MARKUS 11

1Kutiko lah dakek ka Yerusalem, urang-urang tu lah sampai di kota Betfage, sarato jo kota Betania, nan talatak di lereng Bukik Zaitun. Ti-bo di sinan tu, Isa Almasih ma-utuih duwo urang pangikuik-Nyo, supayo bajalan labiah dulu. 2Isa Almasih ba-kato kabake inyo tu, ”Payilah ka kam-puang nan di adok-an tu. Baitu ang-kau masuak di kampuang tu, angkau ka manampak sikua anak kaladai sa-dang tapauik, kaladai tu alun panah lai diracak urang. Bukaklah pauiktan-nyo, sudah tu bawoklah kamari. 3Jikok ado urang nan batanyo kabake angkau, baa mangko angkau bawok kaladai tu, mako, katokanlah kabake inyo, ’Tuhan nan mamaralukannyo, baiko Baliau an-takan baliak sacapeknyo.’ ” 4Mako, payilah kaduwo urang pa-ngikuik Isa Almasih tu, manjapuik ka-ladai tu, sarato inyo dapek-i kaladai tu sadang tapauik di pintu rumah urang, di tapi jalan. Mako, inyo tu mambawok kaladai tu. 5Urang-urang nan tagak di sinan tu, bi batanyo kabake inyo tu, ”Apo mukasuiknyo, mangko angkau bukak pauiktan kaladai tu?” 6Inyo tu bi manjawauk, bakcando ja-wauk nan lah di-ajakan dek Isa Almasih cako. Mako, urang-urang tu mampadi-yakan sajo inyo mambawok kaladai tu. 7Kutiko lah tibo di tampaik Isa Almasih, mako, inyo tu bi ma-alehi pungguang kaladai tu jo jubahnyo, sudah tu, Isa Almasih nayiak ka pungguang kaladai tu. 8Sambuah urang nan bi mamban-tangkan jubahnyo di tangah jalan, ado pulo nan bi manyerakkan rantiang-rantiang kayu, nan inyo ambiak-i dari parak. 9Urang-urang nan bi bajalan di muko, sarato jo urang-urang nan ma-iriangkan di balakang, kasadonyo bi manyorakkan, ”Pujilah Allah! Dibara-kaik-ilah Baliau nan datang ateh namo Tuhan! 10Tanang santosolah pamaren-tahan Baliau di ari nan ka tibo--- pa-marentahan Daud niniak muyang kito! Pujilah Allah Nan Mahatenggi!” 11Akienyo sampailah Isa Almasih di Yerusalem, Baliau masuak ka Baithul-mukadis. Tibo di dalam Baliau mam-paratikan nan di sakuliliang-Nyo. Ta-pi, dek karano ari lah ampia kalam, mako, barangkek sajolah Baliau ka Betania, samo-samo jo kaduwo baleh urang pangikuik-Nyo. 12Bisuak arinyo, kutiko Isa Almasih jo pangikuik-Nyo sadang bajalan kalu-wa dari Betania, Isa Almasih maraso li-tak paruik-Nyo. 13Dari jauah, Baliau lah manampak sabatang kayu ara nan rim-bun daunnyo. Baliau payi mandakek ka batang kayu ara tu, untuak maliyek kok layi ado buwahnyo. Tapi, kutiko Baliau tibo di rumpunnyo, indak ciyek juwo doh buwahnyo nan nampak dek Baliau, salain dari daunnyo sajo, dek karano ku-tiko tu alun tibo lai musin buwah ara. 14Mako, Isa Almasih bakato kabake ba-tang kayu ara tu, ”Sajak muloi kiniko, indak ka surang juwo lai urang, nan ka dapek mamakan buwah angkau ko!” Pangikuik-pangikuik Isa Almasih bi mandanga kato-kato Baliau tu. 15Kamudian, sampailah Isa Almasih sarato jo pangikuik-Nyo di Yerusalem, nan Isa Almasih payi baliak ka Baithul-mukadis. Tibo di sinan, Baliau usie ka-sadonyo urang nan bi manggaleh di tampaik tu. Baliau tunggang baliakkan meja urang nan tukang tuka-i pitih, sa-rato jo bangku-bangku urang nan man-juwa buruang parapati. 16Indak surang juwo doh urang nan dibuliahkan dek Baliau, mambawok sagalo sasuatu ma-lalui alaman Baithulmukadis. 