MARKUS 15

1Subuah-subuah buto, kasado-nyo anggota Mahkamah Uga-mo Yahudi, tamasuak jo imam-imam kapalo, pamimpin-pamimpin Yahudi, sarato jo guru-guru ugamo, basica-pek barundiang. Inyo tu mampilang-gu-i Isa Almasih, sudah tu, mambawok Baliau, untuak ka disarahkan kabake Pilatus. 2Pilatus batanyo kabake Isa Almasih, ”Apokoh iyo Angkau Rajo urang Yahudi?” Isa Almasih manjawauk, ”Baitulah, bakcando nan angkau katokan.” 3Sambuah tuduahan-tuduahan, nan dituduahkan kabake Isa Almasih, dek imam-imam kapalo. 4Sudah tu, Pila-tus batanyo pulo baliak kabake Isa Almasih, ”Baa, iyo indak ka namuah doh Angkau manjawauk? Liyeklah, bara ka banyaknyo tuduahan, nan di-tuduahkan dek urang-urang tu tara-dok Angkau!” 5Tapi, bakcando cako, indak ciyek ju-wo doh nan dijawauk dek Isa Almasih, sainggo Pilatus manjadi eran. 6Di satiyok Ari Rayo Paskah, nan galiknyo Pilatus ado malapehkan su-rang urang tahanan, manuruik piliahan urang nan banyak. 7Di dalam pinjaro, di antaro pambarontak-pambarontak nan bi mambunuah, di kutiko ado ka-kacauan, ado surang nan banamo si Ba-rabas. 8Urang banyak lah bi bakumpua, sarato bi mamintak kabake Pilatus, su-payo inyo malapehkan surang urang tahanan, samo jo bakcando nan biaso. 9Pilatus batanyo kabake urang nan ba-nyak tu, ”Baa, layi namuah kalian, jikok waden malapehkan Rajo urang Yahudi tu, untuak kalian?” 10Dek karano, Pi-latus lah tawu, baraso imam-imam ka-palo tu, manyarahkan Isa Almasih ka-bake inyo, dek karano bingik. 11Tapi, imam-imam kapalo bi ma-asuang-i urang nan banyak tu, un-tuak mamintak kabake Pilatus, supa-yo Barabas-lah nan ka dilapehkan. 12Mako, Pilatus bakato baliak kaba-ke urang nan banyak tu, ”Jikok baitu, apo nan musti den pabuwek, taradok Urang nan kalian namokan Rajo urang Yahudi tu?” 13Urang nan banyak tu bi ma-ariak, ”Salibkan sajolah Inyo!” 14Mako, Pilatus batanyo, ”Tapi, apo karajo jahek nan lah Inyo pabu-wek?” Sudah tu, urang-urang tu bi ma-ariak, labiah kuwaik daripado nan cako, ”Salibkan sajolah Inyo!” 15Pilatus niyo nak ka manyanang-kan ati urang nan banyak tu, mako, inyo malapehkan si Barabas untuak mampalakukan kandak urang-urang tu. Kamudian, inyo manyuruah urang mancambuik Isa Almasih, sudah tu, manyarahkan Baliau untuak ka di-salibkan. 16Isa Almasih dibawok dek sarada-du-saradadu ka kantua pangadielan di istano gubenur. Kamudian, kasadonyo pasukan dipanggie untuak bakumpua. 17Sudah tu, inyo tu manganakkan ju-bah kulabu bungo taruang kabake Isa Almasih, sarato mambuwek mangkuto dari rantiang-rantiang nan baduri, ka-mudian, inyo tonggokkan di ateh ka-palo Isa Almasih. 18Sasudah tu, inyo tu bi mangucaukkan salam kabake Baliau. Inyo tu bi bakato, ”Daulaik Ra-jo urang Yahudi!” 19Inyo tu manokok kapalo Isa Almasih jo tungkek, sudah tu, inyo maliyua-i Baliau, sarato ma-nyambah sujuik di adok-an Baliau. 20Sasudah mampamainkan Isa Alma-sih, mako, inyo tu mambukak jubah kulabu bungo taruang tu, sudah tu, inyo kanakkan baliak pakaian Baliau sandiri. Kamudian, Baliau dibawok ka-luwa, untuak ka disalibkan. 21Di tangah jalan, urang-urang tu ma-maso surang urang, untuak nan ka ma-mikua kayu salib Isa Almasih. Urang tu kabatualan baru tibo dari kampuang, nak ka payi ka kota. (Namonyo Simon, — nan barasa dari Kirene, apak dek Aleksander, sarato jo Rufus.) 22Isa Almasih dibawok ka suatu tampaik nan banamo Golgota, nan aratinyo adolah ”Tampaik Tangkurak”. 23Tibo di sinan tu, urang-urang tu nak mambari ang-gur nan lah bacampua jo mur, kabake Baliau, tapi, Isa Almasih indak namuah maminun anggur tu. 24Kamudian, inyo tu manyalibkan Baliau, sarato mam-bagi-bagi pakaian Baliau, jo sacaro ba-undi untuak manantukan bagian-nyo surang-surang. 