkan surang panga-walnyo, untuak payi ma-ambiak ka-palo Yahya Pambaptis. Mako, payilah saradadu tu ka pinjaro, sarato maman-cuang kapalo Yahya. 28Kamudian, inyo mambawok kapalo Yahya tu di ateh talam, sarato manyarahkannyo kabake anak gadih tu. Nan anak gadih tu, mambarikannyo pulo kabake man-dehnyo. 29Kutiko pangikuik-pangikuik Yahya bi mandanga kajadian tu, ma-ko, inyo tu bi payi manjapuik mayik Yahya, sudah tu inyo kubuakan. 30Kamudian, rasul-rasul nan di-utuih dek Isa Almasih tu, lah bi ba-baliak baliak, sarato bi bakumpua jo Isa Almasih. Inyo tu bi mancuritokan kabake Baliau, sagalo apo nan lah inyo karajokan, sarato nan lah inyo ajakan. 31Sambuah urang nan bi tibo, sam-buah pulo urang nan bi payi, sainggo Isa Almasih jo pangikuik-Nyo, indak talakik bagai lai makan. Dek karano itu, Isa Almasih bakato kabake pangi-kuik-Nyo, ”Molah kito payi ka tampaik nan langang, di sinan kito bisa ma-asiangkan diri, buliah angkau dapek bi barangah agak sabanta.” 32Mako, inyo tu bi barangkek jo parawu, ma-nuju ka tampaik nan langang. 33Tapi, banyak urang nan bi ma-nampak, baraso inyo tu lah bi barang-kek dari tampaik tu, sarato bi tawu pulo siya inyo tu, sarato kama nan inyo tuju. Jadi, urang-urang nan da-ri kasadonyo kota di daerah tu, bi pa-yi balari-lari malalui jalan darek, un-tuak mandawului Isa Almasih sarato jo pangikuik-pangikuik-Nyo. 34Ku-tiko Isa Almasih turun dari parawu, Baliau manampak urang nan banyak. Baliau maraso ibo kabake urang-urang tu, dek karano inyo tu, lah ibaraik domba nan indak bagubalokan. Ma-ko, Baliau muloi ma-aja tantang ba-nyak parkaro kabake urang-urang tu. 35Kutiko ari lah sanjo, pangikuik-pa-ngikuik Isa Almasih bi bakato kabake Baliau, ”Ari lah ampia ka malam, nan tampaik ko tapancie. 36Labiah elok Angku manyuruah urang-urang ko bi payi, supayo inyo tu dapek mamba-li nan ka dimakan, di jorong-jorong, atau di kampuang-kampuang nan ado di sakuliliang ko.” 37Mako, Isa Almasih manjawauk, ”Angkau sajolah, nan ka mambari ma-kan urang-urang ko.” Tapi, inyo tu bi bakato kabake Baliau, ”Ndeh Ngku, apokoh kami mus-ti mambali roti sa-arago duwo ratuih pitih perak, untuak pa-agiah makan urang nan sabanyak ko?” 38Mako, Isa Almasih batanyo, ”La-yi bara roti nan ado di angkau? Cu-bolah caliak.” Sasudah inyo tu bi payi maliyek, inyo tu bi bakato, ”Roti ado limo bu-wah, sarato ikan ado duwo ikua, itu-nyo nan ado.” 39Sudah tu, Isa Almasih manyuruah kasadonyo urang tu, bi duduak ba-um-puak-umpuak di rumpuik nan ijau. 40Urang-urang tu pun bi duduak jo sacaro taratur, ba-umpuak-umpuak. Ado nan saratuih urang sa-umpuak, ado pulo nan limo puluah urang sa-umpuak. 