17Kamu-dian, Isa Almasih mambari pangajaran kabake urang-urang nan di sinan tu. Baliau bakato, ”Di Alkitauk ado tatu-lih nan bakcando iko: Allah mangato-kan, ’Baithulmukadis ka dinamokan tampaik badowa untuak sagalo ban-so.’ Tapi, dek angku-angku bajadikan tampaik sarang panyamun!” 18Imam-imam kapalo, sarato jo gu-ru-guru ugamo Yahudi, bi mandanga apo nan dikatokan dek Isa Almasih tu. Mako, inyo tu muloi bi mancari aka, untuak ka mambunuah Isa Almasih. Sabananyo, inyo tu bi takuik kabake Baliau, dek karano kasadonyo urang bi sagan kabake Baliau, sarato ma-aragowi pangajaran Baliau. 19Manjalang malam, Isa Almasih sarato jo pangikuik-Nyo, bi barang-kek dari kota Yerusalem. 20Subuah-subuah bisuak arinyo, ku-tiko inyo tu bi lalu di dakek batang ara, nan lah dikutuak dek Isa Almasih tu, mako, inyo tu bi maliyek, batang ara tu lah mati kakeh sampai ka urek-ureknyo 21Mako, takanalah dek Petrus kajadian sa-ari sabalunnyo. Sudah tu, Petrus ba-kato kabake Isa Almasih, ”Angku Gu-ru, liyeklah dek Angku! Batang ara nan Angku kutuak tu lah mati!” 22Mako, Isa Almasih bakato, ”Picayo-lah kabake Allah. 23Sabananyo, angkau pun bisa pulo bakato kabake bukik ko, ’Oih bukik, tabokeklah angkau, sarato malompeklah masuak lauik!’ mako, apo nan angkau katokan tu, ka tajadi; asakan angkau indak ragu-ragu, sarato angkau layi picayo, baraso nan angkau katokan tu, sabana-bana ka tajadi. 24Dek karano itu, kana-ilah apo nan Ambo katokan ko: Jikok angkau badowa, sarato mamintak sasuatu, mako, andaklah angkau picayo di ati angkau, baraso Allah lah mambari-kan kabake angkau, apo nan angkau pin-tak tu, mako, angkau ka mandapekkan-nyo. 25Jikok angkau badowa, tapi, ado raso nan indak lamak di ati angkau ka-bake surang urang, mako, andaklah ang-kau mamaohkan urang tu talabiah dulu, supayo Bapak angkau nan di sarugo, ma-ampuni pulo doso-doso angkau. [ 26Jikok angkau indak mamaohkan urang, mako, Bapak angkau nan di sarugo, indak pulo doh ka ma-ampuni doso angkau.]" 27Isa Almasih sarato jo pangikuik-Nyo, bi babaliak baliak ka Yerusalem. Kutiko Isa Almasih sadang bajalan ba-kuliliang di dalam Baithulmukadis, mako, bi tibolah kabake Baliau, imam-imam kapalo, guru-guru ugamo, sa-rato jo pamimpin-pamimpin Yahudi. 28Inyo tu bi batanyo, ”Jo kuwaso apo Angkau mampabuwek sagalo sasuatu-nyo ko? Siya nan mambari hak tu ka-bake Angkau?” 29Isa Almasih manjawauk, ”Ambo iyo ka batanyo pulo kabake angku-angku. Jawauklah dulu tanyo Ambo ko, sudah tu, Ambo ka mangatokan pulo kabake angku-angku, jo kuwaso siya Ambo mampabuwek sagalo sasu-atunyo tu. 30Yahya mampamandikan urang, jo hak siya, jo hak Allah, atau jo hak manusia?” 31Sasudah mandanga tanyo dari Isa Almasih tu, imam-imam kapalo, sarato jo pamimpin-pamimpin Yahudi, muloi bi barundiang sasamo inyo. Inyo tu bi mangatokan, ”Jikok kito katokan, ’Jo hak Allah.’ baiko si Isa tu ka manja-wauk, ’Baa mangko angku-angku in-dak bi picayo kabake Yahya?' 32Tapi bedo pulo, jikok kito katokan, ’Jo hak manusia.’ ” Sabauk inyo tu bi takuik kabake urang nan banyak, dek kara-no, kasadonyo urang ma-anggauk, ba-raso Yahya adolah surang nabi. 33Jadi akienyo, inyo tu bi manjawauk, ”In-dak tantu doh di kami.” Sudah tu, Isa Almasih bakato kabake inyo tu, ”Jikok baitu, Ambo indak ni-yo pulo doh mangatokan kabake ang-ku-angku, jo hak siya Ambo mampa-buwek sagalo sasuatunyo ko.”

will be added

X\