25Panyaliban Isa Almasih tu tajadi di pukua sambilan pagi. 26Di puncak tunggak salib Baliau tu, dipasang tulisan tantang tuduahan kabake Baliau, iyolah: ”Rajo Urang Ya-hudi”. 27Samo-samo jo Isa Almasih tu, urang-urang tu bi manyalibkan pulo, duwo urang panyamun, surang di sa-balah suwok, nan surang lai di saba-lah kida Baliau. [ 28Dek nan baitu, ma-ko basuwoanlah, apo nan lah tatulih di Alkitauk; iyolah: ”Inyo di-anggauk tamasuak urang-urang jahek.”] 29Urang-urang nan lalu di sinan tu, bi manggeleng-gelengkan kapalo, sa-rato bi ma-ino Isa Almasih. Inyo tu bi bakato, ”Oih, Wa-ang nan ka marun-tuahi Baithullah, sarato nan ka mam-bangunnyo baliak dalam tigo ari. 30Cu-bolah turun dari kayu salib tu, sarato salamaikkanlah diri Wa-ang!” 31Baitu pulo imam-imam kapalo, sa-rato jo guru-guru ugamo, bi mancime-ehkan Isa Almasih. Inyo tu bi bakato sasamo inyo, ”Inyo ka manyalamaik-kan urang lain, tapi, diri-Nyo sorang, indak dapek doh Inyo salamaikkan! 32Jikok Inyo rajo Israel, Rajo Panya-lamaik, eloklah kiniko Inyo turun dari kayu salib tu, supayo kami bi maliyek, sarato bi picayo kabake Inyo!” Urang nan disalibkan samo-samo jo Isa Almasih tu, sato pulo ma-ino Isa Almasih. 33Di tangah ari, salamo tigo jam, kaciyek-annyo nagari tu manjadi ka-lam. 34Nan di pukua tigo sanjo, Isa Almasih mamakiak jo suwaro nan ku-waik, ”Eloi, Eloi, lama sabakhtani?” nan aratinyo adolah, ”Yo Allah Ambo, yo Allah Ambo, baa mangko Angkau tinggakan Ambo?” 35Babarapo urang nan ado di sinan tu, bi mandanga Baliau mamakiak tu, urang-urang tu bi bakato, ”Dangalah, Inyo ma-imbau Elia!” 36Salah surang dari inyo tu, bagageh ma-ambiak bu-ngo karang, sudah tu, inyo randamkan masuak anggur nan masam. Kamu-dian, bungo karang tu dicucuakkan-nyo di ujuang pangalan, sudah tu, di oncongkannyo ka bibia Isa Almasih, sambia bakato, ”Kito tunggu, molah kito liyek, apokoh iyo tibo Elia, un-tuak nan ka manurunkan Inyo dari kayu salib tu.” 37Sudah tu, Isa Almasih mamakiak, Baliau pun maningga. 38Tabie nan tagantuang di dalam Baithullah, cabiak, balah duwo dari ateh sampai ka bawah. 39Kumandan saradadu nan tagak di adok-an salib tu, maliyek, baa bana Isa Almasih ka maningga. Inyo bakato, ”Batua, Baliau ko adolah Anak Allah!” 40Di sinan tu, ado pulo babarapo urang padusi, nan sadang bi maliyek kasadonyo tu dari jauah. Di antaro inyo adolah Salome, Maryam Magdalena, Maryam, mandeh dek Yakobus nan mudo sarato jo Yoses. 41Inyo tu adolah urang-urang padusi, nan bi manuruik-kan sarato nan manolong Isa Almasih, kutiko Baliau sadang di Galilea. Sara-to banyak lai padusi-padusi nan lain di sinan tu, nan lah bi datang ka Yerusa-lem, samo-samo jo Isa Almasih. 42- 43Ari lah malam, kutiko Yusuf da-ri Arimatea tibo. Inyo anggota Mahka-mah Ugamo Yahudi nan di aromaik-i. Inyo adolah urang nan sadang ma-nanti-nantikan pulo, masonyo Allah ka mamarentah sabagai Rajo. Ari tu, adolah ari Mampasiyaukkan, (iyolah ari sabalun ari Sabat). Dek karano itu, Yusuf mambaranikan diri mangadauk kabake Pilatus, untuak mamintak ma-yik Isa Almasih. 44Pilatus tacangang dek mandanga Isa Almasih lah maning-ga. Dek karano itu, inyo manyuruah urang ma-imbau kapalo pasukan, sara-to batanyo kabake inyo, apokoh lah la-mo Isa Almasih maningga. 45Sasudah mandanga katarangan kumandan sara-dadu tu, Pilatus mambuliahkan Yusuf, untuak ma-ambiak mayik Isa Alma-sih. 46Sudah tu, Yusuf mambali kain kapan dari lenan nan aluih, sasudah manurunkan mayik Isa Almasih, ma-ko, inyo bungkuih jo kain kapan nan dari lenan tu. Kamudian, inyo ma-latakkan mayik tu, di kubuaran nan dibuwek di dalam bukik batu. Sasu-dah tu, inyo sawok pintu kubua tu, jo sabuwah batu gadang. 47Saman-taro itu, Maryam Magdalena, sarato jo Maryam mandeh Yoses, bi mam-paratikan, dima mayik Isa Almasih tu dilatakkan.

will be added

X\