MARKUS 4

1Isa Almasih ma-aja pulo baliak di tapi danau Galilea. Sambuah urang nan mangarumuni Baliau. Dek karano itu, mako payilah Baliau du-duak ka dalam sabuwah parawu di dalam danau, nan urang banyak tu bi tagak di tapi danau. 2Sudah tu, Isa Almasih ma-ajakan banyak parkaro kabake urang-urang tu, jo mamakai parumpamoan. Bakcando ikolah Baliau ma-aja. 3”Dangakanlan! Adolah surang urang paparak payi manyerakkan bi-jo baniah. 4Kutiko inyo sadang ma-nyerakkan bijo baniah, ado bijo ba-niah tu nan jatuah di jalan. Sudah tu tibolah buruang, mako, bijo baniah tu abih dimakan buruang. 5Ado pu-lo nan jatuah di tanah nan babatu-ba-tu, nan tanahnyo tipih. Bijo-bijo ba-niah tu capek tumbuah, dek karano tanahnyo tipih, 6tapi, kutiko matoari muloi nayiak, nan tuneh-tuneh tu mu-loi pulo layua, sudah tu, kariang ma-ti kakeh, dek karano ureknyo indak ta-unjam masuak ka tanah. 7Ado pu-lo bijo baniah nan jatuah di tangah samak baduri. Samak baduri tu tum-buah, sarato manyapikkan tuneh-tu-neh tu, sainggo tuneh tu indak babu-wah. 8Tapi, ado pulo bijo baniah tu, nan jatuah di tanah nan labuak. Bijo baniah tu tumbuah manjadi gadang, sudah tu babuwah, ado nan tigo pu-luah, ado nan anam puluah, ado pulo nan saratuih kali lipek buwahnyo.” 9Sasudah mancuritokan parumpa-moan tu, Isa Almasih bakato, ”Kok ang-kau layi bi batalingo, inok manuang-kanlah apo nan Ambo katokan ko!” 10Kutiko Isa Almasih sadang duduak surang-Nyo, mako, urang-urang nan lah bi mandangakan pangajaran Baliau tu, bi tibo kabake Baliau, samo-samo jo kaduwo baleh pangikuik Baliau. Inyo tu bi mamintak, supayo Baliau mana-rangkan arati dari parumpamoan ca-ko. 11Mako, Isa Almasih bakato kaba-ke urang-urang tu, ”Angkau lah dibari kamampuan untuak mangatawui rasi-yo, tantang baa caro Allah mamaren-tah. Tapi, urang-urang nan di luwa, di-aja jo parumpamoan, 12supayo, ’Inyo tu layi bi taruih juwo mamparatikan, tapi, inyo tu indak tawu apo nan tajadi, inyo tu layi tatauk juwo bi mandanga, tapi, inyo tu indak bi mangarati, itu tajadi, supayo inyo tu jan bi maliyek, sarato jan bi mangarati, supayo, inyo tu jan bi babaliak kabake Allah, sarato Allah ma-ampuni inyo tu.’ ” 13Kamudian, Isa Almasih bakato ka-bake urang-urang tu, ”Jikok angkau indak bi mangarati jo parumpamo-an tu, dima pulo ka mungkin angkau dapek bi mangarati, jo parumpamo-an nan lain? 14Urang nan manyerak-kan bijo baniah, adolah urang nan ma-nyampaikan kato-kato Allah. 15Bijo baniah nan jatuah di jalan, ibaraik urang-urang nan layi bi mandanga kato-kato Allah. Baitu inyo manda-nga, Ubilih tibo ma-ambiak apo nan lah diserakkan di atinyo tu. 16Bijo ba-niah nan jatuah di tanah nan baba-tu-batu, ibaraiknyo, urang-urang nan baitu mandanga kato-kato Allah tu, inyo lansuang manarimonyo jo saca-ro sanang ati. 17Tapi, kato-kato Allah tu, indak tumbuah ba-urek dalam ati-nyo, sainggo indak tahan lamo. Baitu inyo manangguangkan kasusahan, atau aniayo, dek karano di kato-kato Allah tu, inyo tu lansuang bi maro-taik. 18Bijo baniah nan jatuah di ta-ngah samak baduri, ibaraiknyo, urang nan layi namuah manarimo kato-ka-to Allah tu, 19tapi, inyo cameh tan-tang iduiknyo, nan katuju dek inyo iduik basanang-sanang. Napasu un-tuak mandapekkan babagai-bagai ka-inginan, masuak ka atinyo. Dek ka-rano itu, kato-kato nan dari Allah tu, ta-impik dalam atinyo, sainggo indak babuwah. 20Bijo baniah nan jatuah di tanah nan labuak, ibaraiknyo, urang nan layi namuah mandangakan ka-to-kato Allah, namuah pulo manga-rajokannyo, mako, inyo tu ka babu-wah labek, ado nan tigo puluah, ado nan anam puluah, malah ado nan sa-ratuih kali lipek asienyo.” 