MARKUS 14

1Duwo ari lai Ari Rayo Paskah, sarato jo Ari Rayo Roti Indak Baragi. Imam-imam kapalo, sarato jo guru-guru ugamo Yahudi, sadang bi mancari aka, baa caro untuak ka ma-nangkok Isa Almasih, jo sacaro ba-anok-anok, supayo dapek mambunuah Baliau. 2Inyo tu bi bakato, ”Tapi, jan di kutiko ari rayo ko lai kito ujuikkan, apo nan kito mukasuik tu, baiko bisa mambuwek urang kalibuik.” 3Kutiko Isa Almasih sadang di Betania, di rumah Simon, nan dulu bapanyakik ku-lik nan babahayo, mako, ado surang padu-si nan tibo kabake Baliau. Padusi tu mam-bawok boto pualam, nan barisi minyak arun nan sangaik maha, nan dibuwek da-ri urek kayu nan sangaik arun. Kutiko Isa Almasih sadang makan, mako, inyo bu-kaklah sumbek boto tu, sudah tu inyo tu-wangkan minyak arun tu ka ateh kapa-lo Isa Almasih. 4Babarapo urang nan ado di sinan tu bi bangih, sarato bi bakato sa-samo inyo, ”Apo gunonyo minyak arun tu dibuwang-buwang? 5Minyak tu bisa diju-wa, jo arago nan labiah dari tigo ratuih pi-tih perak, sudah tu nan pitihnyo bisa di ba-rikan kabake urang nan bansaik!” Mako, inyo tu bi bangih kabake urang padusi tu. 6Tapi, Isa Almasih bakato, ”Padiyakan sajolah inyo! Baa pulo mangko angkau mampaseso inyo? Inyo mampabuwek sasu-atu nan elok sarato nan tapuji taradok Am-bo. 7Urang nan bansaik, ka tatauk ado di antaro angkau salamonyo. Satiyok wakatu, jikok angkau lai namuah, angkau bisa ma-nolong inyo. Tapi, nan Ambo, indak ka sala-monyo doh samo-samo jo angkau. 8Urang padusi ko lah mampabuwek, apo nan bisa inyo pabuwek. Inyolah manuwangi Ambo jo minyak arun, sabalun tibo ari pangubua-ran Ambo. 9Picayolah! Dima sajo di muko bumi ko, dima Injil nan dari Allah dibari-tokan, mako, apo nan lah dipabuwek dek urang padusi ko, ka tatauk dicuritokan pu-lo, sabagai untuak mangana inyo.” 10Sudah tu, Yudas Iskariot, salah surang dari pangikuik Isa Almasih nan duwo baleh tu, payi kabake imam-imam kapalo, jo mu-kasuik nak ka manyarahkan Isa Almasih, kabake inyo tu. 11Sanang bana ati imam-imam kapalo, dek mandangakan muka-suik Yudas tu, inyo tu bi bajanji ka mamba-rikan pitih kabake Yudas. Mako, muloi dari sajak itu, Yudas taruih mancari-cari waka-tu nan tapek, supayo dapek manyarahkan Isa Almasih. 12Di ari nan partamu, di Ari Rayo Roti Indak Baragi di kutiko urang sadang mandabiah domba Paskah, — nan pangikuik-pangikuik Isa Almasih, bi batanyo kabake Baliau, ”Dima nan katuju dek Angku tampaiknyo, untuak makan makanan Paskah, buliah nak kami sadiyokan?” 13Mako, Isa Almasih manyuruah duwo urang dari pangikuik-Nyo, sa-rato bakato, ”Payilah ka kota, tibo di sinan tu angkau ka basuwo jo surang laki-laki, nan mambawok kendi bari-si ayie. Turuikkanlah inyo 14taruih, sampai ka rumah nan inyo masuak-i, sudah tu katokanlah kabake urang nan punyo rumah tu, Angku Guru batanyo, dima tampaiknyo nan bi-sa dipakai dek Baliau, untuak makan makanan Paskah jo pangikuik-pangi-kuik-Nyo?' 15Nan punyo rumah tu, ka manunjuakkan kabake angkau, tampaik nan cukuik gadang di ateh loteng. Tampaik tu lah basegehi, langkok jo alaik-paragaiknyo. Mako, sadiyokan-lah sagalo sasuatunyo untuak kito di tampaik tu.” 16Sudah tu, kaduwo urang pangi-kuik Isa Almasih tu, payi ka kota. Ti-bo di sinan, inyo tu mandapati sagalo sasuatunyo, tapek bana bakcando nan