MARKUS 13

1Kutiko Isa Almasih kaluwa dari Baithullah, salah surang dari pangikuik-Nyo bakato, ”Angku Guru, cubolah Angku liyek bangunan-ba-ngunan tu. Paratikanlah batu-batu-nyo. Indak tangguang-tangguang doh rancaknyo” 2Isa Almasih manjawauk, ”Angkau kan lah bi maliyek ko kiniko, bangunan nan gadang ko, iyo ndak? Indak ka ci-yek juwo doh ko dari batu-batu bangun-an ko, nan ka tatauk talatak di tampaik-nyo. Kasadonyo ka diruntuah-i.” 3Kamudian, Isa Almasih payi ka Bu-kik Zaitun, Baliau duduak di tampaik nan ma-adok ka Baithullah. Sudah tu, Petrus, Yakobus, Yahya, sarato jo An-dreas bi tibo kabake Baliau, untuak ka mangecek jo Baliau sacaro nan tasan-diri. 4Inyo tu bi bakato kabake Baliau, ”Cubolah Angku agiah tawu kabake kami. Pabilo masonyo ka tajadi, tan-tang sagalo sasuatu nan lah Angku katokan salamo ko? Apo tando-tan-do nan ma-agiah tawu, baraso lah ka tibo wakatunyo?” 5Isa Almasih manjawauk, ”Ingek-ingeklah, jan sampai angkau bi taki-cuah. 6Sambuah urang nan ka bi tibo, nan jo mamakai namo Ambo, sarato bi bakato, ’Ambo lah nan Baliau!’ sa-rato sambuah urang nan takicuah dek inyo. 7Jikok angkau bi mandanga bu-nyi badia jo mariam, sarato jo kaba barito paparangan, janlah bi takuik. Kasadonyo tu musti tajadi, tapi, jan disangko itu kiyamaik nan lah tibo. 8Banso nan ciyek, ka baparang mala-wan banso nan lain. Karajaan nan ci-yek, ka manyarang karajaan nan lain. Dima-dimanyo, ka bi tajadi gampo, sa-rato jo musin lapa. Kasadonyo tu ba-ru pamuloan sajo, ibaraik sakik nan dirasokan dek padusi nan ka mala-yiekan. 9Angkau musti ba-ingek-ingek, dek karano, angkau ka ditangkok, sudah tu dibawok ka sidang mahkamah. Angkau ka ditangani di rumah-rumah ibadaik. Angkau ka dibawok mangadauk ka pa-nguwaso-panguwaso, sarato kabake ra-jo-rajo, dek karano angkau pangikuik Ambo. Sarato di sinanlah masonyo dek angkau, untuak mancuritokan tantang diri Ambo, kabake urang-urang tu. 10Tapi, Injil nan dari Allah tu, musti dibaritokan dulu kabake sagalo banso. 11Jikok angkau ditangkok, sarato dibawok ka pangadielan, janlah ca-meh apo nan musti angkau katokan. Jikok lah tibo wakatunyo untuak ma-ngecek, mako, katokan sajolah apo nan di-agiah tawu kabake angkau sakutiko itu. Dek karano, kato-kato nan ang-kau katokan tu, indak kato-kato ang-kau sandiri tu doh, malainkan datang dari Roh Allah. 12Urang ka mangki-yanaik-i dunsanaknyo sandiri, untuak ka dibunuah. Itu pulo nan ka tajadi antaro apak jo anak. Anak-anak ka bi malawan kabake mandehnyo, sarato jo kabake apaknyo, sudah tu manya-rahkan inyo tu untuak ka dibunuah. 13Angkau ka dibanci-i dek kasadonyo urang, dek karano angkau pangikuik Ambo. Tapi, urang-urang nan layi ba-tahan sampai ka akienyo, mako, inyo ka disalamaikkan.” 14”Isuak angkau ka bi maliyek, ’Urang jahek nan mambawok binaso' inyo ka tagak di tampaik nan talarang. (Cataiktan untuak urang nan mambaco: Paratikanlah apo aratinyo!) Kutiko itu urang nan ado di Yudea musti bi lari ka pagunuangan. 15Urang nan sadang di ateh atok paranginan, janlah inyo tu-run ka bawah, untuak ma-ambiak sasu-atu ka dalam rumah. 16Urang nan sa-dang ado di parak, janlah inyo babaliak pulang untuak manjapuik jubahnyo. 