MARKUS 3

1Isa Almasih babaliak baliak ka ru-mah ibadaik. Di sinan tu, ado surang urang, nan tangannyo lah mati sabalah. 2Di sinan tu, ado pulo urang-urang nan niyo mancari-cari kasa-lahan Isa Almasih, supayo dapek un-tuak mangadukan Baliau. Mako, inyo tu taruih mamparatikan Baliau, apo-koh Baliau ka mancegakkan urang di ari Sabat. 3Isa Almasih bakato kabake urang nan tangannyo lah mati saba-lah tu, ”Kamarilah, tagaklah di siko, di muko ko.” 4Sudah tu, Baliau bata-nyo kabake urang-urang nan ado di sinan tu, ”Manuruik ugamo, apo nan buliah kito pabuwek di ari Sabat? Ba-buwek baiak, atau babuwek jahek? Manyalamaikkan urang, atau mam-bunuah?” Urang-urang tu anok sajo. 5Sambia maliyek ka sakuliliang, Isa Almasih bangih, tapi, ati Baliau maraso ibo pulo, dek karano, urang-urang tu ta-lampau kareh kapalo. Mako, Baliau bakato kabake urang nan tangannyo lah mati tu, ”Oncongkanlah tangan angkau, ” mako, urang tu ma-oncong-kan tangannyo, nan tangannyo lan-suang cegak. 6Mako, urang-urang Fa-risi bi barangkek dari rumah ibadaik tu, sudah tu, sacapeknyo bi bamupa-kaik, jo babarapo urang nan bapiyak kabake Herodes, untuak ka mambu-nuah Isa Almasih. 7Isa Almasih sarato jo pangikuik-pangikuik-Nyo, bi payi ma-asiangkan diri ka Danau Galilea. Mako, banyak sangaik urang dari Galilea nan bi pa-yi manuruikkan Isa Almasih. Banyak pulo nan datang dari Yudea, 8dari Yerusalem, dari daerah Idumea, da-ri daerah di subarang Yordan, sarato dari daerah di sakuliliang kota-kota di Tirus, sarato jo Sidon. Kasadonyo urang-urang tu bi datang kabake Isa Almasih, dek karano inyo tu lah bi mandanga, tantang sagalo sasuatu nan lah dipabuwek dek Isa Almasih. 9Urang tu sangaik sambuahnyo, sa-inggo Isa Almasih manyuruah pangi-kuik-Nyo manyadiyokan parawu, un-tuak tampaik Baliau tagak, supayo Baliau jan sampai takapik dek urang nan banyak tu. 10Sambuah urang nan lah Baliau cegakkan, sainggo kasa-donyo urang nan sakik tu badasak-dasak, ba-usawo nak ka mandakek-i Isa Almasih, supayo dapek ma-awai Baliau. 11Urang-urang nan kamasuak-an roh jahek, satiyok kali inyo mali-yek Isa Almasih, inyo lansuang sujuik di adok-an Baliau sambia ma-ariak, ”Angkau adolah Anak Allah!” 12Tapi, Isa Almasih managah sa-ngaik, supayo roh-roh jahek tu jan ma-agiah tawu, siya Baliau nan sa-bananyo. 13Kamudian, Isa Almasih man-daki ka sabuwah bukik, sarato ma-imbau urang-urang nan katuju dek Baliau. Urang-urang tu bi tibo, 14su-dah tu, Baliau mamiliah duwo baleh urang di antaro urang nan banyak tu. Baliau bakato, ”Ambo mamiliah ang-kau, supayo angkau bi payi jo Ambo, Ambo ka manyuruah angkau bi pa-yi untuak mangabakan Injil nan dari Allah, 15angkau ka manarimo kuwaso untuak ma-usie roh-roh jahek.” 