lah dikatokan dek Isa Almasih. Mako, inyo tu bi mampasiyaukkan makanan Paskah di tampaik tu. 17Malamnyo, Isa Almasih tibo sa-rato jo kaduwo baleh pangikuik-Nyo. 18Samantaro inyo tu sadang bi ma-kan, Isa Almasih bakato, ”Dangakan-lah nan Ambo katokan ko: salah surang di antaro angkau, nan kiniko makan samo-samo jo Ambo ko, ado nan ka mangkiyanaik-i Ambo.” 19Dek mandanga nan baitu, sadiah sangaik ati pangikuik-pangikuik Isa Al-masih tu. Satiyok-tiyok inyo tu, muloi bi batanyo kabake Isa Almasih, ”Kan indak ambo doh Ngku, nan Angku mu-kasuikkan tu?” 20Isa Almasih manjawauk, ”Inyo adolah salah surang dari angkau nan duwo baleh ko, nan makan sapiriang jo Ambo. 21Batua Anak Manusia ka mati bakcando nan lah tatulih di Alkitauk. Tapi, baralah ka cilakonyo urang nan mangkiyanaik-i Anak Manusia tu! La-biah elok lai dek urang tu, jikok inyo indak dilayiekan ka dunie ko!” 22Kutiko inyo tu sadang bi makan, Isa Almasih ma-ambiak roti, sarato ma-nayiakkan dowa syukur kabake Allah. Kamudian, Baliau mambalah-balah ro-ti tu jo tangan-Nyo, sudah tu, Baliau barikan kabake pangikuik-pangikuik-Nyo, sarato bakato, ”Ambiaklah ko, makanlah, ikolah tubuah Ambo.” 23Sasudah tu, Baliau ma-ambiak ca-wan anggur. Baliau manayiakkan dowa syukur kabake Allah, sudah tu, Baliau barikan cawan tu kabake pangikuik-Nyo. Kamudian, inyo tu kasadonyo bi maminun anggur tu. 24Kamudian, Isa Almasih bakato, ”Ikolah darah Ambo, nan mansahkan pajanjian Allah, darah nan dicurahkan untuak banyak urang. 25Picayolah: Ambo indak lai ka mami-nun anggur ko, sampai tibo masonyo isuak, kutiko Ambo maminun anggur nan baru, samo-samo jo angkau di da-lam Karajaan Allah.” 26Kamudian, inyo tu bi mandendang-kan sabuwah lagu pujian. Nan sasudah tu, inyo tu bi payi ka Bukik Zaitun. 27Kamudian, Isa Almasih bakato ka-bake inyo tu, ”Angkau kasadonyo ka bi lari maninggakan Ambo. Dek karano di Alkitauk lah tatulih, ’Allah ka man-cabuik anggok tukang gubalo, mako, dombanyo ka bakecai-kecai.’ 28Tapi, sasudah Ambo di-iduikkan baliak da-ri mauik, nan Ambo ka mandawului angkau ka Galilea.” 29Petrus bakato, ”Indak Ngku, biya-pun kasadonyo urang-urang ko bi ma-ninggakan Angku, nan ambo indak.” 30Isa Almasih bakato, ”Kana-ilah nan Ambo katokan ko, malam ko juwo, saba-lun ayam bakukuak duwo kali, nan ang-kau lah tigo kali ma-engkari Ambo.” 31Petrus manjawauk ba-iyo bana, ”Biyapun ambo musti ka mati samo-samo jo Angku, nan ambo ka tatauk mangaku, baraso ambo adolah pangi-kuik Angku!” Pangikuik-pangikuik nan lain, bi bakato baitu pulo. 32Mako, sampailah Isa Almasih sa-rato jo pangikuik-Nyo, di tampaik nan banamo Getsemani, nan Isa Almasih bakato kabake pangikuik-Nyo, ”Du-duaklah di siko, samantaro Ambo pa-yi badowa.” 33Sudah tu, Isa Almasih ma-ajak Petrus, Yakobus, sarato jo Yahya, pa-yi samo-samo jo Baliau. Baliau ma-raso sadiah, sarato jo rasah. 34Isa Almasih bakato kabake inyo tu, ”Sa-diah sangaik rasonyo ati Ambo, raso-nyo bakcando urang nan ka mati para-saan Ambo. Tunggulah di siko, sarato bajago-jagolah!” 35Isa Almasih payi agak manjauah, sudah tu Baliau tasungkua ka tanah, sarato jo badowa. Dalam dowa-Nyo Baliau mamintak, jikok buliah Baliau janlah mangalami maso nan sansaro tu. 36Baliau bakato, ”Bapak, oih Bapak, in-dak ado doh sasuatu nan mustayie dek Bapak. Indakanlah sansaro ko dari Ambo. Tapi, janlah manuruikkan kahandak Ambo, tapi, kahandak Bapak-lah nan ka tajadi.” 