MARKUS 12

1Kamudian, Isa Almasih muloi mangecek jo parumpamoan, kabake imam-imam kapalo, sarato ka guru-guru ugamo, sarato jo pamimpin-pamimpin Yahudi tu. Isa Almasih ba-kato, ”Adolah surang urang nan mana-nami satumpak parak anggur, sarato mamasang paga di sakuliliang parak tu. Sasudah tu, inyo manggali lubang untuak tampaik marameh anggur, su-dah tu, inyo managakkan pulo gulang-gulang tampaik manjago. Kamudian, inyo mampasaduwokan parak tu ka-bake babarapo urang pakarajo, su-dah tu, inyo barangkek ka nagari la-in. 2Kutiko lah tibo masonyo musin ma-ambiak buwah anggur, urang tu manyuruah surang pisuruahnyo, pa-yi kabake urang-urang nan bakarajo di parak tu, untuak mamintak bagi-annyo. 3Tapi, urang-urang nan ba-karajo di parak tu, manangkok pisu-ruah tu. Kamudian mananganinyo, sudah tu, manyuruah inyo babaliak pulang, indak mambawok sabuwah alah juwo. 4Sudah tu, nan punyo pa-rak tu manyuruah pulo surang pisu-ruahnyo nan lain. Tapi, urang-urang nan bakarajo tu, manokok kapalo pisuruah tu, sudah tu inyo usie, inyo ca-cek, sarato inyo kato-kato-i pisuruah tu. 5Nan punyo parak tu manyuruah pulo, surang lai pisuruahnyo nan lain. Tapi, dek urang-urang nan bakarajo di parak tu, inyo bunuah pisuruah tu. Bakcando itulah sataruihnyo, nan di-pabuwek dek urang-urang nan baka-rajo tu, kabake banyak pisuruah nan lain: ado nan dilakak-inyo, ado pu-lo nan dibunuahnyo. 6Siya lai kiniko nan ka dapek disuruah dek nan pu-nyo parak tu? Hanyo ado tingga su-rang lai, iyolah, anaknyo sandiri nan sangaik inyo kasiahi. Akienyo, inyo manyuruah anaknyo tu payi kabake urang-urang nan bakarajo tu. Manu-ruik pikierannyo, ’Anak ambo ko, lah musti di aromaik-i dek urang-urang tu.’ 7Tapi, urang-urang nan bakarajo tu, bi bakato sasamo inyo, ’Iko nan tibo ko, suwarihnyo bana komah. Molah kito bunuah anaknyo ko, supayo kito mandapek pusakonyo!’ 8Mako, anak tu ditangkok, sudah tu dibunuah. Ma-yiknyo dicampakkan dek urang-urang tu kaluwa dari parak tu.” 9Sudah tu, Isa Almasih batanyo, ”Apo lai nan ka dipabuwek dek nan punyo parak tu? Lah musti inyo ka datang untuak ka mambunuah urang-urang nan bakarajo tu, sudah tu, inyo ma-nyarahkan paraknyo tu kabake urang nan lain. 10Angku-angku tantu lah mambaco ayaik nan bakcando iko, nan tatulih di Alkitauk, ’Batu nan indak tapakai dek urang tukang, lah manjadi batu sandi nan tarutamu. 11Iko adolah pabuatan Tuhan; baralah ka rancaknyo!’ ” 12Mako, pamimpin-pamimpin ban-so Yahudi nan bi mandangakan pa-rumpamoan tu, bi ba-usawo nak ka manangkok Isa Almasih, dek karano inyo tu bi tawu, baraso parumpamo-an tu ditujukan dek Isa Almasih ka-bake inyo tu. Tapi, inyo tu bi takuik kabake urang nan banyak. Dek kara-no itu, inyo tu bi payi maninggakan Isa Almasih. 13Babarapo urang Farisi, sarato jo babarapo urang anggota Herodes, di-suruah bi payi manjarek Isa Almasih, jo sagalo macam parkaro nan dita-nyokan. 