17Baralah ka manakuikkannyo ma-so-maso nan bakcando itu, dek padusi nan sadang manganduang, sarato dek induak-induak nan sadang manyusu-kan paja! 18Badowalah, supayo saga-lo kajadian tu, jan tajadi di musin ujan. 19Isuak, di ari nan manakuikkan tu, ka tajadi maso-maso nan sulik, urang ka di-ajauk, jo ajauk nan padiah, nan alun panah lai tajadi, sajak dunia takam-bang, sarato indak ka tajadi lai sasudah itu. 20Santano Allah indak mampasing-kek maso nan manakuikkan tu, mako, indak surang juwo doh urang nan lai ka salamaik. Tapi, dek karano Allah ibo kabake umaik-Nyo, Allah mampasing-kek maso nan manakuikkan tu. 21Di kutiko itu, jikok ado urang nan bakato kabake angkau, ’Liyeklah ka-mari, Rajo Panyalamaik tu ado di si-ko!’ atau nan bakato, ’Liyeklah, Baliau ado di sinan tu!’ janlah picayo ka-bake urang-urang tu. 22Dek karano, panyalamaik-panyalamaik palasu, sa-rato jo nabi-nabi palasu, ka bi datang. Inyo tu ka bi mampaliyekkan tando-tando nan luwa biaso, sarato jo ka-aja-iban-ka-ajaiban, untuak ka mangicuah, jikok mungkin, umaik Allah pun ka dikicuahnyo pulo. 23Dek karano itu, bajago-jagolah! Sagalo sasuatu lah Am-bo agiah tawu kabake angkau, saba-lun kajadian tu bi tajadi.” 24”Sasudah maso nan sulik tu, mato-ari ka manjadi galok, nan bulan indak lai ka bacahayo. 25Bintang-bintang ka bi jatuah dari langik, nan panguwaso-panguwaso langik rayo ka bi kalibuik. 26Pado wakatu itu, Anak Manusia ka nampak, Inyo datang di dalam awan jo sagalo kuwaso-Nyo, sarato jo kamu-liyaan-Nyo. 27Inyo ka ma-utuih ma-lekaik-malekaik, untuak nan ka ma-ngumpuakan umaik piliahan-Nyo, dari ka-ampek pinjuru bumi, dari ujuang bumi ka ujuang langik.” 28”Ambiaklah palajaran dari batang ara. Jikok rantiang-rantiangnyo lah ma-ijau, sarato lah liyuak nampaknyo, sudah tu inyo muloi bi batuneh, mako, angkau lah bi tawu, baraso mu-sin paneh lah ampia ka tibo. 29Baitu pulo, jikok angkau lah bi maliyek sagalo kajadian-kajadian, nan lah Ambo agiah tawu tu, mako, angkau ka bi tawu, baraso wakatunyo lah sangaik dakek. 30Katawu-ilah! Kasadonyo ka-jadian tu ka tajadi, sabalun katurunan urang-urang nan iduik kiniko, bi mati kasadonyo. 31Langik jo bumi ka ilang lanyok, tapi, nan kato-kato Ambo ko ka tatauk kaka salamo-lamonyo.” 32”Biyapun baitu, indak surang ju-wo doh urang nan tawu, pabilo arinyo, atau pabilo jamnyo kajadian tu ka ta-jadi. Malekaik-malekaik nan di saru-go indak tawu, Anak pun indak tawu, hanyo Bapak sajolah nan tawu. 33Itu mangkonyo, angkau musti bajago-jago, sarato jo basegeh-segeh, dek karano angkau indak tawu pabilo wakatunyo. 34Ka-adaannyo, ibaraik urang nan ma-ninggakan rumahnyo, sudah tu, inyo payi ka tampaik nan jauah. Inyo ma-nyuruah palayan-palayannyo untuak ma-uruih rumahnyo, sarato mambari tugeh kabake satiyok palayannyo tu. Kabake panjago pintu inyo bapasan, su-payo manjago pintu elok-elok. 35Mako samustinyolah angkau bajago-jago, dek karano angkau indak tawu, pabilo wa-katunyo urang nan punyo rumah tu ka pulang mungkin di sanjo ari, mung-kin di tangah malam, mungkin di wa-katu subuah, atau mungkin di waka-tu matoari tabik. 36Jikok inyo tibo di wakatu nan indak disangko-sangko, janlah sampai inyo mandapati ang-kau sadang talalok. 37Apo nan Ambo katokan kabake angkau, Ambo kato-kan pulo kabake sadonyo urang: dek karano itu, bajago-jagolah!”

will be added

X\