37Sasudah tu, Isa Almasih babaliak, Baliau dapek-i pangikuik-pangikuik-Nyo sadang bi talalok. Baliau bata-nyo kabake Petrus, ”Oih Simon, tala-lok pulokoh angkau? Indak talokkoh dek angkau bajago-jago agak sa-jam?” 38Mako, Isa Almasih bakato kabake inyo tu, ”Bajago-jagolah, sarato bado-walah, supayo angkau indak manga-lami cobaan. Batua roh angkau niyo nak mangarajokan apo nan baiak, ta-pi, dek angkau indak talok, dek kara-no tabiyaik manusia tu lamah.” 39Sakali lai Isa Almasih payi badowa, Baliau badowa bakcando kato-kato nan Baliau katokan cako juwo. 40Sasudah tu, Baliau babaliak pulo ka pangikuik-pangikuik-Nyo, Baliau dapek-i inyo tu sadang bi talalok pulo, dek karano inyo tu bi sangaik mangantuak. Mako, indak bi tantu lai dek inyo tu, apo nan ka inyo katokan kabake Isa Almasih. 41Kutiko Isa Almasih babaliak nan katigo kalinyo kabake pangikuik-Nyo, Baliau bakato, ”Bi lalok juwo lai, sa-rato bi balapeh panek juwo lai ang-kau? Alah jadi tu! Lah tibo wakatu-nyo, Anak Manusia ka disarahkan ka tangan urang-urang badoso. 42Jago-lah lai, molah kito barangkek. Liyeklah tu! Urang nan mangkiyanaik-i Ambo lah tibo!” 43Samantaro Isa Almasih sadang mangecek juwo lai, tibolah Yudas, sa-lah surang dari pangikuik Baliau nan duwo baleh tu. Samo-samo jo inyo ti-bo pulo urang banyak, nan bi mam-bawok padang jo palakak. Inyo tu di-suruah dek imam-imam kapalo, dek guru-guru ugamo, sarato dek pamim-pin-pamimpin Yahudi. 44Si pangkiya-naik, lah ma-agiah tawu suatu tando kabake inyo tu. Sarato bakato kaba-ke urang-urang tu, ”Nama urang nan den ibu, itulah Urangnyo. Tangkoklah Inyo, sarato bawoklah Inyo jo panja-goan nan arek.” 45Di kutiko Yudas tibo, inyo lan-suang mandakek kabake Isa Almasih, sarato bakato, ”Angku Guru!” sudah tu, inyo ma-ibu Isa Almasih. 46Kamu-dian, urang-urang nan tibo samo-samo jo Yudas tu, manangkok Isa Almasih, sarato mampilanggu-i Baliau. 47Tapi, salah surang dari urang nan ado di si-nan tu, mancabuik padangnyo, mako, inyo ceteh talingo pisuruah imam basa tu sampai putuih. 48Mako, Isa Almasih bakato kabake urang-urang tu, ”Apo-koh Ambo ko urang jahek, mangkonyo angku-angku bi tibo jo padang, sara-to jo palakak, untuak ka manangkok Ambo? 49Satiyok ari, Ambo ma-aja di Baithullah di adok-an angku-ang-ku, tapi, angku-angku indak manang-kok Ambo doh. Tapi, iyolah samusti-nyo baitu, supayo basuwoanlah, apo nan lah tatulih di Alkitauk.” 50Kasadonyo pangikuik Isa Almasih, bi tabang ambua lari maninggakan Baliau. 51Ado surang anak mudo, inyo hanyo mamakai sa-alai kain, untuak manu-tuik-i badannyo, inyo sato pulo manu-ruikkan Isa Almasih. Urang-urang tu nak ka manangkok inyo pulo, 52mako, inyo malapehkan kainnyo tu, sudah tu, inyo lari batilanjang. 53Isa Almasih dibawok ka rumah imam basa. Di sinan tu, lah bi bakum-pua kasadonyo imam kapalo, pamim-pin Yahudi, sarato jo guru-guru uga-mo. 54Petrus payi manuruikkan Isa Almasih dari jauah, sampai masuak ka alaman rumah imam basa. Di sinan tu, inyo duduak dakek api, untuak ka ma-angekkan badan, samo jo panga-wal-pangawal. 