41Kamudian, Isa Almasih ma-ambiak roti nan limo buwah tu, sarato jo ikan nan duwo ikua tu, su-dah tu, Baliau maningadah ka langik, sarato batarimo kasih kabake Allah. Sasudah tu, Baliau mambalah-balah roti tu jo tangan-Nyo, sarato mamba-rikannyo kabake pangikuik-pangikuik-Nyo, untuak ka dibagi-bagikan kabake urang nan banyak tu. Nan ikan nan duwo ikua cako, dibagi-bagikan pu-lo kabake urang-urang tu kasadonyo. 42Kasadonyo urang-urang tu bi ma-kan sampai kanyang. 43Kamudian, makanan nan balabiah, dikumpuakan dek pangikuik-pangikuik Isa Almasih — kasadonyo ado duwo baleh katidiang panuah, labiahnyo. 44Urang laki-laki nan makan roti itu, ado kiro-kiro li-mo ribu urang banyaknyo. 45Sasudah tu, Isa Almasih sacapek-nyo manyuruah pangikuik-pangikuik-Nyo bi barangkek jo parawu, manda-wului Baliau ka Betsaida di subarang danau, samantaro itu Baliau manyu-ruah urang nan banyak tu bi pulang. 46Sasudah malapeh urang nan banyak tu bajalan, Isa Almasih payi ka bukik untuak badowa. 47Kutiko ari lah ma-lam, parawu pangikuik-pangikuik Isa Almasih, lah tibo di tangah-tangah da-nau, sadangkan nan Isa Almasih sandi-ri, di darek juwo lai. 48Baliau manam-pak pangikuik-pangikuik-Nyo sadang bi basangkan mandayuang parawu tu, dek karano parawunyo manyonsong angin. Dek karano itu, kiro-kiro antaro pu-kua tigo jo pukua anam pagi, Baliau ti-bo bajalan kaki di ateh ayie kabake pa-ngikuik-Nyo tu. Nan Baliau taruih juwo bajalan, icak-icak ka mandawului pa-rawu tu. 49Kutiko pangikuik-Nyo tu bi manampak Isa Almasih bajalan di ateh ayie, pangikuik-Nyo tu bi manyangko Baliau tu antu, 50sainggo inyo tu bi ma-makiak-makiak katakuik-an. Dek kara-no, inyo tu kasadonyo lah bi manampak Baliau, nan inyo tu bi takajuik sangaik Tapi, Isa Almasih lansuang bakato kabake pangikuik-Nyo tu, ”Tananglah! Ambo Isa Almasih ko. Jan takuik!” 51Sudah tu, Isa Almasih nayiak ka parawu tu, nan angin pun rado. Pa-ngikuik-pangikuik Baliau tu bi taca-ngang sangaik. 52Mukjizat tantang roti nan limo buwah tu, alun lai da-pek dipahami dek inyo tu. Sulik dek inyo tu untuak bi mangarati. 53Kutiko lah tibo di subarang danau, inyo tu balabuah di Genesaret. 54Kutiko inyo tu bi kaluwa dari parawu, urang-urang nan di sinan tu capek bi tawu, baraso nan datang tu iyolah Isa Almasih. 55Mako, inyo tu bi balari-lari, payi ma-imbaukan kian kumari di kaciyek-annyo daerah tu, sarato mambawok-i urang-urang nan sakik di ateh lapiak, kabake Isa Almasih. Jikok inyo tu bi mandanga, baraso Isa Almasih ado di suatu tampaik, mako, inyo tu bi mam-bawok-i pulo urang-urang nan sakik ka sinan tu. 56Dimano sajo Isa Alma-sih barado—biya di kampuang, biya di kota, atau pun di jorong-jorong— ka sinan pulolah urang-urang bi tibo, untuak malatakkan urang-urangnyo nan sakik di tanah lapang. Sudah tu, inyo tu bi sabana mamintak kabake Isa Almasih, supayo urang-urang nan sakik tu, dibuliahkan ma-awai jubah Isa Almasih, biya pun hanyo ujuang-nyo sajo. Kasadonyo urang sakik nan bi ma-awai jubah Baliau, bi cegak pa-nyakiknyo.

will be added

X\