MARKUS 10

1Kamudian, Isa Almasih barang-kek dari tampaik tu, sarato pa-yi ka daerah Yudea, sarato jo daerah di subarang Sungai Yordan. Sambuah urang bi tibo baliak, nan bi ba-uruang di sakuliliang Isa Almasih. Bakcando nan biaso, Isa Almasih mambarikan pangajaran kabake urang-urang tu. 2Babarapo urang Farisi bi tibo pulo, ba-mukasuik nak ka manjarek Isa Almasih jo kato-kato. Inyo tu bi batanyo, ”Manuruik atuaran ugamo kito, layi buliahkoh urang mancaraikan bininyo?” 3Isa Almasih manjawauk, ”Apo atua-ran nan lah di-ajakan dek Musa kaba-ke angkau?” 4Inyo tu bi manjawauk ”Musa layi mam-buliahkan urang balaki bini bacarai, asakan layi mambuwek surek carai talabiah dulu.” 5Isa Almasih bakato kabake inyo tu, ”Mangkonyo Musa manulihkan atuaran nan bakcando itu, dek karano angkau saba-na sulik untuak di-aja. 6Tapi, sajak samulo-nyo, di kutiko Allah manjadikan manusia, lah dikatokan baraso, ’Allah manjadikan manusia, laki-laki sarato jo padusi. 7Itu sa-bauknyo, mangko laki-laki payi maning-gakan urang gaeknyo, untuak basatu jo bininyo, 8mako, kaduwonyo lah manjadi satu.’ Jadi, inyo tu indak duwo urang lai, tapi, lah manjadi satu. 9Itu sabauknyo, apo nan lah dipasatukan dek Allah, indak buliah doh dicaraikan dek manusia!” 10Sasudah inyo tu bi masuak ka ru-mah, pangikuik-pangikuik Isa Almasih bi batanyo kabake Baliau, tantang parka-ro itu. 11IsaAlmasih bakato, kabake inyo tu, ”Siya urang nan mancaraikan bini-nyo, sudah tu inyo babini ka padusi nan lain, mako, urang tu samo tu jo bajina jo urang padusi tu. 12Baitu pulo, jikok pa-dusi nan maninggakan lakinyo, sudah tu, inyo balaki jo laki-laki nan lain, mako, inyo samo jo bajina tu jo laki-laki tu.” 13Ado urang nan bi mambawok-i anak-anak ketek kabake Isa Almasih, supayo Baliau ma-awai, sarato jo mam-barakaik-i anak-anak tu. Tapi, pangi-kuik-pangikuik Isa Almasih mamba-ngihi urang-urang tu. 14Dek maliyek nan baitu, Isa Almasih bangih pulo, sa-rato Baliau bakato kabake pangikuik-Nyo, ”Padiyakan sajolah anak-anak tu bi datang kabake Ambo! Jan ditagah pulo inyo tu, dek karano, urang-urang nan bakcando ikolah nan ka jadi pa-miliak Karajaan Allah. 15Kana-ilah apo nan Ambo katokan ko! Siya nan datang mangadauk kabake Allah, ta-pi, atinyo indak bakcando ati anak ke-tek, mako, inyo indak ka dapek doh masuak Karajaan Allah.” 16Sasudah mangatokan nan bakcando itu, Isa Almasih mamaguik anak-anak tu, ka-mudian, Baliau malatakkan tangan-Nyo ka satiyok anak-anak tu, untuak mambarakaik-i inyo tu. 17Kutiko Isa Almasih manaruihkan pajalanan-Nyo, ado urang nan tibo ba-lari-lari mangaja-i Isa Almasih. Urang tu sujuik di adok-an Isa Almasih, sara-to jo batanyo, ”Angku Guru nan elok, apo nan musti ka ambo karajokan, su-payo ambo buliah mandapek iduik sa-jati nan kaka?” 18Isa Almasih bakato, ”Baa mang-ko angkau katokan Ambo elok? In-dak ado doh nan elok, salain daripa-do Allah sandiri. 19Angkau kan lah tawu, jo sagalo parentah Allah, ’Jan mambunuah, jan bajina, jan mancilok, jan bakato duto, jan mangicuah, aro-maik-ilah apak jo mandeh.’ ” 20Urang tu bakato, ”Angku Guru, ka-sadonyo parentah tu, lah ambo karajo-kan sajak dari maso mudo ambo.” 21Isa Almasih mancaliak kabake urang tu, sarato maraso ibo, mako, Baliau bakato, ”Ado ciyek lai nan pa-ralu angkau karajokan. Payilah juwa kasadonyo arato angkau tu; sudah tu, barikan pitihnyo kabake urang-urang nan bansaik, isuak angkau ka manda-pek arato di sarugo. Sasudah tu da-tanglah kamari, turuikkanlah Ambo.” 22Dek mandanga Isa Almasih bakato bakcando itu, urang tu indak lamak atinyo, sudah tu, inyo barangkek da-ri tampaik tu, jo ati nan rusuah, dek karano, aratonyo sambuah. 23Mako, Isa Almasih mancaliak ka-bake pangikuik-pangikuik-Nyo, sudah tu, Baliau bakato kabake inyo tu, ”Sa-bana sulik dek urang nan kayo, untuak masuak Karajaan Allah!” 24pangikuik-pangikuik Baliau bi ta-cangang, dek mandangakan kato-ka-to Isa Almasih tu. Tapi, Isa Almasih bakato pulo, ”Oih anak-anak Ambo, iyo sabana sulik untuak masuak Ka-rajaan Allah! 25Labiah mudah lai un-to masuak lubang pinjayik, daripado urang kayo masuak Karajaan Allah.” 26Kato-kato Isa Almasih tu, mam-buwek pangikuik-Nyo batambah ta-cangang, sainggo inyo tu bi batanyo sasamo inyo, ”Jikok baitu, siya urang nan lai ka dapek salamaik?” 27Isa Almasih mancaliak kabake pa-ngikuik-Nyo tu, sarato jo bakato, ”Kok di manusia itu mustayie, tapi, dek Allah indak ado doh nan mustayie; sagalo sasuatu mungkin dek Allah.” 28Sudah tu, Petrus bakato, ”Liyek-lah kami ko Ngku, kami lah maning-gakan sagalo-galonyo, dek karano nak ka manuruikkan Angku.” 29Isa Almasih bakato, ”Picayolah jo kecek Ambo: urang nan lah bi maning-gakan rumah tanggonyo, atau dunsa-naknyo nan laki-laki, atau dunsanak-nyo nan padusi, atau mandehnyo, atau apaknyo, atau anak-anaknyo, atau pun paraknyo, dek karano inyo manuruik-kan Ambo, sarato dek karano di Injil nan dari Allah, 30mako, urang tu di kutiko nan kiniko juwo, inyo ka ma-narimo nan labiah banyak. Inyo ka mandapek saratuih kali lipek, rumah, dunsanak laki-laki, dunsanak padusi, mandeh, anak-anak, parak, biyapun disaratoi pulo dek kasansaroan. Isuak di jaman nan ka tibo, inyo ka manari-mo iduik sajati nan kaka. 31Tapi, ba-nyak pulo ka tajadi, urang nan kini-ko inyo nan tadawulu, bisa sajo isuak inyo ka manjadi urang nan takudian, baitu pulo sabaliaknyo, sambuah pulo urang nan kiniko inyo nan takudian, bisa sajo isuak inyo ka manjadi urang nan tadawulu.” 32Isa Almasih sarato jo pangikuik-pangikuik-Nyo, sadang dalam pajalan-an ka Yerusalem. Isa Almasih bajalan paliang di muko, pangikuik-pangi-kuik-Nyo bi cameh kasadonyo. Urang-urang nan ma-iriangkan-Nyo maraso takuik pulo. Kamudian, Isa Almasih ma-imbau pangikuik-pangikuik-Nyo pulo baliak, jo sacaro nan tasandiri, Baliau ma-agiah tawu kabake pangi-kuik-Nyo, apo nan ka tajadi kamudi-an taradok diri Baliau. 33Isa Almasih bakato, ”Dangakanlah kecek Ambo ko, kito kiniko sadang manuju ka Yerusa-lem. Tibo di sinan, Anak Manusia ka disarahkan kabake imam-imam kapa-lo, sarato jo kabake guru-guru ugamo Yahudi. Inyo ka di ukun mati, kamu-dian, disarahkan kabake urang-urang nan indak ba Tuhan Allah. 34Urang-urang tu, ka bi mampa-ulah-ulahkan Inyo, Inyo ka diliyua-i, Inyo ka dita-ngani, sudah tu, Inyo ka disalibkan. Tapi, di ari nan katigo Inyo ka iduik baliak, kaluwa dari kubua.” 35Sudah tu, Yakobus sarato jo Yah-ya, iyolah anak-anak Zebedeus, bi tibo kabake Isa Almasih, sarato bi bakato, ”Angku Guru, ado sasuatu nan ka ka-mi mintak kabake Angku, kok dapek Angku barikanlah untuak kami.” 36Isa Almasih batanyo, ”Apo tu nan angkau mintak, supayo Ambo barikan untuak angkau?” 