55Imam-imam kapalo, sarato jo kasadonyo anggota Mahka-mah Ugamo Yahudi, ba-usawo untuak mandapekkan bukti-bukti, nan ka da-pek manyalahkan Isa Almasih, supa-yo Baliau bisa dijatuahi ukunan mati. Tapi, indak ciyek juwo doh bukti nan didapek dek urang-urang tu. 56Lah sambuah sasi nan di-imbau, untuak mambarikan katarangan nan palasu taradok diri Isa Almasih, tapi, kata-rangan inyo tu, bi balawanan, antaro nan surang jo nan lainnyo. 57Sudah tu, ado babarapo urang sasi nan bi tagak, sarato mambarikan ka-tarangan nan palasu tantang diri Isa Almasih, 58”Kami ado mandangakan Urang ko mangatokan, ’Ambo ka ma-runtuahi Baithullah nan dibuwek dek manusia ko, nan sasudah tigo ari, Ambo ka mambangun nan lain, nan indak doh dibuwek dek manusia.’ ” 59Tapi, panga-kuan urang-urang tu bi balawanan, an-taro nan ciyek ko, jo nan ciyek lai. 60Mako, imam basa tagak di adok-an kasadonyo urang-urang tu, sarato jo batanyo kabake Isa Almasih, ”Apo-koh Angkau indak manjawauk, jo sa-galo tuduahan nan dituduahkan ka-bake Angkau tu?” 61Tapi, Isa Almasih anok sajo. Indak ciyek juwo doh nan dijawauk dek Baliau. Mako, imam basa tu batanyo sakali lai kabake Baliau, ”Apokoh Ang-kau Rajo Panyalamaik, Anak Allah Nan Mahasuci?” 62Isa Almasih manjawauk, ”Ambo-lah Urang-Nyo, sudah ko kasadonyo angku-angku ka bi maliyek, Anak Ma-nusia duduak di sabalah suwok Allah Nan Mahakuwaso, sarato nan ka datang baliak dalam awan dari langik!” 63Dek mandanga nan baitu, imam basa tu mancabiak-cabiak-i bajunyo sambia bakato, ”Indak paralu lai dek kito sasi! 64Kalian lah bi manda-nga sandiri, kato-kato-Nyo nan ma-ino Allah. Nan kiniko, apo kaputus-an kalian?” Kasadonyo urang-urang tu lah bi supa-kaik mamutuihkan, baraso Isa Almasih sabana basalah, sarato patuik di-ukun mati. 65Mako, babarapo urang nan di si-nan tu, bi maliyua-i Isa Almasih, sara-to manutuik mato Baliau, sarato ma-nenju Baliau, kamudian urang tu bi batanyo, ”Cubolah takok, siya urang nan manenju Wa-ang ko?” Panga-wal-pangawal sato pulo manampa Isa Almasih. 66Samantaro Petrus sadang di ala-man juwo lai, salah surang pisuruah nan padusi dari imam basa, datang ka sinan tu. 67Kutiko inyo maliyek Petrus sadang basangai di dakek api, inyo caliak bana roman muko Petrus jaleh-jaleh, sarato jo bakato, ”Indak-koh angkau nan samo-samo pulo jo si Isa urang Nazaret tu?” 68Tapi, Petrus indak mangaku. Inyo bakato kabake urang padusi tu, ”Ambo indak tawu, sarato indak mangarati, apo nan angkau mukasuikkan.” Su-dah tu, Petrus payi ka pintu kaporo rumah imam basa tu. [Sakutiko tu ju-wo, ayam bakukuak.] 69Sasudah tu, Petrus nampak pulo baliak dek pisuruah nan padusi tu, nan inyo bakato kabake urang-urang nan ado di sinan tu, ”Batua, inyo ko, adolah salah surang dari urang-urang tu!” 70Tapi, Petrus indak juwo ma-ngaku. Indak lamo sasudah tu, urang-urang nan ado di sinan tu, bi bakato pulo ka-bake Petrus, ”Angkau ko, iyo lah jaleh salah surang dari urang-urang tu, dek karano, angkau urang dari Galilea!” 71Mako, Petrus basumpah-sumpah, sarato jo bakato, ”Ambo indak baka-tawuan bagai doh, jo Urang nan ang-kau mukasuikkan tu!” 72Sakutiko tu juwo, ayam bakukuak untuak nan kaduwo kalinyo. Mako, ta-kanalah dek Petrus, baraso Isa Almasih lah bakato kabake inyo, ”Sabalun ayam bakukuak duwo kali, nan angkau, lah tigo kali ma-engkari Ambo.” Mako, Petrus manangih tasadu-sadu.

will be added

X\