14Inyo tu bi tibo kabake Isa Almasih, sarato jo bakato, ”Angku Gu-ru, kami tawu baraso Angku adolah urang nan luruih, sarato indak tapa-ngaruah jo pandapek siapo pun juwo. Angku ma-aja jo sacaro taruih tarang, tantang apo nan katuju dek Allah, nan musti dikarajokan dek manusia, dek karano Angku indak mamandang ka urang. Dek karano itu, cubolah Angku katokan kabake kami, ’Manuruik para-tuaran ugamo kito, layi buliahkoh ki-to mambayie pajak kabake Kaisar atau indak? Mustikoh kito mambayie pajak tu, atau indak?' ” 15Isa Almasih mangatawui kamuna-piak-an urang-urang tu. Dek karano itu, Baliau manjawauk, ”Apo sabauk-nyo mangko angku-angku nak man-jarek Ambo jo tanyo nan bakcando itu? Cubolah paliyekkan kabake Ambo agak ciyek pitih perak tu.” 16Mako, inyo tu mambarikan ciyek pitih perak kabake Baliau. Sudah tu, Isa Almasih batanyo, ”Gambar siya ko, sarato jo namo siya ko nan ado dipitih ko?” Inyo tu bi manjawauk, ”Gambar Kaisar sarato jo namo Kaisar.” 17Sudah tu, Isa Almasih bakato kabake inyo tu, ”Jikok baitu, bari-kanlah kabake Kaisar apo nan man-jadi miliak Kaisar, sarato barikan-lah kabake Allah, apo nan musti manjadi miliak Allah.” Inyo tu bi tacangang, dek mandanga jawauk Baliau tu. 18Babarapo urang dari golong-an urang Saduki, bi tibo kabake Isa Almasih. (Inyo tu adolah golongan urang nan bapandapek, baraso urang nan mati, indak ka ba-iduikkan doh baliak.) 19Inyo tu bi bakato kabake Isa Almasih, ”Angku Guru, Musa lah manulihkan paratuaran nan bakcan-do iko untuak kito: ’Jikok ado surang laki-laki nan mati, tapi, inyo indak punyo anak, mako karek-annyo mus-ti mampabini jandonyo tu, supayo bu-liah mambari katurunan, untuak urang nan lah mati tu.’ 20Ado tajadi, tujuah urang laki-laki nan badunsanak. Nan paliang tuwo babini, sudah tu inyo mati sabalun punyo anak. 21Kamu-dian, adiaknyo nan kaduwo mampa-bini jandonyo tu, tapi, adiaknyo tu mati pulo sabalun punyo anak. Kaja-dian nan bakcando iko tajadi pulo di adiaknyo nan katigo, 22sarato baitu-lah sataruihnyo sampai ka adiaknyo nan katujuah. Akienyo padusi tu pun maningga pulo. 23Isuak, di ari urang mati ba-iduikkan baliak, manjadi bini siya urang padusi tu? Dek karano, ka-tujuah-tujuahnyo laki-laki nan badun-sanak tu, lah mampabini inyo!” 24Isa Almasih manjawauk, ”Angku-angku iyo lah sabana bi kaliru. Sabauk angkau indak bi mangarati isi Alkitauk, atau pun kuwaso Allah. 25Isuak, jikok urang-urang nan mati di iduikkan ba-liak, mako, inyo tu indak ka bi bala-ki bini lai, tapi, inyo tu ka iduik bak-cando malekaik nan di sarugo. 26Alun adokoh angku-angku mambaco ayaik Alkitauk, di kitauk Musa nan manga-tokan, baraso urang-urang nan ma-ti di-iduikkan baliak, sarato jo tan-tang samak baduri nan ba-api nyalo tu? Di ayaik-ayaik tu tatulih, baraso Allah bakato kabake Musa, ’Aden-lah Allah Ibrahim, Allah Ishak, Allah Ya-kub.’ 27Allah tu, indak Allah urang nan mati doh. Baliau adolah Allah urang nan iduik. Angku-angku, iyo lah sa-bana-bana bi kaliru!” 28Sudah tu, tibo pulolah surang gu-ru ugamo Yahudi, sato pulo manda-ngakan, apo nan dipabincangkan dek Isa Almasih jo urang-urang Saduki tu. Guru ugamo tu lah mandanga, bara-so Isa Almasih lah manjawauk tanyo urang-urang tu jo sacaro nan tapek. Mako, inyo batanyo pulo kabake Isa Almasih, ”Nama parentah nan paliang pantiang, di ateh sagalo parentah?” 29Isa Almasih manjawauk, ”Paren-tah nan partamu iyolah: ’Dangakan-lah, oih banso Israel! Tuhan Allah kito tu, adolah Tuhan nan indak babilang. 