16Ikolah namo-namo urang nan tapiliah tu: Simon, (nan dinamokan pulo dek Baliau Petrus), 17Yakobus, sarato jo Yahya karek-annyo, iyo-lah, anak-anak Zebedeus (nan ba-duwo ko dibari namo dek Baliau Boanerges, nan aratinyo ”anak gu-ruah"), 18Andreas, Filipus, Barto-lomeus, Matius, Tomas, Yakobus anak Alfeus, Tadeus, Simon Patriot, 19sarato jo Yudas Iskariot, nan mang-kiyanaik-i Isa Almasih. 20Kamudian, Isa Almasih babaliak ka rumah. Tapi, urang nan banyak tu bi tibo pulo baliak bakumpua, saing-go Isa Almasih jo pangikuik-Nyo, in-dak talakik bagai lai bi makan. 21Ado pulo urang nan bi mangatokan, ”Inyo lah gilo!” Kutiko kaluarga Baliau man-danga kecek-kecek nan bakcando itu, mako, bi payilah kaluarga Baliau, un-tuak ka manjapuik. 22Guru-guru ugamo nan datang dari Yerusalem bi mangatokan, ”Inyo lah kamasuak-an Beelzebul! Induak-ang-kang dari roh-roh jahek, nan mam-barikan kuwaso kabake Inyo, untuak ma-usie roh jahek.” 23Mako, Isa Almasih ma-imbau urang nan banyak tu, sarato mancu-ritokan kabake inyo tu, babarapo bu-wah parumpamoan. Isa Almasih baka-to, ”Dima pulo ka mungkin, roh jahek ma-usie roh jahek.” 24”Jikok suatu ka-rajaan bapacah-pacah, dalam kalom-pok-kalompok nan bamusuahan, mako, karajaan tu indak ka batahan. 25Baitu pulo dalam ciyek kaluarga, jikok inyo tu indak saiyo sakato, urang-urangnyo bi bamusuahan, mako, kaluarga tu indak ka elok lai. 26Jikok dalam ka-rajaan Ubilih tajadi silang sangketo, mako, karajaan tu indak ka batahan lamo, lah jaleh ka ilang lanyok. 27Indak surang juwo doh urang nan ka bisa masuak, ka rumah urang nan kuwaik, untuak ka marampok arato-nyo, jikok inyo indak mangabek urang kuwaik tu labiah dulu. Sasudah tu, barulah inyo dapek ma-ambiak ara-to urang kuwaik tu. 28Katawuilah! Jikok urang babuwek doso, atau mangatokan kato-kato nan ma-ino, inyo dapek di-ampuni. 29Tapi, jikok inyo ma-ino Roh Allah, inyo in-dak dapek doh di-ampuni! Dek kara-no kato-kato nan ma-ino Roh Allah tu, adolah doso nan kaka.” ( 30IsaAlmasih bakato bakcando itu, dek karano ado urang nan mangatokan, baraso Isa Al-masih kamasuak-an roh jahek.) 31Sasudah tu, mandeh sarato jo dun-sanak-dunsanak Isa Almasih bi tibo. Inyo tu bi manunggu di luwa, sara-to manyuruah urang untuak ma-im-bau Isa Almasih. 32Kutiko itu, sam-buah urang nan sadang bi duduak di sakuliliang Isa Almasih. Urang tu bi bakato kabake Baliau, ”Ngku, urang gaek, sarato jo dunsanak-dunsanak Angku ado di luwa. Inyo tu bi man-cari Angku.” 33Isa Almasih manjawauk, ”Siya-koh nan mandeh Ambo? Siyakoh nan dunsanak-dunsanak Ambo?” 34Kamu-dian, Baliau mancaliak kabake urang-urang nan duduak di sakuliliang Baliau tu, sudah tu bakato, ”Ikolah mandeh Ambo, sarato ikolah dunsanak-dun-sanak Ambo! 35Urang nan layi ma-ngarajokan kahandak Allah, inyolah dunsanak Ambo nan laki-laki, inyo-lah dunsanak Ambo nan padusi, sa-rato inyolah mandeh Ambo.”

will be added

X\