21Salanjuiknyo Isa Almasih bakato pulo, ”Adokoh urang nan ma-iduik-i dama togok, sudah tu, inyo songkok jo embe, atau inyo latakkan di bawah tampaik tidua? Nan galiknyo, lah mus-ti inyo latakkan di ateh rengkaknyo. 22Indak ado doh nan ta-andok, nan in-dak ka kaliyatan; sarato indak ado doh rasiyo, nan indak ka tabukak. 23Dek karano itu, siya nan layi batalingo, da-ngakanlah nan Ambo katokan ko!” 24Sudah tu, Isa Almasih bakato pu-lo, ”Paratikanlah apo nan angkau da-ngakan ko! Ukuaran nan angkau pakai untuak pa-ukua urang lain, itu pulo nan ka dipakai dek Allah untuak pa-ukua angkau sarato malahan dila-biahi lai daripado itu. 25Dek karano, urang nan lah mampunyoi, ka dibari labiah banyak lai; tapi, urang nan in-dak mampunyoi, saketek nan ado dek inyo tu, ka di-ambiak pulo.” 26Isa Almasih manyambuang baliak pambicaroan Baliau, ”Jikok Allah ma-marentah sabagai Rajo, ka-adaannyo dapek di-ibaraikkan, bakcando urang nan manyerakkan bijo baniah di pa-raknyo. 27Malam ari inyo lalok; siang ari inyo jago. Samantaro itu, bijo-bijo baniah tu taruih juwo bi tumbuah, sarato batambah gadang. Tapi, baa caro-nyo bijo-bijo baniah tu tumbuah, sarato batambah gadang, urang tu indak tawu doh. 28Tanah tu, jo sacaro sandirinyo mangaluwakan asie: mulo-mulo tang-kai gandunnyo, kamudian sagangnyo, sudah tu barulah buwahnyo. 29jikok gandun tu lah masak, mako, muloilah urang manyabik, dek karano lah tibo masonyo untuak manuwai.” 30Isa Almasih batanyo pulo, ”Jikok Allah mamarentah, jo apolah nan ka dapek kito ibaraikkan? Apolah conto nan dapek kito pakai, untuak ka pana-rangkannyo? 31Jikok Allah mamaren-tah, mako, ka-adaannyo ibaraik nan bakcando: Sa-incek bijo sasawi, nan ditanamkan urang di tanah. Bijo sa-sawi, adolah bijo nan paliang aluih di antaro sagalo bijo. 32Tapi, jikok inyo lah tumbuah, batangnyo manjadi nan labiah gadang di antaro tinam-tinam-an. Daun sangkaknyo, sangaik rim-bunnyo, sainggo bi tibolah buruang, untuak mambuwek sarang di bawah daunnyo nan rimbun.” 33Baitulah caronyo Isa Almasih ma-aja urang, Baliau banyak mamakai iharaik-ibaraik nan bakcando itu, layi sampai dima urang-urang tu bisa ma-ngarati. 34Isa Almasih tatauk mama-kai parumpamoan, jikok Baliau ma-aja urang-urang tu. Tapi, jikok Baliau jo pangikuik-Nyo sajo, Baliau mana-rangkannyo jo sacaro nan jaleh. 35Di ari tu, kutiko ari lah sanjo, Isa Almasih bakato kabake pangikuik-Nyo, ”Molah kito balayie ka subarang danau.” 36Mako, Isa Almasih sarato jo pa-ngikuik-pangikuik-Nyo, bi nayiak ka parawu, sudah tu barangkek, sarato maninggakan urang nan banyak tu di tapi danau. Parawu-parawu nan lain ado pulo di sinan tu. Mako, muloilah Isa Almasih balayie sarato jo pangi-kuik-pangikuik-Nyo. 37indak bara la-mo antaronyo, tibolah angin limbubu. Ombak muloi ma-antam parawu tu, ayie lah masuak ka dalam, sainggo pa-rawu tu lah ampia panuah dek ayie. 38Isa Almasih sadang lalok, di saba-lah ka ikua parawu, Baliau mampaka-lang banta. Pangikuik-pangikuik-Nyo manjagokan Baliau. Inyo tu bi baka-to, ”Angku Guru, apokoh Angku in-dak paduli, jikok kito cilako?” 39Mako, jagolah Isa Almasih, Baliau ariaklah angin limbubu tu, sarato ba-kato kabake danau tu, ”Tananglah, jan manggilo juwo!” Angin pun rado, nan danau tu manjadi tanang satanang-tanangnyo. 40Sudah tu, Isa Almasih bakato kabake pangikuik-pangikuik-Nyo, ”Baa mangko angkau bi takuik? Baa mangko angkau indak bi picayo kabake Ambo?” 41Mako, inyo tu bi tabik takuik, sa-rato bi bakato sasamo inyo, ”Siya Baliau ko nan sabananyo, sainggo angin jo ombak bi patuah kabake Baliau.”

will be added

X\