30Kasiahilah Tuhan Allah angkau tu, jo sapanuah ati angkau, jo sapanuah jiwa angkau, jo kasadonyo aka pikie-ran angkau, sarato jo sagalo kakuat-an angkau.’ 31Parentah nan kaduwo iyolah: ’Kasiahilah sasamo manusia, bakcando angkau mangasiahi diri ang-kau sandiri.’ Indak ado lai parentah nan lain, nan labiah pantiang daripa-do parentah nan duwo ko.” 32Sudah tu, guru ugamo tu bakato kabake Isa Almasih, ”Tapek bana tu Angku Guru! Batua tu sagalo nan Ang-ku katokan tu: Tuhan-lah Allah nan indak babilang, indak ado lai Allah nan lain. 33Nan manusia, musti ma-ngasiahi Allah jo sapanuah atinyo, jo kasadonyo aka pikierannyo, sarato jo sagalo kakuatannyo. Inyo musti pulo mangasiahi sasamo manusia, samo jo bakcando inyo mangasiahi dirinyo sandiri. Itu labiah ba-arago di mato Tuhan, daripado mampasambahkan karoban nan babaka, atau pun karo-ban-karoban nan lainnyo.” 34Isa Almasih lah mandangakan, ba-raso guru ugamo Yahudi tu lah manja-wauk sabana tapek. Isa Almasih bakato kabake guru ugamo tu, ”Angku lah am-pia mandakek ko, ka Karajaan Allah.” Sasudah tu, indak surang juwo lai urang nan barani batanyo kabake Isa Almasih. 35Samantaro ma-aja di Baithullah, Isa Almasih batanyo, ”Baa mangko guru-guru ugamo bi mangatokan, ba-raso Rajo Panyalamaik tu katurun-an Daud? 36Padohal Daud sandiri, — dek karano dibisiak-i dek Roh Allah, — inyo mangatokan, ’Tuhan bakato kabake Tuhan ambo: duduaklah di sabalah suwok-Den sampai Den jadikan musuah-musuah Angkau tunduak kabake Angkau.’ 37Jadi, jikok Daud mangatokan Rajo Panyalamaik tu, ’Tuhan', dima pulo ka mungkin Inyo tu katurunan Daud?” Urang banyak nan ado di Baithullah tu, sangaik sukonyo mandangakan Isa Almasih ma-aja. 38Baliau bakato ka-bake urang-urang tu, ”Ingek-ingek-lah taradok ka guru-guru ugamo Ya-hudi. Inyo tu suko bajalan mamakai jubah nan panjang, suko di aromaik-i di pasa-pasa. 39Inyo tu suko duduak di tampaik nan ta-aromaik di rumah ibadaik, baitu pulo di tampaik urang baralek. 40Inyo kicuah urang-urang marando, sudah tu, rumahnyo di am-biak pulo. Untuak panyawok-i karajo buruaknyo tu, inyo bae badowa sapan-jang tali baruak. Isuak inyo ka mana-rimo ukunan nan barek!” 41Kutiko Isa Almasih duduak baka-tantangan, jo kotak pitih pasambahan di Baithulmukadis, Isa Almasih mam-paratikan urang-urang nan mamasuak-kan pitih ka kotak tu. Banyak urang-urang nan kayo, nan bi mamasuakkan banyak pitih ka kotak tu; 42dalam pa-do itu, tibo pulolah surang urang ma-rando nan bansaik. Inyo mamasuakkan duwo buwah pitih timbago, iyolah pitih badarai nan paliang ketek aragonyo. 43Mako Isa Almasih ma-imbau pangi-kuik-pangikuik-Nyo, sudah tu, Baliau bakato, ”Paratikanlah ko: Urang ma-rando nan bansaik tu, labiah banyak mamasuakkan pitih ka kotak pitih pa-sambahan, daripado nan dimasuak-kan dek kasadonyo urang-urang nan lain ko. 44Dek karano, urang-urang nan lainnyo ko mambarikan dari ka-labiahan aratonyo. Tapi, urang maran-do tu, biyapun inyo sangaik bansaik, inyo mambarikan kasadonyo apo nan ado dek inyo — malah inyo barikan apo nan diparalukannyo untuak panyam-buang iduik.”

will be added

X\