37Inyo tu bi manjawauk, ”Jikok isuak Angku lah duduak di ateh kurisi ka-muliyaan, nan kami niyo duduak di dakek Angku, surang di sabalah su-wok Angku, nan surang lai di saba-lah kida Angku.” 38Isa Almasih bakato kabake inyo tu, ”Indak bi tantu doh ko dek ang-kau, apo nan bamintak. Layi talokkoh dek angkau, maminun isi cawan san-saro, nan ka Ambo minun, sarato la-yi talok masuak ka kancah sansaro, nan ka Ambo masuak-i?” 39Inyo tu bi manjawauk, ”Layi Ngku.” Mako Isa Almasih bakato pulo kaba-ke inyo tu, ”Batua, angkau ka bi ma-minun pulo isi cawan sansaro nan ka Ambo minun, sarato ka bi masuak pulo ka dalam kancah sansaro nan ka Am-bo masuak-i. 40Tapi, tantang parka-ro siya nan ka duduak di sabalah su-wok, atau nan di sabalah kida Ambo, itu indak Ambo doh nan ka manan-tukannyo. Tapi, Allah-lah nan ka ma-nantukan, kok siya-siyanyo nan ka du-duak di sabalah Ambo tu.” 41Kutiko kasapuluah urang pangi-kuik Isa Almasih nan lain, bi mandanga kajadian tu, inyo tu bi bangih kabake Yakobus, sarato Yahya. 42Akienyo Isa Almasih ma-imbau kasadonyo pangi-kuik-Nyo, sudah tu, Baliau bakato, ”Ang-kau kan bi tawu, baraso pamimpin-pamimpin banso nan indak ba Tuhan Allah, bi ma-ajauk rakyaiknyo. Nan pa-gawai-pagawai di nagari tu, bi suko pu-lo mamaso rakyaik. 43Tapi, nan angkau indak buliah doh bakcando itu! Malah musti sabaliaknyo, urang nan niyo nak manjadi urang nan takamuko di antaro angkau, inyo musti jadi palayan ang-kau. 44Baitu pulo, urang nan niyo nak manjadi urang nan partamu, di antaro angkau, mako, inyo musti jadi pisuruah dek angkau kasadonyo. 45Dek karano, Anak Manusia datang indak untuak di-layani doh. Tapi, Inyo datang untuak malayani, sarato untuak manyarah-kan nyawo-Nyo, untuak malapehkan banyak urang dari doso.” 46Mako, sampailah Isa Almasih sa-rato jo pangikuik-Nyo di kota Yerikho. Kutiko inyo tu, sarato jo urang nan ba-nyak, bi barangkek dari kota tu, ado surang urang buto nan sadang mintak sidakah, duduak di tapi jalan. Namonyo Bartimeus, anak dek Timeus. 47Kuti-ko inyo mandanga, baraso nan sadang lalu tu adolah Isa Almasih urang Na-zaret, mako, inyo ba-imbau, ”Oih Isa Anak Daud! Ibo-ilah ambo ko!” 48Inyo dibangihi dek urang nan ba-nyak, sarato disuruah anok. Tapi, inyo malah ba-imbau labiah kareh daripa-do nan cako, ”Oih Anak Daud, ibo-ilah ambo ko!” 49Mako, Isa Almasih baranti baja-lan, sudah tu Baliau bakato, ”Payilah imbau inyo tu.” Mako, urang-urang tu payi ma-imbau urang nan buto tu. Urang-urang tu bi ba-kato kabake inyo, ”Anoklah lai! Angkau di-imbau dek Isa Almasih, tagaklah!” 50Urang buto tu mambaekan jubah-nyo, sudah tu inyo bagageh tagak, sa-rato payi ka adok-an Isa Almasih. 51Isa Almasih batanyo kabake inyo, ”Apo nan niyo nak angkau mintak, nan ka Ambo pabuwek untuak angkau?” Urang nan buto tu manjawauk, ”Ngku Guru, kok dapek mato ambo ko bisa untuak maliyek.” 52Isa Almasih bakato, ”Alah, pa-yilah lai, dek karano angkau picayo kabake Ambo, itu mangkonyo ang-kau cegak.” Di sakutiko tu juwo, mato urang bu-to tu bisa untuak maliyek. Mako, inyo lah sato pulo ma-iriangkan Isa Almasih di jalan.

will be added

X\